22/01/2021
Free Evangelical Assemblies - Executive Board
January 2021 -Simemo Semthandazo - 1
ASICHUMANE EMTHANDAZWENI
Ngibingelela baholi, nebazalwane lesikhonta nabo e-Free
Evangelical Assemblies kanye nebazalwane bonkhe labakholwa ngu
Jesu umSindzisi.
Bazalwane noma kunjena, Jesu solo usesihlalweni. Baholi, Jesu utsi
"sitsa sishaya umholi bese kuhlakateka timvu" Tihlobo tetfu,
bafundisi, bagwaziwe ngulolubhubhane. Noko ngeke sitsi sitsa
siphumelele ngoba Livi liphindze litsi "Kuligugu emehlweni
aSimakadze kufa kwalabangcwele bakhe" Tihlabelelo 116:15
Ngicela sitsatse Livi kuMahubo 11:3 "Nangabe tisekelo setibhidlitwa,
lolungile angenta njani?” Siyabona manje kutsi tisekelo tonkhe,
temnontfo, tetemphilo, netemfundvo tiyatanyatanyiswa. Lolungile
angenta njani?
Tihlabelelo 75:3 "Nome umhlaba sewutanyatanyiswa, kanye nabo
bonkhe labahlala kuwo, mine ngisimisa tinsika tawo" Tsine sifanele
sibhekise emehlo etfu kuSimakadze losimisa tinsika temhlaba
natisekelo tinyakatiswa.
Bazalwane, sicelo sami kutsi; Lapho sikhona emakhaya,
tinkonzo tisamisiwe, asitsatse li-awa lekuthandaza
kuSimakadze wetfu.
Free Evangelical Assemblies - Executive Board
January 2021 -Simemo Semthandazo - 2
Emthandazweni, Singasakhulumi kakhulu ngalesifo, ngoba sisinika
emandla ngaloko. Kepha sikhulume nga Nkulunkulu lonephedvulo
yetfu.
Umthandazo wetfu siwusekele kuNumeri 21:8, lapho bantfwana
baka-Israel balunywa tinyoka lelatinesihlungu, base bakhala ku
Mosi. Simakadze wakhuluma kuMosi, watsi: “Yenta inyoka
lenesitfoze yelitfusi uyiphanyeke etulu elugodvweni; wonkhe
labesalunywe yinyoka, utawutsi angayibuka aphile.” Encwadzini ya
Johane 3:14 Jesu utsi “Njengobe naMosi aphakamisa inyoka ehlane,
kanjalo-ke neNdvodzana yeMuntfu ifanele kuphakanyiswa..."
Ma-Free Lamahle, Asitsatse emehlo etfu siwabhekise kuleyo
leyaphakanyiswa eCalvary. Simakadze, usenayo imphendvulo noma
kunje. Umlomo wetfu awukhulume bukhona baSimakadze .
Asiwasuse emehlo etfu
