خواطر انثى

22/04/2023

#اطش أحلامي فوگ

#ارماد الايام...

#واكابر عالجرح💔

#واغفه ويصحيني.. #خواطرأنثى

06/09/2021

يا من وكلت أمرك للاقدار حييني
فبمعنى الاباء قد خط جبيني
وإن الصعاب قد باتت تسليني
امرغ انفها واعتلي ركب السنين
عن مطلبي لاأنثني فذاك يقيني
وكم خذلت الحزن بتذليل الانينِ #خواطرأنثى

15/08/2021

قيل إن راية العباس قد سقطت...
ولكنها باقية وشامخه في بصيرة العقلاء
لبيك يا عباس🏴

15/08/2021

إن لِليلة العباس جمرة في قلوب العاشقين تلتهب كل عام بمجرد سماع حروف اسمه💔 عظم الله لكم الأجر بمصاب الكفيل 😓
اريد اكتب وادور حروف تلهب نار
لان اسم ابوفاضل شعلة ملتهبه
شوف شگد حجوا وسنين كتبوا بيه
ذاك الموقف وما وصفوا حبه
حاير بيمن ابدي العين بالجفين
لو حامي الخدر لوحامل الجربه
لو راعي العلم لو عمد ظهر حسين
لو ليث الحرب لو كاشف الكربه
اعددهن بعد.. والكل عرفهن زين
ابو فاضل صفاته وتنوصف صعبه!
حقك سيدي العباس واحلف بيك
معروفه جفوفك للخلگ تربه
مااسولف.. نهر.. عطشان حاير بيك
وحسين وخواته وليلة الخربه (خربة الشام)
ذن كلهن يجن بس مااكول اليوم
سابع من محرم والمحب يصبه
دمعات وحماس يعوكسن بالروح
هاي تصيح حيل وذيج التخربه
معذوره دمعتي تصب على الصوبين
دمعه اعله النهر تنزل باثر غربه
ودمعة محمله ومليانه من حاجات
وتدري من الحزن معذور اليطلبه
يتاني بليلتك مولاي يبجي هموم
يعددهن ابابك يدري مو صعبه
يعددهن ابابك يدي مو صعبه.. #خواطرأنثى

29/06/2021

✿.｡.:* ☆:**:.كَتَبنا فكان القلب يمضي ماكبتنا
َوَرِدنا فيا رباه يسر ما وردنا .:**:.☆*.:｡.✿
#خواطرأنثى

07/12/2020

مثل الجام مكشوفه ملامحنه~
نبين كل فرح ونبين المحنه~
بشر ماشين عالمكشوف،،،،
يطلع لونه بوجه اليصافحنه #خواطرانثى

29/11/2020

*******
يسرني المايسر غيري واسره
اخافن ينحسد عني ويسره
عليه اصفگ اظل يمنه ويسره
لهذا تعتمت كل كلمة بيه #خواطرانثى

05/11/2020

01/11/2020

ياهنياله اليبدل وجوه
ويريدوه!!
انا وجهي اعله نيتي
وشحه خلاني!!! #خواطرأنثى

13/10/2020

دولبت بينه السنين
وشاخت جروح الگلب
عشره فوگ الحيل نمشي
وماخلص بعده الدرب #خواطرأنثى

09/10/2020

موبيدينه..
الدنيا جارت بس علينه
سنين عشنه.. ومرها ضگنه..
شبعنه هم وماحجينه
ودورينه.. ودورينه...
النور حسره ومالگينه
ومن تعبنه عيونه الغابت علينه
وصعبت بينه الدروب...
بخطوة الاعمى مشينه
اي مشينه.. شگد مشينه..
لارجعنه ولاخطينه!!
ردنه جف تگودنه وتعطف علينه
بيها تهدي ارواحنا الخلصت حزينه
ترسملنه النور بأحلام ويجينه
وتجبر بخاطر حمام مودعينه..
بس حسافه هناك مايلگه اليعينه
يبقى جنحه يحوم ويرفرف بيدينه
معلگ بهمه يظل فوك المدينه
و لوجرف بالگاع نتمنه ورسينه
موبيدينه الدنيا جارت بس علينه #خواطرأنثى

13/09/2020

في خريف الامنيات
قلت مهلاً...
سقطت ذرات عمري
وغفا القلبُ سبات
بحفيف الغصن
اعزف كل الحان الحياة
ذلك القلب الصبور
كم له من ذكريات💔
لوجوه فينا كانت
منزلاً للأمنيات
تبعث الروح لتحيا
في قصور شامخات
،،،،،،،
فجأة في يوم ساكن
غابت الوان الصفات
وغدا الجفن ذبولا
جف بحر الأمنيات
ذهبت كالريح صارت
في هبوبٍ عاصفٍ
حطم القلب وفات💔 #خواطرأنثى