كنيسة القديس جاورجيوس للروم الأرثوذكس- المشرفة

21/08/2026

مخيم الرحالة
رحلة مع القداسة هيك كانت رحلتنا الكادر وولادنا الحلوين مليانة لحظات رح نشتقلا كتير

21/08/2026

وَأَمَّا أَنْتَ فَاثْبُتْ عَلَى مَا تَعَلَّمْتَ وَأَيْقَنْتَ، عَارِفًا مِمَّنْ تَعَلَّمْتَ. (2تي 3 : 14)
وأخيراً، ختام رحلة مخيمنا باليوم التالت، عم نتمنا الوقت ما يمشي مشان ما يخلص آخر يوم، الفطور الأخير، الرياضة الأخيرة، النشاط الأخير، بحثنا طبعاً عن الكنز، آخر مرة منقول صيحات مشان ناخد نقاط، بين الأغاني والزجل والشعر والعزف، وبين النشيد والعصرونية وأخد الصور مع الإعلام العظيم اللي خلانا نذكر كل لحظة حتى لو ما شفناها، والمشواااار طبعاً المسا مشان نكون طلعنا رحلة خفيفة صغيرة، كلشي كان الأخير اليوم، بس معلش، اذا ما ختمنا الرحلة، ووجدنا الكنز، ما منرجع نبدأ من جديد.
محطتنا الروحية الأخيرة مع القديسة صوفيّا الشّهيدة، الحلقة الأخيرة من مخيّمنا، الحلقة الواصلة لكامل السلسلة، الصّبر، القديسة اتحملت عذاب بناتها إيمان ورجاء ومحبة، وكمان قوّتهن على احتمال العذاب مشان الكنز مع المسيح، ونحنا هيك، طبعاً ماعم نتحمل عذاب بالمخيم الحمدلله نحنا مبسوطين، بس عم نتعلم كيف نتعامل مع المواقف الصعبة مشان ناخد أفضل نتيجة.
الصبر فضيلة بس تبدأ من الصغر بتكبر معنا كل العمر.
جميع القديسين اللي شفناهن بالرحلة اتعلمنا عنهن كل يوم، هدفنا كان نكتسبهن أصدقاء جداد، والأساس نتعلم الفضيلة، وناخد أهم هدف لمخيمنا، هوي قدرتنا على التعامل مع مواقف حياتنا و نحن عم نكبر.
السهرة الختامية سهرة مختلفة، نحن الأخوة ماعرفانين شو نشعر وشو نفكر، مبسوطين لأن شفناهن عم يكبرو ويعيشو قدامنا، وزعلانين لأنو خلصت الأيام سوا،
بس ما منعرف مدبّر الرحّلة ربّنا شو مخطط رحل قادمة، منبارك للرحّال الأعظم فريق الفرح (السناجب)، ومنبارك لأنفسنا على هيك مشوار.
انشالله ولادنا يكملو مشوارهن ويكبروا مع أحلامهن وما يوقفهن شيء، على أمل أن نلتقي بما يليق لمجد الرّب الإله.
"عَرِّفْنِي الطَّرِيقَ الَّتِي أَسْلُكُ فِيهَا." (مز 143 : 8)

20/08/2026

19/08/2026

"عَلَى مَرْصَدِي أَقِفُ، وَعَلَى الْحِصْنِ أَنْتَصِبُ، وَأُرَاقِبُ لأَرَى مَاذَا يَقُولُ لِي، وَمَاذَا أُجِيبُ عَنْ شَكْوَايَ." (حبقوق 2 : 1)

محبة، فرح، سلام، صقور، نسور، أرانب، كل يوم وكل اليوم مافي غير هالاسماء بالكنيسة، ومافي غير الأعلام عم ترفرف، هدول اسماء فرقنا.
اسماء عالأرض، وأسماء بالسما، مخيمنا ماشي بالجسد وبالروح.
بلشنا يومنا كالعادة، صلاة لحتى تفيق عقولنا، ورياضة لحتى تبلش اجسادنا تستقبل نوبة شوب جديدة، بس اليوم غيييير.
اليوم كان يوم الألعاب المائية، وصار التنافس مين بيتبلل أكتر، حبابييين حاجي تفجرو البالوون، وكيف فينا نطرش على هداك الأخ، وليكو شعر هديك الاخت كيف صار، انتبهو لا تزحطووو.
طولنا كتيير ونحنا عم نبدل تيابنا، الجووع كان غير شكل، أكلنا كتير وانطلقنا على التحضير للسهرة، حاولت فرقة من الفرق تغش بالنشاط أجو مسكوها حرّاس المخيم فرقة الشجاعة، ونال العقاب، كل هاد وفرقتين الصّبر ناطرين يستغلو الفرصة المناسبة لياكلو النقاط أكل.
طيب كتير حكو الأخوة مبارح واليوم، كل الوقت وهني عم يحاولو يعرفونا على صديقنا القديم، عمود الكنيسة، القديس الذهبي الفم يوحنا.
شو يعني حكمة أساساً، الحكمة هيي الميزة والقوة الخارقة اللي اذا عرفنا كيف نتعلمها منكون فايزين دوماً، نتعلم كيف نتصرف وقت نعصب، أيمت نحكي وأيمت نسكت، والأهم طبعاً كيف نحب رفقاتنا نتعامل معهن وكيف ندافع عنهن.
كان القديس يوحنا الذهبي الفم محطة عظيمة عند ولادنا الرحالة، محطة زاروها بأول يوم كمان مع القديس جاورجيوس.
الحكمة ميزة عظيمة، وكمان بمخيمنا الها دور كبير، الفرقتين اللي اتعلمو عن القديس يوحنا كانوا متحكمين بالأعمال اليومية كامل اليوم لكل الفرق، مين ينضف ساحات، مين يقود الصلا، مين يساعد بالأكل،
السهرة لليوم التاني أسا أحلا، متحمسين ونشيطين وعم نعيش المخيم لحظة بلحظة.
اسا فرقتين ما سمعنا عنهن شي غير انهن صبروا وطولو بالهن، الصّبر، معقول يكون ألو محطة بهالمخيم؟
انطرووووونا بيومنا الأخير لنشوف اذا رح نلاقي الكنز او لا، لنشوف كيف ختام هالرحلة سوا.

19/08/2026

اليوم الأول من مخيم الرحالة

18/08/2026

عرفني الطريق التي اسلك فيها

هالآية مكتوبة من زمااان كتير، معقول لهلق ما عرفنا هالطريق؟
انطلق وأخيراً مخيّمنا الصّيفي لهالسنة، رحلة مع القداسة،
عشنا تفاصيل حلوة بين الصيحات والفطور الصّبح، وصناعة الأعلام الخاصّة بكل فرقة، والغدا أكلناه لحتى آخر لقمة قد ما كنا جوعانين، التحضير للسهرة بكل التفاصيل، رفيقنا الخجلان لأنو المسرحية بتضحك، الأخت اللي عم تقول النشيد بصوت كتير عالي ما منعرف ليش، الأخ اللي معصب من الشوووب، صلاة الغروب اللي ختمناها بسهرتنا الأولى، ولادنا الرحّالة عم يفهمو هالطريق شوي شوي، صاحب هالرحلة، وكيف منوصل للكنز.
وقفنا آخر اليوم وصحنا للفرق شو اتعلمتوا اليوم؟ اجانا صوت عم يقول شجااااعة.
اوف، طب من مين اتعلمتوا هالكلمة؟ رح يجينا صوت من اللابس الظفر ، شفيعنا القديس جاورجيوس، بأول محطة من هالطريق، كيف بكون شجاع، كيف بعرف واجه واتحدى، حبّ وشارك، والأهم اعترف بس كون خايف أو بحاجة مساعدة.
القديس جاورجيوس علمنا كيف نغلب الخوف بالمسيح، كيف صلاتنا والصليب هني خلاص وقوة، وحتى السم بيفشل أمام يسوع.
بس لحظة، وقت اللي سألنا الولاد شو اتعلموا اليوم، فرقة المحبة والفرح هني بس جاوبوا شجاعة، قولكن باقي الفرق شو جاوبت، معقول اتعلمت عن شي تاني بنفس الوقت، معقول كلمة تانية؟

رحلتنا طويلة ومليانة حب وحماس وشمس وشوب، الدروس فيها كتير والألعاب أكتر، انطرووونا بباقي الأيام لتشوفوا بقية الرحلة.

16/08/2026

صلاة السحرية والقداس الإلهي لعيد رقاد سيدتنا والدة الإله

أُمُّ الخليفة الجديدة

بعد رقادها، صارت سيدتنا والدة الإله أم الخليفة الجديدة، أى كنيسة المسيح؛ لأن لها دوراً أساسياً في الخلاص، إذ إن رأس الكنيسة الإله، أخذ منها جَسَدَهُ البشري. وهي الآن في الكنيسة السماوية مُمثلِئَةٌ نِعمةً ومجداً وبهاء. لقد صارت المنعمة على الطبيعة والخليقة كلها، ولهذا تكرمها الخليقة جمعاء سيدة وعذراء وملكة ووالدة للإله.

ومن خلال والدة الإله وبفضلها، دخل تاريخ العالم بأسره مساراً جديداً أبهى وأعظم مِمَّا كَانَ عَلَيْهِ قَبْلَها. فما مِنْ مخلوق كان أو يُمكن أن يكون أكمل منها، ويستحيل أن تكون هي أكمل مما هي عليه
( بقلم الشيخ افرام الفاتوبيذي رئيس دير فاتوبيذي المقدس العظيم في الجبل المقدس )
كل عام وانتم بخير

15/08/2026

غروب عيد رقاد السيدة العذراء والدة الإله
كل عام وأنتم بخير

14/08/2026

مشاهد من صلوات البراكليسي الابتهالي لوالدة الإله تهيأةً للاحتفال بعيد رقادها الذي من خلاله نؤكد أن أم الإله تشفع بنا ومن خلال السيد المسيح أصبحت أمّاً لجميع أبناء الله وتحتضننا بمحبة إلهية
كل عام وأنتم بخير

13/08/2026

لماذا تمنع الأكاليل في فترة صوم السيدة العذراء ؟