11/07/2021
نسخہ
صبح سکول جانا ہو یا کام کی جگہ پر، کسی تقریب میں جانا ہو یا مہمان کی گھر آمد ہو، ہر انسان خوشبو لگانا پسند کرتا ہے، جتنی اعلٰی سے اعلٰی خوشبو ہو اُتنا ہی خوشگوار تاثر ہوا کرتا ہے۔۔۔
اسی طرح دن کے آغاز میں مَن کو، دل کو، روح کو بھی خوشبو سے مہکا دیا کریں۔۔۔
اس خوشبو کا اثر ہمارے جسم پر بھی آئے گا اور چہرے پر بھی۔۔۔۔
یہ کونسی خوشبو ہے؟؟؟
یہ اعلٰی ترین خوشبو درود پاک کی خوشبو ہے۔۔۔۔۔
روز یہ خوشبو لگانے کی عادت ڈالیں، دن کے دوحصوں میں ہوجائے تو نور علٰی نور؛ صبح کے وقت اور شام کے وقت۔۔۔
دن کے آغاز کو مہکا دیا کریں نبی کریم ﷺ پر درود پاک پڑھتے ہوئے۔۔۔
شام کے لمحات کو خوشگوار بنادیا کریں نبی کریم ﷺ پر درود پاک پڑھتے ہوئے۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دو وجوہات کی بناء پہ اکثر لوگوں کو یہ عادت ڈالنا مشکل معلوم ہوتا ہے:
ایک تعداد کی وجہ سے کہ ذہن میں کثرت کا شوق ہوتا ہے۔۔۔
دو ذہن میں یہ ہوتا ہے کہ درودِ ابراہیمی پڑھنا ہے جو نماز میں پڑھا جاتا ہے۔۔۔۔
پہلے مسئلے کا حل یہ ہے کہ کم سے شروع کیا جائے، مثال کے طور پر 30 صبح 30 شام کرلیا جائے, یہ عدد تو ہاتھوں کی انگلیوں پر ہی کیا جاسکتا ہے، جب یہ عدد بآسانی ہونا شروع ہوجائے تو کچھ بڑھا دیں، 50 پر لے جائیں پھر جب یہ سہل لگنے لگے تو 100 پر، یاد رہے کہ 300 کا عدد کثرت میں آتا ہے۔۔۔۔
دوسرے مسئلے کا حل یہ ہے کہ درود شریف مختصر بھی ہیں، اُن میں سے کسی کی عادت ڈال لی جائے۔۔۔۔
وصلی اللہ علی النبی الامی
اللھم صل علٰی محمد و علٰی آل محمد و بارِک وسلم
اللھم صل علٰی محمد وسلم
صلی اللہ علیہ و علٰی آلہ وسلم
صلی اللہ علیہ وسلم
یا جو بھی آسان لگے۔۔۔۔۔
شروع میں ہوسکتا ہے کہ زبان پر رواں نہ ہو لیکن کچھ دن کی باقاعدگی کے بعد یہ زبان پر جاری ہوجائے گا۔۔۔۔۔
آسان سے مشکل کا سفر، مشکل کو بھی آسان کردیا کرتا ہے۔۔۔۔
اس محبوب و مبارک عمل کی عادت ڈالیے اور پھراس کے انتہائی بابرکت اثرات محسوس کیجیے۔۔۔۔۔
انتہائی محبت والا نسخہ ہے۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
