29/10/2023
Nyagasani Mana yacu niwowe ku bwa Roho wawe washatse ko tubaho kandi birambye
Nukuri imyaka 6 irashize ,si ugukabya hari aho wadukuye , hari n'aho utugejeje kandi twizeye ko n'aho twifuza kugera uzahatugeza Mubyeyi udahwema kutumenyera igikwiye.
Akira rero Mubyeyi dukesha byose dutunze abayobozi bacu mu byiciro no mu bihe byose kubwirizwa nawe no kuyoborwa nawe mu byo batekerereza CIUS byose,akira abaririmbyi bose mu bihe byose maze ukomeze ubatere umwete n'ishyaka byo kugukunda no kugukundisha abandi abaguye n'abacitse intege ubabyutse kandi uhe umugisha n'imiryango yabo.
Akira inshuti za CIUS aho ziri yaba izo tuzi n'izo tutazi ndetse n'abandi bose bafite aho bahirira nayo.
Tukweretse kandi na kominote gatolika yacu yatwibarutse n'abayihagarariye bose ngo uyihe guhora ivuga izina ryawe ubudahwema.
Mana yacu tugutuye by'umwihariko agize uruhare mu ishingwa rya CIUS kuko bumviye ijwi rya Roho wawe ubu tukaba tuganje mu mahoro yawe.
Ngaho umugisha utagimba wamye usesekaza ku biremwa byawe numanukire kuri CIUS bityo ihore inezezwa no kuba yishimiwe nawe ugere no ku baririmbyi b'isi yose .
Tubisabye ku bwa Yezu Kristu umwami wacu.
Mwamikazi wa Rozali ,udusabire!
Mutagatifu CIUS, udusabire!
Ceciliya Mutagatifu udusabire!
🙏🏽🙏🏽🙏🏽🙏🏽🩵💚🩵💚🙏🏽🙏🏽🙏🏽🙏🏽
🎂🎂
Isabukuru nziza CIUS (29/10)
