11/09/2026
💡Huwag mong gawing dahilan ang diploma o titulo upang maging mayabang, at huwag mong gamitin ang iyong pagbibiyahe at pakikipagkita sa mga dalubhasa (scholar) bilang paraan upang magmataas sa iyong mga kababayan. Tandaan na ang mga nauna sa iyo sa kaalaman ay maaaring mas mababa ang diploma na kanilang nakamit kaysa sa iyo, ngunit mas higit ang kanilang kaalaman, karanasan, at karunungan.
Ang tunay na naghahanap ng kaalaman, habang dumarami ang kaniyang natututuhan, ay lalo niyang nauunawaan ang kaniyang kawalan ng alam. At habang tumataas ang paggalang ng mga tao sa kaniya, lalo siyang nagiging mapagkumbaba sa kanila.
Kung babalik ka sa iyong bayan na may titulo ng Doktorado (PhD) o mataas na diploma, bumalik ka dala ang iyong kaalaman at magandang asal bago ang iyong titulo. Maglingkod ka sa mga tao sa halip na ipagwalang-bahala sila, turuan mo sila sa halip na iparamdam sa kanilang wala silang alam, at igalang mo ang mga nakatatandang dalubhasa (scholar) sa halip na gamiting sandata laban sa kanila ang iyong titulo.
Ang kaalamang hindi nagdudulot sa nagmamay-ari nito ng kagandahan ng loob, magandang asal, at awa sa kapwa ay nangangahulugang ang taong iyon mismo ang kailangang matuto bago magturo sa iba.
Ang diploma o titulo ay nagpapataas ng iyong antas sa akademya, ngunit ang kagandahan ng loob, magandang asal, at patas na pagtrato sa kapwa ang tunay na nagpapataas ng iyong totoong pagkatao.
Mula sa fb post ni Ustad Alnor R. Lawi
