ရူပါရုံ
ကယားဖူး နှစ်ခြင်းခရစ်ယာန် နယ်အသင်းတော်များအဖွဲ့ ၏ အန္တိမပန်းတိုင်မှာ ပြည်တွင်းပြည်ပရှိ ကယားအမျိုးသားများနှင့် အသင်းတော်များကို စုစည်း၍ တစ်ဦးနှင့်တစ်ဦး ပူးပေါင်းဆက်သွယ်ကာ ဥဿုံ သာသနာ့လုပ်ငန်းကို အတူတကွ ဆက်ကပ်အစေခံ ဆောင်ရွက်နိင်ရန် အတွက်ဖြစ်သည်။
တာဝန်
ကယားဖူး နှစ်ခြင်းခရစ်ယာန် နယ်အသင်းတော်များအဖွဲ့သည် ပြည်တွင်းပြည်ပရှိ အသင်းတော်များ နှင့် ပူးပေါင်းဆက်သွယ်ကာ ခရစ်တော်၏ သာသနာ့လုပ်ငန်း အတွက် အစေခံဆက်ကပ် လုပ်ဆောင်သော အသင်းအဖွဲ့ပင်ဖြစ်သည်။ ကမ္ဘာလူသားအားလုံး သခင်ယေရှုခရစ်တော် ကို သိရှိကာ ကယ်တင်ရှင်အဖြစ် လက်ခံယုံကြည်လာနိုင်ရမည်။ ကယားဖူး သာသနာနယ် အတွင်းရှိ အသင်းတော်များအားလုံး တစ်လုံးတစ်ဝတည်း ဖြစ်လာနိုင်ရန် နှင့် အသင်းတော်များ တိုးပွားများပြားလာစေရန် ဖြစ်သည်။ အသင်းတော်များအားလုံး ခန္ဓာ၊ စိတ်၊ ဝိညာဥ် ဘက်စုံ ရှင်သန်နှိုးကြားလာနိုင်ရေးအတွက် ဝတ်ပြုကိုးကွယ်ခြင်း၊ သင်ကြားပို့ချခြင်း၊ စာပေပုံနှိပ်ထုတ်ဝေခြင်း တို့အားဖြင့် ပြည်တွင်းပြည်ပရှိ နှစ်ခြင်းခရစ်ယာန် အသင်းတော်များ၊ ယုံကြည်သူများနှင့် အတူတကွ သာသနာ့လုပ်ငန်းများကို ကြိုးစားဆက်ကပ် အစေခံလုပ်ဆောင်မည်ဖြစ်သည်။
ရည်ရွယ်ချက်
(က) ဧဝံဂေလိ သတင်းကောင်းကို ကယား တိုင်းရင်းသားများ သာမက အခြားသောလူမျိုးများထံသို့ ဝေငှရန်။
(ခ) ကယား တိုင်းရင်းသားများ ဘက်စုံ ဖွံ့ဖြိုးတိုးတက်ရေး နှင့် ယဥ်ကျေးမှုများ မပပျောက်အောင် ထိန်းသိမ်းစောင့်ရှောက်ရန်။
(ဂ) တစ်နှစ်လျှင် တစ်ကြိမ် အတူတကွ တွေ့ဆုံ မိဿဟာယဖွဲ့ခြင်း၊ ဝတ်ပြုကိုးကွယ်ခြင်းဖြင့် ခန္ဓာ၊ စိတ်၊ ဝိညာဥ် အလုံးစုံအတွက် ခွန်အားတိုးပွားစေလျက် သာသနာ့လုပ်ငန်းများ၌ တက်ကြွစွာ ဆက်ကပ်အစေခံ ပါဝင်လုပ်ဆောင်နိုင်ရန်။
(ဃ) သာသနာ့လုပ်ငန်းများကို ကရင်နှစ်ခြင်းခရစ်ယာန် အဖွဲ့ချုပ်၊ မြန်မာနိုင်ငံ နှစ်ခြင်းခရစ်ယာန် အသင်းချုပ်၊ မြန်မာနိုင်ငံ ခရစ်ယာန် အသင်းတော်များကောင်စီ တို့နှင့် ဆက်သွယ်ဆောင်ရွက်နိုင်ရန်။
