What are the opening hours?

Tuesday 19:00 - 21:00 Thursday 19:00 - 23:00 Friday 00:00 - 00:00

https://www.facebook.com/414207202348670/

𝐐𝐍𝐂𝐌, Doha (2026)

13/09/2026

मत्ती ११
२८. "हे सबै थाकेका र बोझले दबिएका हो, मकहाँ आओ, म तिमीहरूलाई विश्राम दिनेछु।

11/09/2026

QNCM 11 Sep 2026 Morning Worship Service

10/09/2026

शीर्षक: अन्याय होइन, न्याय गरौँ
भजनसंग्रह 82:1-3
Qatar Nepalese Christian Ministries
Doha, Qatar
Date: 10 September 2026
भजनसंग्रह 82:1-3
1. परमेश्वर ठूलो समुदायमा विराजमान हुनुहुन्छ, "देवहरूका" बीचमा उहाँले न्याय गर्नुहुन्छ।
2. तिमीहरू कहिलेसम्म अन्यायीहरूको पक्ष लिइबस्छौ,
र दुष्टहरूको ओड़ थाप्छौ?
3. दुर्बल र अनाथहरूको रक्षा गर, गरीब र थिचोमिचोमा परेकाहरूको न्याय गर।

1) परमेश्वर सबैभन्दा ठूलो समुदायको बीचमा विराजमान हुनुहुन्छ। उहाँले हरेक न्याय-अन्यायलाई देख्नुहुन्छ र न्याय गर्नुहुन्छ।
🔸हामीले पनि परमेश्वरको उपस्थितिलाई सम्झेर न्यायपूर्ण जीवन जिऔँ।

2) परमेश्वरले अन्यायी र दुष्टको पक्ष लिनेलाई प्रश्न गर्नुहुन्छ।
🔸गलत काम गर्ने मानिसको पक्षमा होइन, सत्य र न्यायको पक्षमा उभिनुपर्छ।

3) दुर्बल, अनाथ, गरीब र थिचोमिचोमा परेकाहरूको रक्षा गर्नु हाम्रो जिम्मेवारी हो।
🔸साँचो विश्वासले कमजोरहरूको आवाज सुन्छ र उनीहरूलाई न्याय दिलाउन सहयोग गर्छ।

परमेश्वर न्यायका परमेश्वर हुनुहुन्छ। त्यसैले हामी पनि पक्षपात र अन्यायबाट टाढा रही सत्य, न्याय र दयाको पक्षमा उभिनु जरुरी छ !
आमेन ! परमेश्वरले सवैलाई आशिष दिनुभएको होस् !

#आजकोवचन #नेपालीमण्डली #कतार

09/09/2026

आजको वचन
परमेश्वरको सामर्थ्य महान छ !
Qatar Nepalese Christian Ministries
~ Doha -Qatar~
Date:- 09 September 2026
भजनसंग्रह ७७:१४
“तपाईं आश्चर्य कामहरू गर्ने परमेश्वर हुनुहुन्छ, तपाईं आफ्नो सामर्थ्य मानिसहरूका बीचमा प्रकट गर्नुहुन्छ।”

हाम्रो परिस्थिति जति कठिन भए पनि परमेश्वरको सामर्थ्यवान हुनुहुन्छ
जहाँ मानिसको लागि असम्भव हुन्छ त्यहाँ परमेश्वरले सम्भब तुल्याउन हुन्छ, जहाँ हामी बाटो देख्दैनौं त्यहाँ परमेश्वरले बाटो खोल्न सक्नुहुन्छ।
जहाँ आशा समाप्त भएको जस्तो लाग्छ, त्यहाँ उहाँले आश्चर्य काम गर्न सक्नुहुन्छ।
आज हामी विश्वासका साथ भनौँ यहि भनौं “मेरो परमेश्वरले अझै पनि आश्चर्य र सामर्थ्य काम गर्नुहुन्छ !”
आमेन
QNCM | Doha, Qatar

08/09/2026

Qatar Nepalese Christian Ministries
~ Doha -Qatar~
Date:- 08 September 2026
आजको वचन

फिलिप्पी 4:5
तिमीहरूको सहनशीलता सबै मानिसहरूलाई थाहा होस्। प्रभु नजिकै हुनुहुन्छ।

06/09/2026

परमेश्वरको अधीनतामा रहने जिवन
Qatar Nepalese Christian Ministries
~ Doha -Qatar~
Date:- 06 September 2026
आजको वचन
याकूब ४:७
“यसकारण आफैलाई परमेश्वरको अधीनमा राख। दियाबलसको विरोध गर, र त्यो तिमीहरूबाट भाग्नेछ।”

जीवनको हरेक मोडमा हामीले अदृश्य रूपमा आत्मिक लडाइँको सामना गरिरहेका हुन्छौँ। यस्तो अवस्थामा विजय प्राप्त गर्ने एक मात्र परमेश्वरले दिएको अचूक हतियार हो—परमेश्वरको अधीनता र उहाँमाथिको पूर्ण समर्पण।
१. परमेश्वरको अधीनमा रहनुको गहिरो अर्थ !
परमेश्वरको अधीनमा रहनु भनेको केवल बाहिरी रूपमा धार्मिकता देखिनु मात्र होइन, तर आफ्नो सम्पूर्ण जीवन, व्यक्तिगत इच्छा, भावना, अहङ्कार र भविष्यका योजनाहरूलाई पूर्ण रूपमा उहाँको पवित्र हातमा सुम्पनु हो। जब हामी आफ्नै बुद्धि र बलमा भर पर्न छोडेर उहाँको सार्वभौम इच्छालाई स्वीकार गर्छौं, तब हाम्रो जीवनमा उहाँको शान्ति र सुरक्षा प्राप्त हुन्छ। उहाँको वचनमा स्थिर हुँदा र उहाँमाथि अटुट भरोसा राख्दा, हाम्रो हृदयले दुष्टतालाई चिन्ने क्षमता पाउँछ।
२. दियाबलसको परिक्षा र युक्तिहरूको सामना गर्ने जीवन !
शैतानले सधैँ हामीलाई कमजोर बनाउन, शङ्का पैदा गर्न र पापको बाटोमा डोर्‍याउन विभिन्न छलकपटपूर्ण युक्तिहरू रचिरहन्छ। तर जब हामी परमेश्वरको नजिक हुन्छौं, तब हामीलाई ती प्रलोभनहरू चिन्ने आत्मिक विवेक प्राप्त हुन्छ। दियाबलसको विरोध गर्नु भनेको आफ्नै घमण्ड वा शारीरिक शक्तिमा लड्नु कदापि होइन, तर “प्रभुको आनन्द नै तिनीहरूका शक्ति हो” भन्ने जानेर परमेश्वरको सामर्थ्यमा उभिएर हरेक गलत कुरालाई दृढतापूर्वक अस्वीकार गर्नु हो।
३. अधीनताबाट आउने विजय र आश्वस्तता
जब हामी दृढताका साथ परमेश्वरको अधीनमा बस्छौँ र ख्रीष्टको सुसमाचारमा खडा हुन्छौँ, तब विरोधी शक्तिहरू टिक्न सक्दैनन् र बाइबलले प्रतिज्ञा गरेझैँ दियाबलस हामीबाट भाग्न बाध्य हुन्छ। हामीले हाम्रो आफ्नै बलले होइन, तर क्रूसमा भइसकेको विजयको अधिकारले लड्ने हो।
आजबाटै आफैलाई पूर्ण रूपमा परमेश्वरको प्रेम र पवित्रतामा अधीन गरौं। उहाँको जीवित वचनमा जरा गाडेर बसौं ताकि संसारका कुरीति र दुष्टताले हामीलाई हल्लाउन नसकोस्। जब हामी उहाँको आज्ञाकारितामा दृढ भएर उभिन्छौं, तब सर्वशक्तिमान् परमेश्वर स्वयम् हाम्रो पक्षमा लड्नुहुन्छ।
जब परमेश्वर हाम्रो पक्षमा हुनुहुन्छ भने, संसारको कुनै पनि शक्ति वा अन्धकारसँग हामी डराउनुपर्ने कुनै कारण छैन! उहाँको अनुग्रहले हामीलाई सधैँ विजयी जीवनमा डोर्‍याएको होस् !
परमेश्वरले सबैलाई आशिष दिनुभएको आमेन।

#आजकोवचन #याकूब४:७ #दैनिकीभोजन #परमेश्वरकोअधीनमा #विश्वासमा_दृढ #प्रार्थनाबलियो

04/09/2026

शिर्षक: परमेश्वरको भयमा जिउने जीवन !
भजनसंग्रह 34:7
“परमेश्वरको भय मान्नेहरूका चारैतिर परमप्रभुका स्वर्गदूतले सुरक्षाको घेरा लाउँछन्, र उहाँले तिनीहरूलाई छुटकारा दिनुहुन्छ।”

अति महत्त्वपूर्ण विषयमा विचार गर्न चाहन्छौँ
“परमेश्वरको भयमा जिउने जीवन।”
हरेक मानिसको सोच बिचारमा आउने प्रश्न यहि हुन्छ कि
कस्तो भय होला?
के हो भय?
किन मान्ने?
हामी सबैले जीवनमा विभिन्न किसिमका डरहरू भोगिरहेका हुन्छौँ। कसैलाई भविष्यको डर हुन्छ, कसैलाई परिवारको चिन्ता हुन्छ, कसैलाई रोगको डर हुन्छ, कसैलाई आर्थिक समस्याको डर हुन्छ। कसैलाई मानिसले के भन्लान् भन्ने डर हुन्छ। कहि न कहि डर हामी भित्र-भित्रै लुकेको हुन्छ,

हितोपदेश 28:25
मान्छेको डर एउटा पासोजस्तै हो, तर परमप्रभुमा भरोसा राख्ने मानिस सुरक्षित रहन्छ।
तर बाइबलले हामीलाई एउटा यस्तो भयको बारेमा सिकाउँछ, जुन भयले मानिसलाई कमजोर बनाउँदैन, बरु परमेश्वरको नजिक लैजान्छ। त्यो चाहिँ परमेश्वर प्रतीको भय हो ।
परमेश्वरको भय भन्नाले उहाँसँग डराएर उहाँबाट भाग्नु भन्ने होइन। उहाँको महानता बुझ्नु, उहाँलाई आदर गर्नु, उहाँको वचनलाई गम्भीरतापूर्वक लिनु र उहाँले जे भन्नुभएको छ, त्यसलाई आफ्नो जीवनमा पालना गर्नु हो।

१. परमेश्वरको भयले परमेश्वरसँग नजिक बनाउँछ र असल सम्बन्ध बन्छ !
हितोपदेश 29:25
मानिसको डरले हामीलाई बाँध्छ। मानिसले के भन्ला? कसैले मलाई नराम्रो भन्ला कि? कसैले मेरो विरोध गर्ला कि? मेरो कुरा स्वीकार नगर्ला कि? यस्तो डरमा बाँच्दा मानिस आफ्नो इच्छाअनुसार होइन, अरूले के भन्छन् त्यसअनुसार चल्न थाल्छ।
तर परमेश्वरको भय फरक छ। परमेश्वरको भयले हामीलाई उहाँबाट टाढा लैजाँदैन, उहाँको अझ नजिक लैजान्छ।
जति हामी परमेश्वरलाई चिन्छौँ, उहाँको महानता बुझ्छौँ, उहाँको न्याय बुझ्छौँ, उहाँको प्रेम बुझ्छौँ, त्यति नै उहाँप्रति हाम्रो आदर र भरोसा बढ्दै जान्छ।

२. परमेश्वरको भयले सुरक्षा र छुटकारा दिन्छ!
भजनसंग्रह 34:7
“परमेश्वरको भय मान्नेहरूका चारैतिर परमप्रभुका स्वर्गदूतले सुरक्षाको घेरा लाउँछन्, र उहाँले तिनीहरूलाई छुटकारा दिनुहुन्छ।”
यसको अर्थ परमेश्वरको भय मान्ने मानिसको जीवनमा कहिल्यै समस्या आउँदैन भन्ने होइन।
समस्या आउँछ। दुःख आउँछ। परीक्षा आउँछ। कहिलेकाहीँ धेरै कठिन परिस्थिति पनि आउँछ।
तर फरक कुरा यत्ती हो कि त्यस्तो समयमा हामी एक्लै हुँदैनौँ तर परमेश्वर हाम्रो साथमा हुनुहुन्छ।
धर्मी मानिसलाई धेरै विपत्ति आइपर्न सक्छ, तर परमप्रभुले उसलाई ती सबैबाट छुटकारा दिनुहुन्छ।
त्यसैले परमेश्वरको भयमा जिउने मानिसले कठिन समयमा पनि भन्न सक्छ—
“मेरो अवस्था कठिन छ, तर मेरो परमेश्वर मेरो कठिन भन्दा माथी हुनुहुन्छ।”
भजनसंग्रह २३
१. परमप्रभु मेरा गोठाला हुनुहुन्छ, मलाई केही कुराको अभाव हुँदैन।
५. मेरा शत्रुहरूका सामुन्ने तपाईंले मेरो निम्ति भोज तयार पार्नुहुन्छ। तपाईंले मेरो शिर तेलले अभिषेक गर्नुहुन्छ, मेरो कचौरो भरिएर पोखिन्छ।

३. परमेश्वरको भयले पापदेखि अलग गर्छ !
योसेफले परमेश्वरको डर राखे जसले पापदेखी अलग गर्‍यो, उसलाई कसैले पनि नदेखेको जस्तो लाग्न सक्थ्यो। तर उनले परमेश्वरलाई सम्झिए।
उनले पापलाई मानिसको आँखाबाट मात्र हेरेनन्, परमेश्वरको आँखाबाट हेरे।
परमेश्वरको भय भएको मानिसले कुनै पनि गलत काम गर्न डराउँछ। किनभने उसलाई थाहा हुन्छ कि मानिसले नदेखे पनि परमेश्वरले देखिरहनुभएको छ।
त्यसैले परमेश्वरको भय भएको मानिसले पापसँग सम्झौता गर्दैन।

आदरणीय प्रभुका जनहरू
के तपाईं योसेफको जस्तै बाटो भएर जानुभएको छ? अथवा त्यो समयमा तपाईंको प्रतिक्रिया कस्तो (भयो) वा हुन्छ?
आज हामीले आफैँलाई एउटा प्रश्न सोधौँ—
म कसको डरमा जिइरहेको छु?
मानिसको डरमा कि परमेश्वरको भयमा?
मानिसको डरले हामीलाई बाँध्न सक्छ।
तर परमेश्वरको भयले हामीलाई सही बाटोमा हिँड्न सिकाउँछ।
परमेश्वरको भयले पापबाट टाढा राख्छ।
परमेश्वरको भयले वचन पालन गर्न सिकाउँछ।
परमेश्वरको भयले परिवार बलियो बनाउँछ।
परमेश्वरको भयले मण्डलीमा जिम्मेवार बनाउँछ।
परमेश्वरको भयले संसारको दबाबमा पनि विश्वासयोग्य बनाउँछ।
परमेश्वरको भयले कठिन समयमा पनि परमेश्वरमाथि भरोसा गर्न सिकाउँछ।
परमेश्वरको भयले पापदेखी भाग्न सिकाउँछ !
त्यसैले आजदेखि हामीले एउटा निर्णय गरौँ:-
“म मानिसको डरमा होइन, परमेश्वरको भयमा जिउनेछु।
परिस्थिति र मेरो अगाडी लोभलाग्दो कुरा वा मनलाई खिच्ने जस्तोसुकै कुरा आए पनि परमेश्वरको वचन र डरमा हिड्ने छु, उहाँको साथ छोड्नेछैनँ।
भजनसंग्रह ११९
११. तपाईंको विरुद्धमा पाप नगरूँ भनेर, तपाईंको वचन मैले मेरो हृदयमा सुरक्षित राखेको छु।
भजनसंग्रह ११९
१०. म आफ्नो सम्पूर्ण हृदयले तपाईंलाई खोज्छु, तपाईंका आज्ञाहरूबाट मलाई बहकेर जान नदिनुहोस्।
म पापसँग सम्झौता गर्नेछैनँ।
मेरो जीवन हेरेर मेरो आउने पुस्ताले पनि परमेश्वरको भय सिक्न सक्ने गरी जिउनेछु।”
किनभने परमेश्वरको भयमा सुरक्षा छ।
-QNCM Doha, Qatar

#आजकोवचन #नेपालीमण्डली #कतार

04/09/2026

QNCM 4th September Morning Worship Service.

02/09/2026

आत्मिक कुरा बुझ्न हृदय कान खोल्न जरुरी छ!
Qatar Nepalese Christian Ministries
~ Doha -Qatar~
Date:- 02 September 2026
आजको वचन
"जसको कान छ, त्यसले सुनोस्। मण्डलीलाई परमेश्वर के भन्नुहुन्छ" प्रकाश ३:६
मत्ती ११:१५. जसको सुन्ने कान छ, त्यसले सुनोस्।

पवित्र शास्त्र बाइबलमा येशू ख्रीष्टले धेरै पटक प्रयोग गर्नुभएको यो वाक्य केवल शारीरिक कानले सुन्ने क्षमताको बारेमा होइन। यो हाम्रो हृदयको अवस्था र परमेश्वरको वचन ग्रहण गर्न सक्ने हाम्राे क्षमताको बारेमा दर्शाइएको हो।

संसारमा हामी चारैतिरबाट अनेकौं प्रकारका आवाजहरूले घेरिएका छौं, कति साँचो सत्य त कति झुट्टा तर हामी के असल आवाजलाई साँचो परमेश्वरको आवाज सुनिरहेका छौं?

सबै मानिसहरूसँग सुन्ने शारीरिक कान हुन्छ, तर बाइबलले 'आत्मिक कान' को कुरा गर्दछ।
शारीरिक सुनाइ भनेको ध्वनि तरंगहरू ग्रहण गर्ने प्रक्रिया हो। धेरै मानिसहरूले येशूका कुराहरू सुनेका थिए, तर तिनले बुझेनन्। तर आत्मिक सुनाइ भनेको केबल कानसम्म आवाज पुग्नु होइन, तर सुनिएको कुरालाई हृदयमा राखेर त्यसअनुसार जीवन जिउनु हो। बाइबलले भनेकाे सुनाइ केवल आवाज सुन्नु मात्र हाेइन तर वचनलाइ 'मान्नु' वा वचनकाे आज्ञाकारितामा जिउनु हो।

येशूले भन्नुभयो कि मानिसहरू देख्दा पनि देख्दैनन् र सुन्दा पनि सुन्दैनन् (मत्ती १३:१३)। यसका मुख्य कारणहरू यी हुन्:
१. हृदयको कठोरता: कठाेरमन वा घमण्डले भरिएको हृदयले सत्यलाई स्वीकार गर्न सक्दैन।
२ सांसारिक चिन्ता र अलमल: जीवनका भौतिक आवश्यकता र चिन्ताहरूले परमेश्वरको आवाजलाई परमेश्वरको बाेलावटलाई दबाइदिन्छन्।
३. आत्मिक चेतनाको कमी: पवित्र आत्माको सहायता बिना परमेश्वरको गहिराइ बुझ्न कठिन हुन्छ।
हामीले कसरी हाम्रो 'आत्मिक कान' लाई सक्रिय राख्न सक्छौं?
१. नम्रतामा जिउनु: याकूब १:२१ मा यसरी लेखिएको छ, "यसैकारण सबै फोहोर कुरा र समस्त दुष्टतालाई हटाउ र तिमीहरूका हृदयमा रोपी राखेको वचन नम्रतापूर्वक धारण गर जसले तिमीहरुका प्राणलाई उद्धार गर्न सक्छ।" जब हामी नम्र हुन्छौं, तब मात्र सत्य हाम्रो हृदयमा रोपिन्छ।
२. नियमित बाइबल अध्ययन र प्रार्थना: परमेश्वरको आवाज उहाँको लिखित वचनमा छ। जति बढी हामी वचनमा समय बिताउँछौं, उति नै उहाँको स्वरलाई चिन्ने क्षमता बढ्छ।
३. पवित्र आत्मामा भर पर्नुहोस्: येशूले भन्नुभयो, "सत्यका आत्माले तिमीहरूलाई सम्पूर्ण सत्यमा डोर्‍याउनुहुनेछ" (यूहन्ना १६:१३)।
वचनले हाम्रो जीवनलाई सुधार्छ।
परमेश्वरको इच्छा मेराे जीवनमा के रहेछ त भनेर जान्दछ, अलमलको ठाउँहरूमा स्पष्टता आउँछ,
अनन्त जीवनको फल फलाउँछ, सुन्ने र पालन गर्ने मानिस 'असल माटो' जस्तै हुन्छ, जसले सय गुणा फल फलाउँछ।
"जसको कान छ, त्यसले सुनोस्" भन्ने निमन्त्रणा परमेश्वरको प्रेमको निमन्त्रणा हो। उहाँ हामीसँग बोल्न चाहनुहुन्छ। आज तपाईँको हृदय कस्तो छ? के तपाईँका कानहरू यस संसारका कोलाहलले भरिएका छन्, कि तपाईँ आफ्नो सृष्टिकर्ताको कोमल आवाज सुन्न तयार हुनुहुन्छ?
आउनुहोस्, हामी हाम्रो हृदयलाई खोलौँ र परमेश्वरको स्वरलाई सुन्ने र त्यसअनुसार जिउने कृपा मागौँ।
QNCM एल्डर दामोदर घिमिरे

#आजकोवचन #नेपालीमण्डली #कतार

𝐐𝐍𝐂𝐌

13/09/2026

11/09/2026

10/09/2026

09/09/2026

08/09/2026

06/09/2026

04/09/2026

04/09/2026

02/09/2026

Address

Opening Hours

Telephone

Website

Alerts

Contact The Place Of Worship

Shortcuts

Share

Category

Listing takedown request

Tuesday	19:00 - 21:00
Thursday	19:00 - 23:00
Friday	00:00 - 00:00