29/07/2025
Калі шчыра — пілігрымка гэта не турызм. Гэта вельмі весела і насычана, але ўсё ж такі цяжка. Дык навошта гэта цярпець?
Пілігрымка з Варшавы ў Кодань і Кастамлоты — гэта 7 дзён у дарозе. Кожны дзень пілігрымы праходзяць ад 26 да 34 кіламетраў.
І на гэтай дарозе хапае цяжкасцей:
– мазалі, алергіі, боль у суставах
– спёка, дождж, вецер
– пыльныя ці разбітыя шляхі
– размовы па-польску з незнаёмцамі (не ўсім лёгка)
– кароткі сон
Гэта ўжо чацвёртая такая пілігрымка, і кожная перажываецца па-свойму. Хтосьці летась ледзь цягнуў ногі — а цяпер ляціць, як на крылах. А ўчорашнія «шчасліўчыкі» сёння ледзь паспеваюць мяняць бінты.
Дык навошта людзі бяруць адпачынак на працы, каб прайсці такі шлях?
Бо ўсе ідуць з намерам, інтэнцыяй.
Хтосьці дзякуе Богу, хтосьці просіць, хтосьці шукае адказы.
І ўсе моляцца за беларусаў і за Беларусь.
Дарога становіцца метафарай жыцця —
цяжкасці шляху дапамагаюць сустрэцца з сабой,
са сваімі слабасцямі, страхамі, пыхай.
І тады з’яўляецца ўнутраная ціша,
у якой чуваць голас Бога. #пілігрымка
