31/10/2025
مسجد وہ مقام ہے جہاں زمین آسمان سے جڑتی ہے، جہاں بندہ اپنے رب کے حضور جھکتا ہے، اور جہاں دل سکون پاتےہیں۔
قرآن پاک میں اللہ تعالیٰ کا فرمان ہے:۔
اللہﷻ کی مسجدوں کو وہی آباد کرتے ہیں جو اللہ ﷻاور قیامت کے دن پر ایمان لاتے ہیں، اور نما ز قائم کرتے ہیں، اور زکوٰۃ دیتے ہیں، اور اللہﷻ کے سوا کسی سے نہیں ڈرتے، تو عنقریب یہ لوگ ہدایت والوں میں سے ہوں گے۔
(سورہ التوبہ: 18)
اللہ تعالیٰ کے گھر کی خدمت ایک عظیم سعادت ہے، جو انہی خوش نصیب لوگوں کو نصیب ہوتی ہے جن کے دل ایمان، اخلاص اور محبتِ دین سے لبریز ہوں۔ انہی خوش نصیبوں میں ہمارے محترم بھائی (عدنان فاروق صاحب) شامل ہیں، جنہوں
نے تھوڑا عرصہ قبل اپنی ذاتی کاوش سے، بغیر کسی کے کہے
مسجد میں ایک عدد AC نصب کیا
جبکہ ابھی حال ہی میں انہوں نے اپنے محلے سے کافی فاصلہ ہونے کے باوجود ہمارے محلے کی مسجد (مسجد در مصطفٰی ﷺ) ڈھلے والی کے لیے قالین بھی مہیا کیا، تاکہ عبادت گزاروں کو مزید سہولت حاصل ہو۔
قابلِ قدر بات یہ ہے کہ کسی نے ان سے اس خدمت کی درخواست نہیں کی، بلکہ انہوں نے یہ کام اپنی خوشی اور اخلاص کے جذبے سے انجام دیا۔اور ہم سے پرزور اصرار کیا کہ مجھے اس خدمت کا موقع دیا جائے۔
ہم اہلِ محلہ ان کے اس عمل پر دل سے شکر گزار ہیں۔
اسی طرح ہمارے محلے کے دیگر افراد بھی مسجد کی خدمت میں بڑھ چڑھ کر حصہ لیتے ہیں۔ سب اپنی توفیق اور استطاعت کے مطابق تعاون کرتے ہیں۔ کسی ایک کا نام لینا مناسب نہیں، کیونکہ الحمدللہ پورا محلہ مسجد سے محبت اور خدمت میں متحد ہے۔
دعا ہے،کہ اللہ تعالیٰ ان کی نیکی قبول فرمائے، ان کے رزق و عمر میں برکت دے، اور اہلِ محلہ کو مزید اتحاد عطا فرمائے۔اور ہم سب کو بھی خلوص دل سے ﷲﷻ کے گھر کی خدمت کرنے کی توفیق عطا فرمائے،آمین۔
منجانب:اہل محلہ
