Sultan ul Hind - Silsila Aalia Chishtia

09/06/2023

یہ وہ غزل ہے جس کی سماع کے دوران حضرت خواجہ قطب الدین بختیار کاکی رح کا وصال ہو گیا تھا۔ آپ کا اتنا بلند مقام تھا کہ آپ سلطان الہند الولی خواجہ معین الدین چشتی اجمیری رح کے مُرید اور خلیفہ تھے۔آپ کا مزار اقدس دہلی شہر کے ایک علاقہ مہرولی شریف میں واقع ہے۔ مزار شریف آپ کے خلیفہ حضرت بابا فریدالدین گنج شکر رح نے اپنے مرشدِکریم کے حکم کے مطابق بذاتِ خود اُستوار فرمایا۔
یہ غزل چشتیہ سلسلہِ طریقت کے اکابر شیوخ میں سے ایک شیخ حضرت خواجہ احمد جام چشتی رح کا شاہکار کلام ہے ۔

————————————————-

منزلِ عِشق از مکانِ دیگر است
مردِ اِیں راہ را نِشانِ دیگر است

عِشق کی منزل اور جگہ سے ہے اِس راہ کے مرد کا نِشان اور ہے

عقل کہ داند کہ ایں رمزِ کُجاست
کاں جماعت را نِشانِ دیگر است

عقل کو کیا معلوم کہ یہ راز کیا ہے ؟ اِس جماعت کا تو نِشان ہی اور ہے

عاشقانِ خواجگانِ چِشت را
از قدم تا سر نِشانِ دیگر است

خواجگانِ چِشت کے عُشاق سر تا پا اور نِشان رکھتے ہیں

کِشتگانِ خنجرِ تسلیم را
ہر زماں از غیب جانِ دیگر است

جو تسلیم و رضا کے خنجر سے قتل ہوتے ہیں
اُنہیں غیب سے ہر آن ایک نئی جان عطا ہوتی ہے

عِشق را در مدرسہ تعلیم نیست
ایں چُنیں عِلمت بیانِ دیگر است

عِشق کو مدرسوں میں نہیں پڑھایا جاتا،اِس قِسم کے عِلم کے لئے اور بیان درکار ہے

بر سَرِ بازار صرافان عِشق
زیر ہر دارِ جوانِ دیگر است

عِشق کا قیمتی سودا رکھنے والے بازار میں ہر سولی کے نیچے ایک جوان اور ہے

دِل خورد زخمے زدیدہ خوں چکد
ایں چُنیں تیر از کَمانِ دیگر است

دِل زَخمی ہے اور آنکھوں سے خوں ٹپکتا ہے،اِس قِسم کا تِیر اور قِسم کی کمان سے چلتا ہے

احمدا تا گُم نہ کر دی ہوش را
کایں جرس از کاروانِ دیگر است

احمد تا کہ تو اپنے ہوش نہ کھو بیٹھے یہ جرس ایک اور قافلے سے ہے

کلام ؛ حضرت خواجہ شیخ احمد جام چِشتی رح

🌸🌸🌸

04/02/2023

10/09/2022

اور جب تمہارے پروردگار نے تمہیں آگاہ کر دیا کہ اگر تم شکرگزاری کرو گے تو بیشک میں تمہیں زیادہ دونگا اور اگر تم ناشکری کرو گے تو یقیناً میرا عذاب بہت سخت ہے ۔
(سورہ ابراہیم آیت 7)

10/09/2022

تم نمازیں قائم رکھو اور زکوۃ دیتے رہا کرو اور جو کچھ بھلائی تم اپنے لئے آگے بھیجو گے، سب کچھ اللّٰه کے پاس پالو گے، بیشک اللّٰه تعالٰی تمہارے اعمال کو خوب دیکھ رہا ہے
(سورہ البقرہ آیت 110)

21/06/2022

‏ربیع بن سلیمان رحمۃ اللہ علیہ کہتے ہیں کہ میں حج کے لیے جا رہا تھا، میرے ساتھ میرے ساتھی بھی تھے... جب ھم کوفہ پہنچے، تو وہاں ضروریاتِ سفر خریدنے کیلئے بازاروں میں گھوم رہا تھا کہ دیکھا... ایک ویران سی جگہ میں ایک خچر مرا ہوا تھا اور ایک عورت جس کے کپڑے بہت پرانے بوسیدہ سے تھے ‏چاقو لیے ہوئے اُس کے گوشت کے ٹکڑے کاٹ کاٹ کر ایک زنبیل میں رکھ رہی تھی...
مجھے یہ خیال ہوا کہ یہ مردار گوشت لے جا رہی ہے، اس پر سکوت ہر گز نہیں کرنا چاہیے، شاید یہ عورت لوگوں کو یہ ہی پکا کر کھلاتی ہو... سو میں چپکے سے اس کے پیچھے ہو لیا، اس طرح کہ وہ مجھے نہ دیکھے... وہ عورت ‏ایک بڑے مکان میں پہنچی جس کا دروازہ بھی اونچا تھا...
اس نے جا کر دروازہ کھٹکھٹایا، اندر سے آواز آئی کون ہے...؟
اس نے کہا کھولو، میں بد حال ہوں، دروازہ کھولا گیا اور گھر میں چار لڑکیاں نظر آئیں، جن کے چہرے سے بد حالی اور مصیبت کے آثار ظاہر ہو رہے تھے، وہ عورت اندر آ گئی اور ‏زنبیل اُن لڑکیوں کے سامنے رکھ دی...
میں کواڑوں کی درزوں سے جھانک رہا تھا، میں نے دیکھا اندر سے گھر بلکہ برباد اور خالی تھا...
اُس عورت نے روتے ہوئے لڑکیوں سے کہا:
”اِس کو پکا لو اور اللہ کا شکر ادا کرو“
وہ لڑکیاں گوشت کاٹ کاٹ کر اُس کو آگ پر بھوننے لگیں. مجھے بہت تکلیف ہوئی ‏میں نے باہر سے آواز دی...
اے اللہ کی بندی! اللہ کے واسطے اِس کو نہ کھا...
وہ کہنے لگی تُو کون ہے...؟
میں نے کہا : میں ایک پردیسی آدمی ہوں...!
اُس نے جواب دیا :
” تُو ھم سے کیا چاہتا ہے... ؟ 3 سال سے نہ ھمارا کوئی معین اور نہ کوئی مدد گار ہے، تو کیا چاہتا ہے... ؟“ ‏میں نے کہا : مجوسیوں کے ایک فرقہ کے سِوا مردار کا کھانا کسی مزہب میں جائز نہیں...!
وہ کہنے لگی : ” ھم خاندانِ نبوت کے شریف (سید) ہیں... اِن لڑکیوں کا باپ بڑا شریف آدمی تھا، وہ اپنے ہی جیسوں سے اِن کا نکاح کرنا چاہتا تھا... لیکن نوبت نہ آئی، اُس کا انتقال ہو گیا، جو ترکہ ‏اس نے چھوڑا تھا، وہ سب ختم ہو گیا... ھمیں معلوم ہے کہ مردار کھانا جائز نہیں، لیکن اضطرار میں جائز ہوتا ہے... ھمارا چار دن کا فاقہ ہے... “
ربیع کہتے ہیں... اس کے حالات سُن کر میں بے چین ہو گیا اور اپنے ساتھیوں سے آکر کہا :
” میرا تو حج کا ارادہ نہیں رہا “ سب نے سمجھایا، لیکن میں ‏نے کسی کی نہیں سنی... میں نے اپنے کپڑے اور احرام کی چادریں اور جو سامان میرے ساتھ تھا، وہ سب لیا اور نقد چھ سو درم تھے وہ لیے اور ان میں سے سو درم کا آٹا خریدا اور باقی درم آٹے میں چُھپا کر اُس بڑھیا کے گھر پہنچا اور یہ سب سامان اور آٹا وغیرا اس کو دے دیا... ‏” اس نے شکریہ ادا کیا اور کہنے لگی ...
اے ابنِ سلیمان! اللہ تیرے اگلے پچھلے گناہ معاف کرے اور تجھے حج کا ثواب عطا کرے اور اپنی جنت میں تجھے جگہ عطا فرمائے اور ایسا بدل عطا فرمائے جو تجھے بھی ظاھر ہو جائے... “
ربیع کہتے ہیں... حج کا قافلہ روانہ ہو گیا، میں اُن کے ‏استقبال کے لیے کوفہ ہی رُکا رہا تا کہ اُن سے اپنے لیے دعا بھی کرواؤں... جب حجاج کا ایک قافلہ میری آنکھوں کے سامنے سے گزرا تو مجھے اپنے حج سے محروم رہ جانے پر بہت افسوس ہوا اور رنج سے میرے آنسو نکل آئے...
جب میں اُن سے ملا تو میں نے کہا...
” اللہ تعالٰی تمہارا حج قبول کرے اور ‏تمہارے اخراجات کا تمہیں بدلہ عطا فرمائے... “
اُن میں سے ایک نے کہا کہ یہ کیسی دُعا ہے...؟
میں نے کہا : اُس شخص کی دعا جو دروازہ تک کی حاضری سے محروم ہو... وہ کہنے لگے بڑے تعجب کی بات ہے، اب تُو اِس سے بھی انکار کرتا ہے کہ تُو ہمارے ساتھ عرفات کے میدان میں نہ تھا...؟
تُو نے ھمارے ‏ساتھ رمی جمرات نہیں کی...؟
تُو نے ہمارے ساتھ طواف نہیں کیے...؟
میں اپنے دل میں سوچنے لگا : یہ اللہ کا لُطف ہے... اتنے میں میرے شہر کے حاجیوں کا قافلہ آ گیا...
میں نے کہا : اللہ تعالٰی تمہاری سعی مشکور فرمائے، تمہارا حج قبول فرمائے...
وہ بھی کہنے لگے : تُو ہمارے ساتھ عرفات میں ‏نہیں تھا...؟ رمی جمرات نہیں کی تُو نے ہمارے ساتھ...؟ اب تو انکار کر رہا ہے... اُن میں سے ایک شخص آگے بڑھا اور کہنے لگا :
بھائی انکار کیوں کرتے ہو...؟
تم ہمارے ساتھ مکہ میں نہیں تھے یا مدینہ میں نہیں تھے...؟
جب ھم قبر اطہر کی زیارت کر کے بابِ جبرئیل سے باہر کو آ رہے تھے، ‏اُس وقت اژدھام کی کثرت کی وجہ سے تم نے یہ تھیلی میرے پاس امانت رکھوائی تھی...” جس کی مہر پر لکھا ہوا ہے... مَن عَاملَنَا رَبَحَ (جو ہم سے معاملہ کرتا ہے، نفع کماتا ہے )“
اس نے کہا یہ لو اپنی تھیلی واپس...
ربیع رحمۃ اللہ علیہ کہتے ہیں، میں نے اُس تھیلی کو کبھی اس سے پہلے ‏دیکھا بھی نہ تھا... اس کو لے کر میں گھر واپس آیا، عشاء کی نماز پڑھی... اپنا وظیفہ پورا کیا... اِسی سوچ میں جاگتا رہا کہ آخر یہ قصہ کیا ہے...؟
اِسی کشمکش میں آنکھ لگ گئی، تو میں نے حضور اکرم ﷺ کی خواب میں زیارت کی، حضور اکرم ﷺ نے تبسم فرماتے ہوئے ارشاد فرمایا...
” اے ربیع! ‏آخر ھم کتنے گواہ اِس پر قائم کریں کہ تُو نے حج کیا ہے...؟
تُو مانتا ہی نہیں، بات یہ ہے کہ جب تُو نے اُس عورت پر جو میری اولاد میں سے تھی، خرچ کیا اور اپنا حج کا ارادہ ملتوی کیا، تو اللہ نے اس کا نعم البدل تجھے عطا فرمایا...” اللہ نے ایک فرشتہ تیری صورت بنا کر، اُس کو حکم دیا کہ ‏وہ قیامت تک ہر سال تیری طرف سے حج کیا کرے اور دنیا میں تجھے یہ عوض دیا کہ چھ سو درم کے بدلے چھ سو دینار (اشرفیاں) عطاء کیں... “
ربیع رحمۃ اللہ علیہ کہتے ہیں، جب میں سو کر اٹھا تو اس تھیلی کو کھول کر دیکھا تو اس میں چھ سو اشرفیاں موجود تھیں...!!

07/02/2022

اقوالِ سلطان الہند خواجہ غریب نواز سیّدنا معینُ الدّین حسن چشتی اجمیری رحمۃُ اللّٰہ علیہ
درویش وہ ھے جو کسی حاجت مند کو محروم نہ لوٹائے
منزلِ حق کے حُصول کیلئے نماز نہایت ضروری ھے کیونکہ مومن کی معراج ہی نمازھے۔
گناہ کرنے سےہمیں اتنا نقصان نہیں پہنچتا ۔۔۔۔۔ جتنا کسی مسلمان بھائی کوذلیل و خوارکرنے سے پہنچتا ھے۔
جسمیں یہ تین خُوبیاں ہوں ‘ سمجھ لو ُخدا اسے دوست رکھتا ھے۔
۱۔ دریا جیسی سخاوت۔۔۔۲۔ آفتاب جیسی شفقت۔۔۔۳۔ زمین جیسی تواضع
توکّل کی نشانی یہ ھےکہ مخلُوقِ خُدا سے خواہ کتی ھی تکلیف پہنچے ‘ شکوہ وشکایت نہ کرے۔

07/02/2022

خواجہ غریب نواز رحمۃ اللّٰہ علیہ کے تمام مریدین اور عاشقان سلسلہ چشت اہل بہشت کو جدی و مولائی حضور خواجہ غریب نواز سید معین الدین حسن چشتی اجمیری سنجری کا عرس پاک بہت مبارک ہو