Author Moses Van

13/06/2026

#နေ့သစ်ခွန်အား
ယုံကြည်သူအားလုံးအတွက် ထပ်တူညီတဲ့
ဘုရားသခင်ရဲ့အလိုတော် အကြံအစည်က
သားတော်(ယေရှုခရစ်)နဲ့ တူဖို့ဖြစ်တယ်။

လောကီဘဝရှင်သန်မှုမှာတော့ မတူညီတဲ့
အဆင့်တန်းအနိမ့်အမြင့်၊ ဆင်းရဲချမ်းသာ၊
အတွေ့အကြုံမျိုးစုံနဲ့ မတူညီတဲ့ဘဝအလွှာ
အသီးသီးရှိနေကြမှာဖြစ်တယ်။ ဒါပေမယ့်
ဘယ်လိုဘဝမှာပဲရှိနေပါစေ။ ဘာပဲ လုပ်ပါ
စေ။ ဘာပဲဖြစ်နေပါစေ။ အသက်တာနဲ့ စိတ်
နေသဘောထားကတော့ ခရစ်တော်နဲ့တူလာ
ဖို့ပဲဖြစ်တယ်။ နောက်ဆုံးမှာတော့ ခန္ဓာ၊ စိတ်၊
ဝိညာဉ် သုံးပါးလုံး ထမြောက်တဲ့ဘုရားရဲ့သား
တော်တွေအဖြစ် သားတော်နဲ့လုံးလုံးတူကြမှာ
ဖြစ်ပါတယ်။

ဒါကြောင့် ဘယ်သူနဲ့ ပိုပိုပြီး တူလာသလဲဆို
တာသာ ကျနော်တို့ရဲ့ ဦးစားပေးဖြစ်ပါစေ။
သခင်ယေရှုနဲ့ တူမတူသာလျှင် မိမိကိုယ်ကို
တိုင်းတာမှုစံ ထားကြပါစို့လေ။

“ဘု​ရား​သ​ခင်၏​သား​တော်​သည် အ​များ​သော​
ညီ​တို့​တွင် သား​ဦး​ဖြစ်​တော်​မူ​မည်​အ​ကြောင်း၊
ဘု​ရား​သ​ခင်​သည် ရှေ့​မ​ဆွ​က​သိ​တော်​မူ​သော
သူ​တို့​ကို သား​တော်၏​ပုံ​သ​ဏ္ဌာန်​နှင့် တ​ညီ​တည်း​
ဖြစ်​စေ​ခြင်း​ငှာ ရှေ့​မ​ဆွ​က ခွဲ​ခန့်​မှတ်​သား​တော်​
မူ၏။-” (ရောမ‬ ‭8‬:‭29‬)

မေတ္တာဖြင့် Moses Van

10/06/2026

#နေ့သစ်ခွန်အား
အချို့သောကျရှုံးမှုတွေဟာ
ဘုရားသခင်ပြင်ဆင်ပေးတဲ့
အောင်မြင်ခြင်းကိုတက်လှမ်း
စေမယ့် လှေကားထစ်ဖြစ်နေ
တတ်တယ်။

ကိုယ့်ရှေ့မှာ တံခါးပိတ်သွား
တာမျိုးဟာ ဘုရားသခင်ဖွင့်
ပေးတဲ့ တံခါးကိုမြင်စေမယ့်
အလင်းဖြစ်တတ်တယ်။

အချို့ မျက်ရည်စက်တွေဟာ
ရွှင်လန်းခြင်းကို ခံစားစေမယ့်
အကူးအပြောင်းအဖြစ် ဘုရား
သခင်က ကောင်းကြီးပေးတယ်။

ဒါကြောင့် ယုံကြည်သူရဲ့အသက်
တာမှာ၊ အဆိုးအကောင်း၊ အနိမ့်
အမြင့်၊ အချိုအခါး ဘယ်အရာမဆို
ဝိညာဉ်အကျိုးဖို့ ကျနော်တို့ကိုပြုစု
ပေးတဲ့ လျှို့ဝှက်မင်္ဂလာတွေပါပဲ။

“ဘု​ရား​သ​ခင်​ကို ချစ်​သော​သူ​တည်း​
ဟူ​သော ကြံ​စည်​တော်​မူ​ခြင်း​အ​တိုင်း
ခေါ်​တော်​မူ​သော​သူ​တို့၏​အ​ကျိုး​ကို
ခပ်​သိမ်း​သော​အ​ရာ​တို့​သည် တ​ညီ​
တ​ညွတ်​တည်း ပြု​စု​ကြ​သည်​ကို
ငါ​တို့​သိ​ကြ၏။- (ရောမ‬ ‭8‬:‭28‬)

Moses Van

07/06/2026

06/06/2026

#နေ့သစ်ခွန်အား
ဘုရားသခင်က သက်သေထူပေးတဲ့ပုံ
ပုံစံ (၃)မျိုး ရှိတယ်။ အဲဒါတွေကတော့
အတွင်းသက်သေ၊ ဆုံးမခြင်းသက်သေ၊
ချီးမြှောက်ခြင်းသက်သေတွေဖြစ်တယ်။

အတွင်းသက်သေက ယုံကြည်သူတိုင်းမှာ
တူညီပါတယ်။ အထဲမှာရှင်းလင်းခြင်း၊ မိ
မိကိုယ်ကို ဘုရား၏သားဖြစ်ကြောင်း စိတ်
ကြည်လင်ခြင်းဖြစ်ပါတယ်။

ဆုံးမခြင်းကတော့ တစ်ဦးနဲ့တစ်ဦး မတူ
ညီနိုင်တော့ပါ။ တစ်ဦးချင်းစီရဲ့ အသက်
ရှင်မှုနဲ့ သက်ဆိုင်ပါတယ်။

ချီးမြှောက်ခြင်းမှာတော့ ၂ မျိုးရှိပြန်တယ်။
မြေကြီးပေါ်မှာချီးမြှောက်ခြင်းနဲ့ ထိုသခင်နဲ့
အတူစိုးစံရသောချီးမြှောက်ခြင်းဖြစ်ပါတယ်။
မြေကြီးပေါ်မှာ ခံစားရတဲ့ချီးမြှောက်ခြင်းတွေ
ကွာနိုင်ပါတယ်။ ဒါပေမယ့် တန်းဖိုးမကွာပါဘူး။
မြေကြီးပေါ်ဖြစ်ဖြစ် ကောင်းကင်ပေါ်ဖြစ်ဖြစ်၊
ဒီချီးမြှောက်ခြင်းကတော့ ကာလအချိန်တန်မှ
ဘုရားသခင်ဖက်က လုပ်ပေးတာဖြစ်တယ်။

ယုံကြည်သူတွေအားလုံး ခရစ်တော်နဲ့အတူတူ
တစ်နေ့ စိုးစံရမှာ မလွဲဧကန်ပါ။ ခရစ်တော်နဲ့
ဆုံတွေ့တဲ့အခါ ရှက်ကြောက်ရမယ့်၊ ဝမ်းနည်း
ငိုကြွေးရမယ့်၊ ပြင်အရပ်မှာရှိမယ့် ယုံကြည်သူ
တစ်ယောက်မှ မရှိပါဘူး။ ခရစ်တော်အတွက်
အသေခံတဲ့မာတုရတွေအတွက်ကတော့ အား
လုံးနဲ့မတူတဲ့ အရိုက်အရာတွေ ခံရဖို့ရှိတယ်။

ဒီသက်သေတွေဟာ ယုံကြည်သူအားလုံးအဖို့
ခရစ်တော်ယေရှုအားဖြင့် ရရှိခံစားကြရတာပါ။

Moses Van

05/06/2026

#နေ့သစ်ခွန်အား
သင်၏ရန်သူကို ချစ်လော့။ (မဿဲ ၅:၄၄)
ကျွန်တော်တို့ရဲ့ ရန်သူဆိုတာ ဘယ်သူလဲ?
ဘယ်လို ချစ်ရမှာလဲ? စာတန်၊ အသွေးအ
သားနဲ့ လောကတို့ဟာ ကျနော်တို့ရဲ့ဝိညာဉ်
ရေးရာရန်သူတွေဖြစ်တယ်။ ဒါတွေကို ချစ်
ခိုင်းတာလား? မဟုတ်ပါဘူး။
ကျွန်တော်တို့ရဲ့ရန်သူဆိုတာ ကျွန်တော်တို့
ဖက်ကနေ ရန်သူအဖြစ်မုန်းတီးတာမျိုးကို
ဆိုလိုတာမဟုတ်ပါဘူး။ ကျနော်တို့အပေါ်
ပြစ်မှားသူ၊ မတရားပြုသူတွေကို ပြောတာ
ဖြစ်တယ်။
သူတို့ကို ဘယ်လိုမျိုး ချစ်ရမလဲ? သူတို့ကို
ကျေးဇူးပြုရမယ်။ ဘယ်ချိန်မှာလဲဆိုတော့
သူတို့ ဆာလောင်ချိန်၊ သူတို့ရေငတ်ချိန်မှာ
အစာကျွေး / ရေတိုက်ရမယ်။ ပြီးတော့ ဆု
တောင်းပေးရမယ်။
ရန်သူကို ချစ်ခြင်း၊ အဆိုးကို အဆိုးနဲ့မတုံ့
ပြန်ဘဲ၊ အကောင်းအားဖြင့် အနိုင်ယူခြင်း
ဟာ ခရစ်ယာန်ယုံကြည်ခြင်းနဲ့ လက်တွေ့
ကျင့်သုံးမှုအတွက် ထူးခြားတဲ့အနှစ်သာရ
ဖြစ်ပါတယ်။

Moses Van

02/06/2026

#နေ့သစ်ခွန်အား

ကျွန်တော့်တို့ရဲ့ ဂုဏ်သတင်း၊ ဘွဲ့ဒီဂရီ၊
စည်းစိမ်နဲ့ အစွမ်းသတ္တိတွေ အားလုံးဟာ
ယာယီခဏသာဖြစ်ပြီး ထားခဲ့ရမှာပါ။ လူ
တွေက ခဏလေးတော့ မှတ်မိသလောက်
ပြောဆိုချီးကျူးကြပါလိမ့်မယ်။ ဒါပေမယ့်
မကြာခင်မေ့ပျောက်သွားကြပါလိမ့်မယ်။

ကျွန်တော်တို့အသက်ရှင်စဉ် လောကအရာ
ဘယ်လောက် ရရှိခဲ့သလဲဆိုတာထက်၊ ထာ
ဝရနဲ့ဆိုင်တဲ့ စစ်မှန်သောသမ္မာတရားမျိုးစေ့
မှန်ကို တကယ်စိုက်ပျိုးခဲ့ဖို့သာ အရေးကြီးလှ
ပါတယ်။ ကျွန်တော်တို့မရှိတော့တဲ့နောက်ပိုင်း
ကျနော်တို့နဲ့ ထိတွေ့ပတ်သက်ခဲ့ရတဲ့ သူတွေက
မှတ်မိသင့်တာက သမ္မာတရားကို နားလည်ခြင်း၊
ထိုတရား၌တည်ကြည်ခြင်းသာဖြစ်နိုင်ပါစေ။

ထို​မှ​တစ်​ပါး၊ ငါ​စု​တေ့​သည်​နောက်၊ သင်​
တို့​သည် ဤ​အ​ရာ​များ​ကိုအ​စဉ်​မှတ်​မိ​စေ​
ခြင်း​ငှာ ငါ​ကြိုး​စား အား​ထုတ်​မည်
‭‭(၂ ရှင်ပေတရု‬ ‭1‬:‭15‬)

မေတ္တာဖြင့် Moses Van

29/05/2026

#နေ့သစ်ခွန်အား
ကျမ်းစာထဲမှ ဘုရားသခင်ရဲ့လူတွေဟာ
အောင်မြင်တဲ့ သန့်ရှင်းသူဖြစ်ကြတယ်။
ဒါပေမယ့် အားလုံး သူဌေးသူကြွယ်တွေ
မဟုတ်ကြသလို၊ အားလုံးဆင်းရဲနွမ်းပါး
နေကြတာလည်း မဟုတ်ဘူး။

သူတို့အားလုံး ရှင်ဘုရင်မဟုတ်ကြသလို၊
အားလုဲးက ကျွန်ဘဝလည်း မရောက်ကြ
ပါဘူး။

အချို့တွေက ကြီးမြတ်ပြီး၊ လောကသား
တွေကတောင် အားကျရလောက်တဲ့အထိ
လောကီစည်းစိမ်၊ ပညာပြည့်စုံကြပါတယ်။
ဒါပေမယ့် အချို့ကျတော့လည်း ချို့တဲ့ပြီး
နွမ်းပါးကြတယ်။ ဆင်းရဲဒုက္ခအမျိုးမျိုးကို
ခံရကြတယ်။

ဒါပေမယ့် သူတို့အားလုံး ဘုရားသခင်ရှေ့မှာ
အောင်မြင်သူအဖြစ် မှတ်တမ်းဝင်ကြတယ်။
ဘုရားသခင်ရှေ့မှာ အောင်မြင်ကြွယ်ဝနေတဲ့
ဘုရင်ကို ဆင်းရဲနွမ်းပါးတဲ့ ပရောက်ဖက်က
လာဆုံးမလို့ ရတယ်။ အခုခေတ်နဲ့တော့ ကွာ
ပါ့။

ယုံကြည်သူတွေရဲ့အောင်မြင်ခြင်းဆိုတာက
ဆင်းရဲနဲ့ ချမ်းသာ၊ သာမညနဲ့ ကျော်ကြားမှု၊
ရာထူး၊ အလုပ်၊ အဆင်ပြေခြင်း မပြေခြင်း၊
စတာတွေနဲ့ မတိုင်းတာပါဘူး။

ဘုရားသခင်ရဲ့ ခေါ်ခြင်း၊ ဘုရားသခင်ရဲ့
စေခိုင်းခြင်းအပေါ်မှာ ပြည့်စုံခြင်း ရှိ/မရှိနဲ့ပဲ
တိုင်းတာပါတယ်။

ဆင်းရဲချမ်းသာ ခွဲခြားဆက်ဆံတယ်ဆိုရင်
ဘုရားသခင်ရဲ့ လူတွေကို အားနာလှည့်ပါ။

Moses Van

27/05/2026

#နေ့သစ်ခွန်အား

ရှိမှ အရာရောက်မယ်။ ရောက်မှ ခံစားရမယ်။
ဘာရှိရမလဲဆိုတော့ !!!
၁- ယုံကြည်ခြင်း ရှိရမယ်။ အဲဒါမှ
၂- ဖြောင့်မတ်ရာသို့ ရောက်မယ်။ ပြီးမှသာလျှင်
၃- ဘုရားသခင်ရှေ့ငြိမ်သက်ခြင်းခံစားရမယ်။

ဘုရားသခင်ရှေ့သွားဖို့ဆိုရင် ဖြောင့်မတ်ရာသို့
အရင်ရောက်ဖို့ လိုအပ်တယ်။ ဖြောင့်မတ်ရာသို့
ရောက်ဖို့ဆိုတာ ယုံကြည်ခြင်းရှိဖို့ပဲ။ အဲဒီခံစားရ
တဲ့ငြိမ်သက်ခြင်းက စိတ်အေးလက်အေးဖြစ်နေ
တာမျိုးမဟုတ်ဘူး။ ဘုရားသခင်နဲ့ သင့်မြတ်ခြင်း
(သို့မဟုတ်) ဘုရားသခင်နဲ့တည့်သောသူဖြစ်သွား
ခြင်းဖြစ်ပါတယ်။ ဘုရားသခင်နဲ့တည့်ခြင်းထက်
ပိုကောင်းတာတစ်ခုမှ မရှိတော့ဘူး။

“ထို​ကြောင့်၊ ငါ​တို့​သည် ယုံ​ကြည်​ခြင်း​ရှိ၍
ဖြောင့်​မတ်​ရာ​သို့​ရောက်​လျှင်၊ ငါ​တို့ သ​ခင်​
ယေ​ရှု​ခ​ရစ်​အား​ဖြင့် ဘု​ရား​သ​ခင့်​ရှေ့​တော်၌
ငြိမ်​သက်​ခြင်း​ကို ခံ​စား​ကြ၏။ (ရောမ‬ ‭5‬:‭1‬)

Moses Van