28/10/2024
ڇا واقعي #اسلام انسانيت لاءِ ڪجھ ناھي ڪيو ؟
ٰ_چنا
اسان جا لوڪل لبرل ، سُوڌا سيڪيولر جيڪي بظاھر ڪنھن به مذھب کي ذاتي معاملي تائين محدود ڪن ٿا ۽ درباري دھريا جيڪي بظاھر تمام ئي مذھبن جو انڪار ڪن ٿا پر اھي سڀ پنھنجي وِت آھر ٻِيٽ ڏئي اسلام خلاف زور ڏين ٿا جنھن ۾ ڀلي کين حقيقت ڏسڻ ۽ مڃڻ وقت صم بڪم عمي جي مھر لڳائڻي پئجي وڃين ته اھا به لڳائيندا ، گذريل ڏينھَن ۾ اھڙو ئي ھڪ اسان جي پاڪستان جو سابقا شھري جيڪو ھاڻي امريڪي بوٽ پالش لاءِ مستقل اتان جو رھائشي آھي اسلام ۽ مسلمان دشمني ۾ ھي ڪارٽون پوسٽ ڪري چئي پيو ته مسلمانن جي ۱۴۰۰ سالن جي تاريخ فقط قتل و غارت تي مشتمل آھي اسلام جي بنياد انساني کوپڙين جي ڍير تي آھي جڏھن ته يھودي وھواہ ڇا ته انھن جون انسانيت لاءِ خدمتون آھن ھيترا نوبل انعام ڏنا ويا اٿن .
ان سوچ رکندڙ ۽ حامين کي ٻُڏي مرڻ لاءِ سنڌو ندي جو پاڻي به نصيب نه ٿين جو اھو پاڻي به ضايع ٿيڻ آھي ، پاڻ کي ايترو وڏو دانشوڙ سمجھڻ واري شخص جي اڳيان اسلامي ترقي جو روشن دور جنھن تي ئي اڄوڪي ترقي جو دارومدار آھي نظر ئي نه آيو ، حيرت آھي نائين ، ڏھين ، يارھين صديءَ ۾ بغداد جيڪو عروس البلاد شھر بغداد پوري دنيا ۾ طب ، ڪيميا ، طبيعيات ، فلڪيات ، ارضيات ، فلسفي ۽ ٻين جديد علوم و فنون جو مرڪز ھيو يورپ اعليٰ تعليم لاءِ بين الاقوامي اداري دارالحڪمت يونيورسٽي ۾ تعليم حاصل ڪندو ھيو اھو سڀ نظر ئي نه آيو ؟
انھن ويساري جي بيماري جي مريضن کي ياد ڏياريندو وڃان ته دنيا جنھن شخص کي علم ڪيميا جو باني مڃيندي آھي ان کي جابر بن حيان چوندا آھن ، جيڪڏھن ڪيميا جي علم اڄ ترقي ڪئي آھي ته ان جي سڀ کان وڌيڪ ۽ غير معمولي خدمت جابر بن حيان جي آھي جيڪو يھودي نه مسلمان ھيو .
توھان جو ڪمپيوٽر جيڪو اڄوڪي تمام تحقيق جو بڻ ۽ بنياد آھي اھو علم رياضي جي شاخ لوگارٿم تي ئي مشتمل آھي ۽ لوگارٿم جو اَبو ، خوارزمي آھي جنھن ئي علم رياضي جي شاخن جيوميٽري ۽ لوگارٿم جو بنياد وڌو جنھن ڪري ئي اڄ اسان اسپيس ۽ خلاء تائين پھچڻ جون ڳالھيون ڪيون ٿا خوارزمي کي انساني تاريخ جو وڏي ۾ وڏو سائنسدان سمجھيو وڃي ٿو.
طب جي حوالي سان ابن سينا جو درجو طب جي ابن ڏاڏن جي برابر آهي. آپريشن ۽ آريشن جا آلات ، انساني جسم جي اعضاء جي سکيا ابن سينا ئي تفصيل سان ڏني ان کان سواءِ طبعي علوم، رياضيات، مابعد الطبعيات ۽ منطق ۾ سندس مهارت ڪنهن کان به گهٽ نه آهي
مسلمان سائنسدانن جي لسٽ تمام گھڻي ڊگھي آھي جنھن جو ڪجھ حصو اسان جي اسڪولي نصاب ۾ به موجود آھي ان ڪري مان وڌيڪ تفصيل ۾ نه ٿو وڃان پر ھڪ سوال اھو به ڪيو ويندو آھي ته اڄوڪا مسلمان حد درجي جي تنزلي ۾ ڇو ؟ انھن لاءِ ٻہ مثال اڄوڪي مسلمانن جا جيڪي اڄوڪي دور ۾ به سائنسي ميدان ۾ انقلاب آڻي چڪا آھن مثال طور
احمد حسن زويل هن کي ڪيميا جي هڪ شاخ فيمٽو ڪيميا جو باني چيو ويندو آهي کيس 1999 ۾ ڪيميا جو نوبل انعام ڏنو ويو ائين ئي
عزيز سنجر ھڪ ترڪي بايو ڪيمسٽ آھي جيڪو ڊي اين اي جي جوڙ جڪ ۽ جيو گھرڙي جي معلومات جو ماھر آھي کيس ۲۰۱۵ ۾ ڪيمسٽري جو نوبل انعام ڏنو ويو .
ان کانسواءِ امن ، ادب ۽ سياست جي ميدان ۾ نوبل انعام يافتہ مسلمان پڻ آھن پر جڏھن ڳالھ تحقيق کان نڪري ذاتي تنقيد تائين پھچي ته پوءِ مقابل جا گڻ به اوگڻ لڳندا آھن تنھنڪري انھن عقل کان عاري اقليت پسند لوڪل لبرل ، سُوڌا سيڪيولر ۽ درباري دھريا مسلمانن جي انساني ارتقا ۽ تعمير جون خدمتون اڳيان اچڻ وقت ڪبوتر جيان اکيون بند ڪندا آھن .
نوٽ: اھا صرف مسلمانن جي تاريخ جو مختصر حصو ٻڌايو آ يھودين جون مڪاريون بيان ڪرڻ لاءِ ڪتاب به گھٽ آھي جنھن قوم کي ھي باشعور چئي رھيا آھن
