25/10/2021
Mga idsa anan o panon o ya suportan na M**F a kandidatu ni Pres Duterte na si BBM?
Ya laki a sawal na sampay saguna na full e kabpatyonot ko sa disisyon na Centfal Committee na M**F. Apya paydu na dapan egklas e paninindegan ko sa paninindeg a pangunanan na M**F.
Kabpaginuntulan sa suguwan nu Allahu Ta'ala na dipan mun kalawanan e leadership a M**F amaika siya sa Pilipinas e embityalan.
M**F leadership na niyaba e kinagaga nin mangunanan a nadsabapan na kinasampay sa saguna ba niya a nasampay na Bangsamoro.
Kena ya kinasampay sa kinapananggit a M**F sa saguna anya a nasampay sabap bu sa sakataw Leader, ugaid na sabap sa kapya na kina patindeg sa mapya e structure nin a umpungan. Correct e prinsipyo nin sa leadership a Collective and Consultative.
Libakan anan a dala consultative a kinandisisyon na accusation bu e nan asal na makapalityaya e taw. Langun a disisyon anan na pakaukit muna sa consultation meeting a Central Committee.
Umpungan a aden structure nin na aden pagunutan nin a pangkatan na kapagumpong. Aden compartmentalization na uman e pangkatan na structure na umpungan.
Siya sa Political Committee na aden mga disisyon na Central Committee a di kapakay a maka ayan e provincial committees. Na maytu bun e provincial Committee na aden mga meeting a dibon manem kapakay e makaayan e municipal committee na maytu bun ba taman sa Barangay.
Ngin e sabapin ka maytu? Aden mga bityala ya bu dayt lun a embityala na su natatalanged a level o structure. Man bun ba sa apyandaw a goberno magindsan e democratic endu authoritarian.
Siya manem sa BIAF na aden General Staff, Front, Base, Brigade, Batallion, Company, Platoon, Squad, team.
Langun a namba na yanin atulan na siya tampal sa baba na aden bu taman a level a kaamungan nin a disisyon.
Langun a namba na sakup a Central Committee. Ugaid na kena langun na officer nin na makaayan sa disisyon na Central Committee. Siya sa BIAF na kena langun General Staff na makaayan sa disisyon na Central Committee.
Maya bun ba e UBJP. Aden atulan nin endo Aden structure nin.
Structure a umpungan na nan ba e masla atulan a disiplina. nasisita na kasabutan na isa e level nin.
Kinandisisyon na top leadership na M**F endu UBJP sa pantag sa election na dala makasupak sa structural discipline.
Kaped a sabutan na aden mga "EMERGENCY" a importante ged a kan disisyunan na top leadership a ya a pen disisyunan na aden antu na endaw bu e plakay a paka meeting asal na maka "COME-UP" disisyon.
Entayn sa e peg complain sa emergency a kinan disisyon na top leadership na M**F endu UBJP na tuntayan nin muna e level nin.
Ya nasisita sa siya tampal sa baba na o aden disiplina nin na o aden kalilinyan nin a mapangaden na mag submit sa proposal sa immediate superior nin na magangapa sa approval or dis approval.
Langun na siya sa baba na magangapa sa disiyon na lu sa pulo upama na policy na apya dita kaayunan siya sa baba na oblegasyon ta e kanggulalan lun.
"TAMAN A MEMBRO KA PAN NA UMPUNGAN NA NABPALYUGATANAN KA ATAWA NAWAGIBAN KA SA KABPATYUNOT".
Mga Ulama e labi a mataw sa atulan na kapalityaya endu di kapalityaya sa Leadership a Umpungan.
Posted by Bapa Quraish Langcap Dading Hafidhahullah..
