Réseau Mondial de Prière du Pape - RMPP- Rwanda

30/03/2026

UKARISTIYA NTAGATIFU – ISAKARAMENTU RY'URUKUNDO RW'IMANA

“Iki ni umubiri wanjye ubatangiwe,.... mujye mubikora namwe bibe urwibutso rwanjye.” (Luka 22,19)

Bavandimwe Nkoramutima z'Ukaristiya, Kristu Yezu akuzwe. Kuri uyu munsi mukuru w'uwa Kane Mutagarifu, hamwe na Kiliziya yose turahimbaza Iremwa ry'isakaramentu ry'Ukaristiya ndetse n'ubusaserdoti. Nk'umwihariko wacu twebwe Inkoramutima z'Ukaristiya, buri mwaka ku*irikana iryo sangira ryanyuma mu mwiherero ku maparuwasi yacu.

1) Ukaristiya : Impano ikomeye Yezu yaduhaye

Ku wa Kane Mutagatifu twibuka ko Yezu, mbere yo kubabara no gupfa, yasize aduhaye impano iruta izindi: Ukaristiya.
Mu isangira rya nyuma, Yezu yafashe umugati arashimira, awuha umugisha, arawumanyura, awuha abigihwa ati: “Uyu ni Umubiri wanjye”, abaha na Divayi ati: “Aya ni Amaraso yanjye”.
Kiliziya yemera ko Yezu ari wese mu Ukaristiya.
Ukaristiya ni isoko y’ubu*ima bwa gikristu, ni ifunguro ry'ubugingo buhoraho kandi ni ikimenyetso cy’urukundo ruhebuje rwa Kristu. (Yohani 6, 50-58)

2) Kwitegura neza kwakira Yezu

Bavandimwe, Mutagatifu Pawulo intumwa mu ibaruwa yandikiye abanyakorinti agira ati “Buri wese nabanze yisuzume rero maze abone kurya kuri uwo mugati no kunywa kuri iyo nkongoro.” (1 Abanyakorinti 11, 28). Ndetse itegeko rya kane mu mategeko y'Umuryango w'Inkoramutima z'Ukaristiya rigira riti: "Urajye uhazwa kenshi, witonze, wicishije bugufi kandi witeguye neza!"

Kwitegura neza kwakira Yezu ni ngombwa:
- Kwisuzuma m'umutima
- Kwicuza ibyaha byose/ Guhabwa Penetensiya
- Kwakirana Ukaristiya ukwemera n’icyubahiro.

3) Gushengerera Yezu mu Ukaristiya.

Yezu ari muri Taberenakoro ategereje inshuti ze, abo twebwe yacunguye.
“Mwananiwe no kuba maso isaha imwe?” (Matayo 26, 40).

Gushengerera ni :
- Ukurangamira Yezu,
- Kuganira na Yezu imbona nkubone,
- Gusabana na Yezu imbere y'Isakaramentu ry'Ukaristiya.
* Mu ishengerera tubwira Yezu kandi kandi tukamutega amatwi, akatubwira...

4) Ukaristiya iraduhindura mu bu*ima bwa buri munsi.

Ukaristiya itubeshaho, ikaduhindura tugasa na Yezu duhabwa.
Urya Umubiri wa Kristu agomba kubaho mu rukundo, kubabarira abandi, gufasha abakene, kwicisha bugufi n'indi migenzo myiza yose.

DUSENGE TUGIRA TUTI:
Yezu uri mu Ukaristiya, nyongerera ukwemera. Sukura umutima wanjye ukwakirane cyubahiro n’urukundo, ntera umwete wo kugusura kenshi no kugukunda mu bu*ima bwanjye bwose. Amina

Bikira Mariya Mutagatifu, mubyeyi w'Imana n'uwacu, mugabekazi w'Inkoramutima z'Ukaristiya adusabire twese kandi ujye aduherekeza m'ubutumwa bwacu bwa buri munsi!

IBIBAZO BIZAGANIRWAHO MU MATSINDA:

1) Igihe maze mu Nkoramutima yUkaristiya ni iki nahungukiye?

2) Jyewe ku giti cyanjye ni iki nkora ngo RMPP/MEJ igere ku ntego aho nkorera: muri Santarali, ku ishuri ... (Kwitabira inama n'ibindi bikorwa, umusanzu, gufasha abayobozi...)

3) Niteguye gukora iki/gute ngo ngire icyo marira RMPP/MEJ, nanjye ngire icyo mpungukira?

GAHUNDA Y'UMWIHERERO WO KUWA KANE MUTAGATIFU 2026:

* 8h00:8h30: Kwidagadura
* 8h30-9h30: Gutangira-amasengesho abanza+gusingiza Imana (Louanges)
* 09h30-10h00: Gusomera hamwe iyi nyigisho.
* 10h00-11h00: Kuganira ku nyigishono no gusubiza ibibazo mu matsinda y’abantu batarenze 12
* 11h00-12h00: Gusangira ibyavuye mu matsinda.
* 12h00-12h15: Indamutso ya Malayika
* 12h15-13h00: Kuruhuka
* 13h00-13h10: Kwidagadura
* 13h10-14h00: Kurebera hamwe imbuto z'igisibo n'iz'umwiherero.
* 14h00-14h30: Gusoza+gufata umugambi+Kwitegura Misa y'isangira rya nyuma.

Tubifurije inyabutatu nziza ya Pasika itwinjiza mu ibanga ryo gucungurwa kwacu-Pasika

Ikipe nyobozi ya RMPP/MEJ Rwanda

24/03/2026

Fête de Saint Dominique Xavio, Patron du RMPP/MEJ Rwanda

08/03/2026

Muraho neza!
Kuri iki cyumweru saa moya (19h-19h30) RMPP/MEJ Rwanda dufite ikiganiro kuri Radiyo Mariya Rwanda.
Mubwire n'abandi.

01/03/2026

...CYANE CYANE MBIGUTURIYE GUSABA ICYO PAPA YIFUZA MURI UKU KWEZI...

Ukwezi kwa Werurwe 2026 twakugezemo, turasenga dusaba ngo intwaro zishyirwe hasi.
Dusabe kugira ngo ibihugu byinshi bifate inshingano yo gushyira intwaro hasi, cyane cyane intwaro za kirimbu*i, kandi abayobozi b’iyi si bahitemo inzira y'ibiganiro na dipolomasi aho guhitamo intambara.

Hirya no hino ku isi, muri Afrika, mu karere…ntidusiba kumva intambara. Abaturage basanzwe ubu bazi gutandukanya urusaku rw’imbunda nini n’intoya. Ibihugu birushanwa gutunga intwaro zigezweho, abakora intwaro bagenda bongeramo ikoranabuhanga rihambaye.
Ibitangazamakuru amaradiyo, televiziyo, imbuga nkoranyambaga, ibiganiro by’abantu…usanga byose byibanda ku ntambara. Bamwe mu bantu usanga bogeza imirwano, abandi nabo bagashungera, abaturage cyane cyane ab’intege nke nibo bahura n’ingaruka: abana, abagore, abafite ubumuga, abarwaye, abakene…
Gusa igitangaje usanga abatari mu nzego z’umutekano bamwe na bamwe aribo baririmba intambara nyamara ntibazi ko intambara igira ingaruka ku mpande zombie: Uwateye n’uwatewe, uruhande rumwe rwita urundi umwanzi kandi intambara irasenya ntiyubaka; isenya ibikorwa remezo, isenya imibanire myiza, isenya imitima
Intaro za kirimbu*i zabaye igikangisho cyo kuyobora ibindi bihugu. Ingengo y’imari igurwa intwo ishyizwe muri gahunda zo kurwanya ubukene cyangwa mu bikorwa by’iterambere, isi yaba nziza.

Muri make uku kwezi turasabwa iki?
1) Gusenga dusaba ngo ibihugu bifate inshingano yo gushyira intwaro hasi cyane cyane intwaro za kirimbu*i.
2) Gusenga dusaba ngo abayobozi b’iyi si bahitemo inzira y'ibiganiro na dipolomasi aho guhitamo intambara.

‘Mbasigiye amahoro, mbahaye amahoro yanjye. Sinyabahaye nk’uko isi iyatanga. Ntimukuke umutima kandi ntimugire ubwoba.’ (Yohani 14, 27)

Ubutumwa bwiza!

Martin MUREKEZI, Umuhuzabikorwa wa RMPP/MEJ Rwanda

30/01/2026

HAMWE NA YEZU MUGITONDO

Kuwa gatandatu tariki ya 31/01/2026

Imbuto z’Ukwizera

Soza uku kwezi ushimira Imana, wibuka imigisha wakiriye n’imbuto zabibwe.

Ababwirira byinshi mu migani, ati «Umubibyi yavuye iwe ajya kubiba." (Mt 13:3).
Yezu ni umubibyi wihangana, uhora yiringira imbaraga z’imbuto.

Mushimire ku byo yemeye bikura muri wowe muri uku kwezi.

Tura uyu munsi kugira ngo Ijambo ryabibwe mu mitima ya benshi ryere imbuto z’icyizere n’ubu*ima.

Huza isengesho ryawe n'icyifuzo cya papa.

HAMWE NA YEZU KUGICAMUNSI

Kuwa gatandatu tariki ya 31/01/2026

Amagambo Atwegera Kurushaho

Kuri uyu munsi wa nyuma w’uku kwezi, reka aya magambo ya Fransisko yumvikane mu mutima wawe:
“Ibyanditswe bitagatifu ntibyaduherewe kugira ngo bitwishimishe cyangwa biturinde mu mwuka w’abamarayika, ahubwo byaduherewe kugira ngo dusohoke tujye guhura n’abandi no kwegera ibikomere byabo.”

Tekereza: Ni iki gusenga hamwe na Papa muri uku kwezi ku bw’intumbero ye byasize mu mutima wawe?

Senga: “Nyagasani, ijambo ryawe rikomeze kwinjira mu mutima wanjye kugira ngo ngumenye neza, ngukunde, kandi ngukorere wowe n’abavandimwe banjye.”

HAMWE NA YEZU NIMUGOROBA

Kuwa gatandatu tariki ya 31/01/2026

Ongera utekereze ku cyumweru

Uyu munsi ni wa nyuma w’icyumweru.

Fata umwanya usubiremo witegereze ibyo wanyuzemo.

Shimira Imana ku bu*ima no ku mahirwe yaguhaye yo gukorera abandi, yo gukunda, yo gusangiza, yo gukora, no kwishimira ubu*ima.

Shimira Imana ku bihe witegereje ibyaremwe—umwuka uhumeka, impumuro, uburyohe, n’amajwi.

Menya kandi ko abantu bari hafi yawe—amajwi ya bene wanyu, ibimenyetso byabo, uko bakureba, n’ibyo bakeneye.

Imana iba mu bantu, mu bihe tubamo, no mu bintu bifatika.
Uyishimire ko yagufashije kubimenya, kandi usabe imbabazi ku bihe wihutiyeho ukabura umwanya wo kubyitaho.

Yisabe kugufasha kubaho mu cyumweru kigiye kuza witaye ku bintu kurushaho.

Dawe uri mu ijuru.

www.clicktopray.org

30/01/2026

Banyamuryango ba RMPP/MEJ, turi mu mpera z'ukwezi kwa Mutarama 2026, Icyifuzo cya Papa cyadusabaga ko mu masengesho tuvuga tudakwiye kwibagirwa *Ijambo ry'Imana* . Kiliziya idutegurira amasomo buri munsi, mu isengesho rya mugitondo (hamwe na Yezu mugitondo) tu*irikana Ivanjili y'uwo munsi... Ni mucyo rero tubigire umuco dore ko inkingi zacu ari Ivanjili, Ukaristiya, Ubutumwa. Ivanjili itubere itara rimurikira ubutumwa bwacu bwa buri munsi n'umuyobozi uturangira icyo dukwiye gukora. Ukwezi kwa Gashyantare 2026 tuzazirikana *abana bafite indwara zidakira* . Mu kwezi gutaha tuzasure abarwariye mu bitaro no mu ngo, tuzahumurize imiryango yabo, tuzabafashe mubyo bakeneye, tuzabasabire buri munsi... Umunsi mwiza!

29/01/2026

Hamwe na Yezu mugitondo
Kuwa gatanu, tariki 30/1/2026

Komora Ibikomere

Uyu munsi, rangamira Yezu ukiza abarwayi akanagarura icyizere ku mitima yakomeretse.

Umugore wari urwaye indwara yo kuva amaraso, ayimaranye imyaka cumi n’ibiri. Aturuka inyuma ye mu kivunge cy’abantu, nuko akora ku myambaro ya Yezu. Yezu aramubwira ati «Mwana wanjye, ukwemera kwawe kuragukijije.» (Mariko 5, 25-34).

Saba Nyagasani gukiza ibikomere byawe n'iby'abantu utwaye mu mutima wawe. Reka ukwizera kwawe kugutere kumwegera ufite icyizere.

Tura umunsi wawe usabira abababara mu mubiri cyangwa kuri roho, uvuge isengesho ryo gutura umunsi.

Hamwe na Yezu kugicamunsi
Kuwa gatanu, tariki ya 30/1/2026

Amagambo atera umwete abantu ngo bahure.

Ruhuka gato u*irikane: “Ijambo ridushishikariza kwisohokamo tugatangira guhura n’abavandimwe bacu dufite imbaraga z’urukundo rw’Imana rubohora.” (Fransisko)

Senga ufite umutima ufunguye uti: “Nyagasani, mbibamo Ijambo nkeneye uyu munsi kugira ngo mve mu bu*ima bwanjye busanzwe.”

Genzura utibereye ngeso n'akamenyero byawe, maze ushyire iri humure mu magambo no mu bikorwa byawe.

Hamwe na Yezu nimugoroba
Kuwa gatanu, tariki ya 30/1/2026

Tuza.

Mu mpera z'uyu munsi, fata ikiruhuko , hagarika ibyo urimo, maze usubize amaso inyuma uko wabayeho. Saba Nyagasani atuze roho yawe, atuze ibitekerezo byawe, kandi wibande ku guhumeka kwawe nk'intangiriro yo guhura na We. Reka umutima wawe ushyireho umurongo w'iki gihe uri bumare usenga.

Wibuke neza ibyo wanyuzemo. Ishimire ibintu byose—ibihe byiza n'ibigoye—u*i ko ariho kugira ngo ahindure buri kibazo igisubizo cyiza.

Mubwire uti: Murakoze, murakoze, murakoze… kandi amahoro ye atuze umutima wawe. Muture ikiruhuko cyawe kandi umusabe ko azaguherekeza ejo niwabyuka.

Dawe uri mu ijuru...

www.clicktopray.org

29/01/2026

Hamwe na Yezu mugitondo.
Kuwa kane, tariki 29/1/2026

Umutima Utuje

Hagarika ibyo urimo kugira ngo wakire Yezu mu gihe cy'imihihibikano y'umunsi utangiye.

«Nuko arakanguka, akangara umuyaga, abwira inyanja ati 'Ceceka! Tuza!' Nuko umuyaga urahosha, maze ituze riba ryose». (Mariko 4, 39).

Muri iyo miyaga yo mu mutima wawe, mutumire akuzanire amahoro atangwa nawe wenyine.

Musabe ko yagukomereza icyizere kiruta ubwoba bwawe. Tura uyu munsi kugira ngo wirirwe uri umugabu*i w'amahoro mu muryango wanyu, ku kazi no mu gace k'iwanyu.

Vuga isengesho ryo gutura umunsi usabira Icyifuzo cya Papa cy'uku kwezi

Hamwe na Yezu kugicamunsi.
Kuwa kane, tariki 29/1/2026

Ijambo rivugurura ukwizera

"Ijambo ry'Imana rigaburira kandi rikongera ukwizera. Reka turisubize rwagati mu isengesho ryacu n'ubu*ima bwacu bwa roho! Hagati hari Ijambo riduhishurira Imana kandi rikayitwegereza." (Fransisko)

Ese ushakira Nyagasani mu isengesho no mu Ijambo rye, cyane cyane mu gihe cy'inkubi z'umuyaga mu bu*ima bwawe?

Subiramo ushyizeho umutima uti: "Nyagasani, ba umuyobozi w'ubwato bwanjye."

Hamwe na Yezu nimugoroba
Kuwa kane, tariki ya 29/1/2026

Gushakashaka

Ubwo umugoroba ugeze, hagarika ibikorwa by'uyu munsi kandi umenye ko ibyo wakiriye byose byavuye mu biganza by'Imana. Ubu*ima bwawe ni inzira igana imbere Nyagasani akakuyobora kandi akagushyigikira. Ushimire, u*i neza ko ntacyo wakora udafite Imana.

Musabe agufashe kureba mu mutima wawe...wirirwe mu biki uyu munsi? Ni iyihe ntego wari ufite? Ni iki wibanzeho uyu munsi? Saba imbabazi niba wigeze kuva mu nzira yawe kandi ibyo wakurikiraga bitari bishingiye ku Mana

Mufate ukuboko maze umwemerere akuyobore, agufashe kugenda umutima wawe umurangamiye

Dawe uri mu ijuru...

05/01/2026

Videwo ya Papa izajya isohoka mu buryo BW'ISENGESHO guhera muri 2026

03/01/2026

31/12/2025

On 30.12.2025 more than 3500 members of PWPN/EYM RWANDA, children, youth and adults accompanied by more than 26 national, Diocesan and Parish Chaplains were at Kibeho Sanctuary in the Diocese of Gikongoro, for the 20th Pilgrim. Some of the activities included prayers, the Rosary, wishing each other a Merry Christmas and a Happy New Year 2026, sharing news about PWPN/EYM mission, evaluation and activities plan..., The messages of Our Lady of Kibeho, penitance, listening the members, Mass...

Happy New Year 2026.

31/12/2025