31/05/2026
🌸 ... သို့ ကျေးဇူးစကားလွှာ ... 🌸
*******************
**နေ့ရက်မြတ်** - ၂၀၂၆ ခုနှစ်၊ မေလ (၃၁) ရက်၊ တနင်္ဂနွေနေ့။
** စင်္ကာပူနိုင်ငံ၊ သစ္စာပါရမီဓမ္မရိပ်သာမှ (ကဆုန်လပြည့် ဗုဒ္ဓမွေးနေ့အထိမ်းအမှတ်) အဖြစ်
ဆင်နွှဲကျင်းပခဲ့ကြသော **
နေ့တရားစခန်း၊ ညောင်ရေသွန်းပွဲနှင့် ဆွမ်းခြောက်လောင်းလှူ ပူဇော်ပွဲကြီး** သို့ —
> 🙏 **
မေတ္တာဖြင့်
ကြွရောက်ချီးမြှင့်တော်မူကြသော**
သံဃာတော်အရှင်သူမြတ်များ၊
> 🙏 **သံသရာဝဲဩဃမှ ရုန်းထွက်ရန် တရားဓမ္မကို ကြိုးစားအားထုတ်တော်မူကြသော**
> သူတော်စင် ယောဂီသူတော်ကောင်းများ၊
> 🙏 **စေတနာမိုးပန်း ဖြန်းပက်ကာ စတုဒိသာအာဟာရ၊ သောက်ရေသန့်၊ အအေးနှင့် ကြိုပို့ယာဉ်ဒါနများဖြင့်**
> ပါဝင် အလှူရေလောင်းလှူဒါန်းခဲ့ကြသော အလှူ့ဒါယကာ၊ ဒါယိကာမများ၊
> 🙏 **တရားစခန်းပွဲနှင့် ဆွမ်းခြောက်လောင်းလှူဒါန်းမှုအတွက်**
> မိမိတို့၏ ချွေးနည်းစာ၊ နဝကမ္မအစုစုတို့ကို သဒ္ဓါကြည်လင်စွာဖြင့် ပါဝင်ပံ့ပိုး လှူဒါန်းပေးခဲ့ကြသော အလှူရှင်များ၊
> 🙏 **ခြေလက်လုပ်အား နှလုံးသားဖြင့် ရိုသေစွာ လုပ်အားဒါနပြု၍**
> ပွဲတော် အောင်မြင်ချောမွေ့စေရန် ဆောင်ရွက်ပေးခဲ့ကြသော ဝေယျာဝစ္စ ကုသိုလ်ရှင်များ
နှင့်တကွ -
ဤပွဲတော်တွင် အဘက်ဘက်မှ ရေစက်လက်ဆုံ ပါဝင်ကူညီပေးခဲ့ကြသော အထွေထွေအလှူရှင်များ
တို့အား ...
သစ္စာပါရမီ ဆရာတော်ဘုရားကြီးနှင့်တကွ
စင်ကာပူနိုင်ငံ သစ္စာပါရမီအဖွဲ့ကြီးအနေဖြင့်
**ရင်ထဲမှလှိုက်လှဲစွာ အထူးဥပကာရ လေးနက်စွာဖြင့်
ကျေးဇူး မှတ်တမ်းတင်အပ်ပါသည် ခင်ဗျား။**
✨ ဆုတောင်းမေတ္တာပတ္ထနာ ✨
*********
ဤသို့ ကြီးမြတ်လှသော ကုသိုလ်စမ်းရေအရှိန်ကြောင့် ဓမ္မမိတ်ဆွေသူတော်စင်အပေါင်းတို့သည် -
စိတ်၏ချမ်းသာခြင်း၊ ကိုယ်၏ကျန်းမာခြင်း အဝဝနှင့် ပြည့်စုံကြပါစေ။
ဘေးဥပဒ်အန္တရာယ်၊ ရောဂါဝေဒနာအပေါင်းမှ ဝေးကွာလွင့်စင်၍ -
မိမိတို့ မျှော်မှန်းတောင့်တအပ်သော ကောင်းမြတ်သော လိုအင်ဆန္ဒမှန်သမျှတို့သည် -
စိန္တာမဏိ လိုတရ ပတ္တမြား
ရတနာကဲ့သို့
ပြည့်စုံလန်းဆန်းနိုင်ကြပါစေကြောင်း ...
ဆုတောင်းမေတ္တာ ပတ္ထနာ
ပြုအပ်ပါသည်ခင်ဗျား...
**သစ္စာပါရမီအဖွဲ့**
**စင်ကာပူနိုင်ငံ**
*(၃၁-၀၅-၂၀၂၆)*
