ဓမ္မရသ

23/02/2026

#မေတ္တာချစ်ဆိုတာ
#ပါချုပ်ဆရာတော်
#ဓမ္မရသ

30/01/2026

25/01/2026

တို့တွေ ဗုဒ္ဓနဲ့ ဘယ်နေရာလွဲနေတာလဲ ?

ဗုဒ္ဓ က အရာရာကို လွှတ်ချဖို့ စွန့်လွှတ်ဖို့ပြောတယ် ။ ငါတို့ကထွေးပိုက်ထားချင်နေကြတယ် ။ ဗုဒ္ဓကပြောတယ် ။ ဘယ်လို နှစ်သက်ဖွယ်အာရုံမဆို မမြဲတဲ့သဘောတွေချည်းပဲတဲ့ ။

ငါတို့က မြဲစေချင်နေကြတယ် ။ ဗုဒ္ဓက အကြောင်းရှိလို့ အကျိုးဖြစ်တယ် ။ မှန်ကန်တဲ့ အကြောင်းဖြစ်ရမယ်လို့ ပြောပေမဲ့ တို့တွေဟာမှန်ကန်တဲ့ အကြောင်းအစား ချက်ခြင်းလိုတာရဖို့တွေးနေကြတယ် ။

သဗ္ဗညုတ ဉာဏ်ဆိုတာ အကုန်သိတာတဲ့ ။ အကုန်သိတဲ့ ဒီဉာဏ်နဲ့ အကျိုးမရှိတာ မလုပ်ခဲ့တဲ့ဗုဒ္ဓကို အကျိုးမရှိတဲ့ဆုတောင်းခြင်းတွေနဲ့ ထပ်ခါ ထပ်ခါ ပြောနေကြတယ် ။

ဒေဝဒတ် ငရဲ ကျတာ ငါ့ကိုစော်ကားလို့ ကျတာလို့ မဟောခဲ့တဲ့ ဗုဒ္ဓဟာ ဒေဝဒတ် ငရဲကျရတာက ကောင်းတာလေးတစိမှတောင် သူ့(ဒေဝဒတ်ရဲ့) စိတ်မှာ မရှိခဲ့တော့လို့ပါ လို့ အဖြေပေးတယ် ။

ငါ့ကို ကိုးကွယ်ရင် ဒုက္ခက ချက်ချင်းလွတ်မယ်မဟောခဲ့ပေမဲ့ ချစ်သား ဒီလမ်းကို ရဲရဲလျှောက် သံသရာက မုချလွတ်မယ်လို့ အာမခံသွားခဲ့ပါတယ် ။

မှန်သော အကြောင်းဆိုတာ ချစ်ခြင်း မုန်းခြင်း ကြောက်ခြင်း လန့်ခြင်း ၊ တွေဝေခြင်း မှိန်းမောခြင်း ကင်းရမယ်တဲ့ ။ ဗုဒ္ဓဟာ မိမိကိုယ်ကိုယ်သာ မိမိတရားဖြစ်တယ် ။ တရားကို ကိုယ်မှာပဲရှာလို့ဆိုပေမဲ့ တို့တွေက သူများအကြောင်းရှာဖို့ပဲ ဇောသန်ခဲ့တယ် ။

ဗုဒ္ဓက အရိုးရှင်းဆုံး စိတ်နေနည်းကိုပေးခဲ့တာပဲ ။ ဘာဖြစ်ဖြစ် သတိနဲ့ ဖြစ်သမျှ ပျက်သမျှကိုသိတဲ့
တို့တွေက ဖြစ်သမျှ ပျက်သမျှကလွဲလို့ ကျန်တာကို သိချင်နေကြတာပဲ ။

အကျိုးမရှိရင် မပြောတဲ့ ဗုဒ္ဓ ကိုရှေ့ထားပြီး အကျိုးမရှိတာတွေပဲ ပြောနေ လုပ်နေကြတာ တို့တတွေပါပဲ ။ အကြောင်းတရားရှိရင် အကျိုးတရားလည်းရှိမယ် ။ အကြောင်းတရားချုပ်ရင် အကျိုးချုပ်မယ်တဲ့ ။ အကြောင်းကိုပဲလုပ်ချင်ပြီး အကျိုးကို အတင်းချုပ်ချင်နေကြတဲ့တို့တွေကို ဗုဒ္ဓသာ ရှိသေးရင် ဘယ်လောက် သနားလိုက်လေမလဲ . . .

credit - Chakkrit Spiritual Counseling

16/01/2026

[ ကံ၏ အကျိုးရှိသည်၏ အဖြစ်ပြဿနာ ]
~~~~~~~~~~~~~~~~~~~~~~~~~~~~

၈။ မိလိန္ဒမင်းက ''အသျှင်ဘုရားနာဂသေန ဒီနာမ်ရုပ်နဲ့ ကုသိုလ်ကံကိုရော၊ အကုသိုလ်ကံကိုရော ပြုလုပ်ကြတယ်။

အဲဒီကံတွေက ဘယ်မှာရှိ​နေပါသလဲ''ဟု မေးပါတယ်။

မင်းမြတ် အဲဒီကံတွေဟာ နောက်ကလိုက်နေတဲ့ အရိပ်လိုပဲ အစဉ်တစိုက် နောက်က လိုက်
တတ်တယ်လို့ (မိန့်တော်မူတယ်)။

အသျှင်ဘုရား ''ဒီနေရာမှာ၊ ဟိုနေရာမှာ အဲဒီကံတွေဟာ ရှိနေတယ်''လို့ ပြလို့ရပါသလား လို့ (မေးလျှောက်ပါတယ်)။

မင်းမြတ် ''ဒီနေရာမှာ၊ ဟိုနေရာမှာ အဲဒီကံတွေဟာ ရှိနေတယ်''လို့ အဲဒီ “ကံ”တွေကို ပြလို့မရနိုင်ပါဘူးလို့ (မိန့်တော်မူတယ်)။


မင်းကြီးက ဥပမာပြတော်မူပါဦးဘုရားလို့လျှောက်တော့။

မင်းမြတ် အသီးမသီးသေးတဲ့ သစ်ပင်တစ်ပင်ကို ဒီအကိုင်းက အသီး သီးမယ်။ ဟိုအကိုင်းက အသီးသီးမယ်။ လို့ အပင်တစ်ပင်ရဲ့ အသီး သီးတဲ့နေရာကို ပြဖို့ရာ ဖြစ်နိုင်ပါသလား လို့ ပြန်မေးပါတယ်။

အသျှင်ဘုရား မဖြစ်နိုင်ပါဘုရားလို့ လျှောက်ပါတယ်။

မင်းမြတ် အဲဒီလိုပါပဲ တဲ့ အဆက်မပြတ်ဖြစ်နေတဲ့ အတွက်ကြောင့် ဒီနေရာမှာတော့ ဒီ ကံ ရှိတယ်။ ဟိုနေရာမှာတော့ ဟို ကံ ရှိပါတယ် လို့ ပြဖို့ရာမဖြစ်နိုင်ပါဘူးလို့ မိန့်တော်မူပါတယ်။။

#ဓမ္မရသ
#တရားမှတ်စု

15/01/2026

သောကမဖြစ်ချင်တာ သေချာရဲ့လား
______________________________

ခက်တာက လူတော်တော်များများကို
သောကမဖြစ်ချင်တာ သေချာရဲ့လားလို့
မေးခွန်းထုတ်ရမလိုပဲ။

သောကတွေ ငိုရတာတွေ
ဘယ်သူဖြစ်ချင်မလဲလို့ ဖြေကြမှာပဲ။

မထင်နဲ့နော် မှန်ပြင်ကြီး ရှေ့ထားပြီးတော့
မှန်ပြင်ထဲက ပြတဲ့ အရုပ်တွေကို ကြည့်ပြီးတော့
ငိုနေကြတဲ့လူတွေ အများကြီး ရှိတယ်။
သူတို့ သောကကို ကြိုက်လို့ပေါ့။
သောကကို မဟုတ်ဘူး။
ငိုတဲ့အဆင့်ကိုတောင် ကြိုက်ကြတာ။

ငိုရရင် ဘယ်လိုပြောလဲ
ကောင်းလိုက်တဲ့ ဇာတ်လမ်းလေး
နင်ကြည့်ကြည့်ပါလားလို့
သူများကိုတောင် အဖော်ညှိလိုက်သေးတယ်။

ဒါသူတို့က သောကဖြစ်ဖို့ လေ့ကျင့်နေတာ။
သောကဖြစ်ဖို့ လေ့ကျင့်ရင်းနဲ့
သောကငြိမ်းဖို့ မျှော်လင့်နေပြန်တယ်။

အသောကမင်္ဂလာတရားတော်
(သစ္စာရွှေစည်)

14/01/2026

#မြတ်စွာဘုရားက #ငြင်းတာမကြိုက်ဘူး #ပါချုပ်ဆရာတော်ကြီး #တရားမှတ်စု

09/01/2026

လူတွေက နှုတ်ကို မစောင့်စည်းနိုင်ဘူး။
အင်မတန်မှ စောင့်စည်းဖို့ခက်တယ် နှုတ်က။

#ပါချုပ်ဆရာတော်ကြီး
#တရားမှတ်စု

04/01/2026

ကိုယ်နဲ့မတည့်တဲ့ ပုဂ္ဂိုလ်တစ်ယောက်ကို မျက်စိနဲ့မြင်လိုက်ပြီဆိုတဲ့အခါ….

#ပါချုပ်ဆရာတော်ကြီး
#တရားမှတ်စု

01/01/2026

နှစ်သစ်မှာ၊
မိမိသည် ကောက်ကျစ်သူမဖြစ်ဖို့၊ စဉ်းလဲသူမဖြစ်ဖို့

ကောက်ကျစ်တယ်ဆိုတာ ဘာလဲ
စဉ်းလဲတယ်ဆိုတာ ဘာလဲ

ဂဃနဏ သိရဖို့အတွက်
နာယူကြဖို့ တိုက်တွန်းပါတယ်
ဓမ္မမိတ်ဆွေအပေါင်းတို့။