16/04/2026
17-04-2025
17-04-2026
Քեսապի մէջ իմ հովուական ծառայութեան մէկամեակի յիշատակին؛
Քեսապի սիրելի հաւատացեալ համայնքին մէջ իմ հովուական ծառայութեան մէկ տարին լրանալուն առիթով, նախ եւ առաջ իմ խորին երախտագիտութիւնը կը յայտնեմ Աստուծոյ, որ Իր շնորհքով առաջնորդեց զիս այս ամբողջ ընթացքին, եւ ուժ ու իմաստութիւն պարգեւեց՝ Իր ժողովուրդը սիրով եւ նուիրումով ծառայելու համար։
Յատուկ շնորհակալութիւն եւ գնահատանք կը յայտնեմ սիրելի համայնքի բոլոր զաւակներուն՝ իրենց անկեղծ սիրոյն, մշտական աջակցութեան եւ աղօթքներուն համար, որոնք այս ամբողջ տարին եղան իրական զօրակցութիւն եւ քաջալերանք։ Այս մէկ տարին լի էր փորձութիւններով եւ օրհնութիւններով, հոգնութեամբ եւ ուրախութեամբ, սակայն ամենէն առաջ եղաւ հարուստ հոգեւոր ընկերակցութեամբ եւ միասնական ծառայութեամբ։
Շնորհակալ եմ բոլոր անոնց, որոնք իրենց մասնակցութիւնը բերեցին ծառայութեան, որոնք աշխատեցան, աղօթեցին եւ սիրով կանգնեցան եկեղեցւոյ կողքին։ Մեր միասնական ծառայութիւնը դարձաւ կենդանի վկայութիւն այն սիրոյն եւ եղբայրութեան, որ կը միացնէ մեզ։
Կ'աղօթեմ, որ Տէրը օրհնէ Քեսապի սիրելի համայնքը եւ մեզի պարգեւէ նոր տարիներ՝ բեղուն ծառայութեան համար, որպէսզի շարունակենք մեր ուղին մէկ հոգիով, մէկ սրտով եւ հաստատ յոյսով։
Սիրով եւ խորին գնահատանքով
Շնորհակալութիւն սրտանց բոլորին:
Հայր Գառնիկ,
