Ein Al Shaara

23/08/2020

تنحى جانبا
أو لملم سوادك
وارحل بعيد
أفسح لشلالي الطريق
‏
سأمطر الأوراق عشقا
وأضرم
في جوفها الحريق

سأغزل للشمس
عباءة من حروفي
وأتخذ القمر
لي صديق

ما همني
إن جافاك الهوى
أو انك لم تكن
في معشر الملاح رقيق

أوتدعي أنك الأسمى
ومن هديلي صدرك
صار يضيق؟

وكأنك خلقت للنوى
وأن الهوى
في الهزع الأخير
من العمر لا يليق

لا أملك في هذه الدنيا والله
إلا نصف قلب
وسلالا طفحتها
زهورا ورحيق

وملأت دناني
من حلا العناقيد
فأضحت خمرا عتيق

وكل يوم
لا تحلو صباحاتي
إذا ما رشفت سلافتي
قبل أن يبدو للفجر أي بريق...

تحسين نصرالدين

11/04/2020

https://youtu.be/6HTJByPFl78
قيامة مباركة وعيد مجيد أيها الأحبة.

Greek/Antiochian Orthodox Paschal troporian sung on Easter Sunday, the greatest day in the Church. Lyrics in English: Christ is risen from the dead Trampling...

30/03/2020

يا نـاشـر الإحـباط ياشـب الذكي
شبعـنا نـكد مـن رخـص الحـكي
بكلمـة بتـجبر خاطـر الـمسكيـن
و بكلمة بتحرق عيـونو من البكي
لا تشعل الوسواس بقلوب البشر
ولا تترك المـهموم مـنك يشتكي
حتـى مـايـنطبـق عليـك الـمثـل
ونقول ما أهون(الفـ)عل مرتكي.

*تحسين نصرالدين*

19/03/2020

كيف بدك قلبي يهتـمّ
بعيـد الربيـع وأمّـو
والموتور لـ ما فيه دمّ
عم ينفخ حقدو وسمّو
لولا الدنيـا وطـن وأمّ
ومعجن طافح لـَ تمّو
كان العالم مقـلع هـمّ
وكل مين داير عَهمّو

كل عام وكل أمهات العالم بألف خير.
*تحسين نصرالدين*

16/03/2020

عين الشعرة يا عايشي بوجداني
حبك بقلبي كل ايماني
يا ريتني تيني بكرم مهجور
وتحمل غصوني كُواز حَلياني
تاكل الناس وياكل العصفور
وطابور يعزُم عالأكل طابور
لكن ما يعزُم غير شعراني
ويعزُم معو خيّو هالحيناني .

شتقتلك يا ضيعتي
وشتقت للوفا
ولقلوب ناس ملياني دفا
للكروم ، للشجر
لِ استبدلوها بالحجر
وشوية بيوت دافيي
صارت بنايات باردي

مين ما بيعرف طريق الكرّوسي
ناس بَعدُن ، وناس راحوا من سنين
ناس ما كانوا عأيامي
وناس بكروم العنب والتين
وناس عم يقطفوا توت شامي
ونسوان عالتنور معجوقة
قلُّن ، العوافي ، بيخبزوا طلامي

مين ما بيعرف تحت العين
نسمات تنقل عطر البساتين
تحت الشجر يا حلوتي نامي
مشمش ، ذرة ، كروم وتين
عصافير تغني ، دوري وحمامي
ومن بين الشجر والحور والشربين
يغَلّ القمر ، بتفكرو حرامي .

فريال عقل أنطون

09/03/2020

كان ناقصنا بهالمشوار
ڤيروس فاتح ع حسابو

خمنت بـ بـلد المـليـار
بيغنـى وبيعبـي جيابو

نشالله كورونا المحتار
ما ينسى يـللي جابـو

يزورالتاجر والسمسار
تا يـقرقـح كل جنـابـو

حتـى شمشوم الجـبار
ما يسـلم مـن عـذابـو

تا مـا يبقـى ولا دولار
يـطفي جمرات عبـابـو

ويقلب جسمو متل النار
حتـى تـتلف أعـصابـو

ولا تسألني عـن أخـبار
واحـد كـرهـان ثيـابـو

كيف بدويكفي لمشوار
والشّر ناطـر عـبـوابـو

لا كان يمشي ولا يندار
ولا يـردو عـا أعـقـابـو

يمكن قامـوس الأخيـار
ما ظـل صـفحة بكتـابو

تا ينصف بعض الأبـرار
أويسـعد بعـض احبابـو

أو يخـلع حـنـك الغـدار
ويـشـلـّعـلو أنـيـابـو.

*تحسين نصرالدين*

08/03/2020

بيوم المرأة العالمي (شاميات)

لا تحكي وتعمل حالك
إنو الطيبـه رسمـالك
بدك امك ترضى عليك
خلّي وصيـتها قبـالك
بدك اختك ما تجافيـك
لا تطفشها بأعمـالك
بدك بنتك تكبـر فيـك
لا تقيـّدها بأغـلالـك
بدك مرتـك تـتـهنـى
لا تتعسها بإهـمالـك
بدي الكلّ ماتنساهم
و الكل يظلو ّ بـ بالك

*تحسين نصرالدين*

10/02/2020

الله يبعث الخير

23/01/2020

23/01/2020

هَونيك بالوادي
وحَد نبعة المَي ، والزيتون والفَي ..
تغريدة العصفور ..
جدي يسقي وأنا افتح الزوَّادي ..
وهَونيك حد العين
نسوان ما بتخلص حكي ..
بلَون البكي .. وواحدة ملبَّكي ..
هيذي الي ، وهيذي لِكي ..
ووهونيك بالضيعة
حَدْ ستي بتِّكي ..
تقَّمِر رغيف ، مثل قرص الشمس ..
أو مثل وجه القمر بدر، بيحكي حَكي ..
تَنّورها والع وانا غَذّي الموقدي ..
يا ريت بيغفى العمر والدني ..
وترجع سنين الولدني ..
وكان ياما كان
في ضيعة حلوي بتغلي غَلي ..
وناسها حلوين قلبن هَني ..
عين الشعرة يا حبي الغني ..
بتبقي بقلبي موطني ..
مهما الزمن مرجح فيّي بهالدني ..
شفت كثير ،
بتبقي أنتِ دنيتي أحلى دني !!

فريال أنطون

20/01/2020

فجرنا آتٍ

شحـذتُمْ بِخُبثٍ نِصـال الخرابْ
ورُحـتمْ تجوبونَ دُنـيا الـسّرابْ

سملتُمْ عيوني ومجرى دموعي
وجرَّعتُمـونـي كـؤوسَ العذابْ

لـِماذا بِقلبـي تـحـطُّ الـرّزايـا
وبين ضُلوعـي تُـسنُّ الـحِرابْ

لِـماذا بـِلادي تـصـيرُ قِـفـاراً
و تأفُل شمسي قُبيلَ الغِيـابْ

لِـماذا السّـماءُ تـضِـنُّ عليـنا
بِغَيثٍ يـشقُّ عِبـابَ السحـابْ

لِـماذا الرِّجالُ تـموتُ اغـتيالاً
وطفلي يشيـبُ بعمر الشبابْ

فكيفَ المصيـرُ و سهم المنايا
يـحومُ كسيفٍ يجـزّ الـرقـابْ

و كيف السبيـل إلى مرتـجانا
إذا لـم نُدَمّي قـطيـع الذئـابْ

و نُخرس كُلّ المطـايا بنعلٍ
فحيح الأفاعي وصوت الغُرابْ

هلمـّوا إليـنا بِصَفـوِ الـنوايـا
بِقلبٍ يفيـض بدفءِ الخُضـابْ

هلمّـوا لِنحفظَ سفرَ التدانـي
نُهجّي سـويّاً حروفَ الكتـابْ

غداً سوفَ يأتي ربيـعُ بلادي
يسوقُ الـرّجاءَ إلى كُـلِّ بابْ

و ينثُرُ عـطراً بطعمِ التلاقـي
يُبلسِمُ جُرحـاً بِـطهر التُّـرابْ

تحسين نصرالدين

28/12/2019

بدي احكي عن ، عين الشعرة القديمة
مش طرقات مزفَّتي ، وبنايات ومدينة
جوز ولوز وتين وخوخ وكرومها الغنيّة
ستي وجدي وبيت قديم ، ونطلع عالعليّة
يوم نروح عالوادي، وبعدين نروح عالخلّة
ويوم ع جلالي شاكر، وبالرجعة عين القرنة
ستي تعبي القمحات بالكوارة بالرجعة من البرية
تعَيِّرهم بالثِمنية ، نسهر حدها تنقيهم بالسهرية
تنخلّهُم وتطحنهُم للشتوية ، وتعجنهُم بالصبحية
ترُقّ الخبزات عالكارة ، وبعدين تخبز طلمية
فطاير بطاطا ولحمة ، وتحطهم بالنملية
خُضرة ومي وشمس وفَي، وشو هالعيشة الهنية
فريال أنطون