27/05/2025
"خَتَمنا سنتنا بلقاء من الرّوح، وغمرتنا نعمة مريم"
بفرح كبير اجتمعنا كلنا بلقاء ختامي لشبيبتنا، وكان لقاء مميز بيجمع بين العمق والفرح.
بدأنا بتأمل بعقيدتين محوريّتين من إيماننا: الدائمة البتولية والحبل بلا دنس، وقدّمتلنا ياهن بطريقة بسيطة وغنيّة بتخلي قلوبنا تتأمل بعظمة دور مريم بحياة الكنيسة والإنسان.
بعدها دخلنا بصمت الله ... مش كغياب، بل كحضور عميق بيتطلب منّا نصغي، رافقتنا بلحظات من التأمل بكيف الله أحيانًا بيصمت، مش لأنه بعيد، بل لأنه عم يشتغل بقلبنا بهدوءه.
وما خلينا اللقاء يمرّ مرور الكرام، احتفلنا بتخرج الأخت لور وتفوّقها كالأولى من كليّة اللاهوت الخاصة – فخورين فيها من القلب، وتهانينا للدكتورة رزان عبد المسيح خلف حصولها على درجة الماجستير اختصاص أمراض الكلى، وكان في كاتو، ضحك، وصورة جماعية ختمت هالسنة المليانة حضور ونعمة.
شكرًا لكل حدا رافقنا بهالسنة، وبشكر خاص للأخت لور والأخت شانتال على مشاركتهن الرّوحيّة العميقة.
مريم أمنا، كوني لنا معينة ... ومنلتقي بالموسم الجديد 🙏🏻
