04/07/2023
Abwaan Cali Maxamuud Qaylshe oo Gabay ka tiriyay Dooddii Ceelguula lagu Ballansanaa Ee Suufiyadu Ka Baaqatay:
" Cirkoo karar leh, dooggoo kashbacay, kadimmadoo naaxay.
Goor karuurku dhiilaha la yaal kaarna laga reystay.
Kumbis iyo haweenkoo labeen kurayda siinaaya.
Kutaabtiyo duqowshihi dhaloo kulanka loo waabay.
Caqiiddadu waqeed kala taggane salafki tuu keenay.
Iyo kalimaddoodii dadkoo kaalinka u dhooban.
Oo aan kurbaba laga aqoon keliga Ceel-guula.
Ayuunbay kadeed nagu fureen koox la soo gemaye.
Koofur iyo ragyohow Xamar ka yimid waad na kediseene.
Koonka Mudug ah iyo gaar ahaan keliga Ceel-guula.
Kutub iyo axkaan iyo wixii kaalin culummood ah.
Annagaa karbuuno u sidniyo kaah la tiigsado e.
Keenada dadkaan gelinnay baad kala irdheyseene.
Kumbis iyo waxaad naga qubteen dhoon karuur badane.
Kurbintiyo fandhaalkeedi baad kala fogeyseene.
Korommadi na loo loogi jiray kebeddi loo saarye
War haddii middaas lagu kiciyo kibir la deyn waayo
Karaar iyo dagaal culus intaan kicinno baaruudda
Kalxantiyo afweyntuu ka jebi kii na quursadaye
Ayuun bay intay noo kulmeen kor ula yeereene.
Kontonkii nin soo dhaafay oo kololo' taahaaya
Karaankuro dagaal lagu galaa kuma qarsooneyne
Karaamada wax kaa qaadayoo kaar leh baa jira e
Kaadsiimahaa lagu galaa kaalin khayr badane
Kaarabbiin tolkaa lagu ridana kaalmo lagu waaye.
Horta dood u kaalaya rag waa koodi jiray dhaaxe
......
Koowdii Sekaad iyo markaan kulanki soo gaarnay.... ..
Siday tahay dalaaq lagu kaftamay loo kitaab celiye"
