Faran Mariam ፋራን ማርያም

Faran Mariam ፋራን ማርያም ዮሃንስ 1:12 ነቶም እተቐበልዎ ዘበሉ ዅሎም ብስሙ ንዚኣምኑ ግና ውሉድ ኣምላኽ ኪዀኑ መሰል ሃቦም።
About Orthodox Church ⛪️

✟✟✟ ፲፩ ሰነ ✟✟✟በስመ አብ ወወልድ ወመንፈስ ቅዱስ ፩ አምላክ ✟✟✟ ማር ገላውዴዎስ ሰማዕት ✟✟✟ በዛ መዓልቲ እዚኣ ፡ ቅዱስ ገላውዴዎስ ሰማዕት ብሰማዕትነት አዕ...
18/06/2026

✟✟✟ ፲፩ ሰነ ✟✟✟

በስመ አብ ወወልድ ወመንፈስ ቅዱስ ፩ አምላክ



✟✟✟ ማር ገላውዴዎስ ሰማዕት ✟✟✟

በዛ መዓልቲ እዚኣ ፡ ቅዱስ ገላውዴዎስ ሰማዕት ብሰማዕትነት አዕረፈ። ቅዱስ ገላውዴዎስ አብ መበል 3ተ ሚኢቲ ክ/ዘመን አብ ናይ ቀደም ግዝኣት ሮም አንጾኪያ (ናይ ህጂ ሶርያ) ዝተወለደ ቅዱስ ሰማዕት እዩ።

አቡኡ አብጥልዎስ ቄሣር ሮም ዝነበረ እዩ። ንኑማርያኖስ ድማ ሓዉ እዩ። በዚ ምኽንያት እዚ ቅዱስ አቦ አብ ውሽጢ ቤተ መንግሥቲ እዩ ዓቢዩ።አብቲ ወቅቲ ጽቡቕን ሕማቕን ነገራት ነበረ።

እቲ ጽቡቕ ነገር አብ ከባቢ ቤተ መንግሥቲ ዝነብሩ ልዑላን መብዛሕቲኦም ብፍቕሪ ክርስቶስ ዝተአሰሩ ነበሩ። ካብዚኦም ንምጥቃስ ዝኣክል "ቅዱስ ፋሲለደስ: ቅዱሳን:- ፊቅጦር: ቴዎድሮስ: አባዲር: አውሳብዮስ: ዮስጦስ: አቦሊ: እስጢፋኖስ . . ." ወዘተ... ነበሩ:: ካብ ቅዱሳት ድማ "ማርታ: ታውክልያ: ኢራኢ: ሶፍያ ወዘተ. . ." ነበራ::እቲ አሸጋሪ ነገር ድማ ወግሐ ጸብሐ ናብራኦም ውግእ ነበረ።

ናይቲ ዘመን ናይ ፋርስን ናይ ቁዝን መራሕቲ ተዋጋእቲ ስለዝነበሩ ዕለት ዕለት ውግእ ነበረ። በዚ ምኽንያት ድማ ቅዱስ ገላውዴዎስ ዝተመሥከረሉ ሓርበኛን ዝተባረኽ ንጹህ ክርስቲያንን ኮይኑ ዓበየ::
ካብ ንእስነቱ ጀሚሩ ቅዱሳት መጻሕፍቲ ብምጽናዑ ሕይወቱ ብመንፈስ ቅዱስ ጨውነት ዝመቀረ ነበረ:: ንሱ ናይ ነገሥታት ቤተሰብ ከሎን ማእዱ በብዓይነቱ መሊኡ እኳ እንተነበረ፡ ንሱ ግን ከይመሰየ እኽሊ አይጥዕምን ነበረ::

ጸሎቱ ስሙር: ስግደቱ ምስ ምድሪ: አናብብራኡ ብፍቅሪ ኾነ:: ከምኡ እውን ብድንግልናኡ ጽኑዕን ኃያልን ነበረ::አብቲ ግዜ ከም ቅዱስ ገላውዴዎስ ዝበለ መልክዑ ጽቡቕ (ደመ ግቡእ) አይነበረን:: እዚ ግን ከታልሎ አይከኣለን::

ኩሉ አብ ኢዱ እኳ እንተኾነ ንዕኡ ግን ምርጫኡ ሃይማኖተ ክርስቶስ ጥራሕ ነበረ::ቅዱስ ገላውዴዎስ ካብ ውግእ ምስ ተመለሰ ንጉሥ ዲዮቅልጢያኖስ ሃይማኖቱ ክሒዱ: ንህዝቢ ንጣዖት ከስግድ: ንክርስትያን ድማ ክቀትል ጸንሖ:: እዚ ቅዱስ ኃያል ናይ ውግእ ሰብ እዩ እሞ ንንጉሥ ክቀትሎ እንዳኸኣለ ግን ገደፎ::

አብቲ ሰሙን ንገላውዴዎስ ክልተ ምርጫታት ቀረበሉ:-

1.ንክርስቶስ ክሒዱ ናይ ንጉሥ ተኸታሊ ምዃን:
2.ወይ ብክርስትናኡ ደሙ ምፍሳስ::

ናይ ቅዱሳን ምርጫኦም ፍሉጥ እዩ እሞ ተኣሲሩ ናብ ግብጺ ተጓዓዘ:: አብኡ እውን ነቲ መኰንን ስለ ሃይማኖት ተኸራኸሮ። እቲ መኮንን ግን ስለ ዝተባሳጨወ ነዚ ቅዱስ ብነዊሕ ጦር ጎኑ ወግኦ እሞ በዛ ዕለት ነፍሱ ሃበ::

ህዝቢ ክርስቲያን ብሕቡእ መጺኦም ናይዚ ቅዱስ ሥጋ ጨና ቀቢኦም: ብዝማሬ ገነዝዎ:: ኣደ ዓርኩ ቅድስቲ ሶፍያ መጺኣ ከዓ ናብ ሶርያ ወሰደቶ።

ጸሎቱን በረኸቱን ምስ ኵልና ሕዝበ ክርስቲያን ይኹን! አሜን!

ዐርኬ

ሰላም ለገላውዴዎስ ሐይማኖተ ክርስቶስ ተአሪዞ
አልባሰ መንግሥት ኢሐወዞ
ለመኰንን ዐላዊ እንዘ ይትገዐዞ
እም ይስማዕ ቃሎ ወእም ይትዐደው ትእዛዞ
በኵናተ እዱ አብደረ ተረግዞ።

††† ሰኔ 11 ዝክበሩ ዓመታዊ ቅዱሳን በዓላት

1.ማር ገላውዴዎስ ሰማዕት (ሕይወቱ ናይ መላእክ ዝመሰለ)
2.1088 ቅዱሳን ሰማእታት (ማኅበር ቅዱስ ገላውዴዎስ)
3.አባ ክርዳኑ ሊቀ ጳጳሳት
4.ኣዴና ቅድስት ክርስቶስ ክብራ (ሓፍቲ አቡነ በጸሎተ ሚካኤል)
5.ናይ ጎይታና ኢየሱስ ክርስቶስ ቅዳሴ ቤቱ (ግብጽ)

††† ወርኀዊ በዓላት

1.ቅዱስ ያሬድ ካህን
2.ቅዱስ ፋሲለደስ ሰማዕት
3.ብፁዐን ኢያቄምን ሐናን
4.አቡነ ሐራ ድንግል

✟✟✟ስብሐት ለእግዚአብሔር✟✟✟
ወለወላዲቱ ድንግል
ወለመስቀሉ ኩቡር
ኣሜን

✟✟✟ ፲ ሰነ ✟✟✟በስመ አብ ወወልድ ወመንፈስ ቅዱስ ፩ አምላክ ✟✟✟ ቅድስቲ ቤተ ክርስቲያን ✟✟✟ በዛ ዕለት እዚኣ ፡ አብ ዓለም ምሉእ ንክርስትያናት ዐብዪ...
17/06/2026

✟✟✟ ፲ ሰነ ✟✟✟

በስመ አብ ወወልድ ወመንፈስ ቅዱስ ፩ አምላክ

✟✟✟ ቅድስቲ ቤተ ክርስቲያን ✟✟✟

በዛ ዕለት እዚኣ ፡ አብ ዓለም ምሉእ ንክርስትያናት ዐብዪ ደስታ ኾነ። መላእኽቲ እውን አብ ሰማያት ተሐጐሱ።

በዛ መዓልቲ ካብ ንጉሥ ቈስጠንጢኖስ አብያተ ጣዖት ኽዕጸዉ ፡ አብያተ ክርስቲያናት ድማ ክኽፈቱ አዋጅ ወጸ። እዛ ሓጎስ ዝተመልአት መልእኽቲ ናብ ከተማ እስክንድርያ ከምሎሚ መኣልቲ ምስ በጽሐት ፡ ፈጺሞም ተሐጐሱ።

ናብ ኵሉ ዞባታት ግብጺ እውን ለአኽዋ። ምእመናን ኵሎም ብልዕልና ክብሪ ቤተ ክርስቲያን ደስ በሎም። አብያተ ጣዖታት ዐጸዉዎም። አብያተ ክርስቲያናት ድማ ተከፈቱ። ከም ሎሚ ድማ በዛ መዓልቲ በዓል ገበሩ። እዚ ዝኮነ ቈስጠንጢኖስ ምስ ነገሠ አብ መጀመርያ ዓመቱ እዪ። እለእስክንድሮስ ሊቀ ጵጵስና ካብ ዝሽወም አብ መጀመሪያ ዓመት ነበረ።

ንእግዚአብሔር ምስጋና ይኹን ፡ ይቅርታኡን ምሕረቱን ኣብ ልእሌና ይዉረድ ፡ ንዘለዓለመ ዓለም ፡ አሜን።

ዐርኬ

ሰላም ለዕለት በዓለ ፍሥሓ ዘሰመይዋ
ጽጉባነ ሐሊብ ዕደው አምሳለ ጣዕዋ
መልእክታተ ጽድቅ ሶበ ተዜነዋ
እለ እም ትካት በምክንያተ ጣዖታት ዘተዐጽዋ
አብያተ ክርስቲያናት ኲሎን እስመ ዮም ተርኅዋ።

✟✟✟ ቅድስት ሶፍያን ደናግል ደቃን ✟✟✟

ከሙኡ እውን ፡ በዛ መዓልቲ እዚኣ ፡ ቅዱሳት ደናግል ደባሞንን ብስጣሞንን አዴኤን ሶፍያን ብሰማዕትነት አዕረፋ። ዋርስኖፍ ዝበሃል ሐደ ሰብ ነበረ።

ኤጲስቆጶስነት ክሾምዎ ምስ ደለዩ ፡ ሃዲሙ ፡ እዘን ደናግል ናብ ዘለዋኡ ፡ ናብ ዞባ ናባ ናብ ግሕሙን ኽይዱ፡ አብኡ ሐደረ።አብታ ለይቲ ድማ መልአኽ እግዚአብሔር ተገሊጹሉ ፡ "ንምንታይ አብዚ ትድቅስ አለኻ ፡ ተሲዒካ ተጋደል። ንኣኻን ሰማዕት ንምዃን ዝደልዩ ኹሎምን አክሊል ተዳሊዉ እዩ እሞ ፡ ህጂ እውን ተልዒልካ ናብቲ መኰንን ኪድ።

አብ ቅድሚኡ ቆይምካ ድማ ክብሪ ይብጽሐዮ እሞ ብጎይታና ኢየሱስ ክርስቶስ ተአመን" በሎ።ካብ ድቃሱ ምስ ነቕሐ ድማ ፡ ራእይ ከም ዝርአየ ፡ ንቅዱሳት ደናግል ነገረን። ምስ ወግሐ ድማ ፡ ምስኡ ፡ ናብቲ መኰንን ከዳ። አብ ቅድሚ እቱ መኰንን እውን ፡ ክብሪ ይብጽሐዮ እሞ ብጎይታና ተአመና። እቲ መኰንን እውን ጽኑዕ ሥቓይ አሣቐየን።

ናብ ቤት ማእሰርቲ እውን ኣእተወን። ድሕሪ ቍሩብ መዓልቲ ፡ ካብኡ አውጺኡ ፡ ምስ ቅዱስ ዋርስኖፍ ናብ ስንሑር ለአኸን። አዴአን እውን ትኽተለን ነበረት።እቲ መኰንን ንአማልኽቲ ዕጣን ዕጠኑ በለን። ምስ አበያ ድማ ፡ ጽኑዕ ሥቓይን አሣቐየን። እግዚአብሔር እውን መልአኹ ልኢኹ አጽንዐን። ቊስለን እውን ፈወሰ።

ብድሕሪ እዚ ድማ ፡ እቲ መኰንን ካብ ዓዱ ናብ ሀገረ ፃ ሒዙወን ከደ። ካህናት ጣኦታቱ እውን ፡ ቅድስቲ ደባሞን ነቶም ጣዖታቱ ከም እትረግም ነገሩዎ። ከምኡ እውን ዮና እትበሃል ዓርካ ከም ዘላ ነገሩዎ። ንሳተን ንእለታዊ መግበን ዝከዉን ብብዓይነቱ አልባሳት እናሠርሓ ይሸጣ ንዝተረፈን ድማ ይመጽውቱኡ ነበራ። እቲ መኰንን ዜና ዮና ምስ ሰምዐ ርእሳ በሰይፊ ኽቖርጻ ፡ ንወታደሩ ለአኾ።

ስም እቲ ሰያፊ ድማ አውሎጊስ ይበሃል።ናብኣ ምስ ቀረበ ገጻ ከም ገጽ መላእኽ ብርሃን ተመሊኡ ረአየ እሞ ፈርሐ። ነዓኣ እውን ናብቲ መኰንን ኽወስዳ ደኣ እምበር ኸይቐትላ ፡ ጸጋ እግዚአብሔር አዘዘቶ። ቤተ ሰባ ፡ ተሰናቢቶሙዋ ድማ ፡ ጸንፋ ናብ ዝበሃል ሀገር ከደት። ናብ ሀገረ ፃ በጺሓ ድማ ነቲ መኰንን ረኸበቶ። ምስ ቅዱስ ዋርስኖፍናን ምስ አዕርኽቱን እውን ሰላምታ ተለዋወጡ።እቲ ሰያፊ አውሎጊስ ክብር ይብጽሐዮ እሞ ፡ ብጎይታና ኢየሱስ ክርስቶስ ተአመነ እሞ ርእሱ ቖረጹዎ።

አኽሊል ሰማዕትነት እውን ተቐበለ። ከምኡ እውን ነተን ቅዱሳት ደናግል ርእሰን ቈረጹወን። ገድለን ፈጺመን ድማ ፡ አኽሊል ዓወት ተቐበላ።ንቅድስቲ ደባሞን ግን ብመንኰራኵር እንዳሰቐይዋ ብዙሕ መዓልታት ገበረት። መልአኽ እግዚአብሔር የጽንዓን ቊስላ እውን ይፍውሳይ ነበረ። እቲ መኰንን ናብ ቤት ማእሠርቲ አእተዋ። አብኡ ድማ ንቑሩብ መዓልቲ ጸንሐት።

ናብ ፍርዲ ሸንጎ አቕሪቡ ድማ ፡ 'ንአማልኽቲ ሠውዒ' በላ። ምስማዕ ምስ አበየቶ ርእሳ ኽቖርጹ አዘዘ።ርእሳ ኽቖርጹ ካብ ከተማ ናብ ደገ ምስ አውጽኡዋ ድማ ፡ አንስቲ ኹለን እናበኸያ ይስእባ ነበራ። ንሳ ግን ፈጺሙ ደስ ይብላ ነበረ። ርእሳ እውን ብሰይፊ ቆረጹዋ። ከምኡ እውን አዴኣን ሐፍታን ብሰይፊ ቆረጹወን። አብ መንግሥተ ሰማያት ድማ አኽሊል ዓወት ተቀበላ።

ንእግዚአብሔር ምሥጋና ይኹን ፡ ንአና እውን ብጸሎት እዘን ሰማዕታት ይምሐረና ፡ በረከተን እውን ምሳና ትንበር ፡ ንዘለዓለመ ዓለም ፡ አሜን።

ዐርኬ

ሰላም ለሶፍያ ወለአዋልዲሃ ዲባሞን ውብስጣሞን ዘተሳተፋ
ይሰነዓዋ ለስምዕ ምስለ ዋርስኖፋ
እማ ወዮና ዘሀገረ ጸንፋ
እምነ ወዲቅ ኪያየ ይሕቅፋ
ከመ ዕጐሊሃ ተሐቅፍ ዶርሆ በክንፋ።

ከሙኡ እውን ፡ በዛ መዓልቲ እዚኣ ፡ ሰማዕት አቅሊሞስ አባ ነአንን ይሰካን መዘከርታ ዕረፍቶም እዩ። በረከቶም ሞሳና ይንበር ፡ ንዘለዓለመ ዓለም ፡ አሜን።

ንእግዚአብሔር ምሥጋና ይኹን ፡ ንአና እውን ብጸሎት እዞም ቅዱሳን ይምሐረና ፡ ንዘለዓለመ ዓለም ፡ አሜን።

††† ሰኔ 10 ዝክበሩ ዓመታዊ ቅዱሳን በዓላት

1.ቅድስት ቤተ ክርስቲያን
2.ቅዱስ ቆስጠንጢኖስ
3.ቅድስት ሶፍያ ሰማዕት( ካብተን ኣበይቲ ሶፍያ ዝስመን ሰማእታት ሃንቲ)
4.ቅዱሳት ሰማዕታት ደባሞንን ብስጣሞን (ደቂ ቅድስት ሶፍያ)
5.ቅዱስ አውሎጊስ ሰማዕት
6.ቅዱስ ዋርስኖፋ ሰማዕት

††† ወርሐዊ በዓላት

1.ቅዱስ ናትናኤል ሐዋርያ
2.ቅዱስ ኒቆላዎስ ዘሃገረ ሜራ
3.አቡነ መልክዐ ክርስቶስ
4.ቅዱስ ያዕቆብ ሐዋርያ (ወልደ እልፍዮስ)
5.ቅድስት ዕሌኒ ንግስት
6.ቅዱስ ዕፀ መስቀል

✟✟✟ስብሐት ለእግዚአብሔር✟✟✟
ወለወላዲቱ ድንግል
ወለመስቀሉ ኩቡር
ኣሜን

✟✟✟ ፱ ሰነ ✟✟✟በስመ አብ ወወልድ ወመንፈስ ቅዱስ ፩ አምላክ ✟✟✟ ዕረፍቱ ለሳሙኤል ነቢይ ✟✟✟ ፱ ሰነ ፡ በዛ መዓልቲ እዚኣ ፡ ዓብዪ ነብዪ ሳሙኤል አዕረ...
16/06/2026

✟✟✟ ፱ ሰነ ✟✟✟

በስመ አብ ወወልድ ወመንፈስ ቅዱስ ፩ አምላክ

✟✟✟ ዕረፍቱ ለሳሙኤል ነቢይ ✟✟✟

፱ ሰነ ፡ በዛ መዓልቲ እዚኣ ፡ ዓብዪ ነብዪ ሳሙኤል አዕረፈ።እዚ ቅዱስ ነቢይ ፡ አቡኡ ሕልቃና አዲኡ ከዓ ሐና ይበሃሉ።

ሐና መኻን ስለ ዝነበረት ውሉድ አይነበራን። ናብ እግዚአብሔር ተመጻቢዓ ግን እግዚአብሔር ጸሎታ ሰሚዑ ንሳሙኤል ተወለደ።

ሠለስተ ዓመት ምስ መልኦ ድማ ቆልዓ መጽበዓ ብምዃኑ ናብ ቤተ መቅደስ አረከብዎ እሞ አብ ቤተ መቅደሰ ንካህን ዔሊ እናገልገሎ ዓበየ። ንእግዚኣብሔር ስለ ዝበደሉ፣ አብ ቤተ መቅደስ ክስራሕ ዘይገበኦ ጸያፍ ተግባራት ከይተረፈ ስለዝፈጸሙ፤ አብ ልዕሊ ኤሌን ደቁን ብሓፈሻ ድማ ኣብ ልዕሊ እስራኤል ክትሰምኦ እዝንኻ ጭው ዘብል መከራ አብ ልዕሊኦም ከምዘውርድ እግዚአብሔር ብራእይ ንሳሙኤል ነገሮ።

እስራኤላውያን ንጉሥ ንደሊ ኢና ምስ በሉ ኸዓ ንሳዖል ቀቢኡ ኸንግሰሎም እግዚአብሔር አዘዞ። ሳዖል ንእግዚአብሔር ሞስበደለ ድማ ንዳዊት ቀቢኡ ኸንግሶ አዘዞ፤ ቀቢኡ ድማ አንገሶ።

እዚ ዓብዪ ነብዪ ሳሙኤል ኣብ መላእ ዕድመ ዘመኑ ንእስራኤላውያን አመሓደሮም እሞ በዛ ሎሚ መዓልቲ ድማ ብሰላም ዓረፈ።

እግዚአብሔር አምላኽ በረኸት ሳሙኤል ነቢይ የካፍለና! አሜን!

ዐርኬ

ሰላም ለሳሙኤል እንተ ልሕቀ እምንእሱ
ለእግዚኣብሔር በቤተ መቅደሱ
እኂዞ በእዱ ከመ ኢያንሶሱ
ሳዖል ቀዳሚ ሶበ ሠጠጣ ለልብሱ
እግዚአብሔር ሠጠጣ ለንግሡ

=> ትርጉም:- ካብ ንእስነቱ ጀሚሩ አብ ቤተ መቅደስ እግዚአብሔር ንዝዓበየ ሳሙኤል ሰላምታ ይግባእ። ሳዖል ብኢዱ ሒዙ ኽዳኑ (ክዳን ሳሙኤል) ምስ ቀደዳ፤ እግዚአብሔር ከዓ ናይ ሳዖል ንግሥና ቀደዳ።

††† ቅዱስ ሉክያኖስ†††

በዚ ዕለት ቅዱስ ሉክያኖስ ይዝከር። መጀመሪያ ኣምላኺ ጣኦትን ዝነበረ ቅዱስ ሉክያኖስ፡ ሰብ ከይመሃሮ ንክርስትያን ብምርኣይ ጥራይ እዩ ክርስትያን ኮይኑ።

ናይቲ ዘመን ክርስትያናት ብኣነባብራኦም፣ ብትግሃቶም፣ ብጽንዓቶምን ብፍቕሮምን ይስሕቡ ነበሩ።

እምነቶም ከም ዝገደፈ ዝረኣዩ ዘይኣመንቲ ኣታሊሎም ክመልስዎ ፈተኑ። ምስኣበዮም ድማ ኣስናኑ ብእምኒ ሰበርዎ።

ሕጂ'ውን ኣብ ሃይማኖት ክርስቶስ ስለዝጸነዐ ኣብዛ ዕለት እዚኣ (9 ሰነ) ሰዓት 6 ቀትሪ(ግእዝ) ሰቒሎም ቀተልዎ።

††† እግዚአብሔር በረከት ቅዱሳን ይኣድለና

††† ሰኔ 9 ዝክበሩ ዓመታዊ ቅዱሳን በዓላት

1.ቅዱስ ሳሙኤል ነቢይ
2.ቅዱስ ሉክያኖስ ሰማዕት
3.ቅዱስ ዮሐንስ
4.ኣቡነ ቦክረ ድንግል ።

††† ወርኀዊ በዓላት

1.አባ በርሱማ ሶርያዊ (ኣቦ ኩሎም መነኮሳት ሶርያ )
2.አቡነ እስትንፋሰ ክርስቶስ (ኢትዮጵያዊ)
3. 318 ቅዱሳን ሊቃውንት (ርቱዐነ ሃይማኖት ዘኒቅያ)
4.ጻድቃን ብሔረ ብፁዐን
5.አባ መልከ ጼዴቅ ዘሚዳ (ኢትዮጵያዊ)
6.ቅዱስ ዞሲማስ ጻድቅ (ዓለመ ብፁዐንን ዝርኣየ ኣቦ)
7.ኣቡነ ብጹዕ


✟✟✟ስብሐት ለእግዚአብሔር✟✟✟
ወለወላዲቱ ድንግል
ወለመስቀሉ ኩቡር
ኣሜን

✟✟✟ ሰነ ፰ ✟✟✟በስመ አብ ወወልድ ወመንፈስ ቅዱስ ፩ አምላክ ፡ ✟✟✟ ቅዳሴ ቤተክርስቲያን ዘእግዝእትነ ✟✟✟ በዛዕለት እዚኣ ፡ ብኽልተ ወገን ድንግል ዝኾነት ና...
15/06/2026

✟✟✟ ሰነ ፰ ✟✟✟

በስመ አብ ወወልድ ወመንፈስ ቅዱስ ፩ አምላክ ፡

✟✟✟ ቅዳሴ ቤተክርስቲያን ዘእግዝእትነ ✟✟✟

በዛዕለት እዚኣ ፡ ብኽልተ ወገን ድንግል ዝኾነት ናይ ኣዴና ወላዲተ አምላኽ ማርያም ፡ አብ ፍልፍል ማይ ዘላ ፍልጥቲ ቤተ ክርስቲያና ቅዳሴ እዩ።

እዚ ቦታ ክብሪ ይብጽሐዮ እሞ ፡ ጎይታና ኢየሱስ ክርስቶስ ናብ ሃገረ ግብጺ ተሰዲዱ ክምለስ ከሎ ዘፍለቖ ጸበል እዩ።ጻድቕ ዮሴፍ መልአኽ እግዚአብሔር ብሕልሚ ተገሊጹሉ "ነቲ ሕፃንን ኣዲኡን ሒዝካ ናብ ሀገረ ግብጺ ኺድ" በሎ።

ዮሴፍ ድማ ክብር ይብጽሐዮ እሞ ሕጻን ጎይታና ኣዲኡን ምስ ሐፍታ ሰሎሜን ሒዙ ናብ ሀገረ ግብጺ ኸዱ። አብኡ እውን ሠለስተ ዓመትን ሽዱሽተ ወርሒን ነበሩ።

ሄሮድስ ምስ ሞተ ፡ መልአኽ እግዚአብሔር ንዮሴፍ ን2ይ ጊዜ ተገለጸሉ እሞ ፡ ሕፃኑን አዲኡን ሒዙ ናብ ሀገረ አስራኤል ኽምለስ አዘዞ። አብ ዝምለሱሉ ጊዜ ድማ ፡ መዓልቃ ኣብ ዝበሃል ቦታ በጽሑ። ብድሕሪ እዚ ፡ ናብ በገረ መጣርያ ኸዱ።

እዚኣ ድማ ክብር ይብጽሐዮ እሞ ፡ ጎይታና ኢየሱስ ክርስቶስ ማይ ዘፍለቐላን መሕጸቢ ቦታ ዝኾነት እያ። ንሳ ድማ ክሳዕ ህጂ አላ።

ሰባት ካብ ኩሉ ሃገራት ፡ እንዳከዱ ንአምላክ ናብ ዝወለደትን ብድንጋሌ ሥጋ ብድንጋሌ ነፍስ ናብ ዘጸንዐትን ቅድስት ድንግል ኣዴና ማርያም እንዳለመኑ ካብቲ ዝተባረኸ ፍልፍል ማይ ተሐጺቦም ካብ ኩሉ ሕማሞም ይድሕኑ አለዉ።

ነኣዴና ድንግል ዝመረጻን ዝፈተዋን ፡ ብሥጋ እውን ኣዲኡ ንዝገበራን ንእግዚአብሔር ምሥጋና ይኹን ፡ ንዘለዓለመ ዓለም ፡ አሜን።

ዐርኬ

ሰላም እብል ለቅዳሴ ቤትኪ ሕንጽት
ኀበ አንቅዐ ወልድኪ ማየ በረከት
ማርያም ድንግል በስምኪ በቍዔት
እስመ ይትወሀብ ለዘጸለየ በኵሉ ዕለት
ሠናይ ሀብት ወፍጹም ፍት።

††† ሰኔ 8 ዝክበሩ ዓመታዊ ቅዱሳን በዓላት

1.ቅዳሴ ቤት ኣዴና ድንግል ማርያም
2.ቅዱስ ማይ (ጸበል)
3.ቅድስት ትምዳ ኣዴና
4.ቅዱስ አውሎጊስ
5.አባ አትካሮን

††† ወርኀዊ በዓላት

1.ቅዱስ ሙሴ ሊቀ ነቢያት
2.ኪሩቤል (አርባዕቱ እንስሳ)
3.አባ ብሶይ (ቢሾይ)
4.አቡነ ኪሮስ
5.አባ ሳሙኤል ዘደብረ ቀልሞን
6.ቅዱስ ማትያስ ሓዋርያ


ስብሐት ለእግዚአብሔር
ወለወላዲቱ ድንግል
ወለመስቀሉ ኩቡር
ኣሜን

7 ሰነ በስመ አብ ወወልድ ወመንፈስ ቅዱስ አሐዱ አምላክ ††† ቅዱስ ያዕቆብ ዘስሩግ ††† ቅዱስ ያዕቆብ ዘስሩግ ሓደ ካብቶም ኣብ ታሪኽ ቤተ ክርስቲያን ብወን...
14/06/2026

7 ሰነ

በስመ አብ ወወልድ ወመንፈስ ቅዱስ አሐዱ አምላክ

††† ቅዱስ ያዕቆብ ዘስሩግ †††

ቅዱስ ያዕቆብ ዘስሩግ ሓደ ካብቶም ኣብ ታሪኽ ቤተ ክርስቲያን ብወንጌላዊ ኣገልግሎቶም፣ ብድርሰቶምን ቅድስንኦም ኣፍልጦ ዝረኸቡ ዓበይቲ ሊቃውንቲ እዩ። እዚ ሊቅ ብዕለት 27 መጋቢት ብ433 ዓ.ም.ፈ ተወሊዱ። ሃገሩ ድማ ሶርያ እያ። ወለዱ ክርስትያን ኣቡኡ ድማ ሊቀ ካህናት እዩ።

ቅዱስ ያዕቆብ ካብ ንእስነቱ ኣትሒዙ ብእግዚኣብሔር ዝተጸውዐ ብምዃኑ ብብዙሕ መዳይ ዝተፈለየ እዩ።ሓደ መዓልቲ ሰንበት ወዲ 3 ዓመት ከሎ ኣዲኡ ናብ ቤተ መቕደስ ወሰደቶ። ምእመናን ቅዱስ ስጋኡን ክቡር ደሙን ክቅበሉ ከለው ህጻን ያእቆብ ዘስሩግ ክቅበል ቀረበ።

እቲ ጳጳስ ብ እርፈ መስቀል ደሙ ከቀብሎ ምስበለ፡ መልኣኽ መጺኡ በቲ ጽዋእ ኣስትዮ በሎ። ሽኡ ምስጢር ተገልጸሉ እሞ ዓው ኢሉ "አንሰ እፈርሕ ሠለስተ ግብራተ - ኣነ 3 ነገራት እፈርሕ እየ" ኢሉ ተዛረበ።

ዻዻስን ህዝብን ናብ ህጻን ያእቆብ ቀሪቦም "እንታይ እንታይ?" ምስ በልዎ

1.ነፍሰይ ካብ ስጋ ምስ ተፈልየት።
2.ኣብ ቅድሚ ኣምላኽ ንፍርዲ ደው ክብል ከለኹ።
3.ፍርዲ ፈጣሪ ምስ ወጸ።

ኣብቲ ግዜ እቲ ህዝብን እቲ ጳጳስን "እግዚኣብሄር በዚ ቆልዓ ገኒሑና" እናበሉ ተነስሑ።ቅዱስ ያዕቆብ ወዲ 7 ዓመት ምስ ኮነ ክመሃር ናብ ጉባኤ ወሰድዎ። ብ 5 ዓመት ብሉይን ሓዲስን ወዲኡ ኣብ 12 ዓመቱ ድማ ሊቅ ኮነ። ናይቲ ዘመን ዓበይቲ ምሁራትን ጳጳሳትን ተኣኪቦም "ሓድሽ ምስጢር ንገረና" በልዎ።

ንሱ ግን ብትሕትና "ኣይክእልን እየ" በሎም።"በል ትንቢተ ህዝቅኤል ትርጉሙልና" በልዎ፡ ሽኡ ደው ኢሉ ተዓጢቁ ተርጎመሎም እሞ ተሓጒሶም ንፈጣሪ ኣመስገኑ።

ብድሕሪ እዚ ቅዱስ ያዕቆብ ናብ ገዳም ኣትዩ ትሕርምተ አበው : ዕጸበ ገዳምን : ሕይወተ ቅዱሳንን ኣጽኒዑ፡ ኣዘውቲሩ እናጾመን እናጸለየን በድንግልና ነበረ። ብፍቓድ እግዚኣብሔር ድማ ናይ ስሩግ (ኣብ መንጎ ሩባ ኤፍራጥስን ጤግሮስን እትርከብ ግዝኣት ሶርያ) ሊቀ ጳጳስ ኮነ።

ኣብ ዘመኑ ድማ:-
1.ጉባኤ ኬልቄዶን ብ451 ኣውጊዙ።
2.ንብዙሓት መናፍቓን ተኻቲዑ መልሲ ከም ዝስእኑ ገበሮም
3.ሕያዋይ ጓሳ ምዄኑ ኣብ ኣገልግሎት ወንጌል ኣመስከረ።
4.ሎሚ ንገልግለሉ ዘለና መጽሐፈ ቅዳሴን ብዙሕ መንፈሳዊ ድርሰታት ጸሓበዓላት


ኣብ መወዳእታ ድሕሪ ናይ ነዊሕ ዓመታት ቃልስን ቅድስናን ኣብ መበል 72 ዓመቱ ብ505 ዓ.ም በዚ ዕለት እዚ ዓረፈ። ገለ ምንጭታት ብ27 ሰነ ከም ዝዓረፈ ይሕብሩ። ቅዱስ ያዕቆብ ዘስሩግ ፍቱው ወዳ ስለዝኮነ ቤተ ክርስቲያን እዚያ ተኽብሮ እያ።


አምላከ ቅዱሳን ካብ ሊቅ ቅዱስ ያዕቆብ በረከት ይክፈለና::

ከሙኡ እውን ፡ በዛዕለት እዚኣ ፡ ቅዱስ ፡ ቡሩክን አሸናፊ አባ አበስኪሮን ሰማዕት ብሰማዕትነት አዕረፈ። ከምኡ እውን አብ ሐደ መዓልቲ ዝተቐተሉ 16,000 ሰማዕታት መዘከርታ እዩ።

ናይ ኣዴና ቅድስቲ ድንግል ማርያም ቤተ ክርስቲያን ዝተኸፈትትሉ እውን እዩ። በረከቶም ምሳና ተሀሉ ፡ ንዘለዓለመ ዓለም አሜን።

††† ሰኔ 7 ዝክበሩ ዓመታዊ ቅዱሳን በዓላት

1.ቅዱስ ያዕቆብ ዘሥሩግ
2.ቅዱስ : ቡሩክ አባ አበስኪሮን (ዓቢ ሰማዕትን ብዙሕ ተአምራት ዝገበረ)
3."16,000" ሰማዕታት (ኣብ ሓንቲ መኣልቲ ዝተቀትሉ።)
4.ቤተ ክርስቲያን ድንግል ማርያም ዝተከፍተሉ በዓል (ቅድሚ1ሺ ዓመታት ኣብ ምስር (CAIRO))

ወርሐዊ በዓላት
1.ሥሉስ ቅዱስ (አብ ወወልድ ወመንፈስ ቅዱስ)
2.አባ ጊዮርጊስ ዘጋስጫ
3.አባ ሲኖዳ (ሓለቃ ባሕታውያን)
4.አባ ዳንኤል ዘገዳመ ሲሐት
5.አባ ባውላ ገዳማዊ
6.ቅዱስ አትናቴዎስ ሐዋርያዊ
7.ቅዱስ አግናጥዮስ (ምጥው ለአንበሳ)


††† ስብሐት ለእግዚአብሔር †††
ወለወላዲቱ ድንግል
ወለመስቀሉ ኩቡር
ኣሜን

✟✟✟ ፮ ሰነ ✟✟✟ በስመ አብ ወወልድ ወመንፈስ ቅዱስ አሐዱ አምላክ ✟✟✟ አባ ቴዎድሮስ መነኰስ ✟✟✟ በዛ ዕለት እዚኣ ፡ ካብ ሃገረ እስክንድርያ ቅዱስ አባ ቴዎድ...
13/06/2026

✟✟✟ ፮ ሰነ ✟✟✟


በስመ አብ ወወልድ ወመንፈስ ቅዱስ አሐዱ አምላክ

✟✟✟ አባ ቴዎድሮስ መነኰስ ✟✟✟

በዛ ዕለት እዚኣ ፡ ካብ ሃገረ እስክንድርያ ቅዱስ አባ ቴዎድሮስ ብሰማዕትነት አዕረፈ። እዚ እሙን ንጹሕ ቅዱስ ተጋዳሊ አብ ምን ኣብሕ እስክንድርያ ካብ ዝርከቡ ገዳማት ብሠናይ ገድሊ ተጸሚዱ ነበረ።

አርዮሳዊ ንእሽተይ ቈስጠንጢኖስ አብ ዝነገሠሉ ጊዜ ንአርዮሳዊ ጊዮርጊስ አብ ሀገረ እስክንድርያ ሊቀ ጳጳሳት ገይሩ ሾሞ።

ንሐዋርያዊ ቅዱስ አትናቴዎስ ድማ ካብ መንበሩ አሳደዶ። እዚ አርዮሳዊ ጊዮርጊስ አብ ልዕሊ መንበረ ማርቆስ ምስ ተቐምጠ ፡ አብ መንጎ አርዮሳውያንን ምእመናን እስክንድርያን ዐብዪ ህልቂት ኾነ። ሃይማኖቶም ዝቐንዐ ብዙሓት ምእመናን ክብር ይብጽሐዮ እሞ ፡ ብስም ጎይታና ኢየሱስ ክርስቶስ ተቐትሉ።

ብድሕሪ እዚ አርዮሳዊ ጊዮርጊስ ብዛእባ አባ ቴዎድሮስ ንአርዮሳውያን ተኸራኺሩ ከም ዝስእሮምን ካብ ቅዱሳት መጻሕፍቲ መረዳእታ እንዳምጸአ ከም ዘሕፍሮምን ሰምዐ።

አብቲ ጊዜ ፡ ንአባ ቴዎድሮስ ሒዞም ብዝተፈላለየ ዓይነት ሥቓይ ኸሳቕዩዎ አዘዘ። ከምኡ እውን ገበሩ። ግን ምንም ጉድአት አይረከቦን።ብድሕሪ እዚ፡ አእዳዉን አእጋሩን ፡ ምስ ብርቱዓት ጎየይቲ አፍራስ አሲሮም ፡ አብ ገፊሕ ጎልጎል ኸጋልብዎም አዘዘ።

ነዚ ምስ ገበሩ ፡ ሕዋሳቱ ኹሉ ተበጣጠሱ። ርእሱ እውን ተቖረጸት። ብኸምዚ አይነት መከራ ነፍሱ ናብ ኢድ እግዚአብሔር ሃበ። እግዚአብሔር እውን ሠለስተ አኽሊላት ሀቦ።

1. ስለ ፍጹም ምናኔኡን ድንግልናኡን
2. ስለ ሐዋርያዊ ናይ ወንጌል አገልግሎቱ
3. ስለ ሃይማኖቱ ኢሉ ደሙ ስለ ዘፍሰሰ

ብድሕሪ እዚ ምእመናን ዝተቖራረጹን ዝተበተኑን ሕዋሳቱ አኪቦም አብ ውሽጢ ሳጹን ገበሩዎም። በዛ መዓልቲ እውን መዘከርታ በዓሉ ገበሩ። ከም ካልኦት ቅዱሳን እውን ናይ ምሥጋና ድርሰት ብቛንቋ ሮማይስጥ ደረሱሉ። አብ ውሽጢ ጸሎት መጽሐፎም እውን ጸሐፉዎ።

ንእግዚአብሔር ምስጋና ይኹን ፡ ንኣና እውን ብጸሎቱ ቅዱሳን ይምሐረና ፡ በረከቱ እውን ምሳና ትንበር ፡ንዘለዓለመ ዓለም ፡ አሜን።

ዐርኬ

ሰላም ለከ ቴዎድሮስ መነኮስ
እሱረ አእዳው በእግረ ፈረስ
እም ሐይለ ሩጸቱ ፍሉሕ አምሳለ ነፋስ
እም አባልከ ተመቲራ ለእንተ ሠረረት ርዕስ
እግዚአብሔር አስተቄጸላ በአክሊል ሠላስ።

ከሙኡ'ውን በዛዕለት እዚኣ ፡ ናይ ሀገረ መርዩጥ አርብዓ ሰማዕታትን ናይ ካልኦት አርብዓ ሰማዕታትን፣ መነኰስ ገብረ ክርስቶስ መዘከርታኦም እዩ።

በረከቶም ምሳና ትንበር ፡ ንዘለዓለመ ዓለም ፡ አሜን።


ከሙኡ'ውን በዛ ዕለት እዚኣ ፡ አውሳብዮስ፣ ታማን፣ ሐርዋያን ባኮስን ዝተብሃሉ ናይ ሀገረ እስና አርባዕተ መኳንንቲ መዘከርታ ዕረፍቶም እዩ። እዞም ቅዱሳን ንሀገረ እስና አዕምዳ ነበሩ።

ንብዙሓት ድኻታትን ንዝተጸገሙን ይምጽውቱ ነበሩ። ናብታ ሃገር መኰንን አርያኖስ ካልኣይ ምስ ተመለሰ ፡ "ንሕና ክርስቲያን ኢና። ክብሪ ይብጽሐዮ እሞ ፡ ሰማይን ምድርን ብዝፈጠረ ብጎይታና ብኢየሱስ ክርስቶስ ንአምን እና" ብምባል ብግልጺ ዓው እንዳበሉ ተቐበሉዎ።

አርያኖስ ነዚ ሰሚዑ ፡ ብብዓይነቱ ብዝኾነ ሥቓይ አሣቐዮም። ብድሕሪ እዚ ድማ ፡ ርእሶም በሰይፊ ቈረጸ። አክሊል ሰማዕትነት እውን ተቐበሉ።

ንእግዚአብሔር ምስጋና ይኹን ፡ በረከቶም እውን ምሳና ትንበር ፡ ንዘለዓለመ ዓለም ፡ አሜን።

ዐርኬ

ሰላም ዕብል መኳንንተ ርብዐ
ዘያጸግቡ ርኁበ ወዘያረውዩ ጽሙዐ
ሀገሪተ እስና ያመዝብር አመ አርያኖስ ወጽአ
በእንተ ክርስቶስ ይኩኑ ስምዐ
እምነ ሕዝቦሙ ቀደሙ መጺአ።

††† ኣምላኽና ካብ ቅዱስ ቴዎድሮስ በረከት ይክፈለና።

††† ሰኔ 6 ዝክበሩ ዓመታዊ ቅዱሳን በዓላት

1.ቅዱስ አባ ቴዎድሮስ ሰማዕት
2.አባ ገብረ ክርስቶስ
3."40" ሰማዕታት

††† ወርሐዊ በዓላት

1.ቅድስት ደብረ ቁስቋም
2.አቦና አዳምን ኣዴና ሔዋን
3.አቦና ኖኅን ኣዴና ሐይከል
4.ቅዱስ ኤልያስ ነቢይ
5.ቅዱስ ባስልዮስ ዘቂሣርያ
6.ቅዱስ ዮሴፍ አረጋዊ
7.ቅድስት ሰሎሜ
8.አባ አርከ ሥሉስ
9.አባ ጽጌ ድንግል
10.ቅድስት አርሴማ ድንግል።

✟✟✟ወስብሐት ለእግዚአብሔር✟✟✟
ወለወላዲቱ ድንግል
ወለመስቀሉ ክቡር
ኣሜን

5 ሰነ በስመ አብ ወወልድ ወመንፈስ ቅዱስ አሐዱ አምላክ ††† ቅዱስ ኣቦና ብሶይ ሰማዕት ††† ቅዱስ ኣቦና ካብቶም ጥዑማት ፍረታት ዘመነ ሰማእታት ሓደ ...
12/06/2026

5 ሰነ

በስመ አብ ወወልድ ወመንፈስ ቅዱስ አሐዱ አምላክ

††† ቅዱስ ኣቦና ብሶይ ሰማዕት †††

ቅዱስ ኣቦና ካብቶም ጥዑማት ፍረታት ዘመነ ሰማእታት ሓደ እዩ። ኣብ ከባቢ መወዳእታ 3ይ ክፍለ ዘመን ታግሕስጦስን ክሪስን ዝበሃሉ ክርስትያናት ነበሩ። ኣብ ጽድቂ መንገዲ እኳ እንተነበሩ ድሕሪ መርዓ ንዓሰርተ ሾብዓተ ዓመት ክወልዱ ኣይከኣሉን።ናይ ዓሰርተ ሾብዓተ ዓመት ልመናኦም ርእዩ እግዚኣብሔር ንቅዱስ ገብርኤል ልኢኹ ብስራት ኣብሰሮም; "እዚ ህጻን ንሰማእትነት ተመሪጹ እዩሞ ብሶይ በልዎ" ድማ በሎም።

ብሶይ ወዲ ሸውዓተ ዓመት ምስ ኮነ ወለዱ ኽመሃር ናብ ገዳም ወሰድዎ። ኣብ ገዳም መጻሕፍቲ ተማሂሩ ዲያቆን ኮነ: ናብ ዓለም ተመለስ እንተበሉዎ ግን ኣበየ።ምስ ብጻዩ ቅዱስ ጴጥሮስ ንዕስራን ሓደን ዓመት ብድንግልናን ብተጋድሎ ብጾምን ብጸሎትን ነበረ። ቅዱስ ብሶይ ወዲ ዕስራን ሸሞንተን ዓመት ምስ ኮነ መልኣኽ ዝተዛረቦ ትንቢት በጽሐ።

ብዙሓት ክርስትያን ብምዃኖም ጥራይ ተቐትሉ፣ ናብ ሓዊ ተደርበዩ፣ ንሞት ዝፈርሑ ድማ ናብ በረኻ ሃደሙ።ቅዱስ ብሶይ በቶም ዝፈልጥዎ ተኸሲሱ ናብ ፍርዲ ቀረበ። ሃንደበት ድማ ሊቀ መላእክት ገብርኤል ካብ ሰማይ መጸ። "ኣጆኻ! ክሳብ መወዳእታ ምሳኻ ኣለኹ" በሎ።እቲ መኮነን ንክርስቶስ ክኽሕዶ ሃተቶ። ቅዱስ ብሶይ ግን ጣኦታት መሕደሪ ኣጋንንቲ ምዃኖም ብግልጺ ነገሮ። እቲ ሓላፊ ተቖጢዑ ወተሃደራቱ ከሳቅይዎ ኣዘዘ።

ክሳብ ዝደሚ ድማ ቀጥቂጦም ቅድሚትን ድሕሪትን ሓጺን ጌሮም፡ ኣካላቱ ጨፍሊቖም ኣብ ቤት ማእሰርቲ ደርበይዎ። ሊቀ መላእክት መጺኡ ግን ኣድሒንዎ ከደ።እቲ ሓላፊ ከሳቕዮ ደኸመ። ሕይወት ቅዱሳን ድንቂ እዩ። እቲ ዝግረፍ ደይኮነስ እቲ ዝግረፍ ዘሎ ይደክም።
ነዚ እዩ ኣባ ጽጌ ድንግል:-

=>"እመዐዛ ጽጌኪ ድንግል ውስተ ዐውደ ስምዕ ዘሰክረ::
ውግረተ አዕባንኒ ይመስሎ ሐሰረ::
እሳትኒ ማየ ባሕር ቆሪረ" ዝበለ።

ንቅዱስ ብሶይ ካብ ሓደ መኮነን ናብ ካልእ መኮነን እንዳወሰዱ ኣሳቐይዎ። ሰብነቱ ቆራሪጾሞ፣ ብውዑይ ሓጺን ኣዒንቱ ኣውጽእዎ፣ ብሃዊ ጠበስዎ፣ ኣብ ውሽጢ እትሮ ኣፍልሕዎ። ንሱ ግን ብፍቅሪ ፈጣሪኡ ጸኒዑ ኩሉ ተጻወሮ። ኣብዚ ኩሉ ዓመታት መከራ፡ ቁራስ እንጌራ እኳ ኣየጥኣምዎን።

ብጥሜት ቀጽዕዎ ንዕኡ ግና ስም ክርስቶስ መግቢ ኮኖ።ኣብ መወዳእታ ንጉስ ዲዮቅልጥያኖስ ርእሱ ብሰይፊ ቆረጾ። ነቲ ክቡር ስጋኡን ነቲ ዝተቖርጸ ክሳዱን ኣብ እትሮ ጌሩ ደርበዮ። ብጸጋ እግዚኣብሔር ግና ስጋኡ ሒዛ ዝነበረት እትሮ ማንም ከይተሰከማ ካብ መሬት ተንሲኣ ንዕስራ መዓልቲ ተጓኢዛ ካብ ሶርያ ናብ ግብጺ (ቦሓ) በጽሐት። ክርስትያን ረኪቦም ምስ ከፈትዎ ርእስን ክሳድን ቅዱስ ብሶይ ተላጊቡ ተረኺቡ። ብኽብሪ ድማ ኣዕረፍዎ።

††† ቅዱስ ያዕቆብ †††

††† ሕጂ ውን በዚ ዕለት እዚ ጻድቕን እሙንን ዝተባህለ ናይ ምስራቅ ሰብ ቅዱስ ያዕቆብ ይዝከር። ቅዱስ ያዕቆብ ኣብ ከባቢ ቁስጥንጥንያ ኣብ ዝርከብ በርሃ ዝነብር ኣቦ እዩ።

ብዘይካ ቅዱስ ሕይወቱ ብጅግንነቱ ዝፍለጥ ኣቦ እዩ። ኣብ 340 ዓ.ም. ንእሽተይ ቆስጠንጢኖስ ኣርዮሳዊ ምስ ኮነ ከይዱ ገንሖ።በዚ ምኽንያት ድማ ተኣሲሩ ተገረፈ። እግዚኣብሄር ግን ነቲ መናፍቕ ንጉስ ክዋጋእ ምስ ወጸ ቀተሎ። ቅዱስ ያዕቆብ በዚ ዕለት እዚ ኣዕሪፉ ናብቲ ዝፈትዎ ክርስቶስ ከደ።


እግዚኣብሔር ብበረኸት ሰማእት ቅዱስ ብሶይን ቅዱስ ያዕቆብን ይባርኸና። ብኣማላድነቶም ይቕረ ይበለና።

††† ሰኔ 5 ዝክበሩ ዓመታዊ ቅዱሳን በዓላት

1.ቅዱስ አባ ብሶይ (ኃያል ሰማዕት)
2.ቅድስት ማርታ ለባሲተ ክርስቶስ (ብቅድስና ዝተወደሰት : ኣብ ስደት ዝኣረፈት ኣደ እያ::)
3.ቅዱስ ያዕቆብ ምሥራቃዊ
4.ቅዱስ ቢፋሞን ሰማዕት
5.ቅዱስ መቃርስ ሰማዕት
6.ቅዱስ መርቆሬዎስን ማኅበሩ (ሰማዕታት)

††† ወርኀዊ በዓላት

1.ቅዱስ ጴጥሮስ ሊቀ ሐዋርያት
2.ቅዱስ ጳውሎስ ሐዋርያ
3.አቡነ ገብረ መንፈስ ቅዱስ
4.ቅዱስ ዮሐኒ ኢትዮጵያዊ
5.ቅዱስ አሞኒ ዘናሒሶ
6.ቅድስት አውጋንያ (ሰማዕትን ጻድቅ)
7. ፋድል ፊልጶስ ዘደብረ ቢዘን።

†††ስብሐት ለእግዚአብሔር†††
ወለወላዲቱ ድንግል
ወለመስቀሉ ኩቡር
ኣሜን

✟✟✟ ፬ ሰነ ✟✟✟በስመ አብ ወወልድ ወመንፈስ ቅዱስ ፩ አምላክ ✟✟✟ ቅድስቲ ሶፍያ ተጋዳሊት ✟✟✟ በዛ ዕለት እዚኣ ፡ ቅድስቲ ሶፍያ ተጋዳሊት፣ ምስ ሓዋ ቅዱስ አሞ...
11/06/2026

✟✟✟ ፬ ሰነ ✟✟✟

በስመ አብ ወወልድ ወመንፈስ ቅዱስ ፩ አምላክ

✟✟✟ ቅድስቲ ሶፍያ ተጋዳሊት ✟✟✟

በዛ ዕለት እዚኣ ፡ ቅድስቲ ሶፍያ ተጋዳሊት፣ ምስ ሓዋ ቅዱስ አሞን ኣብ ዘመን ከሓዲ ንጉሥ ዲዮቅልጢያኖስ ብሰማዕትነት አዕረፈት። እዛ ቅድስቲ ዝተወለደትሉ ቦታ አብ ምብራቓዊ ግዝኣት ሮም እዩ። አብቲ ዘመን ንክርስቲያን ናይ ጭንቅን: ናይ መከራን ዘመን ብምዃኑ ህዝቢ አብ ስደት ይነብር ነበረ።ወለዲ ቅድስቲ ሶፍያ እውን ክርስቲያን ስለ ዝኾኑ ብጽቡቕ መንገዲ ብንጽህና አዕበይዋ: ሃብታማት ብምንባሮም ድማ አገልጋሊ ቆጺሮምላ: ጽቡቅ ገዛ ሰሪሖምላ ትነብር ነበረት::

ኩሉ ዘለዋ እኳ እንተኾነት ንኹሉ ንዒቃ ግን ብጾምን ብጸሎትን ትነብር ነበረት::ንዐቅሚ ሄዋን ምስ በጸሐት ወለዳ ነቲ ናይቲ ከተማ መኮንን ከመርዕውዋ ምዃኖም ፈለጠት። ናብ ቤታ አትያ ከዓ 100 ጊዜ ሰገደት። ናብ ፈጣሪኣ ጸለየት:- "ጎይታይ! አርዑት እዚ ዓለም አይተሸክመኒ: ምኽንያቱ አይክእሎን እየ። ናትካ አርዑት ግን ናይ ፍቕሪ እዩ እሞ ይኽእሎ እየ" በለት።ንአገልጋሊታ ጸዊዓ ብዙሕ ወይኒ አስትያ ክዳና ቀየረታ። ብለይቲ ወጺኣ ከዓ ናብ በረኻ ከደት:: ዕላማኣ ምናኔ እኳ እንተኮነ ናይ እግዚአብሔር ፍቃዱ ግን ካልእ ነበረ።

አብ መንገዲ ብዙሓት ክርስቲያናት ብብዝሒ መከራ ክስደዱ ረኸበቶም። ንሳ ግን ስደት አይመረጸትን:: እንዳሓተተት ከይዳ "በላዒ ሰብ" ናብ ዝተብሃለ አረሜን ንጉሥ ዲዮቅልጢያኖስ በጽሐት:: አብ ቅድሚ ንጉሡ ቀሪባ ድማ "አነ ክርስቲያን እየ" በለቶ:: ንጉሥ ካብ ጽባቐ መልክዓን ካብ ድፍረታን ዝተላዓለ ተደነቐ::ክሓባብላን : ከፋራርሓን ፈተነ ግን አይኮነሉን:: ወታሃደራቱ አብ መሬት አውዲቆም ጦር ብዘለዎ ናይ ብረት ዘንጊ ስለ ዝሃረምዋ ደማ ነቲ ካባቢ መልኦ:: መሬት መሬት እናጎተቱ ድማ ናብ ውሽጢ እሥር ቤት አእተውዋ::

ቅዱስ ገብርኤል ግን መጺኡ ፈዊስዋ ከደ::ሓደ ግዜ ብእሳት: ከምኡ እውን ብሰይፊ: ካልእ ግዜ ድማ ብግርፋት አሳቐይዋ:: ካብ ሃይማኖታ ግን ከናቓንቕዋ አይከኣሉን::
አብ መወዳእታ ድማ ክሳዳ ክትስየፍ እቲ ንጉሥ አዘዘ::
ወታሃደራቱ ድማ ፈጸምዎ:: ጎይታና ኢየሱስ ክርስቶስ ወሪዱ ንቅድስቲ ሶፍያ ብኽብሪ አዕረጋ:: "ስምኪ ዝጸውዐ: ዝኽርኺ ዝገበረ፣ ምሕረት ክረክብ እዩ" ኢሉ ቃል ኪዳን አተወላ::

በረከት ቅድስት አዴና ሶፍያን፤ ቅዱስ አሞን ሰማዕትን ምስ ኵልና ሕዝበ ክርስቲያን ይኹን! አሜን!

ዐርኬ

ሰላም ለአሞን እንዘ አቄርብ ሰላመ
ወለሶፍያ ምስሌከ ዘተሳተፈት ሕማመ
በእንተ ኢየሱስ ክርስቶስ ስመሩ ፍጹመ
ከዊነክሙ ትሕጽኑ ኪያየ ደክታመ
ለሊከ አበ ወይእቲ እመ።

✟✟✟ ቅዱስ ሳኑሲ ✟✟✟

ከሙኡ እውን ፡ በዛ መዓልቲ እዚኣ ፡ ቅዱስ ሳኑሲ ፡ ካብ ሀገረ በልኪም ፡ ብሰማዕትነት አዕረፈ። እዚ ቅዱስ አቦ ገና ብቘልዓኡ አባጊዕ አቡኡ ይሕሉ ነበረ። ምግቡ እውን ፡ ኵሉ ጊዜ ንኻልኦት ጓሶት ይህቦም እሞ ክሳዕ ምሸት ይጸውም ነበረ። ብድሕሪ እዚ ምስ ሐንቲ ከምኡ መጽዋቲትን ጋሻ ተቐባሊትን ዝኾነት ማርያ ዝተብሃለት ቅድስቲ ሰበይቲ ፡ ሰማዕት ንክኾኑ ተስማዕምዑ።

ከይዶም ድማ አብ ቅድሚ መኰንን መስከሩ።በዝተፈላለየ ዐይነት ሥቓያት ድማ አሣቐዮም። ቅድስቲ ማርያ በቲ ዝወረዳ ሥቓይ ፡ ነፍሳ አሕሊፋ ሃበት። አኽሊል ሰማዕትነት እውን ተቐበለት። ንቅዱስ ሳኑሲ ግን ብዙሕ አሣቐይዎ። ምሥቓዩ ምስ ደኸመ ድማ ፡ ርእሱ ኽቖርጹ አዘዘ። ክብርቲ ርእሱ ድማ ቖረጹ ፡ አኽሊል ዓወት እውን ተቐበለ።

ንእግዚአብሔር ምሥጋና ይኹን ፡ ንአና እውን ብጸሎት እዞም ቅዱሳን ሰማዕት ይምሐረና ፡ በረከቶም እውን ትብጽሐና ፡ ንዘለዓለመ ዓለም ፡ አሜን

ዐርኬ

ሰላም ለሳኑስ ምቁር አብራከ ወእድ
ወኅርወ ሰኰና አምሳለ ጉንድ
ለማርያ ሰላም መፋቀሪተ ነገድ
ዘኰነንዋ ምስሌሁ ወሣቀይዋ በዓውድ
ወምስለ መሠርይ ኅቡረ ዘአምነ በወልድ።

✟✟✟ ቅዱስ ዮሐንስ ዘሐራቅሊ ✟✟✟

ከሙኡ እውን በዛ መዓልቲ እዚኣ ፡ ካብ ሀገረ ሐራቅሊ ቅዱስ አቦ ዮሐንስ አዕረፈ።እዚ ቅዱስ አብ ዘመነ ሰማዕታት ካብ ዝነበሩ ክርስቲያን ሐደ እዩ። አቡኡ ዘካርያስ ፡ አዲኡ ድማ ኤልሳቤጥ ይበሃሉ። ናይዚ ቅዱስ ወለዱ ናይ ሃገረ ሐራቅሊ አማሓደርቲ ክኾኑ ከለዉ ዝተመስከረሎም ሕያዎት ነበሩ።

አቡኡ ዘካርያስ ዓሪፉ ዮሐንስ ወዱ አብ መንበሩ ዝተቐመጠ ገና አብ 20 ዓመቱ ነበረ። አብቲ ጊዜ ካብ 2ተ ነገር ሓደ ክመርጽ ነበሮ።
1. ንጣኦት ሰጊዱ ብምድራዊ ክብሩ ምቕጻል
2. ወይ ድማ ብክርስትናኡ ምምዋት

ቅዱስ ዮሐንስ ግን ልቡ ብክርስቶስ ፍቅሪ ዝተመልአ እዩ እሞ 2 ከበድቲ ነገራት ፈጸመ። መጀመርታ አብ ከባቢኡ ንዘሎ ቤተ ጣዖት አፍረሰ። ቀጺሉ ድማ ናብ ንጉሥ ከይዱ አብ ቅድሚ መኳንንቱ "ንክርስቶስ ዝገደፍካ ሰነፍ" ኢሉ ገሠጾ።
ድሕሪ እዚ ግን ፡ አብ ልዕሊ እዚ ቅዱስ ዝተፈጸመ መከራ ብቓላት ዝግለጽን ዝንገርን አይኮነን ኩሉ ዓይነት ስቓይ አውረዱሉ።

ካብ ኩሉ ዝኸፍአ ግን ቆርቦቱ ገፊፎም አብ እሳት ጠበስዎ። ንሱ ግን ስለ ሃይማኖቱ ነዚ ኩሉ ተዓገሰ። በዛ መዓልቲ ድማ አእጋሩ፥ አእዳዉን ክሳዱን ተቖረጸ። ብኸምዚ ድማ ሰማዕትነቱ ፈጸመ። አኽሊል ዓወት እውን ተቐበለ።

ንእግዚአብሔር ምሥጋና ይኹን ፡ ንአና እውን ብጸሎት እዚ መስተጋድል ይምሐረና ፡ በረከቱ እውን ምሳና ተሀሉ ፡ ንዘለዓለመ ዓለም ፡ አሜን

ዐርኬ

ሰላም ለዮሐንስ ምክሐ ሐራቅሊ ወአድያሙ፡
ፈዋሴ ዱያን በዐፅሙ፡
ወለእለ ምስሌሁ ሰላም ዘተጋደለ ቀዲሙ፡
ወሰላም ለእንተ ድኅሬሁ ዘተክዕወ ደሙ፡
እኅወ እሙ ቢፋሞን ስሙ።

ከሙኡ እውን ፡ በዛ መዓልቲ እዚኣ ፡ አቅሮንዮስን ሐፍቱ ዲሙናስያ፣ ግብጻውያን አሞኒን ሚናስን፣ ወታደራት ዲዮቅልጢያኖስን መፈጸምታ ሰማዕትነቶም ኮነ።

ንእግዚአብሔር ምሥጋና ይኹን ፡ ንአና እውን ብጸሎት እዞም ቅዱሳን ሰማዕት ይምሐረና ፡ በረከቶም እውን ትብጽሐና ፡ ንዘለዓለመ ዓለም ፡ አሜን

ዐርኬ

ሰላም ለአርቃድዮስ ወዲሙናስያ እኅቱ
አሞኒ ወሚናስ ለእግዚአብሔር ሰማዕቱ
አመ ወደዮሙ ንጉሥ ውስተ ግበ እሳት ለ፬ቱ
ያድኅኖሙ መጽአ እምሰ ማይ አድኀኔ ደቂቅ ፫ቱ
መልአክ ፍሥሐ ገብርኤል ዘፍጡን ሩጸቱ።

ከሙኡ እውን ፡ በዛ መዓልቲ እዚኣ ፡ አባ አሞንን ሚናስን መዘከርታኦም እዩ። በረከቶም እውን ምሳና ተሀሉ ፡ ንዘለዓለመ ዓለም ፡ አሜን።

ንእግዚአብሔር ምሥጋና ይኹን ፡ ንአና እውን ብጸሎት እዞም ቅዱሳን ይምሓረና ፡ ንዘለዓለመ ዓለም ፡ አሜን።

=>ሰኔ 4 ቀን የሚከበሩ ዓመታዊ የቅዱሳን በዓላት=

1.ቅድስት ሶፍያ ተጋዳሊት ወሰማዕት
2.ቅዱስ ዮሐንስ ዘሐራቅሊ (ሰማዕት)
3.ቅዱስ ሳኑሲ ሰማዕት
4.ቅድስት ማርያ ሰማዕት
5.ቅዱስ አርቃድዮስን የእሩክቱ (ሰማዕታት)
6.ቅዱስ አሞን ሰማዕት

❖ወርኃዊ በዓላት

1፡ ቅዱስ ዮሐንስ ወንጌላዊ
2፡ ቅዱስ እንድርያስ ሐዋርያ

✟✟✟ ወስብሐት ለእግዚኣብሔር✟✟✟
ወለወላዲቱ ድንግል
ወለመስቀሉ ኩቡር
ኣሜን

✟✟✟ ፫ ሰነ ✟✟✟በስመ አብ ወወልድ ወመንፈስ ቅዱስ ፩ አምላክ ፡ አሜን! ✟✟✟ ቅዱስ ኢላርዮን ሰማዕት ✟✟✟ በዛ ዕለት እዚኣ ፡ ቅዱስ ኢላርዮን ኤጲስ...
10/06/2026

✟✟✟ ፫ ሰነ ✟✟✟

በስመ አብ ወወልድ ወመንፈስ ቅዱስ ፩ አምላክ ፡ አሜን!

✟✟✟ ቅዱስ ኢላርዮን ሰማዕት ✟✟✟

በዛ ዕለት እዚኣ ፡ ቅዱስ ኢላርዮን ኤጲስ ቆጶስ ሰማዕት ኮይኑ አዕረፈ። እዚ ቅዱስ አቦ ከሓዲ ንጉሥ ዮላንኪዮስ ጣዖት ብምምላኹ ስለ ዝገሰጾ እዩ ዝቐተሎ።ምስ ገሰጾ ድማ ክብሪን ምሥጋናን ንዕኡ ይኹን እሞ ንኢየሱስ ክርስቶስ ኸየምልኽ ብበዝሒ ስቓይ ከም ዘሳቅዮ ፈከረሉ።

ንሐደ ዓመት ምሉእ ድማ ብዘይ ንሕስያ ኸሳቕዮ ንሐደ ወታደሩ ሀቦ። ብድሕሪኡ እውን ናብ ዝነድድ ሓዊ አእቲዎምዎ፤ እግዚአብሔር ስለ ዝሐለዎ ግን ካብቲ ሓዊ ብጥዑዩ ወጽአ። ብምኽንያት እዛ ተአምር እዚኣ ፡ ድማ ብዙሓት ብናይ ክብሪ በዓል ቤት ጎይታና ኢየሱስ ክርስቶስ አመኑ። ንጉሥ ምሥቓዩ ምስ ደኸሞ ግን ክሳዱ ኽስይፍዎ አዘዘ፤ በዛ መዓልቲ ድማ ናይ ሰማዕትነት አኽሊል ተቐበለ።

ንእግዚአብሔር ምሥጋና ይኹን ፡ ንአና እውን ብጸሎት እዚ መስተጋድል ይምሐረና ፡ በረከቱ እውን ምሳና ትንበር ፡ ንዘለዓለመ ዓለም ፡ አሜን።

ዐርኬ

ሰላም ለኢላርዮን ዘተዓገሠ ሥቃያተ
መጠነ ፩ ዓመት ዘአልቦ ሕጸተ
እንዘ ኢይፈርሕ ምንተ ዘያንበለብል እሳተ
ማእከለ እቶን ቀዊሞ ጸለየ ጸሎተ
እስከ ብዙሐን አምኑ ወኮኑ ሰማዕተ።

✟✟✟ ቅድስት ማርታ ✟✟✟

ከሙኡ እውን ፡ በዛ ዕለት እዚኣ ተጋዳሊትን ንጽሕትን ቅድስት ማርታ አዕረፈት። እዛ ቅድስቲ ሃገረ ምዉላዳ ምስር እዮ። ወለዳ ድማ ሃፋታማት ነበሩ። ንሳ ግን አብ መጀመሪያ ብጣዕሚ ኃጢአታ ትገብር ሰበይቲ ነበረት።

ብጣዕሚ ጽብቅቲ ብምዃና ድማ ሰይጣን ጽባቐኣ ንኃጢያት ኽትጥቀመሉ ፈተና።ንሳ ድማ ተቀበለቶ። አብ ጉብዝናኣ ዘመን ድማ ብመልክዓን ብሰብነታን ንብዙሓት ናብ ኃጢያት ሰሐበት።መጽሓፍ ከም ዝብል ንኹሉ ሰብ ናይ ምድሓን መዓልቲ ጻውዒት አለዎ እሞ ሐንቲ መዓልቲ (አብ በዓለ ልደት ጎይታና) ናብ ቤተ ክርስቲያን ከደት። ሓላዊ ማእጾ ግን ምስ ረአያ ስለ ዝተጸየፋ "አይትአትዊን ኢኪ" በላ።

ንሳ ግን ተከራኸረቶ ለመነቶ እውን ግን ኣይፈቀደላን። እቲ ግዜ ናይ ቅዳሴ ሰዓት ስለዝ ነበረ፥ ቅዳሴ ዝቆሙ ኩሎም በቲ ቋየቋ ሓሳቦም ስለ ዝተሃወኸ እቲ ኤጲስቆጶስ ወጺኡ ገሰጻ።አብቲ ግዜ እቲ እዩ እምበአር ናብ ልባ ዝተመለሰት። ብጉልበታ ተንበርኪኻ ድማ መሪር ብኽያት በኸየት። ነቲ ጳጳስ ድማ ተማሕጸነቶ:- "ምእንቲ ከይጠፍእ አይትግደፈኒ ናብ ጎይታይ አብጽሐኒ" በለቶ። እቲ ጳጳስ ብዝአዘዛ መሰረት ድማ፣ ሽዑ ንሽዑ ናብ ገዛኣ ከይዳ ናይ ዝሙት ንብረታ አቃጸለት፣ ጸጉራ ተላጸየት፣ ንብረታ ኩሉ ከዓ ንነዳያን አካፈለት።

እቲ ጳጳስ ከዓ ንስሓ ሂቡ ናብ ገዳም አፋነዋ።ናብ ገዳም አትያ፣ በዓቲ ተቐቢላ፣ ጾምን ጸሎትን ምስ ንብዓት አዘውተረት። ን25 ዓመታት ድማ ብፍጹም ተጋድሎ ካብ በዓታ ከይወጽአት፣ ሐደ ሰብ እውን ከይረአየት ነበረት። ቅድሚ ምዕራፋ ድማ ብዙሕ ተአምራት ገበረት። በዛ መዓልቲ እዚኣ ድማ ብሰላም አዕረፈት።

ንእግዚአብሔር ምሥጋና ይኹን ፡ በረከታ እውን ምሳና የሀሉ ፡ ንዘለዓለመ ዓለም ፡ አሜን።

ዐርኬ

ሰላም ለማርታ ጥዕምተ ዝክር ወዜና
ዘተዓጽፈት ሠቀ አልባሰ ወርቅ መኒና
አመ ገሰጻ ኢትባእ ውስተ ቤተ መቅደስ በኢንጽሕና
እስከ ሞዐቶ ለእኩይ ሕሊና
ዐቃቤ ኆኅት ምክንያተ ኮና።

ከሙኡ እውን ፡ በዛ መዓልቲ እዚኣ ፡ ቅዱስ ኮርዮን ሰማዕትብሰማዕትነት አዕረፈ። በረከቱ ምሳና ተሀሉ ፡ ንዘለዓለመ ዓለም ፡ አሜን።

ንእግዚአብሔር ምሥጋና ይኹን ፡ ንአና እውን ብቅዱሳን ጸሎት ይምሐረና ፡ ንዘለዓለመ ዓለም ፡ አሜን።

††† አቡነ ተጠምቀ መድኅን †††


እዞም ጻድቅ ኣብ ዘመነ ሃጸይ ሱስንዮስ ብ1610 ዓ.ም ተወልዱ። #ወለዶም ወልደ ክርስቶን ይበሃሉ። ብዕለት 2 ታሕሳስ ተወሊዶም፡ ብ11 ጥሪ ተጠምቁ; "ተጠመቀ መድኀን" ተባሒሎም ድማ ተሰመዩ።

ካብቶም ኣብ #ጎጃም ዝዓበዩ ዓበይቲ #ቅዱሳን ሓደ ዝኮኑ ኣባ ተጠምቀ መድኅን ገና ካብ ንእስነቶም ጀሚሩ ዝመልኦም እዮም።ቆልአ ኸለዉ ቃል ኣምላኽ ኪመሃሩ እኳ እንተ ደለዩ፡ ኣቦኦም ግና ጓሳ ኪዀኑ ኣገደድዎም: ንሶም ግን ወለዶም ከሕዝኑ ኣይደለዩንየግዳስ ናብ በረኻ ወሪዶም ኣንበሳ፡ ነብሪ፡ ዝብኢ ኣኪቦም "በሉ፡:

ኣነ ክመሃር ይኸይድ ኣለኲ ክሳብ ምሸት ሃልዉለይ " ብምባል ነቶም እንስሳታት ሓላፍነት ይሕብዎም እሞ ከይዶም ይመሃሩ ነበሩ።እቶም ኣራዊት ምስቶም ገንሸል፡ ምራኽን ላምን ክፃወቱ ይውእሉ ። ተጠምቀ መድኀን ድማ ዳዊት ወንጌል ክመሃሩ ክጽልዮ ዉኢሎም ምሸት ይኣትው።ተጠምቀ መድኀን ኣብ መዓልቲ ሃንሳብ ጥራይ ይበልኡ ነበሩ፣ ቁርሶምን ምሳሖምን ንነድያን ይምጽዉቱ ነበሩ።

ዕድሚኦም 23 ዓመት ምስ ኮነ ናብ መርጡለ ማርያም ብምኻድ መንኮሱ። ድሕሪ እዚ ን37 ዓመት:-

1. በፍጹም ተጋድሎ ተጋደሉ።
2. ንርእሶም ትሕት ኣቢሎም ኣገልገሉ።
3. ካብ ጎጃም ክሳብ ሱዳን ወንጌል ሰቢኾም ብዙሓት ሰባት ኣጥመቁ (ካህን ስለ ዝኾኑ)።
4.7 ገዳማትን 12 ኣብያተ ክርስቲያናትን ድማ ሃነጹ።

በዛ ዕለት እዚኣ፣ ኣጻድቕ አባ ተጠምቀ መደኀን ኣብ መበል 60 ዓመቶም ብ1670 ዓ.ም. ኣሪፎም። እግዚኣብሄር ናይ ምሕረት ቃልኪዳን ኣትዩሎም እዮ። ኣጽሞም ሎሚ ኣብ ገዳም ጋሾላ_ቅዱስ_ጊዮርጊስ(ኢትዮጵያ ) ይርከብ።

††† ሰኔ 3 ዝክበሩ ዓመታዊ የቅዱሳን በዓላት

1.ቅድስት ማርታ ተሐራሚት
2.አቡነ ተጠምቀ መድኅን ጻድቅ
3.ቅዱስ ኢላርዮን ሰማዕት
4.ቅዱስ ኮርዮን ሰማዕት

†††ወርኀዊ በዓላት

1.በዓታ ለእግዝእትነ ማርያም ድንግል ወላዲተ አምላክ
2.ቅዱሳን ኢያቄም ወሐና
3.ቅዱሳን ሊቃነ ካህናት አበው (ዘካርያስና ስምዖን)
4.አባ ሊባኖስ ዘመጣዕ
5.አቡነ ዜና ማርቆስ
6.አቡነ መድኃኒነ እግዚእ ዘደብረ በንኮል

†††ወስብሐት ለእግዚአብሔር†††
ወለወላዲቱ ድንግል
ወለመስቀሉ ኩቡር
ኣሜን

✟✟✟ ፩ ሰነ ✟✟✟በስመ አብ ወወልድ ወመንፈስ ቅዱስ ፩ አምላክ ✟✟✟ ቅዱስ ለውንትዮስ ✟✟✟ በዛ ዕለት እዚኣ ፡ ብዙሓት ተአምራት ዝተገለጹ ፡ ኣብ ሀገረ...
08/06/2026

✟✟✟ ፩ ሰነ ✟✟✟

በስመ አብ ወወልድ ወመንፈስ ቅዱስ ፩ አምላክ

✟✟✟ ቅዱስ ለውንትዮስ ✟✟✟

በዛ ዕለት እዚኣ ፡ ብዙሓት ተአምራት ዝተገለጹ ፡ ኣብ ሀገረ ሶርያ ፡ ቅዱስ ለውንትዮስ ቅዳሴ ቤተ ክርስቲያኑ ኾነ። እዚ እውን ፡ ቅዱስ ለውንትዮስ ፡ ሐምለ 22 ፡ አብ ሀገረ ጠራብሎስ ሰማዕት ምስ ኮነ ፡ ሰበይቲ ካብ ዐበይቲ መኳንንቲ ሐደ ፡ ብዙሕ ገንዘብ ከፊላ ፡ ሥጋኡ ወሲዳ ፡ ብስብኣያ ክቡራት አልባሳት ገነዘቶ። አብ ውሽጢ ገዛኣ አብ ሳፁን አቐመጠቶ።

አብ ቅድሜኡ መዓልቲን ለይቲን ዘብርህ መባርህቲ አቐመጠት። ሓደ መዓልቲ ብዝኾነ ናይ ሥራሕ ምኽንያት ፡ ዲዮቅልጢያኖስ ንስብአያ ተቖጢዑ አብ ቤት ማእሰርቲ ሀገረ አንጾኪያ አሠሮ። ቅዱስ ለውንትዮስ ድማ ፡ ንሥጋኡ ሠናይ ሥራሕ ዝሠርሐት ሰበይቲ መስፍን ሠናይ ዋጋ ክኸፍላ ደለየ። አብታ ለይቲ ቅዱስ ለውንትዮስ ፡ አብ ቤተ ሜእሠርቲ ንስብአያ ተገሊጹሉ ብርሃን ወጽአ መልአ። ቅዱስ ለውንትዮስ ድማ ፡ አብ ገዛኡ ዘሎ ናቱ ልብሲ ወርቂ ለቢሱ ፡ ብአምሳል ፈረሰኛ መንእሰይ ረአዮ።

"ሎሚ ካብዚ ስለ እትወጽእ ፡ አብ መአዲ ንጉሥ እውን ስለ ትቀርብን ፡ ናብ ገዛኻ እዉን ብሰላም ስለ እትምለስ አይትሕዘን። አይትብከ እውን" በሎ። እቲ እሡር መስፍን ግን ፡ በዚ ነገር ይግረም ነበረ። ስለ እቲ መንእሰይ ፈረሰኛ ፡ ስለ እቲ አብ ልዕሊኡ ዝወረደ ብርሃን ፡ አፍ ደገ ቤት ማእሠርቲ ብዕጹዉ ከሎ ስለ ምእታዉ ፡ ስለ እቲ አብ ገዛኡ ዝሐደጎ ልብሲ ወርቂ ምክዳኑ ይግረም ነበረ። ብድሕሪ እዚ ፡ ቅዱስ ለውንትዮስ አብታ ሰዓት ናብ ንጉሥ ከደ። አብ መደቀሲኡ ደቂሱ ከሎ ረገጾ "ምስ ወግሐ ፡ ንመስፍን እገለ አውጽአዮ ፡ አኽብሮ እውን ፡ ብኽፉእ ሞት ከይትመውትን ከይትጠፍእን ፡ ናብ ገዛኡ ክኸይድ ሕደጎ" በሎ።

ንሱ እውን ብግርማኡ እናረዐደ ፡ "እሺ ጎይታይ! ኵሉ ዝአዘዝካኒ ክገብር እየ" ኢሉ መለሰሉ። ምስ ወግሐ ድማ ንጉሥ ናብ ቤት ማእሠርቲ መልእኽቲ ልኢኹ ፡ ነቲ መስፍን ካብ ቤት ማእሠርቲ አውጽኦ። ብዐብዪ ክብሪ እውን አኽበሮ፡ ጽቡቓት አልባሳት እውን አልበሶ። አብ ማእዱ እውን አቐመጦ። ሐደ ፈረሰኛ መንእሰይ ከም ዝተገለጸሉን ኽፈትሖ ከም ዝአዘዞን እውን ነገሮ። እቲ መስፍን ድማ ተደነቐ። ንጉሥ ግን ሥራይ ከም ዝኾነ ገይሩ ሐሰበ። እቲ መስፍን ከዓ "አነ ጥበብን ሥራይን ዋላ ሐደ አይፈልጥን እየ። እቲ ዝተገለጸልካ መን ከም ዝኾነ እውን አይፈልጥን እየ" ኢሉ መለሰሉ።

ንጉሥ ድማ ፡ ካብ ፍርሐት እቲ ዝተገለጸሉ ራእይ ዝተልዐለ ፡ ብዓብዪ ኽብሪ ናብ ሀገሩ ለአኾ እምበር ፡ ካልእ ነገር ክዛረቦ አይደፈረን። እቲ መስፍን አብ መንገዲ ክኸይድ ከሎ ናብ ሀገረ ጠራብሎስ ክሳብ ዝበጽሕ ካልኣይ መልአኽ እግዚአብሔር ተገለጸሉ። ብድሕሪኡ ድማ ተሠወሮ። ናብ ገዛኡ ምስ አተወ ፡ ንቤተ ሰቡ ናቱ ልብሲ ወርቂ ዝመስል ልብሲ ወርቂ ዝለበሰ ፈረሰኛ ከም ዝተገልጸሉን ፡ ካብ ቤት ማእሠርቲ ከም ዘአድሕኖ ኣዘንተወሎም። ሰበይቱ ድማ እቲ ዘአድሐኖ ቅዱስ ለውንትዮስ ከም ዝኾነ ፈለጠት።

"እንተ ትርእዮ ትፈልጦ ዶ?" በለቶ። ንሱ እውን "እወ" በላ። ካብኡ ፡ ናብቲ ሥዕሊ ቅዱስ ለውንትዮስ ዘለዎ ቦታ አእተወቶ። ርእዩ ድማ "ብትኽክል ዝተገለጸለይ እዚ እዩ" በላ። ካብኡ ፡ ነቲ አብ ውሽጡ ሥጋ ቅዱስ ለውንትዮስ ዘለዎ ሣጹን ከፈተት። ናይ ባዕሉ ልብሲ ወርቂ ለቢሱ ምስ ርአዮን ጉልባብ ገጹ ምስ ቀልዐን ፡ እቲ ዝተገልጸሉን ካብ ማእሠርቲ ዘድሐኖን ፡ ንሱ ምዃኑ ተረድአ። እቲ መስፍን ንሰበይቱ መን ከም ዝኾነ ፡ ብዛዕባኡ ሐተታ። ገድሊ ቅዱስ ለውንትዮስ እውን ነገረቶ።

እቲ መስፍን ከዓ ነዚ ሠናይ ሥራሕ ብምስርሓ ፡ ንሰበይቱ አመሥገና። አብ ልዕሊ ቅዱሳናቱ መንክር ዝገብር ምሥጉን እግዚአብሔር እውን አመሥገኖ። ንሰበይቱ እውን ዕጣንን መብራህቲን ከይተብኵር አዘዛ። ጎይታና ንዲዮቅልጢያኖስ ክሳዕ ዘጥፍኦ ድማ ከምኡ ትገብር ነበረት።ብድሕሪ እዚ ድማ ፡ ጽብቕቲ ቤተክርስቲያን ሐነጹሉ። እቲ ቅዱስ ሥጋኡ እውን አልዒሎም ናብ ውሽጣ አእተዉዎ። በዛ መዓልቲ እዚኣ ድማ ቀደሱዋ። ካብ ሥጋኡ ብዙሓት ተአምራት መንክራትን ተገለጹ።

ንእግዚአብሔር ምሥጋና ይኹን ፡ንአና እውን ብቅዱሳን ጸሎት ይምሐረና ፡ በረከቱ እውን ምሳና ተሀሉ ፡ ንዘለዓለመ ዓለም ፡ አሜን።

ዐርኬ

ሰላም ለለውንትዮስ ጸዋሬ መቅሠፍት በነፍሱ
እስከ ተበልዐ ሥጋሁ ወእስከ ተበጽለ ማእሱ
ድሕረ ተአተተ እምድር ለዲዮቅልጢያኖስ ንግሡ
በዛቲ ዕለት ቤተክርስቲያኖ ቀደሱ
ወአዕጽምቲሁ ባሕርያተ ውስቴታ አፍለሱ።

✟✟✟ ቅዱስ ዮሴፍ ወልደ ያዕቆብ ✟✟✟

+ቅዱስ ዮሴፍ ያእቆብ (እስራኤል) ካብ ዘፍቅራ በዓልቲ ቤቱ ራሄል ዝወለዶም 2 ደቁ ሓደ እዩ። ዋላ ኣዲኡ እኳ እንተ ሞተት፡ ኣብ ቅድሚ ኣቡኡን ፈጣሪኡን ግን ሞገስ (ተፈታውነት) ነይርዎ: ምኽንያቱ ቅኑዕ፣ ተኣዛዝን ፈቃርን ሰብ ስለ ዝነበረ።

ነቶም ዚጸልእዎ ኣሕዋቱ እኳ ክፍኣት ኣይሓሰበን።
ምሳሕ ዝኮኖም መግቢ ሂዙ ክደልዮም ኣብ በረኻ ኮለል ይብል ነበረ።ኣብ መንገዲ ከሎ ምስ ጠመየ በከየ እምበር ካብቲ ንኣሕዋቱ ዝሃዞ መግቢ ኣይበለአን። ኣምላኽ ኣቦታቱ ግን እምኒ እንጌራ ጌርሉ በሊኡ እዩ። 10 ኣሕዋቱ ኣብ ክንዲ ጽቡቕ ዝገበረሎም ክቐትልዎ መኸሩ። ብምክንያት ዝሃለሞ ሕልሚ "ኣብ ልዕሌና ክነግስ እዩ" ኢሎም ቀንኡሉ። ኣብ መወዳእታ ግን ይሁዳ ከምዝመከሮም ንዓረብ ነጋዶ ሸይጥዎ።

በዚ ድማ ኣብነት ምሥጢረ ስጋዌ (ንእግዚኣብሄር ጎይታ ምሻጥን ሕማምን) ኮይኑ ኣሎ። ዋላ እኴ ንባርነት ኣሕዋቱ እንተሸጥዎ ፈቃድ ኣምላኽ ግን ስለዝነበረ ኣብ ዝከዶ ቦታ ኩሉ(ኣብ ገዛ ንጉስ ጲጥፋራ) እግዚኣብሔር ክብሪ ሞገስ ይሕቦ ነበረ። ንንእስነቱ ብፍቕሪ ኣምላክ ስለዝኣሰረ ሕቶ ዘማዊት ሰበይቲ ጲጥፋራ ኣይተቐበለን። "ማንም ሰብ የለን።" ምስበለቶ "እፎ እገብር ኃጢአተ በቅድመ እግዚአብሔር" (ሰብ እንተዘይርእይ ኣብ ቅድሚ ፈጣሪ ከመይ ጌረ ኃጢኣት ክሰርሕ) ብምባል ካብ ኃጥያት ኣምሊጡ እዩ እንተኮነ ግን ናይ ማእሰርቲ ፍርዲ በጺሕዎ እዩ።ጎይታ ምስኡ ስለ ዝነበረ ኣብ ቤት ማእሰርቲ አዉን ሞገስ ረኸበ። ሓላፊ ኮይኑ ድማ ተሸመ። "ኢኀደረ ዮሴፍ ዘእንበለ ሲመት" ከምዝብል መጽሐፍ: አገልገልቲ ንጉስ (ፈርኦን) ሕልሚ ምስ ሃለሙ ሕልሞም ተርጎመሎም።

ቀጺሉ እውን ሕልሙ ንንጉስ ትርጎመሉ። ፈርኦን ድማ ኣብ ልዕሊ መንግስቱ (ግብጺ) ሸሞ።ቅዱስ ዮሴፍ ኣብ ግብጺ ምስ ነገሰ ንሕዝቡ ካብ ጥምየት ኣድሐነ። ንቅዱስ ኣቡኡ ን እስራኤልን ክፉኣት ኣሕዋቱ መጋቢኦም ኮነ። ኣስኔት እትበሃል ሰበይቲ ተመሪኡ ኤፍሬምን ምናሴን ዝተበሃሉ ክልተ ኣወዳት ወለደ።
ንኣምላኽ ብዅሉ መገድታቱ የሐጕሶ ነበረ: ካብ ኣቦኡ በረከት ተቀቢሉ ኣብ መበል 110 ዓመቱ ኣብዛ ዕለት እዚኣ ኣረፈ። ኣዝማዱ ብኽብርን ንብዓትን ቐበርዎ። "ኣዕጽምተይ ኣፍልሱ" ብዝበሎ ትንቢት መሰረት ደቁ( በዓል ሙሴ) ካብ ግብጺ ካብ ባርነት ምስ ወጹ ኣጽሙ ናብ ከንኣን ሂዞሞ ከይዶም እዮም።

ዐርኬ

ሰላም ለዮሴፍ ዘተብህለ አምሳሉ
ለእግዚአብሔር መልአከ ኃይሉ
ለዝ ጠቢብ ጸዋሬ ዕንቊ መዝገበ ብዕሉ
እንዘ የኀልዩ አዕጽምትየ ኩሉ
አንቲ ውእቱ ማርያም ይብሉ።




ከሙኡ እውን ፡ በዛ መዓልቲ እዚኣ ፡ ካብ ሃገረ ጣሃ ፡ ካብ ዞባ ላዕላይ ግብፂ ዝኾኑ አዕሩክት ሰማዕታት መዘከርታኦም እዩ። ከምኡ እውን ቆዝሞስ ሰማዕት መዘከርታ ዕረፍቱ እዩ። በረከቶም ትብጽሐና ፡ ንዘለዓለመ ዓለም ፡ አሜን።

ዐርኬ

ሰላም ለቆዝሞስ ወለአብያጺሁ በአምኃ
ዘእም ሀገረ ጣሃ
ወለቢፋሞን ሰማዕት ዘተጋደለ ብዙኀ
ከመ ኢይፍረይ አሜከላ ወአስዋከ በሊሐ
ገራህተ ልብየ ረስዩ ንጹሐ፡፡

ከሙኡ እውን ፡ በዛ መዓልቲ እዚኣ ፡ ሰማዕት ቢፋሞን መዘከርታ ዕረፍቱን ብስሙ ካብ ዝተሐንጹ አብያተ ክርስቲያናት ናይ መጀመርታ ቤተ ክርስቲያኑ ቅዳሴ ቤታን እዩ። ከምኡ እዉን ሰማእታት እስክንድርያ ከተማ ን ሊቀ ጳጳሳት ቶማስን መዘከርታኦም እዩ፡፡ በረከቶም ምሳና ተሀሉ ፡ ንዘለዓለመ ዓለም ፡ አሜን።

ንእግዚአብሔር ምሥጋና ይኹን ፡ንአና እውን ብቅዱሳን ጸሎት ይምሐረና ፡ ንዘለዓለመ ዓለም ፡ አሜን።

=>ሰኔ 1 ዝክበሩ ዓመታዊ የቅዱሳን በዓላት

1.ቅዱስ ዮሴፍ ጻድቅ (ወዲ ያዕቆብ)
2.ኣዴና አስኔት (ሰበይቲ ቅ/ ዮሴፍ)
3.ቅዱስ ለውንትዮስ ክቡር ሰማዕት
4.ቅዱስ ቢፋሞን ሰማዕት
5.ቅዱስ ቆዝሞስ ሰማዕት

❖ወርኃዊ በዓላት

1፡ ልደታ ለማርያም
2፡ ቅዱስ በርተሎሜዎስ ሐዋርያ
3፡ ቅዱስ ሚልኪ ቁልዝማዊ
4፡ ቅዱስ ራጉኤል ሊቀ መላእክት
5፡ ቅዱሳን ኢያቄም ወሐና



✟✟✟ ወስብሐት ለእግዚአብሔር ✟✟✟
ወለወላዲቱ ድንግል
ወለመስቀሉ ኩቡር
ኣሜን

Adress

Gothenburg

Webbplats

Aviseringar

Var den första att veta och låt oss skicka ett mail när Faran Mariam ፋራን ማርያም postar nyheter och kampanjer. Din e-postadress kommer inte att användas för något annat ändamål, och du kan när som helst avbryta prenumerationen.

Genvägar

Dela

Typ