08/06/2025
مش لازم تسمع صوت رصاص علشان تفهم إن في حرب شغالة حوالينا
في سلاح جديد بيحصد أرواح شبابنا من غير طلقة وحده
والمصيبة إن اللي بيضرب بيه… هما نفسهم اللي بيقعوا
مش إرهاب، مش عدو خارجي،
ده سمّ اسمه "الشابو" بينتشر وسطنا زي النار في الهشيم
بيضحك على الشباب في لحظة ضعف،
ويحوّلهم في أيام من بشر طبيعيين… لـ كائنات تايهة بين الموت والحياة.
"الشابو، الآيس، الأزاز، الكريستال ميث"
مسميات مختلفة… لكن النهاية واحدة:
الموت البطيء
مخدر الجحيم
بيدمّر العقل قبل الجسم
يمسح الذاكرة
يخلّي البني آدم يتحوّل لحيوان مفترس أو جثة ماشية
زومبي بلا عقل ولا ضمير
بيحط الشاب في حفرة
يجرّه للجنون
يخلّيه يقتل، يسرق، ينتحر، يضيع!
ده مش "مزاج" ولا "كيف"
ده مشروع إبادة بشرية ممنهج
والكارثة؟
إن البلا دا منتشر في مصر بشكل مرعب
اللي ما قدرتش تعمله قنابل نووية
بيعمله كيس أبيض بـ 500 جنيه
مخدر بيُدمِن من أول جرعة
بيخلّي اللي يتعاطاه يبيع كل حاجة
وفي الآخر…
بيفوق على صدمة:
كل حاجة راحت
البيت، الكرامة، العقل، الصحة، الأهل، وكل أمل في الحياة
الموجع بجد؟
شباب وبنات زي الورد…
بيتعلّجوا سنة كاملة
وينتكسوا أول يوم خروج
ليه؟
لأن المعركة مش بس طبية
دي معركة وعي، معركة أخلاق، معركة أمن قومي
واللي ساكت عن "الشابو"
أكتر خطر من اللي بيبيعه
لو الدولة عايزة تنمية حقيقية
لازم الشابو يتحط على رأس أولويات المواجهة
زي ما اتحارب الحشيش زمان
لازم:
خطة أمنية صارمة
تشريعات قوية وقابلة للتنفيذ
إعلام توعوي شجاع
تعليم وتربية تزرع الوعي قبل الفكرة
لازم نطهر الشوارع
قبل ما نزرع المصانع
لازم نحمي عقول أولادنا
قبل ما نحلم بمستقبل البلد
الشابو أخطر من السلاح، أخطر من التطرف، أخطر من أي عدو خارجي
لأن العدو دلوقتي جوانا
مستخبي في كيس
بيتبع على الرصيف
وبيهدّ بيت ورا بيت
الساكت عن الشابو… شيطان أخرس
وكل ساكت شريك في الجريمة
ربنا يعفينا ويحفظ أولادنا ويحمي بلدنا من كل شر
#قناه اللاهون
مباشر
شارك الرسالة… يمكن توصل لشخص في وقت خطر
وعي واحد ممكن ينقذ حياة!
