ተዋህዶ ናይ ዘለዓለም ቤተይ

05/09/2026

ፍልይቲ ወርኂ - ወርኀ ጳጕሜን
ብናይ ኦርቶዶክስ ተዋሕዶ ቤተ ክርስቲያን ኣቈጻጽራ ዘመን፡ ሓደ ዓመት 13 ኣዋርኅ ይኅዝ። ናይ መወዳእታ መበል 13 ወርኂ ድማ ጳጕሜን ይብሃል። ጳጕሜን፡- ካብ 'ኤጳጎመን' (epagomene)’ ዝብል ግሪኻዊ ቃል ዝተወስደ ኾይኑ፡ 'ተወሳኺ' ማለት እዩ።

ንዓመት ኣብ 12 ኣዋርኅ በብ ሠላሳ ዕለታት ምስ ኸፈልናዮ እቶም ዝተርፉ ተወሰኽቲ ዕለታት ተጠርኒፎም ‘ተወሳኺ ወርኂ’ ጳጕሜን ይበሃሉ። እዞም ዕለታት ቍጽሮም ዝተፈላለየ እዩ። ኃሙሽተ ዕለታት ይኾኑ፣ ኣብ ኣኣርባዕተ ዓመት ድማ ሽዱሽተ ይኾኑ፣ ኣብ ሸሽዱሽተ ሚእቲ ዓመት’ውን ሾብዓተ ዕለታት ይኾኑ እዮም።

ወርኀ ጳጕሜን፡ መራኸቢ ኽልተ ዓመት፡ መፈጸምታ ኣረጊት ዓመት፡ መሰጋገሪ ናብ ሓድሽ ዓመት ብምዃኑ ዝተፈላለየ መንፈሳዊ ትምህርትን መልእኽትን፡ ኅብረ አምሳል፡ ትውፊትን ሥርዓትን ኣለዎ።

ሕዝበ ክርስቲያን፡ ንወርኀ ጳጕሜን ከም መፈጸምታ ዘመን ሓሲቦም፡ ብጾምን ጸሎትን ተወሲኖም ስለ ዳግም ምጽአት ይዝክሩ።

ሰማይ ዝረሓወሉ፡ ማያት ዝቕደስሉ ወርኂ ስለዝኾነ ‘ማይ ጳጕሜን’ ዘይሕጸብ ምእመን ዳርጋ የሎን። እዚ ምሳሌ ናይ ዝኃለፈ ዓመት ኃጢኣትካ ብንስሓ ምንጻሕ ኮይኑ "ሓድሽ ሰብ" ኴንካ ንዝመጽእ ዓመት ንምቕባል እዩ። (1ይ ጴጥ. 4፡3)

ብዛዕባ ወርኀ ጳጕሜን ካብ መጽሐፈ ተአምረ ማርያም ከምዚ ዝስዕብ ተጻሒፉ ኣሎ፦

ወበአሐቲ ዕለት ጊዜ መንፈቀ ሌሊት አስተርአየቶ እግዝእትነ ለናዖድ ንጉሠ ኢትዮጵያ ወትቤሎ ኦ ፍቁርየ ናዖድ ምንተ ትፈቅድ ከመ እግበር ለከ፧ ውእቱኒ ይቤላ . . . እፈቅድ አእምር ከመ መኑ ይእቲ ዕለት ዘትሰመይ ጳጒሚት፧

ወትቤሎ እግዝእትነ ለናዖድ ንጉሠ ኢትዮጵያ ዛቲ ወርኀ ጳጒሚት ዘተረክበት ትሩፈ እምአርባዕቱ አዝማናት ወእምዐሠርቱ ወክልኤቱ አውራኅ ተኀብር ወበእንተዝ ተሰምየት ጳጒሚት።

ወዛቲ ይእቲ ዘመነ ምጽአት ይእቲ። ወካዕበ ትቤሎ ዛቲ ዘመን ምስትሥራየ ኃጢአት ወምዕራገ ጸሎት ይእቲ ወኵሉ ሰብእ በይእቲ ወርኅ ዘጾመ ወጸለየ ወበዘይዘንም ዝናም ዘተሐጽበ ወዘተጠምቀ ይትፌወስ እምደዌሁ እስመ ዝናመ ምሕረት ወጠለ በረከት ውእቱ።

ወበዛቲ ወርኅ ይከበር በዓለ መላእክት ኵሎሙ ወነገሥት ቅዱሳን ወበዓለ ርኅወ ሰማይ። ርኅወ ሰማይኒ ብሂል በዓለ አብ ወወልድ ወመንፈስ ቅዱስ ውእቱ።

ወአመ ሠሉሱ ለይእቲ ወርኅ በዓለ ሩፋኤል ሊቀ መላእክት ወበዓለ መልከ ጼዴቅ ካህን ዘአልቦ አብ ወእም ወዘአልቦ ሞት ወመቃብር እስመ ንጉሠ ሳሌም ወነቢይ ወአልቦ ዘይትማሰሎ በሰማይ ወበምድር።

ወለይእቲ ዕለት ዘአልዓላ ወአክበራ በጾም ወበጸሎት ወበምጽዋት ይትከሠት ሎቱ ምሥጢረ ሥላሴ ወየኀድር ላዕሌሁ መንፈሰ እግዚአብሔር ልዑል።

ወይመልእ ላዕሌሁ በረከተ አብ ወወልድ ወመንፈስ ቅዱስ ወበረከተ መልከ ጼዴቅ ካህን ወበረከተ ሩፋኤል ሊቀ መላእክት ወበረከተ ቅዱሳን ነገሥታት አብርሀ ወአጽብሐ።

ወይረክብ ክብረ ወብዕለ ጸጋ በዲበ ጸጋ ግርማ ወሞገስ ወይገርሩ ፀሩ ወጸላእቱ ከመ አብርሃም ፍቁረ እግዚእ።

ሶበ ይመውት የዐዱ ባሕረ እሳት ወይነግሥ በመንግሥተ ሰማያት እስከ ለዓለም ወከመዝ ትቤሎ ተሠወረት እምኔሁ።

ወሶበ ነቅሐ እምንዋሙ ናዖድ ንጉሠ ኢትዮጵያ ተፈሥሐ ዓቢየ ፍሥሐ ወሰብሖ ለእግዚአብሔር ወአእኰታ ለእግዝእትነ ቅድስት ድንግል በክልኤ ማርያም ወላዲተ አምላክ በእንተ ዘገብረት ሎቱ። /

ካብ ዕለታት ሓደ መዓልቲ ፍርቂ ለይቲ ኣዴና ቅድስት ድንግል ማርያም ንናዖድ ንጉሠ ኢትዮጵያ ተገሊጻ፥ ‘ኦ ፈታውየይ ናዖድ እንታይ ክገብረልካ ትደሊ፧’ በለቶ። ‘ንሱ ኸኣ . . . እዛ ጳጕሚት እተሰምየት ብኸመይ ከም ዝመጽአት ክፈልጥ ምደለኹ’ በላ።

እግዝእትነ ማርያም ኸኣ ‘እዛ ጳጕሚት እትበሃል ወርኂ ካብ ኣርባዕተ ወቕታት ዘለዉ መዓልታት ዝተረፈት እያ። በዚ ምኽንያት ኸኣ ምስ ዓሠርተ ክልተ ኣዋርኅ ተፈቒዳ መበል ዓሠርተው ሠለስተ ወርኂ ጳጕሚት ተባህለት። እዛ ወርኂ እዚኣ ዘመነ ምጽኣት ትበሃል እያ’ ኢላ ነገረቶ።

ደጊማ’ውን ከምዚ በለቶ፥ “እዛ ወርኂ’ዚኣ ኃጢኣት ዝሥረየላ፣ ጸሎትን ምጽዋትን ዝዓርገላ እያ። ኣብዛ ወርኂ እዚኣ ዝጸለየን ዝጾመን ከምኡ’ውን ኣብዛ ወርኂ’ዚኣ ዝዘንም ዝናመ ምሕረትን ጠለ በረኸትን ስለዝኾነ ብእኡን ብማየ ጸሎትን ዝተሓጽበ ካብ ሕማሙ ይፍወስ እዩ።

እዛ ወርኂ እዚኣ በዓለ ቅዱሳን መላእክትን ነገሥታትን ዝኽበረላን፣ ኣፍ ደገ ሰማይ ዝረሓወላን እያ። ርኅወተ ሰማይ ማለት በዓል አብን ወልድን መንፈስ ቅዱስን ማለት እዩ።

ኣብ ዕለት ሠለስተ ናይዛ ወርኂ እዚኣ ከኣ ክብረ በዓል ሊቀ መላእክት ቅዱስ ሩፋኤል እዩ። ከምኡ’ውን ናይ ንጉሥ ሳሌምን ነቢይን ዝኾነ፡ ኣቦን ኣደን ከም ዘለዎ ዘይፍለጥ ሞይቱ ተቐቢሩ ዘይበሃል ካህን መልከ ጼዴቅ በዓል ዝኽበር’ውን ኣብዛ ዕለት እዚኣ እዩ።

ነዛ ዕለት’ዚኣ ብጾም ብጸሎትን ብምጽዋትን ዘኽበራን ልዕል ልዕል ዘበላን ኵሉ ምሥጢረ ሥላሴ ይግለጸሉ እዩ። መንፈሰ እግዚአብሔር’ውን ኣብ ልቦናኡ ይኃድር እዩ።

በረኸት አብን ወልድን መንፈስ ቅዱስን፣ በረኸት ካህን መልከ ጼዴቅ፣ በረኸት ሊቀ መላእክት ቅዱስ ሩፋኤልን በረኸት ቅዱሳን ነገሥታት ኣብርሃን ኣጽብሐን ኣብ ልዕሊኡ ይኃድር እዩ።

ክብርን ልዕልናን ይረኽብ፣ ጸጋ ኣብ ልዕሊ ጸጋ ይውሰኸሉ፡ ግርማ ሞገስ ይወሃቦ፣ ከምቲ አርከ እግዚአብሔር ዝተሰምየ ኣቦና ኣብርሃም’ውን ኵሎም ጸላእቱ ይጠፍኡሉ እዮም።

እንተ ሞተ’ውን ባሕረ እሳተ ሲኦል ተሳጊሩ ኣብ መንግሥተ ሰማያት ንዘለዓለም ነጊሡ ይነብር” ኢላ ምስ ነገረቶ ካብኡ ተሠወረት።

ንጉሥ ናዖድ ኸኣ ካብ ድቃሱ ተበራበረ። ፍጹም ሓጐስ እናተሰምዖ ንእግዚአብሔር ኣመስገነ። ራእይ ንዝገለጸትሉን ነዚ ተስፋ ዝሃበቶን እግዝእትነ ቅድስት ድንግል በክልኤ ማርያም ወላዲተ ኣምላክ’ውን ናይ ጸጋ ምስጋና ኣቕረበላ።

ወስብሐት ለእግዚአብሔር፡ አሜን!
ብናይ ኦርቶዶክስ ተዋሕዶ ቤተ ክርስቲያን ኣቈጻጽራ ዘመን፡ ሓደ ዓመት 13 ኣዋርኅ ይኅዝ። ናይ መወዳእታ መበል 13 ወርኂ ድማ ጳጕሜን ይብሃል። ጳጕሜን፡- ካብ 'ኤጳጎመን' (epagomene)’ ዝብል ግሪኻዊ ቃል ዝተወስደ ኾይኑ፡ 'ተወሳኺ' ማለት እዩ።

ንዓመት ኣብ 12 ኣዋርኅ በብ ሠላሳ ዕለታት ምስ ኸፈልናዮ እቶም ዝተርፉ ተወሰኽቲ ዕለታት ተጠርኒፎም ‘ተወሳኺ ወርኂ’ ጳጕሜን ይበሃሉ። እዞም ዕለታት ቍጽሮም ዝተፈላለየ እዩ። ኃሙሽተ ዕለታት ይኾኑ፣ ኣብ ኣኣርባዕተ ዓመት ድማ ሽዱሽተ ይኾኑ፣ ኣብ ሸሽዱሽተ ሚእቲ ዓመት’ውን ሾብዓተ ዕለታት ይኾኑ እዮም።

ወርኀ ጳጕሜን፡ መራኸቢ ኽልተ ዓመት፡ መፈጸምታ ኣረጊት ዓመት፡ መሰጋገሪ ናብ ሓድሽ ዓመት ብምዃኑ ዝተፈላለየ መንፈሳዊ ትምህርትን መልእኽትን፡ ኅብረ አምሳል፡ ትውፊትን ሥርዓትን ኣለዎ።

ሕዝበ ክርስቲያን፡ ንወርኀ ጳጕሜን ከም መፈጸምታ ዘመን ሓሲቦም፡ ብጾምን ጸሎትን ተወሲኖም ስለ ዳግም ምጽአት ይዝክሩ።

ሰማይ ዝረሓወሉ፡ ማያት ዝቕደስሉ ወርኂ ስለዝኾነ ‘ማይ ጳጕሜን’ ዘይሕጸብ ምእመን ዳርጋ የሎን። እዚ ምሳሌ ናይ ዝኃለፈ ዓመት ኃጢኣትካ ብንስሓ ምንጻሕ ኮይኑ "ሓድሽ ሰብ" ኴንካ ንዝመጽእ ዓመት ንምቕባል እዩ። (1ይ ጴጥ. 4፡3)

ብዛዕባ ወርኀ ጳጕሜን ካብ መጽሐፈ ተአምረ ማርያም ከምዚ ዝስዕብ ተጻሒፉ ኣሎ፦

ወበአሐቲ ዕለት ጊዜ መንፈቀ ሌሊት አስተርአየቶ እግዝእትነ ለናዖድ ንጉሠ ኢትዮጵያ ወትቤሎ ኦ ፍቁርየ ናዖድ ምንተ ትፈቅድ ከመ እግበር ለከ፧ ውእቱኒ ይቤላ . . . እፈቅድ አእምር ከመ መኑ ይእቲ ዕለት ዘትሰመይ ጳጒሚት፧

ወትቤሎ እግዝእትነ ለናዖድ ንጉሠ ኢትዮጵያ ዛቲ ወርኀ ጳጒሚት ዘተረክበት ትሩፈ እምአርባዕቱ አዝማናት ወእምዐሠርቱ ወክልኤቱ አውራኅ ተኀብር ወበእንተዝ ተሰምየት ጳጒሚት።

ወዛቲ ይእቲ ዘመነ ምጽአት ይእቲ። ወካዕበ ትቤሎ ዛቲ ዘመን ምስትሥራየ ኃጢአት ወምዕራገ ጸሎት ይእቲ ወኵሉ ሰብእ በይእቲ ወርኅ ዘጾመ ወጸለየ ወበዘይዘንም ዝናም ዘተሐጽበ ወዘተጠምቀ ይትፌወስ እምደዌሁ እስመ ዝናመ ምሕረት ወጠለ በረከት ውእቱ።

ወበዛቲ ወርኅ ይከበር በዓለ መላእክት ኵሎሙ ወነገሥት ቅዱሳን ወበዓለ ርኅወ ሰማይ። ርኅወ ሰማይኒ ብሂል በዓለ አብ ወወልድ ወመንፈስ ቅዱስ ውእቱ።

ወአመ ሠሉሱ ለይእቲ ወርኅ በዓለ ሩፋኤል ሊቀ መላእክት ወበዓለ መልከ ጼዴቅ ካህን ዘአልቦ አብ ወእም ወዘአልቦ ሞት ወመቃብር እስመ ንጉሠ ሳሌም ወነቢይ ወአልቦ ዘይትማሰሎ በሰማይ ወበምድር።

ወለይእቲ ዕለት ዘአልዓላ ወአክበራ በጾም ወበጸሎት ወበምጽዋት ይትከሠት ሎቱ ምሥጢረ ሥላሴ ወየኀድር ላዕሌሁ መንፈሰ እግዚአብሔር ልዑል።

ወይመልእ ላዕሌሁ በረከተ አብ ወወልድ ወመንፈስ ቅዱስ ወበረከተ መልከ ጼዴቅ ካህን ወበረከተ ሩፋኤል ሊቀ መላእክት ወበረከተ ቅዱሳን ነገሥታት አብርሀ ወአጽብሐ።

ወይረክብ ክብረ ወብዕለ ጸጋ በዲበ ጸጋ ግርማ ወሞገስ ወይገርሩ ፀሩ ወጸላእቱ ከመ አብርሃም ፍቁረ እግዚእ።

ሶበ ይመውት የዐዱ ባሕረ እሳት ወይነግሥ በመንግሥተ ሰማያት እስከ ለዓለም ወከመዝ ትቤሎ ተሠወረት እምኔሁ።

ወሶበ ነቅሐ እምንዋሙ ናዖድ ንጉሠ ኢትዮጵያ ተፈሥሐ ዓቢየ ፍሥሐ ወሰብሖ ለእግዚአብሔር ወአእኰታ ለእግዝእትነ ቅድስት ድንግል በክልኤ ማርያም ወላዲተ አምላክ በእንተ ዘገብረት ሎቱ። /

ካብ ዕለታት ሓደ መዓልቲ ፍርቂ ለይቲ ኣዴና ቅድስት ድንግል ማርያም ንናዖድ ንጉሠ ኢትዮጵያ ተገሊጻ፥ ‘ኦ ፈታውየይ ናዖድ እንታይ ክገብረልካ ትደሊ፧’ በለቶ። ‘ንሱ ኸኣ . . . እዛ ጳጕሚት እተሰምየት ብኸመይ ከም ዝመጽአት ክፈልጥ ምደለኹ’ በላ።

እግዝእትነ ማርያም ኸኣ ‘እዛ ጳጕሚት እትበሃል ወርኂ ካብ ኣርባዕተ ወቕታት ዘለዉ መዓልታት ዝተረፈት እያ። በዚ ምኽንያት ኸኣ ምስ ዓሠርተ ክልተ ኣዋርኅ ተፈቒዳ መበል ዓሠርተው ሠለስተ ወርኂ ጳጕሚት ተባህለት። እዛ ወርኂ እዚኣ ዘመነ ምጽኣት ትበሃል እያ’ ኢላ ነገረቶ።

ደጊማ’ውን ከምዚ በለቶ፥ “እዛ ወርኂ’ዚኣ ኃጢኣት ዝሥረየላ፣ ጸሎትን ምጽዋትን ዝዓርገላ እያ። ኣብዛ ወርኂ እዚኣ ዝጸለየን ዝጾመን ከምኡ’ውን ኣብዛ ወርኂ’ዚኣ ዝዘንም ዝናመ ምሕረትን ጠለ በረኸትን ስለዝኾነ ብእኡን ብማየ ጸሎትን ዝተሓጽበ ካብ ሕማሙ ይፍወስ እዩ።

እዛ ወርኂ እዚኣ በዓለ ቅዱሳን መላእክትን ነገሥታትን ዝኽበረላን፣ ኣፍ ደገ ሰማይ ዝረሓወላን እያ። ርኅወተ ሰማይ ማለት በዓል አብን ወልድን መንፈስ ቅዱስን ማለት እዩ።

ኣብ ዕለት ሠለስተ ናይዛ ወርኂ እዚኣ ከኣ ክብረ በዓል ሊቀ መላእክት ቅዱስ ሩፋኤል እዩ። ከምኡ’ውን ናይ ንጉሥ ሳሌምን ነቢይን ዝኾነ፡ ኣቦን ኣደን ከም ዘለዎ ዘይፍለጥ ሞይቱ ተቐቢሩ ዘይበሃል ካህን መልከ ጼዴቅ በዓል ዝኽበር’ውን ኣብዛ ዕለት እዚኣ እዩ።

ነዛ ዕለት’ዚኣ ብጾም ብጸሎትን ብምጽዋትን ዘኽበራን ልዕል ልዕል ዘበላን ኵሉ ምሥጢረ ሥላሴ ይግለጸሉ እዩ። መንፈሰ እግዚአብሔር’ውን ኣብ ልቦናኡ ይኃድር እዩ።

በረኸት አብን ወልድን መንፈስ ቅዱስን፣ በረኸት ካህን መልከ ጼዴቅ፣ በረኸት ሊቀ መላእክት ቅዱስ ሩፋኤልን በረኸት ቅዱሳን ነገሥታት ኣብርሃን ኣጽብሐን ኣብ ልዕሊኡ ይኃድር እዩ።

ክብርን ልዕልናን ይረኽብ፣ ጸጋ ኣብ ልዕሊ ጸጋ ይውሰኸሉ፡ ግርማ ሞገስ ይወሃቦ፣ ከምቲ አርከ እግዚአብሔር ዝተሰምየ ኣቦና ኣብርሃም’ውን ኵሎም ጸላእቱ ይጠፍኡሉ እዮም።

እንተ ሞተ’ውን ባሕረ እሳተ ሲኦል ተሳጊሩ ኣብ መንግሥተ ሰማያት ንዘለዓለም ነጊሡ ይነብር” ኢላ ምስ ነገረቶ ካብኡ ተሠወረት።

ንጉሥ ናዖድ ኸኣ ካብ ድቃሱ ተበራበረ። ፍጹም ሓጐስ እናተሰምዖ ንእግዚአብሔር ኣመስገነ። ራእይ ንዝገለጸትሉን ነዚ ተስፋ ዝሃበቶን እግዝእትነ ቅድስት ድንግል በክልኤ ማርያም ወላዲተ ኣምላክ’ውን ናይ ጸጋ ምስጋና ኣቕረበላ።

ወስብሐት ለእግዚአብሔር፡ አሜን!

03/09/2026

#ኦርቶዶክስ #ተዋህዶ #ቤተክርስቲያን

12/08/2026

በስመኣብ ወወልድ ወመንፈስ ቅዱስ ኣሃዱ ኣምላክ ኣሜን።

፯/7 ነሓሰ ጽንሰታ ለእግዝእትነ ቅድስት ድንግል ማርያም ቅድሚ ዓለም ኣብ ሕልና ኣምላኽ ዝነበረት ከም ምዃና ገና ከይተወለደት ትንቢት ተነጊሩላ ሱባኤ ተቆጺሩላ ዝነበረን፡ ምስ ተወልደት ውን ኣደ ኣምላኽ እና ተባህለት ከም እትነብር ቅዱሳን መጻሕፍቲ ዝመስከሩላ ኢዮም።

ብዛዕባ ልደት ቅድስት ድንግል ማርያም ነቢይ ኢሰይያስ ካብ እግዚኣብሔር ብዝተዋህቦ ጸጋ ትንቢት “ትወጽእ በትር እም ሰርወ እሰይ ወየዓርግ ጽጌ እምጉንዱ” ካብ ጉንዲ እሴይ በትሪ ክትወጽእ ካብቲ ጉንዲ በትሪ ድማ ዕምበባ ጠጥዔ ክወጽእ ኢዩ ተባሂሉ ተነጊሩ ኔይሩ። (ኢሳ ፲፩፡፩/11፡1) ኣብዚ ቃል እዚ በትሪ ዝተባህለት ወይ ብበትሪ ዝተመሰለት ቅድስት ድንግል ማርያም ክትከውን ከላ ዕምባባ ወይ ጠጥዔ ዝተባህለ ድማ ጎይታናን መድሓኒናን ኢየሱስ ክርስቶስ ኣብዚ ምድራዊ ዓለም መጺኡ ካብ ቅድስት ድንግል ማርያም ካብ ስጋኣ ስጋ ካብ ነፍሳ ነፍሲ ወሲዱ ካብኣ ምውላዱ ዘመልክት ትንቢት ኢዩ።

ቅዱሳን ነቢያት እግዚኣብሔር ብዝገለጸሎም ረቂቕ ናይ ትንቢት ምስጢር ናይ ኣዴና ቅድስት ድንግል ማርያም ልደት በብግሎም ዝተነበዩ ነቢያት ብዙሓት’ዮም።ንኣብነት ቅድሚ ኢሳይያስ ዝነበረ ቅዱስ ዳዊት ንልደት ቅድስት ድንግል ማርያም ኣመልኪቱ “እግዚኣብሔር ንጽዮን ሓርይዋ (መሪጽዋ) እዩ’ሞ መሕደሪኡ’ውን ክትከውን በሃጋ እዚኣ ንሃዋሩ መዕረፊተይ ኢያ ብሂገያ ኣለኹ’ሞ ኣብዚኣ ክነብር ኢየ” ይብል።(መዝ 131፡13-14) ጽዮን ኢሉ ጸዊዕዋ ዘሎ ንቅድስት ድንግል ማርያም ምዃኑ ምግንዛብ የድሊ።

ከም ብሓድሽ ነቢይ ኢሳይያስ ከም እትውለድን ምስተወልደት ከኣ ብንጽህናን ብድንግልናን ኣምላኽ ከም እትወልድ ከገንዝብ “እግዚኣብሔር ባዕሉ ትእምርቲ ክህበኩም’ዩ እነሆ ድንግል ክትጸንስ’ያ ወዲ’ውን ክትወልድ’ያ ስሙ’ውን ኣማኑኤል ክትሰምዮ ኢያ” ኢሉ’ዩ (ኢሳ 7፡14/ ፯፡፲፬)። እዚ ትንቢት እዚ ቅድስት ድንግል ማርያም እትወልደሉ ዘመልክት ጥራይ ዘይኮነስ ኣካላዊ ቃል እግዚኣብሔር ኢየሱስ ክርስቶስ’ውን ካብኣ ከም ዝውለድ ዝገልጽ’ዩ። ስሙ’ውን ኣማኑኤል ክትብሎ’ያ ኣማኑኤል ማለት ድማ እግዚኣብሔር ምሳና ማለት ምዃኑ ንባቡን ትርጓሜኡን ጽሒፍዎ ኣሎ። እዛ ንኣምላኽ ዝወለደት ቅድስት ኣደ ትውልዳ ከመይ ከም ዝኾነ ምፍላጥ ኣገዳሲ ስለ ዝኾነ ናይ ትውልዳ ነገር ከምዚ ዝስዕብ ተገሊጹ ኢዩ።

በጥሪቃን ቴክታን ዝባሃሉ ሰባት ኣብ ኢየሩሳሌም ብሓድነት ይነብሩ ነበሩ፡ ንሳቶም’ውን ንእግዚኣብሔር ዝኣምኑ ዝተፈተዉ ብሩኻት ኣብ ቅድሚ ሰብን እግዚኣብሔርን ብቑዓትን ብዙሕ ሃብቲ ዝነበሮምን ሰባት ነበሩ። ቴክታ ንሰበይቱ እዚ ኩሉ ዘኣከብናዮ ሃብትና እንታይ ክንገብሮ ኢና ዝወርስ ውላድ የብልናን ንስኺ መኻን ኣነ ከኣ ካልእ ሰበይቲ ኣይፈልጥን በላ። ንሳ’ውን ኣምላኽ እስራኤል ዝገብሮ ነገር ዝፈልጥ የለን፡ ትማሊ ምሽት ብሕልመይ ጻዕዳ ምራክ (ብተይ) ካብ ማህጸነይ ክወጽእ፡ እታ ጻዕዳ ምራኽ’ውን ጻዕዳ ምራኽ ክትወልድ ከምኡ እና በለ ክሳብ ሸውዓተ ትውልዲ ክዋለዱ እታ ሻበዓይቲ ንወርሒ ክትወልድ እታ ወርሒ ድማ ንጸሓይ ክትወልድ ረኣኹ በለቶ። ንሱ’ውን እቲ ራእይ ጽቡቕ ኢዩ ኢሉ ናብ ሕልሚ ዝፈትሕ ከይዱ ኩሉ እቲ ዝበለቶ ነገሮ። እቲ ሕልሚ ዝፈትሕ ሰብ ድማ “እግዚኣብሔር ብዓይኒ ምሕረቱ ርእይኩም ኢዩ፡ ሸውዓተ ኣንስቲ ምራኻት ምውላድኩም ሽውዓተ ኣዋልድ ክትወልዱ ኢኹም ካባኻትኩም እታ ሻብዓይቲ ንወርሒ ምውላዳ ካብ ሰብ ዝበለጸት ካብ መላእኽቲ ዝኸበረት ብርኽቲ ፍጥረት ክትወልዱ ኢኹም ናይ ጸሓይ ነገር ግና ኣይፈለጥክዋን በሎም።

ኣብ ፱/9 ወርሓ ጓል ወለደት ኣብ ሻሙናይ መዓልታ ድማ ንሽማ
ሄኤሜን ኢሎም ኣውጽኡላ። ሄኤሜን ማለት ዘእምስእለትነ ዝብሂል ረከብነ (ዝተመባጻዕናዮ ረኸብና) ማለት ኢዩ። ሄኤሜን’ውን ኣካለ መጠን ምስ በጸሐት ኣመርዓውዋ’ሞ ጓል ወለደት ኣብ ሻሙናይ መዓልታ ድማ ዴርዴ ኢሎም ስም ኣውጽኡላ። ዴርዴ ማለት
ካብ ኣቦታትና ወገን ዝተወልደት ማለት ኢዩ። ዴርዴ ዓበየት ኣመርዓውዋ’ውን ጓል ድማ ወለደት ብሻሙናይ መዓልቲ ድማ
ቶና ኢሎም ስም ኣውጽኡላ። ቶና ማሌት ራእይ ሪኢና ነገር ረኺብና ዝወለድናያ ማለት ኢዩ። ቶና’ውን ብስርዓት ዓበየት ኣመሮኣውዋ’ሞ ጓል’ውን ወለደት ብሻሙናይ መዓልታ ድማ ስማ ሲካር ኢሎም ኣውጽኡላ። ሲካር ማለት ካብ ኣዝማድና ወገን ዝተወልደት ማለት ኢዩ። ሲካር’ውን ዓበየት ኣመሮዓውዋ ጓል’ውን ወለደት ብሻሙናይ መዓልቲ ድማ ሴትና ኢሎም ስም ኣውጽኡላ። ሴትና ማለት ስርሓ ዝጸበቐ ምግባራ ዝሰመረ ጽብቕቲ ማለት ኢዩ። ሴትና’ውን ብስርዓት ዓበየት ኣመርዓውዋ ጓል’ውን ወለደት ኣብ ሻሙናይ መዓልታ ድማ ሔርሜላ ኢሎም ስም ኣውጽኡላ። ሔርሜላ
ማለት ካብ ሃብታማት ካብ ክቡራት ወገን ዝተወልደት ማለት
ኢዩ። ሔርሜላ ድማ ዓበየት ንኣካለ መጠን ምስ በጸሐት ኣመርዓውዋ ጓል’ውን ወለደት ኣብሻሙናይ መዓልታ ድማ ሓና
ኢሎም ስም ኣውጽኡላ። ሓና ማለት ብሃይማኖት ብምግባር ዝጸነዐት፡ ብንጽህና ብቕድስና ዝተሸለመት ቡርክት ክብርት ወልዕልት ክብርቲ ፍትረት ማሌት ኢዩ።

ናይ ኣዴና እግዚእትነ ቅድስት ድንግል ማርያም ትውልዲ ንምቑጻር ትንቢት ዝተነግረለን ሱባኤ ዝተቖጽረለን እዚኣተን ሸውዓተ ኣንስቲ ኢየን። ሓና’ውን ብሥርዓት ዓብያ ንኣካለ መጠን ምስ በጸሐት ካብ ቤተ መንግስት ንዝተወልደ ክቡር ጻድቕ ኢያቄም ንዝባሃል ሰብ ኣመርዓውዋ። ሓናን ኢያቄምን ብሓደ ክነብሩ ውላድ ሰኣኑ። በዚ ምኽንያት ከኣ ውላድ ንኽህቦም ኩሉሳዕ ናብ እግዚኣብሔር ይልምኑ ነበሩ። “ወዲ እንተወሊድና ሓሪሱ ኩዒቱ የብለዓና ኣይንብልን ንቤተ እግዚኣብሔር የገልግል፡ ጓል’ውን እተኾነት ማይ ቀዲሓ ሞሶብ ወርቂ ሰፍያ ተገልግለና ኣይንብልን ንእግዚኣብሔር ተገልግል” ኢሎም ተማባጽዑ።

ዝነገርዎ ዘይርስዕ ዝለመንዎ ዘይከልእ እግዚኣብሔር ኣምላኽ ንልመነኦም ሰሚዑ ብነሓሰ ፯/7 ብዕለት እሑድ ካብ ሰብ ዝበለጸት ካብ መላእኽቲ ዝኸበረት ፍጥረት ኣዴና ቅድስት ድንግል ማርያም ተፀንሰት።

በረኸታን ኣማላድነታን ምስኩልና ህዝበ ክርስቲያን ይኹን!!!

ወስብሃት ለእግዚኣብሔር
ወለወላዲቱ ድንግል
ወለመስቀሉ ክቡር
ኣሜን።

06/08/2026

ጾመ ፍልሠታ

በስመአብ ወወልድ ወመንፈስ ቅዱስ አሐዱ አምላኽ።

ጾመ ፍልሠታ ካብ ዕለት 1 ነሓሰ ክሳዕ 16 ነሓሰ 2018 ዓ.ም.ግ. 07 ነሓሰ ክሳዕ 22 ነሓሰ 2026 ዓ.ም. ፈ. ዘሎ መዓልታት ብጸሎትን ውዳሴን ቅዳሴን ዝጽወም ሓደ ካብ ሸውዓተ ናይ ኣዋጅ ኣጽዋማት ጾመ ፍልሰታ እዩ። ‘ፍልሰት’፡ ካብ ቦታ ናብ ቦታ ምኻድ፡ ምድያብ፡ ምዕራግ ማለት እዩ። “በተአምኖ ፈለሰ ሄኖክ እምዝንቱ ዓለም ከመ ኢይርአዮ ለሞት/ ሄኖክ ስለ ዝኣመነ ንሞት ከይርእይ ካብዚ ዓለም ከደ” ከምዝብል። ዕብ. 11፡5

ብተወሳኺ’ውን “ፈለሰት ማርያም በስብሐት ውስተ ሰማያት መላእክት ወሊቃነ መላእክት ወረዱ ለተቀብሎታ/ ድንግል ማርያም ብምስጋና ናብ ሰማያት ዓረገት፡ መላእኽትን ሊቃነ መላእኽትን ንኽቕበልዋ ወረዱ” ይብል። (ዝማሬ 16 ነሓሴ) ስለዚ ‘ፍልሰታ’ ክብሃል ከሎ፡ ኣዴና ቅድስት ድንግል ማርያም ካብ ምድራዊ ናብ ሰማያዊ፡ ካብ ጊዜያዊ ናብ ዘለዓለማዊ ዝኸደትሉ ናብ ሰማይ ዝዓረገትሉ ማለት እዩ።

ኣዴና ቅድስት ድንግል ማርያም ኣብ ጥሪ 21 ብ49 ዓ.ም. ዓሪፋ፡ ሓዋርያት ክቐብርዋ ናብ ጌተሴማኒ እናወሰድዋ ኣይሁድ ስለዝተጻብእዎም፡ ቅዱሳን መላእክት ንሥጋ ኣዴና ቅድስት ድንግል ምስ ሓዋርያ ቅዱስ ዮሓንስ ወሲዶም ኣብ ገነት ትሕቲ ዕፀ ሕይወት ኣንበርዋ። ሓዋርያ ቅዱስ ዮሓንስ ተመሊሱ ንሓዋርያት ምስ ነገሮም፡ ከምቲ ንዮሓንስ ዝተገልጸሉ ኽግለጸልና ኢሎም ኣብ ወርኀ ነሓሴ ክልተ ሱባዔ ኣተዉ። ሱባዔኦም ኣብ ዝፈጸምሉ ኣብ መበል 14ተ መዓልቲ ሥጋ ቅድስት ድንግል ማርያም ተዋሂብዎም ቀበርዋ። ድኅሪ ሣልስቲ ድማ ኣብ 16 ነሐሴ ተንሢኣ ዓረገት። (ተኣምረ ማርያም ፡ ስንክሳር ነሓሴ 16) ኣዴና ቅድስት ድንግል ማርያም ክትዓርግ ከላ ንበይኑ ንሓዋርያ ቶማስ ተራእያቶ ስለዝነበረት፡ ደጊሞም ኣብ ወርኀ ነሐሴ ሓዋርያት ከም ሓዋርያ ቶማስ ዕርገታ ክርእዩ ዝጾምዎ እዩ።

ካብዚ ጊዜ’ዚ ጀሚራ ሓዋርያዊት ኦርቶዶክስ ተዋሕዶ ቤተ ክርስቲያን፡ ሕዝበ ክርስቲያን እናጾሙን ናብኣ እናተማኅፀኑን በረኸት ቅድስት ድንግል ማርያም ምእንቲ ኽሳተፉ ብኣዋጅ ክጾሙ ትእዝዝ።
ኣብዚ ቅንያት ጾመ ፍልሰታ፡ ኣብያተ ክርስቲያንን ገዳማትን፡ ዓበይትን ናኣሽቱን ሕዝበ ክርስቲያን ዝፍጽምዎ ሃይማኖታዊ ሥርዓት፡ ንኣዴና ቅድስት ድንግል ማርያም ዘለዎም ፍቕሪ ዘመልክት እዩ።
ቡሩክ ጾም ይግበረልና!

ወስብሐት ለእግዚአብሔር፡ አሜን !

አንቀጸ ተዋሕዶ

06/08/2026

ቡሩኽ ምጅማር 💠መልክዓ ፍልሰታ።💠

💠ሰላም ለኪ ማርያም እምነ፡ መግመሪተ ነድ ርስነ፡ ዓምደ ባሕርይ ዘኢተኣምሪ ፀኒነ፡ ድንግልናተ ፪ተ ምልኣ ስጋኪ ተከድነ፡ ኣፍለስኪ ድንግል ሉዓሌ መካነ።

💠ኣፉየ ኣስተንፈሰ ወልሳንየ ኣልሆሰሰ፡ ለክብረ ፍልሰትኪ ሶበ ኣቄርብ ተውዳሰ፡ ማርያም ዘኮንኪ ቅድስተ ቅዱሳን መቅደሰ፡ በድንግልናኪ እግዝእትየ ሶበ ረከብኩ ሞጎሰ፡ በየማንኪ ባርክኒ ስልሰ።

💠ሰላም ለፍልሰተ ሥጋኪ ምስለ ነፍስኪ መዋቲ፡ በተሰናዕዎ ኣሓቲ፡ ድንግል በክልኤ ማርያም ኣንቲ፡ ሓመረ ተርሴስ ዘሰሎሞን ኣንቲ፡ እንተ ኣዕተዉ ጠቢባን ወርቀ ያፌዝ ባቲ።

💠ሰላም ለፍልሰተ ሥጋኪ መካነ ፍሥሓ ወኑዛዜ፡ ኀበ ይርስዕዎ ለላህ ወኢይሄይልዎ ለትካዜ፡ ማርያም ህሉት ውስተ ልበ ኣምላክ እምቅድመ ግዜ፡ ትፍስሕትሰ ተፈሳሕኩ በፍልሰትኪ ይዕዜ፡ ገጸ ዚኣኪ ይሬኢ ማዕዜ።

💠ሰላም ለፍልሰተ ሥጋኪ ውስተ ልበ ሰብእ ዘኢተሓለየ፡ እንዘ ትትዓጸፊ ጸጋ ወትለብሲ ዕበየ፡ ማርያም ስጋኪ ዘተመሰለ ባሕርየ፡ ተሓፍሩ ሞት ኣኮኑ ሶበ ነጸረ ወርእየ፡ እንዘ በደመና ብሩህ የዓርግ ሰማየ።

💠ሰላም ለፍልሰተ ሥጋኪ እግዚኣብሔር ዘባረካ፡ ወዓልዓላ ክብራ እምፍልሰተ ሄኖክ ወልደ ባረካ፡ ማርያም ስብሕት ወብርህት እምነ ዋካ፡ ይገብሩ በእንቲኣኪ ውስተ ሰማያዊት ታዕካ፡ ነገደ መላኢክት ኣእላፍ ሱባኤ ፋሲካ።

💠ሰላም ለፍልሰተ ሥጋኪ ዘኢቀብል ሞገሱ፡ ወኢይነጽፍ ባሕረ ተውዳሱ፡ ማርያም ታዕካ ለእግዚኣብሔር ጽርሓ መቅደሱ፡ ተበሃሉ በሰማያት እለ ኪያኪ ኣፍለሱ፡ ማርያምሰ እንተ በምድር ታንሶሱ።

💠ሰላም ለፍልሰተ ሥጋኪ ዘኣፈድፈደ ስባሔ፡ እምፍልሰተ ያዕቆብ ዓርከ ኤሎሄ፡ ማርያም ቀንሞስ ማርያም ኣፈወ ርሄ፡ እንዘ ብርሃን ይለብሱ ወይትዓጸፉ ሱራኄ፡ በዓለ ፍልሰትኪ መላኢክት ሰበኩ ኩለሄ።

💠ሰላም ለፍልሰተ ሥጋኪ ስቡሓ ዘተሰብሓ፡ እምጸዳለ ጸሓይ ወወርኅ ሥነ ስብሓቲሁ ኣብርሃ፡ እንበሌኪ ድንግል ወእንበለ ወልድኪ በኩረ ፍስሓ፡ ኣልቦ ለሞት ማዕሰሪሁ ዘፈትሓ፡ ወሙታነ በሲኦል ኣንቅሓ።

💠ሰላም ለፍልሰተ ሥጋኪ እምዓለመ መትሕት ኃላፊ፡ ውስተ ዓውደ ኪሩብ ተሃሉ እንዘ ይዓቅባ ሱራፊ፡ ማርያም ምዕዝት እምነ ጽጌያት ዘወርኃ ታውፊ፡ ናሁ ተሰጠምኩ ውስተ ባሕረ ጽልመት ጸናፊ፡ በኃመረ ንጽሕኪ ወትረ ኪያየ ሓድፊ።

💠ሰላም ለፍልሰተ ሥጋኪ ለሊቀ ካህናት ዘዓደሞ፡ መስዋዕተ መድሃኒት ያዕርግ ቅድስተ ቅዱሳን ቀዊሞ፡ ለመልኣከ ሞት ጸዋግ መልኣከ በቀል ወተቀይሞ፡ ሚመጠነ ኣድውዮ ወሚመጠነ ኣሕመሞ፡ ሞገሰ ፍልሰትኪ ማርያም ዘኣምላክ ሓተሞ።

💠ሰላም ለፍልሰተ ሥጋኪ እንዘ ኣጥናን ኃይሉ፡ ወኣኤናዎን መዝራዕተ ሣህሉ፡ ማርያም ዘክርኪ ለትውልደ ትውልድ ዘይሄሉ፡ ኣምጻኢተ ምሕረት ማርያም ለሓጥኣነ ምድር ኩሉ፡ ወብሩክት ማርያም ለክርስቶስ ኣባሉ።

💠ሰላም ለፍልሰተ ሥጋኪ በሰዋስወ ብርሃን ምጡቅ፡ ከመ ትኩንዮሙ እመ ለህሩያን ደቂቅ፡ ተሳየጥኒ ማርያም በንዋየ ሣህልኪ ወርቅ፡ ከመ ይሳየጣ ኣመ ዕለተ ፍዳ ወጻዕቅ፡ ዘመደ ኣዕዋፍ ሓምስ ለ፪ ጸሪቅ።

💠ሰላም ለፍሰተ ሥጋኪ እግዚኣብሔር ዘተዋሓዳ፡ ወተካፈለ ክበዳ፡ ለፍልሰትኪ ድንግል እምኢዮርሳሌም ምድረ ይሁዳ፡ ስሒነ ተዝካር ወኣፈወ ዕፍረት ጸዓዳ፡ ነገስተ ተርሴስ ወደሰያት ያበውዑ ጋዳ።

💠ሰላም ለፍልሰተ ሥጋኪ እግዚኣብሔር ዘዓልዓሎ፡ እም ፍልሰተ ኤልያስ ነብየ ሴሎ፡ ውስተ ብሔረ ጽድቅ ሰድኒ ማርያም በክነፈ ዓውሎ፡ ለምንት ኣነ በፍግዓ ወበጥዒና እዴሎ፡ እንዘ ይዴግነኒ ሞት ዘይኴንን ኩሎ።

💠ሰላም ለፍልሰተ ሥጋኪ ውስተ ብሔር ስዑር፡ እንተ ኬንያሃ ወገባሪሃ፡ እግዚኣብሔር፡ ማርያም ፍትሕኒ እማዕሰረ ሞት መሪር፡ ሶበሰ ትፈቅዲ ንግስተ ሰማያት ወምድር፡ ኢይስኣነኪ ኣውግዘቶ ለሓጥእ ገብር።

💠ሰላም ለፍልሰተ ሥጋኪ መካነ ፍስሓ ምጡቀ በኣዕባነ ባሕርይ ዘተነድቀ፡ ማርያም ደብተራ እንተ ኢትከደኒ ሰቀ፡ ጽሒፈ ውዳሴኪ እምኢኀልቀ ሶበሰ ኮነ ጥቀ፡ ዝናመ ክረምት ቀለመ ወሰማይ ረቀ።

💠ሰላም ለፍልሰተ ሥጋኪ ወለተ ንጉስ ይሁዳ፡ ወወለተ ሌዊ እኁሁ ዘሃብተ ክህነቱ ኣገዳ፡ ማርያም ድንግል ምዕዝት ዘዕምጽጌ ረዳ፡ በጽሒፍ ኢይፌጽሞ ለስብሓትኪ እንግዳ። እመ ኮነ በቅድሜየ ስፍሓ ምድር ሰሌዳ።

💠ሰላም ለፍልሰተ ሥጋኪ ደባትረ ብርሃን ሃበ ተተክሉ፡ ለፈገነተ ጽባሕ በማዕከሉ ስብሕት ኣንቲ ወውድስት በኣፈ ኩሉ፡ እምነ ጻድቃን ዘታሕቱ ወእምነ ትጉኃን ዘላዕሉ፡ ማርያም ለኪ ስብሓተ ኣደሉ።

💠ሰላም ለትንሳኤ ሥጋኪ እምትንሳኤ ክርስቶስ መንታ፡ ርእሶ ህያወ ድኅረ ኃብኣ ውስቴታ፡ በጽላሎትኪ ክድንኒ ማርያም ርግበ ኤፍራታ፡ ወሰውርኒ በኣክናፍኪ ኣመ ይከውን ሓተታ፡ ወኣመ ታገብእ ምድር ዘነስኣት ማኅፀንታ።

💠ሰላም ለዕርገተ ሥጋኪ ዘተወጥነ ቦቱ፡ ዕርገተ ቅዱሳን ሰብእ ዘበኃቤኪ ተኣኲቱ፡ ለሊቀ ካህናት ኣሮን ማርያም ሠርጐ ትርሢቱ፡ ስዑለ ይኩን በልብስኪ እስከነ ላዕሉ ወታህቱ፡ ፍሬ ከናፍር ወኣፍ ውዳሴኪ ዝንቱ።

💠ሰላም ለጊወርጊስ ተውላጠ ፃማሁ ወሕማሙ፡ እንተ ተለዓለ ሞጎሰ ስሙ፡ በፍልሰትኪ ድንግል ተቶስሓ ፍልሰተ ዓፅሙ እንዘ ይብል ሶበ ጸለየ ኣሜሃ ቀዲሙ፡ ምስለ ፍልሰትኪ ደምርኒ እሙ።

💠ስብሓት ለኪ ማርያም ለኣብ መርዓቱ፡
ስብሓት ለኪ ማርያም ለወልድ ወላዲቱ፡ ስብሓት ለኪ ማርያም ለመንፈስ ቅዱስ ታቦቱ፡ ወርቅሰ ወብሩር ኃላፊ ውእቱ፡ ወእምኩሉ ማርያም ኪያኪ ይፈቱ።

💠እንጌቴሰማይኒ ፈለሰት ሃበ ዘሉዓሌ መካን። ውስተ ቤተ መቅደስ ረባቢ ዘመሳካዊሁ ብርሃብ። ዓንቀጸ ኣድሕኖ ማርያም ጽላተ ኪዳን። ኩሉ ይብልዋ በዓዕምሮ ዘበዕብራይስጥ ልሳን። ዕፀ ጳጦስ ይኢቲ እንተ በኣማን።
ቅድስተ ቅዱሳን። እምቀድሓ ተቀድሓ ኣስራባተ ወይን በውስቴታ ተሰርዓ ቁርባን።

💠 ኦ እግዝእትየ ማርያም በዝ መልክዕኪ ዕቀብኒ ወኣድሕንኒ እመከራ ስጋ ወነብስ ለ__________ ለዓለመ ዓለም።

26/06/2026

ክብረ በዓል 20 ሰኔ ሕንፀተ ቤታ፣ 21 ሰኔ ቅዳሴ ቤታ

20 ሰኔ ሕንፀተ ቤታ ከምኡ'ውን 21 ሰኔ ቅዳሴ ቤታ እናተባህለ ዝኽበር በዓል እዩ። እዚ ኸኣ ክብረ በዓል ናይታ ንመጀመርታ ጊዜ ብስም ቅድስት ድንግል ማርያም ኣብ ፊልጵስዩስ ቤተ ክርስቲያን ተሓኒፃ፡ ብጸሎተ ቅዳሴ ዝኸበረትሉ እዩ።

ኣቐዲሞም ቅዱሳን ሓዋርያት ብዛዕባ ሕንፀት ኣብያተ ክርስቲያን ብጾምን ጸሎትን ምስ ለመኑ፡ ጐይታናን መድኃኒናን ኢየሱስ ክርስቶስ ተገሊጹ ‘እዛ ዕለት እዚኣ ብስም ኣደይ ማርያም ቤተ ክርስቲያን ኪሕነፅ ፈቒደዮ ኣለኹ’ ብምባል ናብ ሸነኽ ምሥራቅ ፊልጵስዩስ ኣውፅኦም። ብተኣምራት እቲ ኣእማን ከም ስምዒ እናመኸኸሎም ቤተ ክርስቲያን ሓኒፆም ምስ ወድኡ፡ ጐይታናን መድኃኒናን ኢየሱስ ክርስቶስ ተገሊጹ፡ ቅዳሴ ቤታ ሠሪዖም ንሕዝቢ ከቝርቡን በዛ ዕለት’ዚኣ 21 ሰኔ ድማ በዓል ክገብሩ ኣዚዝዎም ናብ ሰማይ ዓረገ።

በዚ መሠረት ቅዱሳን ሓዋርያት፡ ኣብ ኵሉ ዓለም ብስም ጐይታናን መድኃኒናን ኢየሱስ ክርስቶስን ኣዴና ቅድስት ድንግል ማርያምን ኵሎም ቅዱሳንን ኣብያተ ክርስቲያን ክሓንፁን ነዛ ዕለት’ዚኣ ከኽብሩን ጀመሩ።

በረከተ ናይዛ ዕለት'ዚኣ የሳትፈና!

ወስብሐት ለእግዚአብሔር ወለወላዲቱ ድንግል ወለመስቀሉ ክቡር!

https://www.lisantewahdo.org/index.php/2019-09-27-19-45-59/2019-09-30-12-00-43/item/717-2020-06-27-08-17-31

17/06/2026

በስመ ኣብ ወወልድ ወመንፈስ ቅዱስ ኣሃዱ ኣምላክ ኣሜን!!!

፲፪/12 ሰነ ቅዱስ ሚካኤል (ቅዱስ ሚካኤል ናብ ኣፎምያ)

“መልኣኽ እግዚኣብሔር ኣብ ዙርያ እቶም ዝፈርህዎ ይሰፍር ካብ ድንገት ከኣ የናግፎም” (መዝ 34፡7)

ቅዱስ እግዚኣብሔር ኣምላኽና ኣብ ልዕሌና ዘሎዎ ፍቕርን ሓልዮትን ብቐለም ተጻሒፉ ብቃል ተዘሪቡ ዝውዳእ ኣይኮነን። ኣዝዩ ብዓይነትን ብብዝሕን መጠን ኣልቦ ዝኾነ ሰናይ ነገራት እዩ ኣብ ህይወትና ዝፍጽመልና። ካብቲ ብዙሕ፡ንቅዱሳን መላእኽቲ እና ለኣኸ ኣብ ልዕሌና ዝፍጽሞ ናይ ድሕነት ስራሕ እዩ። ልቢ ኣምላኽ ዘመራይ ቅዱስ ዳዊት ከም ዝገለጾ ቅዱሳን መላኽቲ ኩሉ ግዜ ብዘይ ምቁራጽ ንድሕነትና ዝለኣኹ ረቀቕቲ መናፍስቲ እዮም(እብ1፡14)።በዚ መንጽር እዚ ከኣ ንእግዚኣብሔር ኣምላኽ ቅዱስ ቅዱስ ቅዱስ እና በሉ የመስግንዎ፡ይውድስዎ ንዓና ንደቂ ኣዳም ከኣ ብጸሎት፡ብረድኤት፡ብሓለዋ፡ ዝድግፉና እዮም (መዝ 34፡7, ዘጸ 3፡21, ዳን 3፡6, ማቴ4፡6-11)።

ኣብ መጽሓፍ ቅዱስ እንተተመልኪትና ኣዝዩ ስፍሕ ብዝበለ መልክዑ ናይ መላእክት ስራሕን ዕዮን ብግልጺ ንረኽቦ ኢና። ብዙሓት ሰባት ብናይ መላእኽቲ ጸሎት፡ ኣማላድነት፡ ተራድእነት ካብ ሽግር፡ ካብ ጸበባ፡ ካብ ሕማምን፡ ድነ ሞትን ተጋላጊሎም ንእግዚኣብሔር ከመስግኑ በቒዖም እዮም።

ንኣናንያ፡ ኣዛርያ፡ ሚሳኤል ካብ እቶን ሓዊ (ዳኒ6፡22)፡ ንቅዱሳን ሓዋርያት ካብ ቤት ማእሰርቲ(ግ.ሃዋ 5፡19, 12፡11)፡ ንጦብያን ጦቢትን ካብ መከራን ሽግርን (ጦቢት 12፡18)፡ ንእስራኤላውያን ካብ ባሕሪ ኤርትራ ዘናገፉን ዘድሓኑን ዝረድኡን ቅዱሳን መልእኽቲ እዮም። ብኣንጻሩ ንመላእኽቲ ዝተዋህበ ክብርን ስልጣንን ንዒቖም ዝኸዱ ሰባት ከኣ ክቕጽዑ እምበር ህይወት ክረኽቡ ኣይተራእዩን (ሉቃ 1፡19, ዘጸ 3፡20, ዘሁ 22፡33, 2ሳሙ 24፡15, 2ነገ 19፡31, ግ.ሃዋ 12፡20-23)።

ስለዚ ብሓፈሻ እምበኣር ቅዱሳን መላእኽቲ ኣብ ህይወትና ዓቢ ተራ ከም ዘለዎም ክንፈልጥን ክንግንዘብን ይግባኣና።

ሓደ ካብቶም ንደቂ ሰባት ዝራድኡን ዘድሕኑን ቅዱሳን መላእኽቲ እምበኣር ቅዱስ ሚካኤል ሊቀ መላእኽቲ እዩ።

1) ሚካኤል ማለት ብቋንቋ እብራይስጥ ኮይኑ ትርጉሙ ከኣ “መኑ ከመ እግዚአብሔር/ መን ከም እግዚአብሔር” ማለት እዩ። ናይ እግዚኣብሔር ልዕልናን ክብርን ዝገልጽ እዩ። ከምቲ ንነቢይ ሙሴ ዝተዛረቦ እግዚኣብሔር “ስመይ ኣብኡ ተሰምዩ እዩ እሞ በደልካ ኣይክሓድገልካን እዩ” (ዘጽ 23፡22) ዝበሎ፡ ቅዱስ ሚካኤል ስም እግዚኣብሔር ዝሓዘ እዩ። ከመይ ትርጉም ስሙ መን ከመ እግዚኣብሔር ማለት ስለዝኾነ።

ቅዱስ ሚካኤል ሓለቃ መላእክት ምኳኑ መጽሓፍ ቅዱስ ኣብ ብዙሕ ቦታታት ገሊጽዎ ይርከብ።ከም ኣብነት ኢያሱ ኣብ ጥቓ ኢያሪኮ ከሎ ዝተመልሐ ሰይፍ ዝሓዘኮይኑ ተገልጸሉ’ሞ ኢያሱ ድማ “ንስኻ ናትና ዲኻ ውይስ ናይ ጸላእትና ’’ በሎ።ንሱ ድማ “ኣነስ ሓለቓ ሰራዊት እግዚአብሔር ኮይነ ደኣ ሕጂ መጺኤ ኣለኹ” በሎ።ብድሕሪኡ ኢያሱ ኣብ ቅድሚ እቲ መልኣኽ ተደፊኡ ሰገደሉ (ኢያ 5፡14-15)።

ብተወሳኺ ይሁዳ ኣብ ዝጸሓፎ መጽሓፍ ኣብታ ሓንቲ ምዕራፉ እንተ ተመልኪትና ሊቀ መላእኽቲ ቅዱስ ሚካኤል ብዛዕባ ሬሳ ሙሴ ምስ ዲያብሎስ ከም ዝተካራኸረን ኣብ ልዕሊ ቅዱሳን መላእኽቲ ዝተሸም ከም ዝኾነን ነንብብ(ይሁድ1፡9 )። ቅዱስ ዮሐንስ ኣብ መጽሓፉ ኣብ ራእይ ሚካኤልን መላእኽቱን ብምባል ሓለቓ ቅዱሳን መላእኽቲ ከም ዝኾነ ተጻሒፉ ንረኽብ(ራእ 12፡7)።

ከምቲ ዝተገልጸ ቅዱስ ሚካኤል’ውን ከም ኩሎም ቅዱሳን ኣብ ህይወትና ዓቢ እጃም ዘለዎ እዩ። ቀደም እውን እንተኾነ ንቅዱሳን መላእኽቲ መሪሑ ነቲ ኣምላኽነት ዝደለየ ሳጥናኤል ዝሰዓረ ቅዱስ ሚካኤል እዩ(ራእ12፡7-8)።

እስራኤላውያን ቅድሚ ንግብጺ ገዲፎም ናብ ሃገሮም ናብታ እግዚኣብሔር ዘተስፈዎም ሃገር ቅድሚ ምብጋሶም እግዚኣብሔር ዝሃቦም እንተ ነይሩ ቃል ናይቲ መሪሕዎም ዝኸይድ ዝነበረ ቅዱስ ሚካኤል ምስማዕ እዩ ነይሩ። እዚ ከኣ ንኾንቱ ዘይኮነስ ብሰላምን ብጥዕናን ጸላእቶም እና ተዋግአ ብህድኣት መታን ከእትዎም እዩ።“ኣብ መንገዲ ኽሕልወካ ናብቲ ዘዳለኹዎ ቦታ ድማ ከእትወካ እንሆ ኣነ መልኣኸይ ቀቂድሜኻ ይልእኽ ኣለኹ ኣብ ቅድሚኡ ተጠንቀቕ! ድምጹ ከኣ ስማዕ፡እምቢ ኣይትበሎ ስመይ ኣብኡ ተሰይሙ አዩ እሞ እዩ” ከም ዝበለ፡እዚ እንተገይሮም፡ ብረዲኤቱን ኣምላኽ ብዝሃቦ ስልጣንን እንተ ኣሚኖም ብሰላም ክኸዱን ክኣትዉን እምቢ እንተ በሉ ግን ሞትን መቕጻዕትን ከም ዘለዎም ተነጊርዎም እዩ(ዘጽ 23፡20) በኸምዚ ከኣ ቅዱስ ሚካኤል ብረድኤትን ብብረኸት እናጓሰየ ንባሕሪ ኤርትራ ኣሳጊሩ ካብ ሰማይ መና እና ኣውረደ ናብታ እግዚኣብሔር ንኣብርሃም ዘተስፈዎ ከንኣን ኣብጽሖም።

“ዝኬ ውእቱ ዘተነግረ በመዋዕለትካት ለእስራኤል ህብስተ መና ዘኣውረደ በገዳም ወርእየቱ ከመ ተቅዳወከ መኣያያት መዓር ጥዑም ፈድፋደ”

“ሚካኤል እመላእክቲ መኑ ከማከ ልዑል፡ይሰግድ በብረኪሁ እስከ ይረክብ ስርየት ለኃጥኣን”

ኢሎም ከም ዝደረስሉ ቅዱሳን ናይ ቤተ ክርስቲያን ሊቃውንቲ፡ እቲ ሓያል መልኣኽ ቅዱስ ሚካኤል ብዓል ዓቢ ውዕለት እዩ።

ንሎሚ እምበኣር በዚ ዕለት(፲፪/12 ሰነ) እዚ ቅዱስ ሚካኤል ዝገበሮ ተኣምር ክንርኢ ኢና።

እንተ ኾነ ግን ኩላትና ደቂ ኦርቶዶክሳዊት ተዋህዶ ቤተ ክርስቲያን ናይ ቤተ ክርስቲያና በዓላት፡ ኣጽዋማት፡ ኩሉ ብሓፈሻ ኣብ ቅድስት ቤተ ክርስቲያን ዝርከብ ናትና ሃብትናን ታሪኽናን እዩ። ካባና ሓሊፉ እውን ዝምልከቶ ማንም ስለ ዘየለ ኣብ እግሪ ኣቦታትና ኮፍ ኢልና ክንመሃር፡ መጻሕፍትና ገንጺልና ክነንብብ፡ ኣብ ኩሉ ናይ ቤተ ክርስቲያን መደባት ተሳቲፍና ናይ ሃይማኖትና ነገር ካብ ዝደቐቐ ክሳዕ ዝዓበየ ክንፈልጦን ክነግረሉን ክነብረሉን ይግባእ። እዚ ክንገብር ቅዱስ እግዚኣብሔር ናቱ ቅዱስ ፍቓድ ይኹን ኣሜን። ንሕጂ እምበኣር ናብቲ ናይ ዕለቱ ክንሓልፍ።

ዕረፍታ ናይ ቅድስት ኣፎምያ

ቅድስት ኣፎምያ ሃገራ ኪልቅያ ኮይኑ፡ በዓል ቤታ ኣስተራኒቆስ ይበሃል። ቅድሚ ብሕማም ካብዛ ዓለም ምፍላዩ ናይኪልቅያ መስፍን ነበረ። እዛ ቅድስት ኣደ ሰብኣያ ምስ ሞተ ዝነበራ ሃብትን ንብረትን እናሸጠት፡ ካብቲ ዝሸጠቶ ድማ እና መጽወተት ብጾምን ብጸሎትን ተወሲና፡ ብንጽህናን ብቕድስናን ትነብር ነበረት። እንተኾነ ከምቲ ቅዱስ ሓዋርያ ጴጥሮስ ኣብ መልእኽቱ ገሊጽዎ ዘሎ፡ ሰይጣን ኣብ ዙርያና ኮለል ካብ ምባል ኣየዕርፍን እዩ፡ ንሕና ካብ ግብሪ ጽድቂ ኣብ ዘዕረፍናሉን ኣብ ዝደኽምናሉን ግዜ ካኣ ኣብ ትሕቲ ግዝኣቱ ንኸውን ብኣንጻሩ ኣብ ሃይማኖት ኬንና እንተ ተቓወምናን እንተ ጸናዕና ግና ነቲ ንዓና ክምንጥል ኢሉ ኣብ ዙርያና ዝዘውር ዲያብሎስ ፈጺሙ ካባና ይርሕቕ (1ጴጥሮስ 5፡8)።
ቅድስት ኣፎምያ ብእትጋደሎ ዝነበረት ተጋድሎ፥ ጾም፡ ምጽዋት፡ ጸሎት ዝተቓጸለ ሰይጣን፡ ብዝተፈላለየ ሜላ ከስሕት ኢሉ ናብ ሰባት ከም ዝመጽእ ናብዛ ቅድስት ኣደ እውን ሓደ ዓቢይን ኣረጊትን መኖኮስ መሲሉ መኖኮሳት ኣኸቲሉ እዩ መጺእዋ። ኣቐዲሙ ኣብ ደገ ኮይኑ ጸውዓ። ንሳ ከኣ ካብ ቤታ ብቕልጡፍ ወጺኣ “ናብ ቤተይ እተዉ እሞ ኣብ ቅድሚ ናይ ቅዱስ ሚካኤል ስእሊ ኬንኩም ጸልዩለይ ” በለቶ። ንሱ ግን “ንሕናስ ንግሆ ጸሊና ኢና ንስኺ ግን እዚ ኩሉ ጾምን ጸሎትን እንታይ ክገብረልኪ እዩ፧ ድሕሪ ብዙሕ ግዜ ከም ዝቐትለኪ ኣይትፈልጥን፧ ዝነበረኪ ሃብቲ ሼጥኪ ዝወዳእክዮኸ ስለምንታይ ኢኺ፧ ኣብ መጨረሽታ ምስ ደኸምኪ ዝሕግዘኪ፡ ጸዊዕክዮ ዝረድኣኪ ውላድ የብልክን፡ ካልኣይ ግዜ ምምርዓው፡ ሰብኣይ ምእታው ሓጢኣት መሲሉኪ፧ በዓል ዳዊት ፡በዓል ኣብርሃም ካብ ብዙሓት ኣንስቲ ብዙሓት ውላድ ኣይወለዱን ድዮም፧ሕጂ እምበኣር ቤት ዝሰርሓልኪ፡ዝኣልየኪን ዝለኣኸክን ወዲ የድልየኪ እዩ እሞ ሰብኣይ ኣእትዊ፡ ስለዚ ሐራይ በልኒ”በላ። ነዚ ቃል ዝሰምዐት እዛ ቅድስት ኣደ “ኣባ እስኬማስ ሰናይ ወቃልከሰ እኩይ-ኣባ ኣስኬማኹም (ቆብዕኩም) ጽቡቅ ነይሩ እንተዘረባኹም ግን ክፉእ እዩ” ኢላ እቲ ሓሳብ ናይ መን ከምዝኾነ ተገንዚባ ናብ ውሽጢ ቤታ ኣትያ ናይ ቅዱስ ሚካኤል ስእሊ ኣምጺኣ ኣርኣየቶ እሞ እንሆ “ጽንሒ 12 ሰነ መጺኤ ምስቲ ስእሊ ገይረ ከጥፍኣኪ እየ ” ኢልዋ በኒኑ ከደ።

2) ሰነ 12 ንግሆ፡ ብርሃናዊ መልኣኽ ቅዱስ ሚካኤል መሲሉ መጺኡ “ጾምክን ጸሎትክን ስግደትክን ምጽዋትክን ዓሪጉልኪ እዩ፡ ኣብ ዝሓለፈ ግዜ መጺኤ ከጥፋኣኪ እየ ከምዝበለ ሰሚዔ ከድሕነኪ መጺኤ ኣለኹ ስገድለይ በላ።ንሳ ከኣ “መን ኢኻ፧ በለቶ”። ንሱ መሊሱ “ኣነ ቅዱስ ሚካኤል መልኣኽ እየ” ክብል ብሓሶት ተዛረበ። ንሳ ቀጺላ፡ “እምበኣር ናይ ንጉስ ወተሃደር፡ ልኡኽ፡ ብዘይ ማሕተም ይኸይድ ድዩ፧ ቤትረ መስቀልካ ኣበይ ኣሎ፧” ክትብል ሓተቶ። ከምታ ቀዳማይቲ መዓልቲ ዝገበረታ ናይ ቅዱስ ሚካኤል ስእሊ ክተምጽእ ኢላ “ጽናሕ በል ሚካኤል እንተ ኾንካስ ስእልኻ ከምጽኣልካ ” በለቶ እሞ ገጹ ገልቢጡ ጽልመት ተኸዲኑ ካብ ቅድሚኣ ከደ። እቲ ንረድኤት ቅልጡፍ ዝኾነ ቅዱስ ሚካኤል ከም ቅጽበት ዓይኒ ቀልጢፉ ናብኣ መጸ።”ብጽእቲ ኣፎምያ! እንሆ ጾምክን ጸሎትክን ተሰሚዒልኪ እዩ እሞ ዕረፍትኺ ሎሚ እዩ ” ኢልዋ ንሰይጣን ኣባሪሩ ናብ ሰማይ ዓረገ።

ቅድስት ኣፎምያ ናብ ቤተ ክርስቲያን ከይዳ ናይ ክርስቶስ ስጋን ደምን ተቐቢላ፡ ኣብኡ ዝነበሩ ጳጳሳትን ካህናትን ጸዊዓ ከኣ ናብ ቤታ ተመልሰት። ናብ ቤታ ምስ መጹ ከኣ ከከም ማዕርጎም ኮፍ ኣቢላ ምሳሕ ኣብሊዓ ዝስተ ኣስተየቶም። ኣብ ኢዳ ዝነበረ ወርቂ ንቅድስት ቤተ ክርስቲያን መስርሒ፡ ዝነበራ ገንዘብ ንድኻታት ክኸውን ናብ ቤታ ዝመጹ ጳጳስ ኣረከበት እሞ ዓረፈት። ንብዙሕ ግዜ ኣብ ሕቑፍኣ ዝነበረት ናይ ቅዱስ ሚካኤል ስእሊ ካብ ሕቑፍኣ ወሲዶም ኣብ ቤተ ክርስቲያን ኣቐመጥዋ። ንብዙሓት ሕሙማት ከኣ ትፍውስ ነበረት።

ጸሎታን በረኸታን ናይ ቅድስ ኣፎምያ ምስ ኩላትና ይኹን።ንቅድስት ኣፎምያ ዝረድአ ቅዱስ ሚካኤል ሎሚ እውን ካብ ሽግርን ካብ ጸበባ ናይዛ ኣበሳኣ ከብድዋ ዘዘው ትብል ደላ ዓለም የድሕነና ።ኣሜን።

^^^ሰላም ለሚካኤል መሐሪ ውእቱ፡
ወተአዛዚ ለሰብእ በዲበ ሠናይቱ፡
ለቀርነ ዝነቱ መልአክ በድምጸልፀ ንፍሐቱ፡
በከመ ኮነ ቀዳሚ ውስተ ሰማያት ዕርገቱ፡
ለእግዚኣብሄር ይከውን ዳግም ምጽአቱ።^^^

^^^ ሰላም ለኣፎምያ እንተ ሞዓቶ ለመስቴማ፡
በቃለ ትምይንት ሶበ ተቃወማ፡
በዛቲ ዕለት ከመ ዓደማ፡
ሥዕለ ሚካኤል እንዘ ታነብር በፍጽማ፡
ወውስተ ዘለዓለም ዕረፍት ፈለሰት እምፃማ።^^^



(ምንጪ ተኣምረ ሚካኤል ሰነ ፲፪ - 12)

ስብሃት ለእግዚኣብሄር ልዑል
ወለወላዲቱ ድንግል
ወለመስቀሉ ክቡር
ይትኣኮት ወይሴባህ ስሙ ለእግዚኣብሄር ኣምላክነ ወትረ በኩሉ ግዜ ወብኩሉ ሰዓት።

12/06/2026

29/05/2026

‘ወናሁ አነ እፌኑ ተስፋሁ ለአቡየ ላዕሌክሙ/ እንሆ ኣነ ተስፋ ኣቦይ ክሰደልኩም እየ’ (ሉቃ. 24፡49)

ተስፋ ማለት ነቲ ዘይርአ ከም ዝርአ፡ ነቲ ዘየሎ ከምዘሎ፡ ነቲ ዘይኸውን ድማ ከምዝኸውን ጌርካ ብእምነት ንእግዚአብሔር ምጽባይ እዩ። ተስፋ ሓንቲ ካብተን ሓዋርያ ቅዱስ ጳውሎስ ንሰብ ቆሮንቶስ ጽሒፍሎም ዘሎ ቃላት እያ። ( 1ይ ቆሮ. 13፥13)
እምነት ኣብ እግዚአብሔር ተስፋ የግብር፡ ተስፋ ድማ ፍቕሪ ኣምላኽ የንግሥ እዩ እሞ ኣብዚ ጊዜና ትስፍዋት ክንከውን ይግባእ።

እግዚአብሔር ሰማይን ምድርን ምስ ፈጠረ፡ ንምድሪ ምስ ጠመታ ብጸልማትን ብማይን ዝተኸበትን ዝተዋሕጠትን ነበረት። እግዚአብሔር ንምድሪ ተስፋ ኣተወላ በለ ድማ “ ብርሃን ይኹን በለ፡ ከምኡ ድማ ኾነ። ምድሪ ብብርሃንን፡ ከምኡ ውን ብዕንባባታትን፡ ኣታኽልትን፡ ሣዕርን ኣዕዋፍን፡ እንስሳታትን ወቂባ ተረኽበት። ምድሪ ድማ ተስፋኣ ብሠናይ ነገር ተፈጸመላ፡ ለምሊማ ንምርኣያ ባህ እተብል ድማ ኾነት።” (ዘፍ. 1፥1-ፍጻሜ፣ መጽሐፈ አክሲማሮስ ዘዐርብ ምዕ. 2 )

ተስፋ ነቶም ብሰንኪ በደሎም ካብ ገነት ወፂኦም ምሉእ ሕይወቶም ብቐቢጸ ተስፋ ዝነበሩ ኣዳምን ሔዋንን ተዋሂቡ ነበረ። ንሱ ድማ “ንዅሉ ንብዓትኩምን ጣዕሳኹምን ርእየ እየ እሞ ድኅሪ ኃሙሽተ መዓልትን ፈረቃን (5500 ዓመት) ካብ ጓል ጓልካ ተወሊደ ከድኅነካ እየ” ዝብል ዓቢይ ቃል ተስፋን ምጽንናዕን ተዋህቦም። ጊዜኡ ምስ በጽሐ ኸኣ ካብ ሞት ናብ ሕይወት ተሰጋገሩ። (ዘፍ. 3፥15)

ስለዚ እዚ ተስፋ እዚ ንኣሽሓት ዓመታት ኣብ ልቦም ኣንቢሮም ክሳዕ ጐይታ ምእንታኦም ዝብጆ ብማዕዶ እናረኣይዎ ብሞት ካብዚ ዓለም ኃለፉ። ነዚ ከረድኣና ቅዱስ ሓዋርያ ጳውሎስ ከምዚ ይብል፡- “ እዚኦም ኵላቶም ነተን ተስፋታት ኣይረኸብወንን ግናኸ ካብ ርኁቕ ርእዮም ብሓጐስ ተቐበልወን እሞ ኣብዛ ምድሪ እዚኣ ኣጋይሽን ስደተኛታትን ምዃኖም እናተኣመኑ ብእምነት ኃለፉ” (ዕብ. 11፥13)

ተስፋ ኣብ ሕይወት እታ ዝበለጸት እያ። ከመይ እቲዅሉ ተስፋኡ ዘጥፍአ ሰብ ጊዜ ሕይወቱ ኣብ ጭንቀት፡ ኃዘንን ጓህን ዝጠሓለ መንፈስ እግዚአብሔር ዘይብሉ እዩ ዝኸውን። ከምዚ ዓይነት ሰብ ድማ ግዙእ ዲያብሎስ እዩ። እቶም ደቂ እግዚአብሔር ዝኾኑ ግና ዘይትኃልፍ ተስፋ መንግሥተ ሰማያት ኣላቶም። ነዛ ተስፋ ንኸብርሃልና ድማ ከምዚ ይብለና፡- “ዘዐይን ኢርእየ ወዕዝን ኢሰምዐ፡ ውስተ ልበ ሰብእ ዘኢተሐለየ፡ ዘአስተዳለወ እግዚአብሔር ለእለ ያፈቅርዎ/ ዓይኒ ዘይረኣዮ እዝኒ ዘይሰምዖ ኣብ ልቢ ደቂ ሰባት ዘይተሓሰበ እግዚአብሔር ነቶም ዘፍቅርዎ ኣዳልዩሎም ኣሎ . . .” ( 1ይ ቆሮ. 2፥9)።

እዚ ስለዝኾነ ድማ ነታ መንግሥተ እግዚአብሔር ንኽንወርስ ኣብ ዓለም ብመከራን ሽግርን ንነብር። እታ ተስፋና ኣብዛ መሬት ጥራይ ከምዘይኮነት ከረድእ ከሎ ሓዋርያ ቅዱስ ጳውሎስ ከምዚ ይብለና፡- “ኣብዛ ሕይወት እዚኣ ጥራይ ብክርስቶስ ተስፋ እንተ ገበርናስ ካብ ኵሉ ሰብ እነደንግጽ ምኾንና ኔርና” (1ይ ቆሮ. 15፥19)። እሞ'ኸ ሕዝበ ክርስቲያን! ስለምንታይ ደኣ ተስፋ ከምዘይብሉ፡ ኵሉ ጊዜ ኣብ ጭንቀትን ኃዘንን ክንነብር እንርአ፧ !

ነቶም ተስፋ ዝቘረጹ፡ ተስፋ ከምዘለዎም ብግብርን ብቓልን መድኅን ዓለም ክርስቶስ ምሂሩና እዩ ፦

፠ እታ ሾብዓተ ኣጋንንቲ ኃዲሮምዋ ብጭንቀት ትነብር ዝነበረት ማርያም መግደላዊት ደኃር ግና ቅድሚ 11ተ ሓዋርያት ትንሣኤ ጐይታ ዝርኣየት፤
፠ እቲ ምሉእ ሕይወቱ ኣብ ሽፍትነት ዘኅለፎ ኣብ የማን ጐይታ ተሰቒሉ ዝነበረ ቐዳማይ ኮይኑ ንገነት ዝኣተወ፤
፠ እቲ ዓማፅን ተቐባሊ ቐረጽን ዝነበረ ዘኬዎስ ጐይታ ኣብ ቤቱ ኸይዱ ዚባረኾ፤
፠ እቲ ኣብ ዓራት ንሠላሳን ሸሞንተን ዓመት ተደኒሱ ዝነበረ መፃጉዕ ዓራትካ ኣልዒልካ ኪድ ዝተባህለ፤ . . .ወዘይመስሎ እዚኣቶም ኵሎም ብተስፋ ስለ ዝተጸበዩ፡ ጐይታ ድማ ተስፋኦም ብምርኣይ ካብ ኵሉ ሽግሮም ኣናገፎም። እሞ'ኸ ደኣ ነዚኣቶም ካብቲ ኵሉ ሽግሮም ኣውፂኡ ተስፋ ዝሃቦም ጐይታ፣ ንኣና ኸ ክንደይ ዝኣኽል ተስፋ ዘይህበና ፧ ብርግጽ! ኣምላኽ ነቶም ብዙኅ ዝተሸገሩን ሕይወት ትርጕም ዘይብሉ ኾይኑ ዝስምዖምን ሕዝበ ክርስቲያን ተስፋ ይህቦም እዩ።

ንምሳሌ፡- “ ካብ ደቂ እታ ምርዕውትስ ደቂ እታ በይና ዘላ ኺበዝኁ እዮም እሞ ኣቲ ዘይወለድኺ መኻን ዕልል በሊ . . .” (ኢሳ. 54፥1-3) ይብለና። እቲ ዘይሓዊ ዝመስለና ሕማም'ውን መድኃኒት ከም ዘለዎ ብእግዚአብሔር ተስፋ ክንገብር ይግብኣና፡፡ ከመይ! ነቲ ዕዉር ዘብርሀ፤ ነታ ንዓሠርተው ሸሞንተ ዓመት መንፈስ ድኻም መንደዓት ዝኃዛ ዘሕወያ (ሉቃ. 13፥10)፤ ነታ መበለት ወዳ ካብ ሞት ኣተንሢኡ ዝሃባ (ሉቃ. 7፥14-16)፤ ነታ ብዙኅ ደም ዝፈስሳ ዝነበረ ዘንጽሓ . . .ወዘይስሎ። እዚ ዅሉ በቲ ኣብ እግዚአብሔር ዝገበርዎ ተስፋ ዝረኸብዎ ምሕረት ብምዃኑ ንሕና ድማ ነዚ ዅሉ ተረዲእና ብተስፋ ክንነብር ይግብኣና እዩ።

ነቲ ዅሉ ዝከኣሎ እግዚአብሔር ንከኽእለና ብምሉእ እምነት ንለምኖ “ . . . በቲ ዅሉ ኃይሊ ዝህበኒ እግዚአብሔር ንዅሉ እኽእሎ እየ” ድማ ንብል።(ፊል. 4፥13) “ወተሰፈዎ ለእግዚአብሔር ተዐገሥ ወአጽንዕ ልበከ ወተሰፈዎ ለእግዚአብሔር/ ብእግዚአብሔር ተተሰፎ፡ በርትዕ ልብኻ ቐጥ ኣብል ኣጆኻ እወ ብእግዚአብሔር ተስፋ ግበር” ከምዝበለ ዘማሪ ዳዊት (መዝ. 27፥14)።

እግዚአብሔር ኵሉ ጊዜ ክሓልየልና ዝነብር ርኅሩኅ ኣምላኽ ምዃኑ ከረድእ ዘማራይ ዳዊት ከምዚ ይብል፡- “ሠራዊት እኳ ኪቃወሙኒ እንተ ዝኸቡኒ ኣነ ኣይፈርህን እየ። ጸላእተይ ኪቃወሙኒ ኢሎም እንተ ዝለዓሉኒ ውን ኣብ እግዚአብሔር እምነት ኣሎኒ” (መዝ. 27፥3) ከምኡ ውን “ንሱ ኸኣ በለ ካብቶም ምሳታቶም ዘለዉስ ምሳና ዘለዉ ይበዝኁ እዮም እሞ ኣይትፍራህ በሎ።” ይብል ። (2ይ ነገ. 6፥16)
ኵሉ ጊዜ ዋላ'ውን ሽግር ኣብ ዝበዝኃና ጊዜ ተስፋ ከምዘለና እግዚአብሔር'ውን ከምዘናግፈና ምርዳእን ምስትብሃልን ይግባእ። ከመይ! ንሕና ሕዝበ ክርስቲያን ብተስፋ ኢና እንነብር (ሮሜ 12፥12)“ ኣይክገድፈኩምን እየ ከቶ'ውን ሸለል ኣይብለኩምን ክሳዕ መወዳእታ ጊዜ ምሳኻትኩም እየ” (ማቴ. 28፥20)።

እሞ'ኸ ደኣ ንሕና ነዚ ቃል እዚ እናሰማዕናን እናረኣናን ብቐቢጸ ተስፋ ክንጓዓዝ’ዶ ይግባእ እዩ፧ ኣይፋሉን! ምኽንያቱ ኣብ ጽላል እቲ ካብ ሕጂ ዅሉ ጊዜ ብለይትን መዓልትን ክሳዕ ዘለዓለም ምእታውናን ምውፃእናን ዚሕሉ ኣምላኽ ስለዘሎና። (መዝ. 121፥8)

ኵሉ ጊዜ ኣብ እግዚአብሔር ተስፋ ገይርና ክንጽበ ይግባእ። ነዚ ከረድኣና ልቢ ኣምላኽ ዝተሰምየ ዘማራይ ዳዊት ነቶም እስራኤል ዘሥጋ ከምዚ በሎም “ኣታ እስራኤል ካብ ሕጂ ንዘለዓለም ብእግዚአብሔር ተስፋ ግበር” (መዝ. 131፥3)። እዚ ቓል እዚ ነዞም ኣብዚ ጊዜ ዘለና እስራኤል ዘነፍስ ሕዝበ ክርስቲያን’ውን ከምዝኾነ ክንርድኦን ክንግንዘቦን ይግባእ። እዚ ተስፋ እዚ ግና ምሉእ እምነትን ትውክልትን ኣብ እግዚአብሔር ዘለዎ ኪኸውን ይግባእ። ካብዚ ወፃኢ ምልክት ተስፋ ምቝራጽ ዝኾነ ኣብ መንጎ ፡- ‘ስለምንታይ እዩ እግዚአብሔር ክሳብ ሕጂ ዘይሰምዓና፡ ኣበይ ኣሎ ፍቕሩ፡ ኣበይ ኣሎ ሥርሑ፧ ’ ክንብል ኣይግባእን። እዚ ዅሉ እግዚአብሔር ዘይፈትዎ ሥራሕ ስለ ዝኾነ ብልሳንና ኣይነውሥኣዮ። ከም ፍቓድካ ንበል! ሽዑ እቲ ንኣና ሠናይ ዝኾነ ነገር ባዕሉ ክፍጽመልና እዩ።

ከምቲ ሓዋርያ ቅዱስ ጳውሎስ ንሰብ ቆሮንቶስ ከምዚ ብምባል ዝጸሓፈሎም፡- “ብዅሉ ወገን ንጽቀጥ ግናኸ ኣይጸበበናን፡ እንገብሮ ይጠፍኣና ግናኸ ተስፋ ኣይንቐብጽን ኢና” (2ይ ቆሮ. 4፥8) ዋላ እንተ ተሸገርና፡ ፈተና ውን እንተበዝኃና ተስፋ ክንቈርጽ ኣይግብኣናን እዩ። ንሕና እቶም ኣብ እግዚአብሔር እንውከል ግና ኵሉ ጊዜ ብኃይሊ እግዚአብሔር ከም እንብርትዕ ንፍለጥ “እቶም ንእግዚአብሔር ዚጽበዩ ግና ኃይሎም ይሕደስ ከም ንስሪ ብኣኽናፍ ይድይቡ፡ ይጐዩ እሞ ኣይሕለሉን፣ ይኸዱ እሞ ኣይደኽሙን” (ኢሳ. 40፥31)።

፠ እምበኣር ኣኅዋትን ኣኃትን ኵሉ ጊዜ ኣብ ዓለም ከሎኻ ሽግር፡ ጸገምን ፈተናን፡ ራህዋን ሰላምን ተሓዋዊሱ ከጨንቐካ ይኽእል ይኸውን። እቲ ንዅሉ ዝፈትሕን ሰላም ዝህብን ግና እግዚአብሔር እዩ እሞ ኣብ እግዚአብሔር ንወከል። “ኣታ ኂደት መጓሰ እታ መንግሥቲ ክህበኩም ፍቓድ ኣቦኹም እዩ እሞ ኣይትፍራህ” (ሉቃ. 12፥32)። “ነታ ኣምላኽ ዝሓናፂኣን ዝሠራሒኣን መሠረት ዘለዋ ኸተማ ይጽበ ስለዝነበረ ብእምነት ኣብታ ምድሪ ተስፋ ከም ኣብ ምድሪ ጓና ኾይኑ ተቐመጠ እሞ ምስቶም ነዛ ተስፋ እዚኣ መዋርስቱ ዝኾኑ ይስሓቅን፡ ያዕቆብን ኸኣ ኣብ ድንኳን ይነብር ነበረ” (ዕብ. 11፥9-10) እሞ'ኸ ደኣ ንሕና ኣበይ ምንባር እዩ ዝኅሸና፧! ነታ ተስፋ መንግሥተ ሰማይ'ዶ፡ ወይስ ነዛ ዓለም ኢና ንደሊ፡ ቀጺሉ ውን ናብ ዕብራውያን ዝተጻሕፈ እንተርኢና ከምዚ ኢሉ ይምዕደናን ይመኽረናን፥ “እምበኣርከስ ነቲ ብዙኅ ዓስቢ ዘለዎ ትብዓትኩም ኣይትደርብይዎ፡ ፍቓድ እግዚአብሔር እናገበርኩም ነታ ተስፋ ምእንቲ ኺትወርስዋ ትዕግሥቲ የድልየኩም እዩ።” (ዕብ. 10፥35-36)።

ሕዝበ ክርስቲያን! ኣብዛ ዘለናያ ጊዜ ብዙኅ ትዕግሥቲ ከምዘድልየና ተረዲእና ኣብ እግዚአብሔር ተስፋ ብምግባር ፍጹም እምነት ንኃዝ።

ነዚ ንምፍጻም እግዚአብሔር ሰላሙ፡ ምሕረቱን ተስፋኡን ይሃበና።

ስብሐት ለእግዚአብሔር፡ ወለወላዲቱ ድንግል፡ ወለመስቀል ክቡር፡ አሜን!
ልሳን ተዋህዶ!

https://www.lisantewahdo.org/index.php/2019-09-30-12-08-10/item/688-24-49