Բերիոյ Հայոց Թեմի Առաջնորդութիւն

  • Home
  • Syria
  • Aleppo
  • Բերիոյ Հայոց Թեմի Առաջնորդութիւն

Բերիոյ Հայոց Թեմի Առաջնորդութիւն مطرانية الارمن الأرثوذكس لابرشية حلب وتوابعها
Armenian Ortho

استقبل نيافة المطران ماكار أشكاريان، مطران الأرمن الأرثوذكس لأبرشية حلب وتوابعها، في دار المطرانية، رئيس دير الرهبان الس...
27/08/2026

استقبل نيافة المطران ماكار أشكاريان، مطران الأرمن الأرثوذكس لأبرشية حلب وتوابعها، في دار المطرانية، رئيس دير الرهبان الساليزيان - دون بوسكو حلب والكفرون، الأب بيير جابلويان، وذلك يوم الخميس الواقع في 27 آب 2026 صباحاً.
دعا الأب بيير سيادة المطران لإلقاء محاضرة في إحدى مبادرات شبيبة حلب.
---------------
ՀԱԼԷՊԻ ԵՒ ՔԱՖՐՈՒՆԻ ՏՈՆ-ՊՈՍՔՕ ՍԱԼԻԶԵԱՆ ՄԻԱԲԱՆՈՒԹԵԱՆ ՎԱՆՔԻ ՎԱՆԱՀԱՅՐ ՓԻԵՌ ՃԱՊԼՈՅԵԱՆ ԱՅՑԵԼԵՑ ԱՌԱՋՆՈՐԴ ՍՐԲԱԶԱՆ ՀՕՐ

Հինգշաբթի, 27 Օգոստոս 2026-ի առաւօտուն, Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Արք. Աշգարեան, Ազգ. Առաջնորդարանէն ներս հիւրընկալեց Հալէպի եւ Քաֆրունի Տոն-Պոսքօ Սալիզեան միաբանութեան վանքի վանահայր Տ. Փիեռ Ճապլոյեանը։

Եղբայրական սիրոյ մէջ ընթացող հանդիպումին, Հայր Սուրբը անդրադարձաւ Սալիզեան միաբանութեան մատուցած ծառայութիւններուն եւ գործունէութեան։ Ան հրաւիրեց Սրբազան Հայրը յատուկ առիթով մը դասախօսելու յառաջիկային տեղի ունենալիք երիտասարդական նախաձեռնութիւններուն։

Սրբազան Հայրը մեծապէս գնահատեց Սալիզեան միաբանութեան յոյժ կարեւոր առաքելութիւնը Հալէպի, Սուրիոյ եւ ողջ աշխարհի տարածքին եւ յաջողութիւն ու օրհնաբեր ծառայութիւն մաղթեց Հայր Սուրբին։
Այս առիթով, Հայր Սուրբը Սրբազան Հօր նուիրեց միաբանութեան հրատարակած ՝՝الرعوية الشبابية السالسية՛՛ գիրքը։

Հինգշաբթի, 27 Օգոստոս 2026📜Այսօրուան ընթերցուածը📜Պետրոս առաքեալի ընդհանրական երկրորդ նամակէն (Բ.Պտ 2.9-22)✨Կրնաք ընթերցե...
27/08/2026

Հինգշաբթի, 27 Օգոստոս 2026
📜Այսօրուան ընթերցուածը📜
Պետրոս առաքեալի ընդհանրական երկրորդ նամակէն (Բ.Պտ 2.9-22)
✨Կրնաք ընթերցել նաեւ (Եր 1.1-10, 38.1-13: Մտ 2.16-18)

9 Եւ այսպէս, Տէրը գիտէ աստուածապաշտները փրկել իրենց փորձութիւններէն։ Իսկ անիրաւները կը պահէ՝ դատաստանի օրուան տանջանքներուն մատնելու համար։
10 Մանաւանդ անոնք՝ որոնք մարմնական պղծալից ցանկութիւններու կը հետեւին եւ Աստուծոյ տէրութիւնը կ՚արհամարհեն։
Այս ինքնահաւան եւ յանդուգն սուտ ուսուցիչները չեն վախնար հոգեղէն փառաւոր էակները անարգելէ.
11 մինչդեռ հրեշտակները զօրութեամբ եւ կարողութեամբ իրենցմէ շատ աւելի մեծ ըլլալով հանդերձ՝ անոնց մասին ոեւէ անարգալից ամբաստանութիւն չեն ըներ Տիրոջ ներկայութեան։
12 Բայց ասոնք իրենց չհասկցած բաները կ՚անարգեն. եւ ինչպէս իրենց բնազդներուն հետեւող անբան անասունները որսացուելով սպաննուելու սահմանուած են, այդպէս պիտի կորսուին իրենք ալ, անասուններու պէս.
13 եւ այդ պատիժը հատուցումը պիտի ըլլայ ուրիշներուն հասցուցած իրենց չարիքներուն։ Հաճոյք կ՚առնեն օր–ցերեկով իրենց զեղխ ցանկութիւնները կատարելէն, եւ իրենց ներկայութեամբ ձեր հաւաքոյթի սեղանները կը պղծեն ու կ՚արատաւորեն, իրենց խաբեբայութիւններովը զուարճանալով։
14 Իրենց աչքերը շնացող կիներ միայն կը փնտռեն եւ չեն յագենար մեղք գործելէ։ Այդ անիծեալները տկար մարդիկ կը փնտռեն՝ խաբելու համար, եւ իրենց խելքն ու միտքը դրամ դիզելն է։
15 Ուղիղ ճամբան ձգելով՝ մոլորած են, հետեւելով Բէորի որդի Բաղաամի օրինակին, որ ուզեց անիրաւութեամբ դրամ շահիլ,
16 եւ իր անօրէնութեան համար ալ յանդիմանուեցաւ անխօս էշէն, որ մարդկային լեզուով խօսելով՝ արգելք եղաւ որ մարգարէն այդ անմտութիւնը գործէ։
17 Այդ մարդիկը ցամքած աղբիւրներ են, հովերէն քշուող մշուշներ, որոնց համար Աստուած խաւար աշխարհի յաւերժական աղջամուղջը վերապահած է։
18 Որովհետեւ իմաստէ զուրկ մեծ–մեծ խօսքերով եւ մարմնական անառակ ցանկութիւններ գրգռելով՝ կը մոլորեցնեն անոնք, որոնք հազիւ փախած էին ուրիշ մոլորութեանց մէջ ապրող մարդոցմէ։
19 Ազատութիւն կը խոստանան անոնց, մինչդեռ իրենք գերի են կորուստի տանող մոլութեանց։ Արդարեւ, մարդ ինքզինք ինչ բանի որ կ՚ենթարկէ՝ անոր գերին է։
20 Անոնք որոնք մեր Տէրն ու Փրկիչը՝ Յիսուս Քրիստոսը ճանչնալով՝ աշխարհի պղծութիւններէն անգամ մը հեռանալէ ետք վերստին նոյն պղծութիւններուն մէջ կ՚իյնան, անոնց վիճակը նախկինէն շատ աւելի գէշ կ՚ըլլայ։
21 Աւելի լաւ կ՚ըլլար՝ որ անոնք բնաւ ճանչցած չըլլային արդարութեան ճամբան, քան թէ ճանչնալէ ետք՝ հեռանային իրենց աւանդուած սուրբ պատուիրանէն։
22 Ինչքան անոնց կը պատշաճին Առակաց գիրքին սա ճշմարիտ առածները. «Շունը իր փսխածին կը դառնայ». իսկ միւսը՝ «Խոզը որքան ալ լուաս՝ տիղմին մէջ կը թաւալի»։

Հ.Մ.Ը.Մ.-ԱԿԱՆ ԲԱՐԵՐԱՐ ՏԻԱՐ ԷՆՏԻ ԱՆՏՈՆԵԱՆ ԱՅՑԵԼԵՑ ՍՐԲԱԶԱՆ ՀՕՐԵրեքշաբթի, 25 Օգոստոս 2026-ին, Բերիոյ Հայոց Թեմի Բարեջան Առա...
26/08/2026

Հ.Մ.Ը.Մ.-ԱԿԱՆ ԲԱՐԵՐԱՐ ՏԻԱՐ ԷՆՏԻ ԱՆՏՈՆԵԱՆ ԱՅՑԵԼԵՑ ՍՐԲԱԶԱՆ ՀՕՐ

Երեքշաբթի, 25 Օգոստոս 2026-ին, Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Արք. Աշգարեան, Ազգ. Առաջնորդարանի իր գրասենեակէն ներս հիւրընկալեց ԱՄՆ-էն ժամանած Հ.Մ.Ը.Մ.-ական բարերար տիար Էնտի Անտոնեան, որուն կ՚ընկերակցէր Հ.Մ.Ը.Մ.-ի Հալէպի մասնաճիւղի վարչութեան անդամ տիար Յարութ Խաչատուրեան։

Մտերմիկ մթնոլորտի մէջ ընթացող հանդիպումին, պարոն Անտոնեան անդրադարձաւ Հալէպ գտնուած օրերուն Հ.Մ.Ը.Մ.-ի պասքէթպոլի խումբին իր անդամակցութեան։
Տիար Էնտի Անտոնեան, Հալէպէն դուրս բնակչութիւն հաստատելով հանդերձ, որպէս Հ.Մ.Ը.Մ.-ական, իր բարերարութեամբ կը շարունակէ ներդրում բերել Հ.Մ.Ը.Մ.-ի Հալէպի մասնաճիւղին։

Սրբազան Հայրը մեծապէս գնահատեց պարոն Անտոնեանին միութեան հանդէպ ցուցաբերած քաջալերական մօտեցումը եւ անոր առաւել ուժ եւ կորով մաղթելով, աղօթեց, որ իր գործունէութեամբ շարունակէ օրհնաբեր ներդրում ունենալ՝ ի փառս Աստուծոյ եւ ի բարօրութիւն մեր ժողովուրդին։

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ ԴՊՐԵՎԱՆՔԷՆ ՆՈՐՕԾ ԱԲԵՂԱՆԵՐ ԱՅՑԵԼԵՑԻՆ ՍՐԲԱԶԱՆ ՀՕՐՉորեքշաբթի, 26 Օգոստոս 2026-ի առաւօտու...
26/08/2026

ՄԵԾԻ ՏԱՆՆ ԿԻԼԻԿԻՈՅ ԿԱԹՈՂԻԿՈՍՈՒԹԵԱՆ ԴՊՐԵՎԱՆՔԷՆ ՆՈՐՕԾ ԱԲԵՂԱՆԵՐ ԱՅՑԵԼԵՑԻՆ ՍՐԲԱԶԱՆ ՀՕՐ

Չորեքշաբթի, 26 Օգոստոս 2026-ի առաւօտուն, Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Արք. Աշգարեան, Ազգ. Առաջնորդարանի իր գրասենեակէն ներս հիւրընկալեց Մեծի Տանն Կիլիկիոյ Կաթողիկոսութեան Դպրեվանքէն նորօծ աբեղաներ Հոգշ. Տ. Նորայր Աբղ. Պայտունեան եւ Հոգշ. Տ. Հրայր Աբղ. Պայտունեան, որոնց կ՚ընկերակցէր Ճեզիրէի Առաջնորդական Փոխանորդ Հոգշ. Տ. Լեւոն Վրդ. Եղիայեան։

Հայր Սուրբերը Հալէպ ժամանեցին իրենց ծնողներուն այցելելու եւ Ազգ. Առաջնորդարան այցելելով՝ Սրբազան Հօր օրհնութիւնը ստանալու։
Առաջնորդ Սրբազան Հօր տնօրինութեամբ, Ս. Աննայի ուխտի օրուան առիթով, անոնք յառաջիկայ օրերուն Եագուպիէի Ս. Աննա ուխտատեղի-մատրան մէջ Սուրբ եւ Անմահ Պատարագ պիտի մատուցեն։

Մակար Սրբազան շնորհաւորեց Հայր Սուրբերը՝ քահանայական եւ աբեղայական օծում ստանալուն առիթով, իր ուրախութիւնը յայտնեց միաբանական շարքերէն ներս անոնց մուտք գործելուն համար եւ իր հայրական խրատները փոխանցեց անոնց, մաղթելով, որ աստուածային շնորհքով իրենց հաւատքին վրայ հաստատուն մնան եւ օրհնաբեր ու բեղուն ծառայութիւն մատուցեն։

باستضافة سيادة المطران ماكار أشكاريان، مطران الأرمن الأرثوذكس لأبرشية حلب وتوابعها، عُقد اجتماع لمجلس رؤساء الطوائف المس...
25/08/2026

باستضافة سيادة المطران ماكار أشكاريان، مطران الأرمن الأرثوذكس لأبرشية حلب وتوابعها، عُقد اجتماع لمجلس رؤساء الطوائف المسيحية في حلب وذلك يوم الثلاثاء الواقع في 25 آب 2026 صباحاً، بمشاركة رؤساء الطوائف المسيحية، في دار المطرانية.
تحدث المجتمعون حول الحج الى دير وكنيسة مار سمعان العامودي الذي سيتم في الأول من أيلول 2026.

حضر الاجتماع السيد العقيد محمد المصري رئيس مخفر العزيزية في حلب والسيد محمد شبيب المسؤول عن أمن القطاع التربوي في حلب حيث تم التطرق على مواضيع كثيرة مع رؤساء الطوائف.
-----
ՀԱԼԷՊԻ ՔՐԻՍՏՈՆԵԱՅ ՀԱՄԱՅՆՔԱՊԵՏՆԵՐՈՒ ԺՈՂՈՎ ԳՈՒՄԱՐՈՒԵՑԱՒ ԱԶԳ. ԱՌԱՋՆՈՐԴԱՐԱՆԷՆ ՆԵՐՍ

Հիւրընկալութեամբ՝ Բերիոյ Հայոց Թեմի Բարեջան Առաջնորդ Գերշ. Տ. Մակար Սրբ. Արք. Աշգարեանի, Երեքշաբթի, 25 Օգոստոս 2026-ին, Հալէպի Քրիստոնեայ համայնքապետները ժողով գումարեցին, Ազգ. Առաջնորդարանէն ներս։

Ժողովին արծարծուեցաւ դէպի Ս. Սիմէոն Սիւնակեցի վերանորոգուած վանք կազմակերպուելիք ուխտագնացութեան նախապատրաստական աշխատանքները։
Ուխտագնացութիւնը տեղի պիտի ունենայ Երեքշաբթի, 1 Սեպտեմբեր 2026-ին, բոլոր համայնքներէն ուխտաւորներու մասնակցութեամբ։

Ժողովին անդրադարձ կատարուեցաւ նաեւ համայնքները յուզող օրակարգային զանազան հարցերու:

Ժողովին ներկայ գտնուեցան նաեւ Հալէպի Ազիզիէ թաղամասի ոստիկանապետ տիար Մուհամմատ ալ-Մասրին եւ կրթական մարզի ապահովական պատասխանտու տիար Մուհամմատ ալ-Աֆիֆը, որոնք համագործակցութեան ոգիով համայնքապետներուն հետ քննարկեցին զանազան նիւթեր։

25/08/2026

Ս. ԱՍՏՈՒԱԾԱԾԻՆԻ ՎԵՐԱՓՈԽՄԱՆ ՏՕՆԻՆ ԱՌԻԹՈՎ ՍՈՒՐԲ ԵՒ ԱՆՄԱՀ ՊԱՏԱՐԱԳ ԵՒ ԽԱՂՈՂՕՐՀՆԷՔ՝ ՔԵՍԱՊԻ Ս. ԱՍՏՈՒԱԾԱԾԻՆ ԵԿԵՂԵՑՒՈՅ ՄԷՋ
16 Օգոստոս 2026

Երկուշաբթի, 24 Օգոստոս 2026📜Այսօրուան ընթերցուածը📜Պօղոս առաքեալի Գաղատացիներուն գրած նամակէն (Գղ 3.24-29)✨Կրնաք ընթերցել...
24/08/2026

Երկուշաբթի, 24 Օգոստոս 2026
📜Այսօրուան ընթերցուածը📜
Պօղոս առաքեալի Գաղատացիներուն գրած նամակէն (Գղ 3.24-29)
✨Կրնաք ընթերցել նաեւ (Երգ 6.3-8: Մղ 3.1-2: Ղկ 2.1-7)

24 Ուրեմն Օրէնքը մեր խնամակալ դաստիարակը եղաւ, մեզ Քրիստոսի առաջնորդելով, որպէսզի հաւատքով արդարանանք:
25 Բայց հիմա որ հաւատքը եկաւ, այլեւս դաստիարակի պէտք չունինք,
26 որովհետեւ Յիսուս Քրիստոսի հաւատալով՝ բոլորդ ալ Աստուծոյ որդիներ եղաք:
27 Անգամ մը որ Քրիստոսի միանալով մկրտուեցաք, այլեւս Քրիստոս է որ կ'ապրի ձեր մէջ:
28 Ալ ո՛չ Հրեայի եւ հեթանոսի խտրութիւն կայ, ո՛չ ստրուկի եւ ազատ մարդու, ո՛չ ալ արուի եւ էգի, որովհետեւ Քրիստոսի միանալով՝ բոլորդ ալ մէկ եղաք:
29 Արդ ուրեմն, եթէ Քրիստոսի կը պատկանիք՝ կը նշանակէ թէ դուք Աբրահամի զաւակներ էք եւ պիտի ժառանգէք ինչ որ Աստուած անոր խոստացաւ:

ՑԱՒԱԿՑԱԳԻՐԲերիոյ Հայոց Թեմի Առաջնորդ Գերշ. Տէր Մակար Սրբ. Արք. Աշգարեանը եւ Ազգային Իշխանութիւնը խոր կսկիծով իմացան Մեծի...
23/08/2026

ՑԱՒԱԿՑԱԳԻՐ

Բերիոյ Հայոց Թեմի Առաջնորդ Գերշ. Տէր Մակար Սրբ. Արք. Աշգարեանը եւ Ազգային Իշխանութիւնը խոր կսկիծով իմացան Մեծի Տանն Կիլիկիոյ Կաթողիկոսութեան Գահակալ Ն.Ս.Օ.Տ.Տ. Արամ Ա. Վեհափառ Հայրապետի եղբօր՝ հանգուցեալ Աւետիս Քէշիշեանի մահուան բօթը։

Այս տխուր առիթով, մեր ցաւակցութիւնն ու վշտակցութիւնը կը յայտնենք՝ Վեհափառ Հայրապետին, հանգուցեալի ընտանեկան պարագաներուն եւ հարազատներուն:

Յիշատակն արդարոյն օրհնութեամբ եղիցի: Ամէն։

Դիւան Ազգ. Առաջնորդարանի
Հալէպ, 23 Օգոստոս 2026

Ս. Աննայի ուխտի օրուան եկեղեցական արարողութիւններ՝ Եագուպիէի Ս. Աննա ուխտատեղի-մատրան մէջ։28-29-30 Օգոստոս 2026
23/08/2026

Ս. Աննայի ուխտի օրուան եկեղեցական արարողութիւններ՝ Եագուպիէի Ս. Աննա ուխտատեղի-մատրան մէջ։
28-29-30 Օգոստոս 2026

Կիրակի, 23 Օգոստոս 2026📜Այսօրուան ընթերցուածը📜Ղուկասու Աւետարանէն (Ղկ 1.39-56)✨Կրնաք ընթերցել նաեւ (Առ 11.30-12.4: Զք 2....
23/08/2026

Կիրակի, 23 Օգոստոս 2026
📜Այսօրուան ընթերցուածը📜
Ղուկասու Աւետարանէն (Ղկ 1.39-56)
✨Կրնաք ընթերցել նաեւ (Առ 11.30-12.4: Զք 2.10-13: Բ.Կր 6.16-7.1)

39 Նոյն օրերուն, Մարիամ ճամբայ ելլելով՝ աճապարանքով գնաց Յուդայի լեռնային շրջանի քաղաքներէն մէկը:
40 Հոն Զաքարիայի տունը մտնելով՝ Եղիսաբէթի ողջոյն տուաւ:
41 Երբ Եղիսաբէթ Մարիամի ողջոյնը լսեց, իր որովայնին մէջ երեխան շարժեցաւ, եւ Եղիսաբէթ Սուրբ Հոգիով ներշնչուած՝
42 բարձրաձայն ըսաւ.
- Կիներուն մէջ օրհնեա՜լ ես դուն եւ օրհնեա՜լ է զաւակը որ կը կրես որովայնիդ մէջ:
43 Ի՜նչ երջանկութիւն, որ Տիրոջս մայրը ինծի կ'այցելէ.
44 որովհետեւ երբ ողջոյնդ լսեցի, երեխաս ուրախութեամբ շարժեցաւ որովայնիս մէջ:
45 Երանի՜ քեզի որ հաւատացիր, որովհետեւ Աստուծոյ կողմէ քեզի ըսուածները պիտի կատարուին:
46 Մարիամ ըսաւ.
«Տէրը պիտի գովաբանեմ.
47 Ահա հոգիս կ'ուրախանայ
Աստուծմով, իմ Փրկիչովս,
48 որովհետեւ ան տեսաւ
իր աղախինին հեզութիւնը:
Ասկէ ետք բոլոր սերունդները
երանի պիտի տան ինծի,
49 քանի հզօրն Աստուած ինծի համար
մեծամեծ գործեր կատարեց.
սուրբ է անունը անոր:
50 Բոլոր ժամանակներուն մէջ
ողորմութեամբ ան կը նայի
աստուածավախ մարդոց վրայ:
51 Իր բազուկով ան զօրութիւն ցոյց տուաւ,
ոչնչացուց հպարտները՝
իրենց բոլոր խորհուրդներով:
52 Գահազրկեց արքաները
եւ բարձրացուց խոնարհները:
53 Անօթիները բարիքներով լիացուց,
մինչ հարուստները դատարկաձեռն արձակեց:
54 Պաշտպան եղաւ իր ծառային՝ Իսրայէլի,
հաւատարիմ մնալով իր ողորմութեան,
55 ինչպէս որ խոստացած էր մեր հայրերուն՝
Աբրահամի եւ անոր զաւակներուն»:
56 Մարիամ Եղիսաբէթի մօտ շուրջ երեք ամիս մնալէ ետք վերադարձաւ իր տունը:

Address

مطرانية الأرمن الأرثوذكس لأبرشية حلب و توابعها
Aleppo
00963

Opening Hours

Monday 09:00 - 13:30
Tuesday 09:00 - 13:30
Wednesday 09:00 - 13:30
Thursday 09:00 - 13:30
Friday 09:00 - 13:30
Saturday 09:00 - 12:30

Website

Alerts

Be the first to know and let us send you an email when Բերիոյ Հայոց Թեմի Առաջնորդութիւն posts news and promotions. Your email address will not be used for any other purpose, and you can unsubscribe at any time.

Shortcuts

Share

Category