التعليم المسيحي في دير الآباء اليسوعيين

28/07/2026

وهيك رسميا مخيم الثانوي بحلب بالشهر التاسع ناطرينكن تكونوا كلكن لنعيش مخيم ما صار متلو #مخيم #اخوية #محبة #مسيحي #تعليم

28/07/2026

08/07/2026

مثلما تتجلى صورة الله في مخلوقاته، كذلك بالصمت نستطيع سماعه يهمس لنا

يعلن دير الآباء اليسوعيين عن رياضة روحية صامتة للشباب والشابات من عمر ال ٢٠ حتى ٣٥ بعنوان "وأنا أيضًا لا أحكم عليك" وذلك
من ١٤/٧ حتى ٢٠/٧.
ينشط ويرافق الرياضة عدد من الآباء اليسوعيين في سوريا
للتواصل على الرقم والتسجيل والاستفسار على الرقم
٠٩٤٠٣٣٣٢١٤

12/06/2026

يومنا التالت بالمخيم ما كان يوم عادي ابدا🔥
بلشنا يومنا بالصلاة الي طلبنا فيها من الله نكون طايرين و كلنا نشاط و حيوية و طاقة متل ما طيرنا الطيارات الورقية بايدينا
كملنا بعدها بالفطور و الخدمات و وقت خلصناهن اجوا ابطال المخيم و قعدوا يحكوا عن المسؤوليات و شجاعتن و كيف بدن ايكملوا الرحلة الطويلة الي عندن ياها🌝
اجتمعنا بالفرق و بلش الموضوع الي كان بيحكي عن المسؤولية و الشجاعة🙏🏻
حكينا عن المسؤوليات و و شجاعتنا و عن كلشي بخلينا نخاف و بخلينا اقوى و كملنا بنص الانجيل الي ورجانا كيف يسوع كان شجاع بآخر الايام قبل الصلب و كيف تحمل هي المسؤولية
بالاخير ختمنا بالدروع تبعيتنا الي كتبنا عليها الشغلات الي هيي بتخلينا ضعاف من ورا و من الوجه القدام بالدرع كتبنا الشغلات الي بتخلينا اقوى و منواجه فيها العالم❤️
قمنا تغدينا و عملنا خدماتنا و بعدها غيرنا تيابنا بسرعة كرمال نفوت علالعاب المائية و نطشطش المي و ننبسط كتير💦🔫
كان عنا عمل رسولي بعد الالعاب و رحنا فيه زيارات على بيوت اشخاص من اهالي الضيعة بس قبل ما نروح عملنا كتير شغلات تساعدنا بهالشي😁
حضرنا فيديو صورولنا ياه طانت مجد و طانت نوال و السور سامية🫂
حكولنا فيه عن العمل الرسولي و كيف بشوفوه من وجهة نظرن كرمال اللولاد تفهم اكتر شو يعني عمل رسولي و يفهموا هني شو رايحين يعملوا
و بعد ما خلصنا الفيديو قمنا عملنا الورشات الي كانت خريطة و سوشال و ضيافة و اسعاف و ليدر كرمال نقدر نعمل الزيارات و شو ما واجهنا مشاكل نكون قدها❤️
طلعنا علضيعة و عملنا زياراتنا و رجعنا علدير عملنا صلاة المسا الي كتبنا فيها على ستيكي نوت شو المسؤوليات الي لازم نطورها بحالنا و نشتغل عليها اكتر و شكرنا ربنا على هلنهار الحلو الي عشناه🙏🏻
ختمنا نهارنا بسهرة العاب تنافسية نبسطنا فيها كتير و بعدها فتنا علنوم😆
#مسيحي #تعليم #اخوية #مخيم #محبة

10/06/2026

يومنا التاني من مخيم ابطال البحار كان مليان شغلات بتجنن
بلشنا صباحنا بصلاة تذكرنا فيها اشخاص منوثق فيهن و منحبن من قلبنا و بعدها قمنا علفطور كرمال ناكل و نجمع طاقة لنقدر نكمل النهار القوي الي عنا🔥
بعد الفطور رجعوا اجوا موانا و ارييل و لوكا البطل و كملوا الشي الي كانوا عم ايعيشوه و كيف بدن يتعاونوا و ايكونوا ايد وحدة لينقذوا العالم😆
رحنا بعدها كل واحد مع فرقتو و اخدنا موضوعنا الي كان بيحكي عن التعاون و الثقة الي هني من صفات البطل و كيف انا لازم كون بحياتي🙏🏻
و اجا بعدها وقت الورشات الي تنوعت و كان منها ورشة الايقاع الي بحبوها اللولاد كتير و ورشة المسرح الي تعملنا فيها كيف نشتغل مسرح و نمثل بمختلف الاشكال و المشاعر و ورشة السكوبي دو الي عملنا فيها علّاقات ضلت معنا ذكرى من المخيم و آخر شي ورشة الاوريغامي الي تعلمنا فيها كيف نشتغل بايدنا اشكال بالورق و نبسطنا كتير🫂
بعدها صار وقت الغدا و الاستراحة لنقدر نرجع نجمع طاقة لنكمل النهار😄
و اجا وقت اللعبة الكبرى الي ضلوا الشبيبة حتى بعد ما يخلص الوقت حابين يلعبوا فيها و ايضلوا عم يتنافسوا و ايجمعوا موارد ليبنوا السفن و المدافع ليربحوا على باقي الفرق 🔥
بعد اللعبة الطويلة حطينا رقصة المخيم كرمال نتعلمها اكتر و عدنا رقصات الدير الي كلنا منحبن 🕺🏼
و قبل السهرة كان عنا صلاة شكرنا فيها الله على هلنهار و كمان شكرنا فيها الله على شي منحبو او شي عايشينوا✝️
و ختمناها بالسهرة الي كان فيها نشاطات حلوة و كايروكي و بعدها رحنا ننام طب لانو التعب كان واصل لاقصى مرحلة😅

#محبة #اخوية #مسيحي #تعليم #مخيم #ابتدائي

09/06/2026

هيك الجامعييين حبو يختموا السنة ويرووحوا على مدينة الملاهي 🔥🔥
Last post
#تعليم #مسيحي #اخوية #اصدقاء #محبة

07/06/2026

هيك الجامعييين حبو يختموا السنة ويرووحوا على مدينة الملاهي
Post 2
#تعليم #مسيحي #اخوية #اصدقاء #محبة

05/06/2026

هيك الجامعييين حبو يختمو السنة ويرووحو على مدينة الملاهي
Post 1
#تعليم #مسيحي #اخوية #اصدقاء #محبة

20/05/2026

صور من لقاء الجامعين يلي قضينا نص نهار مع بعض وحكينا عن نعم الله النا
#تعليم #مسيحي #اخوية #اصدقاء #محبة

18/05/2026

شوي صور من لقاء الجامعين وعملنا شوكولا طيبة وعملنا اشكال بل الصلصال #تعليم #مسيحي #اخوية #اصدقاء #محبة