26/10/2024
Warbaahinta caalamka waxay si weyn u hadashay markabka Turkiga ee Oruç Reis, kaas oo shalay yimid Soomaaliya si uu u sameeyo sahanka shidaalka iyo gaaska. Hadaba mexeey ka qoreen warbaahinta caalmku:
1. AGBI waxay sheegtay in Turkiga uusan kaliya danayn shidaal sahanka ee Soomaaliya, balse ay jirto ujeedo siyaasadeed oo muhiim ah. Markabkan Oruç Reis ayaa ka shaqayn doona saddex goobood oo ay Turkigu ruqsad u haystaan, iyadoo mashruucan uu ka mid yahay qorshe ballaaran oo Turkigu ku doonayo inuu yareeyo ku tiirsanaanta tamarta dibadda. Waxaa sidoo kale jira su’aalo ku saabsan caqabadda dhulka sahanka ah iyo kharashaadka ballaaran ee howlgalka .
2. Maritime Executive waxay diiradda saartay horumarka farsamo ee markabka iyo kaabayaasha Turkiga ee shidaal sahanka. Oruç Reis wuxuu qaadi doonaa sahanno saddex-geesood ah muddo toddobo bilood ah, iyadoo xogta laga soo ururiyo lagu go’aamin doono meelaha shidaalka laga qodi karo. Waxaa sidoo kale la sheegay in mashruucan uu sababi karo xiisad dheeraad ah oo ka dhalata saameynta joogtada ah ee Turkiga ee gobolka Geeska Afrika .
3. Yeni Şafak waxay soo warisay in madaxweyne Recep Tayyip Erdoğan uu si rasmi ah u daahfuray safarka Oruç Reis, isagoo ku tilmaamay mid muhiimad u leh horumarinta tamarta iyo iskaashiga dhaqaale ee Turkiga iyo Soomaaliya. Markabkan ayaa waxaa weheliya laba doonyood oo ciidan, kuwaas oo sidoo kale qayb ka noqon doona sugidda ammaanka badda iyo la dagaalanka burcad-badeednimada .
Guud ahaan, warbaahinta caalamka waxay arrintan u aragtaa mid saameyn dhaqaale iyo siyaasadeed weyn leh oo ay Soomaaliya iyo Turkiga ka wada faa’iidayaan, iyadoo sidoo kale loo arko in Turkiga uu ku sii xoojinayo joogitaankiisa istiraatiijiyadeed ee gobolka.
Ugaaska
