https://www.mediafire.com/folder/7kg9052yswdt0/Ibyigisho

Ijwi Rirenga International Ministries, Nyagatare (2026)

22/03/2026

Izina ry’Igitabo: Ubutumwa ku Basore

Iki gitabo nkoranabuhanga (soft version) wagiteguriwe n’umuryango w’ivugabutumwa wa Ijwi Rirenga International Ministries. Cyakoporowe uko kiri gikuwe mu gitabo cyasohowe n’itorero (cyagaragarijwe imyirondoro hejuru). Imibare ndanga-ngingo iri ku musozo wa buri gika ihwanye n’iri mu ngeri y’Icyongereza ya kino gitabo nk’uko iboneka muri Application n’Urubuga by’inyandiko (zose) za Ellen G. White, byombi bizwi nka “EGW Writings.” Kuri mudasobwa yawe (ndetse no kuri telefoni zimwe na zimwe), ubasha kubona ishakiro utiriwe usubira inyuma binyuze mu gukanda ku turongo 3 dutambitse duherereye mu nguni yo hejuru ibumoso.

Nyamuna wibuke gukora "Download" + "Share." Imana Ibahe Umugisha!!! Wakibikaho ukanze kuri ino linki: https://www.mediafire.com/file/514b96sn4vk7b58/UBUTUMWA+KU+BASORE+(COPY-PASTE).pdf/file

Rirenga International Ministries © 2026

MediaFire is a simple to use free service that lets you put all your photos, documents, music, and video in a single place so you can access them anywhere and share them everywhere.

13/11/2025

“Umwami afite abaramarayika be mu isi uno munsi, bakorera abagaragu b’Imana, nubwo batagaragara. Rimwe na rimwe bivuganira n’abantu imbona-nkubone, bihinduye abantu.” — Amabaruwa n'Inyandiko z'Intoki, vol. 23 (1908), Inyandiko y'intoki ya 17, par. 18.

“Abamarayika b’Imana bazatuba hafi, kandi rimwe na rimwe babe bari mu ishusho ya kimuntu, ariko twe tubabonamo abantu byonyine. Bano bamarayika baguhagaze iruhande inshuro nyinshi, ntiwabamenya.” — Amabaruwa n'Inyandiko z'Intoki, vol. 8 (1893), Ibaruwa ya 92, par. 10.

“Imyambaro y’intumwa y’Imana ishobora kuba yandujwe n’urugendo kandi icitse, nyamara ashobora kuba ari marayika wihinduye ukundi. Mu buryo badatahurwa, abamarayika bavugana n’abantu, bavuga amagambo amereye ubugingo bwabo nk’amazi y’ubugingo.” — Ibimenyetso by'Ibihe, 9 Gicurasi 1900, par. 13

“Ingabo za Satani zambaye ishusho y’umuntu zizagira uruhare muri uru rugamba ruheruka kandi rukomeye kugira ngo zirwanye kubakwa k’ubwami bw’Imana. N’abamarayika bo mu ijuru bihinduye nk’abantu bazaza aho ibyo bikorerwa. Ayo matsinda abiri ahanganye azakomeza kubaho kugeza ku iherezo ry’umugabane wa nyuma w’amateka y’iyi si. Ibikoresho bya Satani biri muri buri mujyi. — UBUTUMWA BWATORANIJWE, Igitabo cya II, p. 430 (soft).

“Incuro nyinshi abamarayika bagiye baganira n’abantu nk’uko umuntu aganira n’incuti ye, kandi babayobora ahantu hatekanye. Incuro nyinshi kandi, amagambo y’abamarayika atera ubutwari yavuguruye imitima igwaguza y’abantu b’indahemuka maze, ku bwo kuzamura ibitekerezo byabo akabirenza ibintu byo ku isi, atuma bitegerezanya kwizera amakanzu yera, amakamba, imikindo y’itsinzi, bizahabwa abaneshi igihe bazaba bakikije intebe yera y’ubwami. {Ibyakozwe n’Intumwa 99.1}

“Umwami afite abaramarayika be mu isi uno munsi, bakorera abagaragu b’Imana, nubwo batagaragara. Rimwe na rimwe bivuganira n’abantu imbona-nkubone, bihinduye...

11/10/2025

“Umwana w’Imana, yitegereje ku isi, abona imibabaro n’agahinda. Afite imbabazi nyinshi, yabonye uburyo abantu bahindutse imbata z’ubugome bwa Satani. Yarebanye impuhwe abo bose bononwa, bicwa, kandi bazimira. Bari barahisemo umutware wabazirikiye ku modoka ye nk’abacakara. Mu gucanyanyikirwa no gushukwa, bagenderaga mu nzira y’umwijima ibaganisha mu kurimbuka kw’iteka ryose, — mu rupfu rutagira ibyiringiro by’ubuzima, mu ijoro ridakurikirwa n’igitondo. Ingabo za Satani zari umwe n’abantu. Imibiri y’abantu, yagenewe kuba ubuturo bw’Imana, yari yarahindutse ubuturo bw’abadayimoni. Ibyumviro, imyakura, ibyifuzo, ingingo z’umubiri w’umuntu, byakoreshwaga n’imbaraga ndengakamere mu guhaza irari ribi bihebuje. [Hita wumva:] Ikashe y’abadayimoni yari iteye mu maso h’abantu. Mu maso h’abantu hagaragazaga ah’ingabo z’ikibi zibahanzeho. Ibyo ni byo Umucunguzi w’isi yakubitaga amaso. Mbega ibintu byo kwitegerezwa n’Umuziranenge Uhoraho! {Uwifuzwa Ibihe Byose 21.1}”

“Yesu yarabajije ati, “Witwa nde ?” Arasubizwa ati, “Nitwa Giteronyamwinshi, kuko turi benshi cyane.” [Mariko 5:9; Bibiliya Ijambo ry’Imana]. Bifashishije izo mbabare nk’imiyoboro y’itumanaho, abo badayimoni binginze Yesu ngo atabirukana muri icyo gihugu. Ku ruhande rw’umusozi wari aho hafi, hari umukumbi munini w’ingurube zarimo kurisha. Abo badayimoni bamusabye kubakundira kuzijyamo maze arabemerera. Izo ngurube zahise zihungabana, zikonkoboka ku gacuri zitewe n’ibisazi maze zigeze ku nkengero z’amazi zinanirwa kwigarura, ziherako ziroha mu kiyaga zirapfa. {UIB 227.4} Hagati aho, habaye impinduka zitangaje kuri abo bahoze batewe n’abadayimoni. Intekerezo zabo zari zamaze kumurikirwa n’umucyo. [Hita wumva:] Amaso yabo yabengeranagamo ubwenge. Amasura yabo—yari amaze igihe kinini ari mu ishusho ya Satani—yahise ahinduka akeye, ibiganza byabo byari byarahindanyijwe n’amaraso byaratuje, maze basingiza Imana n’amajwi anezerewe ku bwo kubakiza. {Uwifuzwa Ibihe Byose 227.5}”

“Iyo abamarayika babi ari bo bagenga umutima w’umuntu, bigaragarira mu buryo bwinshi. Wera imbuto yo kwikunda, kwifuza, ubwibone n’iruba ribi.” – Impano z’Umwuka, vol. 4, p. 34.2. “Iyo Kristo ari we ugenga umutima w’umuntu, mu maso he ubasha kuhasoma kubonera, gutungana, amahoro n’urukundo. Mu maso h’abandi ho, usanga imico y’ikibi ari yo kimenyetso kihamanitse; hagaragara ukwikunda, ubucakura, ubushukanyi, ibinyoma, urwango, n’ishyari. Mbega ukuntu bigoye yuko ukuri kwiyandika mu mitima no mu maso bya bene abo bantu!” {Inama ku Murimo w'Ishuri ryo ku Isabato 112.3}. “Ntugakundire abo mwigana kumva ko idini ari imico ikonje itarangwamo impuhwe. Reka amahoro n’ikuzo bya Kristo ukurimo bitume mu maso hawe havuga urukundo rwe, iminwa ivuge ishimwe no guhimbaza. Abafite akamenyero ko gushyikirana n’Imana barabagirana umucyo wayo mu maso habo.” {Inama ku Murimo w'Ishuri ryo ku Isabato 98.1 - 98.2}. “Iyo umutima uhanaguweho ibyaha, Kristo ashyirwa ku ntebe yari yarigaruriwe na guhaza irari n’urukundo rw’ubutunzi bw’isi. Ishusho ya Kristo igaragarira mu migaragarire yo mu maso. Umurimo wo ukomeza kujya mbere mu bugingo. Kwitsindishiriza birahagarara. Hagaragara kwambara umuntu mushya uremwe mu ishusho ya Kristo mu gukiranuka no kwera nyakuri.” {Inama ku Busonga 27.5}. “Mu maso harahinduka. Kristo utuye mu mutima akarabagirana [ahagana he?] inyuma mu maso y’abamukunda kandi bakitondera amategeko ye.” – Imigani ya Kristo, p. 102.2 {Ingeri y’Icyongereza}.

“Umwana w’Imana, yitegereje ku isi, abona imibabaro n’agahinda. Afite imbabazi nyinshi, yabonye uburyo abantu bahindutse imbata z’ubugome bwa Satani. Yareban...

04/10/2025

“Abo bantu babiri bakijijwe abadayimoni ni bo bavugabutumwa ba mbere Yesu yatumye kwigisha ubutumwa bwiza muri Dekapoli. Igihe abo bagabo bari barabonye cyo kumva inyigisho ya Yesu ni gito. Nta cyigisho Cye na kimwe bari barigeze bumva yigisha. Ntabwo bari bashoboye kwigisha abantu nk’uko abigishwa bari barabanye na Yesu buri munsi bigishaga. Nyamara muri bo ubwabo harimo igihamya cy’uko Yesu yari Mesiya.

Bari bashoboye kuvuga ibyo bazi, ibyo bari bariboneye, ibyo bari barumvise n’ibyo bari bariyumvisemo bigendanye n’imbaraga za Kristo. Iki ni ikintu buri muntu wese ufite umutima wakozweho n’ubuntu bw’Imana ashobora gukora. Umwigishwa ukundwa Yohana yaranditse ati: “Ibyo tubandikiye ni ibyo twiyumviye, twibonera n’amaso yacu, turabyitegereza, tubikozaho intoki zacu. ...Ibyo twabonye kandi twumvise ni byo tubatangariza namwe.” 1Yohani 1:1-3. Nk’abahamya ba Kristo, tugomba kubwira abandi ibyo tuzi, ibyo twiboneye ubwacu, ibyo twumvise n’ibyo twiyumvisemo ubwacu. Nituba twarakurikiye Yesu intambwe ku ntambwe, tuzaba dufite ikintu kizima cyo kuvuga ku byerekeye inzira yatuyoboyemo. Dushobora kuvuga uburyo twagerageje amasezerano Ye tugasanga ari ay’ukuri. Dushobora guhamya iby’ubuntu Kristo yatugiriye. Uko ni ko guhamya Nyagasani aduhamagarira, kandi ni ko isi irimo kwicwa no kubura.” — {Uwifuzwa Ibihe Byose 229.1}

“Abo bantu babiri bakijijwe abadayimoni ni bo bavugabutumwa ba mbere Yesu yatumye kwigisha ubutumwa bwiza muri Dekapoli. Igihe abo bagabo bari barabonye cyo ...

24/09/2025

Inyandiko z’Ibanze, p. 33 & 34: “Bidatinze twerekeza amaso yacu iburasirazuba, kuko twari tubonye agacu gatoya kirabura, kangana n’igice cy’ikiganza, ako twese twamenya yuko ari ikimenyetso cy’Umwana w’umuntu. Twese dutumbira ako gacu dufite ituza ryinshi uko karushagaho kwigira hafi ari na ko karushagaho kugira umucyo, n’ikuzo, kugeza ubwo kabaye igicu kinini cyera. Indiba yacyo yasaga n’umuriro; hejuru y’icyo gicu hari umukororombya, naho impande hari abamarayika ibihumbi cumi, baririmba indirimbo y’agahebuzo; kandi kuri icyo gicu ni ho Umwana w’umuntu yari yicaye.” Intambara Ikomeye, p. 645: “Mu mpande zose z’iryo igare ry’ibicu hari amababa, kandi munsi yaryo hari inziga nzima. Uko iryo gare ryazamukaga, inziga zaryo zateraga hejuru ziti: Uri ‘Urera,’ maze amababa yaryo, uko yizunguza, nayo agatera hejuru ati: “Urera,” kandi inteko y’Abamarayika nayo ikarangurura iti: Urera, Urera, Urera, Uwiteka Imana Ishoborabyose. Uko iryo gare ryagumyaga kugenda rigana muri Yerusalemu nshya, abacunguwe nabo batera hejuru bikiriza bati: ”HALELLUYA!” II 622.3”

Inyandiko z’Ibanze, p. 33 & 34: “Bidatinze twerekeza amaso yacu iburasirazuba, kuko twari tubonye agacu gatoya kirabura, kangana n’igice cy’ikiganza, ako twe...

20/09/2025

“Mu gihe cy’ itatanywa, Abayuda bari baratataniye ahantu hafi ya hose hari hatuwe, kandi iyo bari barasuhukiye bari barahigiye kuvuga indimi zitandukanye. Benshi muri abo Bayuda bari i Yerusalemu igihe Mwuka Muziranenge yamanukiraga intumwa, bari mu minsi mikuru y’idini yakorwaga icyo gihe. Buri rurimi rwose rwavugwaga rwari rufite abaruhagarariye aho ngaho. Iri tandukaniro ry’indimi ryari kuba inzitizi ikomeye mu kwamamazwa k’ubutumwa bwiza; bityo mu buryo bw’igitangaza Imana yahaye intumwa icyo zari zibuze. Mwuka Muziranenge yabakoreye ibyo batari kwishoboza mu buzima bwabo bwose. Ubwo noneho bashoboraga kwamamaza ukuri k’Ubutumwa bwiza mu mahanga, bavuga neza mu ndimi z’abo babwiraga. Iyi mpano y’igitangaza cyari igihamya gikomeye gihawe isi cyerekana ko umurimo wabo wemewe n’ijuru. Kuva icyo gihe, ururimi rw’abigishwa rwari rutunganye, rwumvikana kandi rutagira amakemwa haba igihe bavuga mu rurimi rwabo rwa kavukire cyangwa urwo mu mahanga.” — Ibyakozwe n’intumwa 27.4.

“Mu gihe cy’ itatanywa, Abayuda bari baratataniye ahantu hafi ya hose hari hatuwe, kandi iyo bari barasuhukiye bari barahigiye kuvuga indimi zitandukanye. Be...

13/09/2025

“Bino binyoma ntibyakuzuzanya n’ubutumwa mvajuru. Bamwe muri bano bagira imyitozo bita impano, kandi bavuga yuko zashyizwe n’Imana mu itorero. Bavuga amagambo atabaho kandi adasobanutse, bakabyita kuvuga mu rurimi rutamenyekana, bitari ku bantu honyine ahubwo no ku Mana ubwayo, ndetse no ku bo mu ijuru bose. Bene izo mpano zihimbwa n’abagabo n’abagore, babifashijwemo n’Umushukanyi ukomeye. Ubwaka, gufashwa by’ikinyoma, kuvuga mu ndimi z’ibinyoma, n’imyotozo irangwamo urusaku bifatwa nk’impano Imana yashyize mu itorero. Bamwe bayobeye hano. Imbuto za bino byose si nziza. “Muzabamenyera ku mbuto zabo.” Ubwaka n’urusaku bifatwa nk’ibihamya bidasanzwe byo kwizera. Bamwe ntibanyurwa n’amateraniro keretse bayagiriyemo amarangamutima akomeye kandi anejeje. Barayaharanira maze bagatwarwa. Nyamara bene ayo materaniro nta mpinduka nziza ateza. Iyo bya byiyumvo byo gutwarwa bigiye, ba nyirabyo basigara habi cyane kurenza aho bari bari mbere y’ayo materaniro bitewe n’uko ibyishimo bari bayagiriyemo bitari biturutse ku isoko nzima. Amateraniro yungura kurenza andi ku bihereranye n’iterambere ry’iby’umwuka, ni amwe arangwa n’umutuzo no kurondorwa kwimbitse k’umutima; buri umwe aharanira kwimenya we ubwe, no kwigira kuri Kristo afite umurava kandi yicishije bugufi cyane.” — Testimonies for the Church, vol. 1, p. 412.1

“Bino binyoma ntibyakuzuzany n’ubutumwa mvajuru. Bamwe muri bano bagira imyitozo bita impano, kandi bavuga yuko zashyizwe n’Imana mu itorero. Bavuga amagambo...

10/09/2025

“Nta gihe cyo gutakaza dufite. Ibihe by’amakuba bituri imbere. Isi ihagaritswe umutima n’umwuka w’intambara. Bidatinze amakuba yavuzwe mu buhanuzi agiye gutera. Ubuhanuzi bwo mu gice cya cumi na kimwe cya Daniyeli buri hafi gushyika ku mwuzuro wabwo wo gusohora. Menshi mu mateka yabayeho mu gusohora kwa buno buhanuzi azisubiramo. Ku murongo waho wa 30, havugwa ubutegetsi “buhagarika umutima, bugasubirayo burakariye isezerano ryera, kandi bugakora uko bushatse. Ni koko azasubirayo yitaye ku baretse isezerano ryera” (Daniyeli 11:31-36). Ibisa n’ibivugwa muri iyo muri iyo mirongo bizabaho.” — Inyandiko z’Intoki Zasohowe, vol. 13, p. 394.

“Dukwiye kumenya yuko imanza cyangwa se ibihano by’Imana byenda kugwa ku isi, kandi dukwiye kurushaho gushishikarira kumenyesha abantu umuburo Uwiteka yadutegetse gutanga: ‘Kuko muri iyo minsi hazabaho umubabaro mwinshi, utigeze kubaho uhereye ku kuremwa ku isi ukageza none, kandi ntuzongera kubaho’ (Matayo 24:21).” — Urwibutso n’Integuza, 22/Ugushyingo/1892.

“Nta gihe cyo gutakaza dufite. Ibihe by’amakuba bituri imbere. Isi ihagaritswe umutima n’umwuka w’intambara. Bidatinze amakuba yavuzwe mu buhanuzi agiye gute...

03/09/2025

“Ku bihereranye na Satani—ya Nzoka ya kera—Uwiteka yavuze yuko yari kuzakomeretsa agatsinsino ka Kristo, ariko Kristo we akamukomeretsa umutwe. Imana ishimwe kuba Satani atabasha gukora ku mutwe. Umuhanuzi yaravuze ati “mu ntekerezo zanjye cg se mu bwenge bwanjye ndi imbata y'amategeko y'Imana, ariko mu mubiri ndi imbata y'amategeko y'icyaha” (Abaroma 7:25). Intekerezo n’Umutima bihugukiye umurimo wa Kristo, naho Satani we yahugukirije abantu n’abamarayika baguye kwifatanya na we mu kurwanya Imana. Babasha gusa gukomeretsa agatsinsino, mu gihe muri icyo gikorwa nyirizina—ubwo Satani aba asa n’uwanesheje mu kubatoteza no kubica—indahemuka zirengera amategeko ya Yehova, ziba zikomeretsa umutwe w’Ikigomeke ruharwa.” — Amabaruwa n’Inyandiko z’Intoki, vol. 4, Ms 55, 1886, par. 31.

“Kristo yiteguye guha umuntu wese ubishaka imbaraga yo gutsinda. Nta muntu ushobora gutsindwa na Satani atabyemeye. Umushukanyi ntafite ububasha bwo gutegeka ubushake cyangwa guhatira umutima gukora icyaha. Ashobora guteza umubabaro uwo bahanganye, ariko ntashobora kumwanduza. Ashobora kumuca intege, ariko ntashobora kumuhumanya. Kuba Kristo yaratsinze bikwiye gutuma abamwizera bose kurwana bashikamye urugamba rwo kunesha icyaha na Satani. II 502.3” “Baramutse babonye uburyo, bashobora kurangaza intekerezo zacu, bagahungabanya kandi bakaremaza imibiri yacu, bakarimbura ubutunzi bwacu n’ubugingo byacu. Satani n’ingabo ze banezezwa no kubona ubuhanya no kurimbuka. Igiteye ubwoba ni abanga kumvira ibyo ijuru risaba, maze bakiroha mu mitego ya Satani, kugeza ubwo Imana ibareka ngo bayoborwe n’imyuka mibi. II 508.3” — Intambara Ikomeye 502.3 & 508.3

“Ku bihereranye na Satani—ya Nzoka ya kera—Uwiteka yavuze yuko yari kuzakomeretsa agatsinsino ka Kristo, ariko Kristo we akamukomeretsa umutwe. Imana ishimwe...

01/09/2025

“Abamarayika baba banyuranamo bava mu ijuru abandi basubirayo.” “Umukiza yavuze iby’abamwizera ati: “Mwirinde mudasuzugura umwe muri aba bana bato. Ndababwira yuko abamarayika babo bo mu ijuru, bahora bareba mu maso ha Data wo mu ijuru” (Matayo 18:10). Abamarayika batorewe gukorera abana b’Imana, bemerewe kuyigera imbere ibihe byose. — Intambara Ikomeye 593.2, 504.2.

“Ababayeho mu gihe cya Nowa n’icya Aburahamu basaga n’abamarayika mu gihagararo, uburanga n’imbaraga. Ariko ab’ibisekuru byagiye bikurikiraho bakomeje kugenda bagira intege nke kandi bakarwaragurika, maze igihe cyabo cyo kurama kiba kigufi. Satani yakomeje kwiga uburyo yarembya kandi akagwabiza ikiremwamuntu.” “Adamu akiva mu biganza by’Umuremyi we, yari afite igihagararo gihebuje kandi ateye neza. Yasumbaga abantu baba ku isi muri iki gihe inshuro zirenze ebyiri, kandi yari afite impagarike iboneye. Yari afite uburanga butunganye kandi burangaza. Mu maso he ntiheraga cyangwa ngo heruruke, ahubwo hari hatoshye, hatemba itoto ryinshi.” — Inyandiko z’Ibanze 151.1; ‘Igitekerezo cyo Gucungurwa,’ p. 20.

“Nabonye ubwiza n’igikundiro bya Yesu. Ubwo nitegerezaga ikuzo rye, sinagize igitekerezo cy’uko nshobora kwigera mva imbere ye.” “Mbere yuko Kristo ava mu ijuru ngo aze mu isi gupfa, yasumbaga abamarayika bose. Yari asamaje kandi afite igikundiro. Ariko ubwo umurimo we watangiraga, uburebure bwe bwarutagaho hato ubw’ abantu basanzwe bariho ku isi icyo gihe. Iyo aza kuza mu bantu afite ya shusho mvajuru isamaje, imigaragarire ye y’ inyuma yari gutuma atwara imitima y’ abantu, maze akemerwa bidasabye kwizera … Nubwo Kristo ataje nk’uko yari yitezwe, nyamara yaje nk’uko ubuhanuzi bwari bwarabivuze. Abashaka kwizera, bari bafite ibihamya bihagije byo gushingiraho kwizera kwabo bakomoje ku buhanuzi bwavugaga ibyo kuza k’Ukiranuka, n’uburyo azazamo.” — Inyandiko z’Ibanze 75.4; Impano z’ Umwuka, vol. 4(a), p. 115.

“Ariko ubwo yajyaga mu ijuru ashoreye imbaga y’ abanyagano, aherekejwe n’ ingabo z ijuru maze agahabwe ikaze mu marembo y’ umurwa, mu ndirimbo z’ abamarayika z’ intsinzi n’umunezero, narebanye akumiro no gutangara ko Yesu yari afite igihagararo kisumbuyeho nk’ icyo yari afite mbere yo kuza mu isi ngo apfire umuntu. Marayika yagize ati “Imana—yakoze igitangaza gikomeye cyane cyo guhindura Kristo umuntu ngo ature mu bantu, kandi—ku bw’ imbaraga zayo zishobora byose—ikaba izashyira ejuru umuntu wacumuye, akononekare kandi agasigingira, ndetse—na nyuma y’ aho abantu bacunguwe bagakurwa mu isi—ikazatuma ‘bakura nk’ inyana zo mu kiraro,’ mu mbaraga zayo zitagerwa ishoboye gusubiza Umwana wayo ikunda igihagarara cye kinini yari afite mbere yo kuva mu ijuru, akicisha bugufi nk’ umuntu, maze akemera gupfa urupfu rwo ku musaraba.”” — Impano z’ Umwuka, vol. 4(a), p. 119.

“Bose bava mu bituro byabo bafite igihagararo babyinjiranyemo. Adamu—uba ahagaze hagati y’iteraniro rinini ry’abazutse—aba abasumba bose kandi abaruta ubunini, icyakora ari mugufi ho gato k’Umwana w’Imana. Agaragaza itandukaniro rikomeye n’abantu babayeho mu bisekuru byakurikiyeho; ibyo ubwabyo bigaragaza gusigingira gukomeye kw’ inyokomuntu. Gusa bose bazukana itoto n’imbaraga bihoraho bya gisore. Mbere na mbere, umuntu yari yaremwe asa n’Imana, atari ku mico gusa, ahubwo no ku ishusho no mu miterere. Icyaha ni cyo cyahanaguye ndetse cyenda guhindura burundu ya shusho y’Imana umuntu yaremanywe; ariko Yesu yazanywe no kutugarurira ya shusho y’Imana twambuwe n’icyaha. Azahindura imibiri yacu y’ibisenzegeri maze ayihwanye n’umubiri we ufite ubwiza. Umubiri upfa, ubora, wangiritse, wahindanyijwe n’icyaha, azawutunganya, uhinduke agahozo kandi uhabwe ukudapfa. Inenge yose n’ubumuga bwose bizasigara mu gituro. Nibagaruzwa ku giti cy’ubugingo cyo muri Edeni bari bamaze imyaka myinshi baratakaje, abacunguwe bazakura bagere ku gihagararo cyuzuye cyari gifitwe n’ inyokomuntu ubwi yari ikiri mu ikuzo ryayo ryo ku ikubitiro. Ibisigisigi by’umuvumo w’icyaha bizakurwaho, kandi indahemuka za Kristo zizagararara ‘mu bwiza bw’Umwami Imana yacu, haba mu bwenge, mu bitekerezo no mu mibiri byabo, bigaragaza ishusho itunganye y’Umwami wabo. Mbega ugucungurwa gutangaje! kwavuzwe igihe kirekire, kukiringirwa igihe kirekire, kugategerezanywa amatsiko menshi cyane, ariko ntigusobanuke byimazeyo.” — Intambara Ikomeye 622.1

Kristo yagiye mu ijuru afite ishusho y’umuntu … “UMWANA W’UMUNTU ubwo azazana n’abamalayika bose, afite ubwiza bwe, nibwo azicara ku ntebe y’ubwiza bwe.” Ibyahishuwe 1:7; 1 Tesaloniki 4:16; Matayo 25:31.” “Kugira ngo atwemeze inama ye idahinduka y’amahoro, Imana yatanze Umwana wayo w’ikinege ngo abe umwe wo mu muryango w’abantu, ngo agire kamere y’umuntu by’iteka ryose. Iri ni isezerano ritwemeza ko Imana izasohoza ijambo ryayo. “Nuko umwana yatuvukiye, duhawe umwana w’umuhungu: ubutware buzaba ku bitugu bye.” Imana yatwaye kamere y’umuntu binyuze mu mwana wayo, kandi yarayizamukanye iyijyana mw’ijuru risumba ayandi. Ni “Umwana w’umuntu” ufite uruhare ku ntebe y’ubutware bw’ijuru n’isi. Ni “Umwana w’umuntu” uwo izina rye rizitwa, “Igitangaza, Umujyanama, Imana ikomeye, Data wa Twese Uhoraho, Umwami w’Amahoro.” Yesaya 9:6. Uwo NDIHO ni we Muhuza hagati y’Imana n’abantu, we ubasha guhuza abo bombi akoresheje ukuboko kwe. Uwo ni We “Wera, Utagira uburiganya, Utandura, Unyuranye n’abanyabyaha,” udakozwa isoni no kutwita abavandimwe. Abaheburayo 7:26; 2:11. Binyuze muri Kristo, umuryango wo mw’isi womatanye n’umuryango wo mw’ijuru. Kristo wambitswe ikuzo ni umuvandimwe wacu. Ijuru rizingiyemo ubumuntu, kandi ubumuntu buzingiye mu gituza cy’Urukundo Rutagira Iherezo.” — Uwifuzwa Ibihe Byose 566.5; 13.4.

“Abamarayika baba banyuranamo bava mu ijuru abandi basubirayo.” “Umukiza yavuze iby’abamwizera ati: “Mwirinde mudasuzugura umwe muri aba bana bato. Ndababwir...

17/08/2025

"Kuri ino si hari uduhumbi n’uduhumbagiza tw’intumwa nyejuru zitumwa na Data ngo zibuze Satani uburyo ubwo ari bwo bwose bwo gufatirana abanga kugendera mu nzira y’ikibi. Kandi abo bamarayika—barinda abana b’Imana bo ku isi—baba bari mu itumanaho na Data wo mu ijuru." — In Heavenly Places, 99.

"Mbere yo kuva imuhira ngo bajye ku kazi, abagize umuryango bose bakwiye kwegeranywa; nuko se wa bana, cyangwa nyina wabo igihe se wabo adahari, akwiye kwinginga Imana akomeje ngo ibarinde muri uwo munsi wose. Muze muciye bugufi, mufite imitima yuje impuhwe, kandi muzirikanye ibigeragezo n’akaga bibari imbere, mwe n’abana banyu; nuko mu kwizera mubazirikishe ku gicaniro, mubahendahendere Uwiteka kubarinda. Abamarayika bakorera abantu bazarinda abana nk’abo beguriwe Imana." — Child Guidance, 519.

"Abamarayika b’Imana bari ahatuzengurutse hose … Icyampa tukamenya bino, tugatinya kandi tugahinda umushyitsi, maze tukarushaho gutekereza cyane ku mbaraga z’abamarayika b’Imana baducunga kandi bakaturinda … Abamarayika b’Imana bava mu ijuru batumwe kurinda abana b’abantu, nyamara bo [abana b’abantu] bihunza uburinzi bwabo, bakajya aho bashobora kuvuganira n’abamarayika babi … Iyaba rwose twumviraga iyo nama y’intumwa (soma 2 Abakorinto 6:17, 18)." — 5MR 125.

Audio y' Icyigisho: https://www.mediafire.com/file/kt19590s2g4efet/Ubuhamya+bw'Uwahoze+Ari+Umusatanisite,+Gabriel+Estevão+(Igice+Cya+3).m4a/file

Ibindi byigisho-audio: https://www.mediafire.com/folder/rt6y0n469l5ua/Audios+z'+Ibyigisho+biri+YouTube(2)

https://youtu.be/nIC5OHeQwKo

Kuri ino si hari uduhumbi n’uduhumbagiza tw’intumwa nyejuru zitumwa na Data ngo zibuze Satani uburyo ubwo ari bwo bwose bwo gufatirana [obtaining any advanta...

Ijwi Rirenga International Ministries

22/03/2026

13/11/2025

11/10/2025

04/10/2025

24/09/2025

20/09/2025

13/09/2025

10/09/2025

03/09/2025

01/09/2025

17/08/2025

Address

Telephone

Website

Alerts

Contact The Place Of Worship

Shortcuts

Share

Category