13/01/2026
Поздравляем с праздником ☦️❤️!
Тропа́рь по пло́ти обре́зания Го́спода на́шего Иису́са Христа́, глас 1
На Престо́ле огнезра́чнем/ в Вы́шних седя́й со Отце́м Безнача́льным и Боже́ственным Твои́м Ду́хом,/ благоволи́л еси́ роди́тися на земли́/ от Отрокови́цы Неискусому́жныя, Твоея́ Ма́тере, Иису́се,/ сего́ ра́ди и обре́зан был еси́, я́ко Челове́к осмодне́вный./ Сла́ва всеблаго́му Твоему́ сове́ту,/ сла́ва смотре́нию Твоему́,/ сла́ва снисхожде́нию Твоему́, Еди́не Человеколю́бче.
Тропарь второго святого
Тропарь свт. Васи́лия Великаго, архиепископа Кесарии Каппадокийской, глас 1
Во всю зе́млю изы́де веща́ние твое́,/ я́ко прие́мшую сло́во твое́,/ и́мже боголе́пно научи́л еси́,/ естество́ су́щих уясни́л еси́,/ челове́ческия обы́чаи украси́л еси́,/ ца́рское свяще́ние, о́тче преподо́бне,/ моли́ Христа́ Бо́га/ спасти́ся душа́м на́шим.
Сла́ва Отцу́, и Сы́ну, и Свято́му Ду́ху.
Кондак второго святого
Кондак свт. Васи́лия Великаго, архиепископа Кесарии Каппадокийской, глас 4
Явился еси́ основа́ние непоколеби́мое Це́ркве,/ подая́ всем некрадо́мое госпо́дьство челове́ком,/ запечатле́я твои́ми веленьми,/ небоявле́нне Васи́лие преподо́бне.
И ны́не, и при́сно, и во ве́ки веко́в. Ами́нь.
Кондак праздника/святого
Конда́к по пло́ти обре́зания Го́спода на́шего Иису́са Христа́, глас 3
Всех Госпо́дь обре́зание терпи́т/ и челове́ческая прегреше́ния, я́ко Благ, обре́зует,/ дае́т спасе́ние днесь ми́ру./ Ра́дуется же в Вы́шних и Созда́телев иера́рх,/ и светоно́сный, Боже́ственный таи́нник Христо́в Васи́лий.
