15/06/2026
ኣብ ሓጎስ ጎይታኩም ከምዘለኩም ንኣምን! ኣሜን
ብሰላም ዕረፉ ፍቑራት ኣቦታተይ
ፍቑር ኣባ ፍሩ / ፍቑር ኣባ ኤልያስ
ትናፈቁ ኣቦታት
ሕያዋይ ጓሳ
ወየ ወየ ወየ
ኣባ ኤልያስ ከኣ ስዒብኩም፣
ይኣኽለኩም ' ዶ ኢሉኩም ሰማያዊ ኣቦኹም፣
ውሑድ ' ዶ ጎቦን ስንጭሮን ጎዪኹም፣
ብሓቂ ኣሰር ጎይታኹም ዝተኸተልኩም፣
ደኺመ ጸሚኤ ከዕርፍ ከይበልኩም፣
ሓዋርያ ናይ ግዜና ዝነበርኩም፣
ነቲ ናይ ቀራንዮ መስቀል እናጠመትኩም፣
ብዘይ ዕረፍቲ ወትሩ ዝጎየኹም፣
ዕላማኹም ኣብ ጫፉ ዘብጻሕኩም፣
ብሓቂ ወዲ ኣቡነ ብሩኽ ብግብሪ ዘርኣኹም፣
ትጉህ ትጉሃን ካብ መፈጠርኩም፣
ተሓጊሱ ኢዩ ክርስቶስ ከተዕርፉ ጸዊዕኩም፣
ምስቶም ቅዱሳኑ ይጸምብርኩም።
ወየ ወየ ወየ
ኔርኩም ቅዱስን ጻድቅን፣
ኔርኩም ትሑትን የዋህን፣
ኔርኩም ሰማዕን መስተውዓልን፣
ኔርኩም ዘማርን ተማህላልን፣
ኔርኩም ቀዳስን ወዳስን፣
ኔርኩም ውፉይን ተኣዛዝን፣
ኔርኩም ተላኣኽን ኣገልጋልን፣
ኔርኩም መሃርን መኻርን፣
ኔርኩም ኣማንን በዓል መትከልን፣
ኔርኩም ጸለይን ሰራሕተኛን፣
ነዚ ኩሉ ስለ ዘማላእኩም፣
ጎይታ ብፍቅሪ ጠሚትኩም፣
መሪጽኩም ምስኡ ከዕርፈኩም፣
ዘለናዮ ንገሩዎም ነቶም ዝሓለፉ ቅድሜኹም፣
ሓቢርኩም ጸልዩልና ሓደራኹም።
በሉ ኣቦየ ብሰላም ዕረፉልና ፣ገጹ እናረኣኹም።
ንቤተሰብን ንማሕበር ሲታውያንን
ጽንዓት ይሃብ ፣
ጸጋዘኣብ ሙሴ
