Kareem ul Hujjaj Hajj & Umrah Services کریم الحجاج حج اینڈ عمرہ سروسز

  • Home
  • Pakistan
  • Shikarpur
  • Kareem ul Hujjaj Hajj & Umrah Services کریم الحجاج حج اینڈ عمرہ سروسز

Kareem ul Hujjaj Hajj & Umrah Services کریم الحجاج حج اینڈ عمرہ سروسز Welcome to the Official page of shikarpur sindh hajj & umrah services. jahaz Chowk Pizza Fame,_
2,City post office SHIKARPUR

شب معراج عمرہ پیکیج روانگی 6جنوری واپسی 25جنوری298,000.١٩ دن
24/12/2025

شب معراج عمرہ پیکیج روانگی 6جنوری واپسی 25جنوری
298,000.١٩ دن

(حصہ اول )۔۔۔۔۔۔۔۔۔۔مدینہ منورہ۔۔۔۔۔۔۔۔۔۔۔۔ آقا کی خدمت میں حاضری درود وسلام اور دستورالعمل ...
05/03/2025

(حصہ اول )
۔۔۔۔۔۔۔۔۔۔مدینہ
منورہ۔۔۔۔۔۔۔۔۔۔۔۔
آقا کی خدمت میں حاضری
درود وسلام اور دستورالعمل

*روضہ اقدس کی زیارت*
رسول اللہ صلی اللہ علیہ وسلم نے فرمایا جس نے حج کیا اور اس کے بعد میری قبر کی زیارت کی میری وفات کے بعد تو وہ ( زیارت کی سعادت حاصل کرنے میں) انہی لوگوں کی طرح ہے جنہوں نے میری حیات میں میری زیارت کی۔( رواہ بیھقی)
رسول اللہ صلی اللہ علیہ وسلم نے فرمایا جس نے میری قبر کی زیارت کی اس کے لیے میری شفاعت واجب ہوگئ( ابن خزیمہ)
رسول اللہ صلی اللہ علیہ وسلم نے فرمایا جس شخص نے حج کیا اور میری زیارت نہ کی اس نے مجھ سے بدسلوکی کی۔
( رواہ ابن عدی بسند حسن)
رسول کریم صلی اللہ علیہ وسلم نے فرمایا جو شخص میری قبر کے پاس (کھڑے ہو کر) مجھ پر درود پڑھتا ہے میں خود اس کو سنتا ہوں ( رواہ بیھقی)
ف : رسول اکرم صلی اللہ علیہ وسلم اپنی قبر مبارک میں زندہ ہیں اور یہ بات جمہور امت کے مسلمات میں سے ہے، اس لئے آپ کے جو امتی قبر مبارک پر حاضر ہو کرسلام عرض کرتے ہیں آپ ان کا سلام سنتے ہیں
اور جواب دیتے ہیں
ایسی صورت میں وفات کے بعد آپ کی قبر مبارک پرحاضر ہونا اور سلام عرض کرنا اور ایک طرح کا بالمشافہ سلام پیش کرنے کے برابر ہے
جو بلا شبہ ایسی عظیم سعادت ہے جو ہر زائر کو تمام آداب کے ساتھ ہر قیمت پر حاصل کرنے کی کوشش کرنی چاہئے
(معارف الحدیث)
next: عظیم سعادت

ماخوذ : عمرہ کا طریقہ، مفتی عبدالرؤف صاحب سکھروی

05/03/2025

*اپنی غلطی کا اعتراف کریں اور تکبر سے بچیں۔
بہت سی مشکلات ایسی ہیں جن کی وجہ دو بھائیوں کی عداوت ایک دو سال،کئ برس یا ساری عمر جاری رہتی ہیں۔اس لئے اس مسئلے کا آسان ترین حل یہ ہے کہ ایک بھائی دوسرے سے کہ دے:
"غلطی میری تھی ۔ میں معذرت کرتا ہوں۔"
نفرت کی چنگاری بجھانے میں جلدی کیجئے، قبل اس سے کہ ان چنگاریوں آگ بھڑک اٹھے اور سب کچھ خاکستر کردے۔
" مجھے افسوس ہے۔" قصور میرا تھا۔" "آپ کا دل صاف ہے۔"
ہم انکسار اور تواضع کا مظاہرہ کرتے ہوئے لوگوں سے ایسے الفاظ کہنا سیکھ جائیں تو زندگی آسان اور خوشگوار ہوجائے!
دو جلیل القدر صحابہ ابوذر اور بلال رضی اللہ عنہما کے درمیان کسی بات پر جھگڑا ہوگیا ۔ ابوذر رضی اللہ عنہ نے غصہ میں سیدنا بلال رضی اللہ عنہ کو ابن السوداء(کالی کلوٹی حبشی کا بیٹا ) کہ دیا۔ بلال رضی اللہ عنہ نے اس کی شکایت رسول اللہ صلی اللہ علیہ وسلم سے کی۔ آپ نے ابوذر رضی اللہ عنہ کو بلایا اور دریافت کیا:
"کیا آپ نے بلال کو گالی دی؟"
ابوذر رضی اللہ عنہ نے کہا: جی ہاں، دی۔"
فرمایا:
" تو آپ نے ان کی والدہ کا ذکر کیا ہے؟"
کہا:" یا رسول اللہ! جو شخص لوگوں سے گالم گلوچ کرتا ہے، اس کے والدین کا ذکر کیا ہی جاتا ہے۔"
آپ نے فرمایا : " آپ میں جاہلیت ہے۔"
ابوذر رضی اللہ عنہ کا چہرہ پھیکا پڑگیا، بولے :" کیا بڑھاپے کی اس عمر میں بھی؟"
آپ صلی اللہ علیہ وسلم نے فرمایا:
"ہاں۔"
پھر رسول اللہ صلی اللہ علیہ وسلم نے انھیں ماتحتوں سے برتاؤ کا طریقہ سمجھاتے ہوئے فرمایا: " جنھیں اللہ نے تمھارے ماتحت کیا ہے وہ تمہارے بھائی ہی ہیں۔ جس کسی کا بھائی اس کا ماتحت ہو وہ اسے اپنا کھانا کھلائے اور اپنا لباس پہنائے، اس کے بس سے باہر کا کام نہ کہے، اگر کوئی چارہ نہ ہو تو ایسے کام میں اس کی مدد کرے"( السنن (الکبری للبیھقي : 7/8, وصحیح مسلم، حدیث : 1661۔)
یہ سن کر ابوذر رضی اللہ عنہ جا کر بلال رضی اللہ عنہ سے ملے ، معذرت کی اور بلال رضی اللہ عنہ کے سامنے زمین پر بیٹھ کر اپنا گال ننگے پرش پر رکھا اور کہا: " بلال! اپنا پاؤں میرے گال پر رکھ دو۔"
صحابہ کرام کا، رسول اللہ صلی اللہ علیہ وسلم کی تربیت کے باعث ، یہی مزاج تھا۔ وہ نفرت کی آگ بھڑکنے سے پہلے ہی اسے بجھانے کی کوشش کرتے تھے۔ اگر بالفرض آگ بھڑک اٹھتی تو اسے مزید پھیلنے سے روکتے۔
ابوبکر اور عمر رضی اللہ عنہما کے درمیان ذرا تلخ کلامی ہوگئی۔ عمر ناراض ہو کر چل دیئے۔
ابوبکر رضی اللہ عنہ کو ندامت ہوئی اور اس خدشے کے پیش نظر کہ معاملہ بڑھ جائے گا، عمر رضی اللہ عنہ کے پیچھے پیچھے گئے اور کہتے رہے: عمر ! مجھے معاف کردو۔"
عمر نے مڑ کر نہیں دیکھا۔ ابوبکر معذرت کرتے بےچارے پیچھے پیچھے جاتے رہے۔ عمر گھر پہنچے اور اندر جاکر دروازہ بند کرلیا۔
ابوبکر رسول اللہ صلی اللہ علیہ وسلم کی طرف گئے ۔ آپ نے انھیں دور سے آتے دیکھا،چہرے کا رنگ بدلا ہوا پایا تو فرمایا:
"لو، آپ کا یہ صاحب تو کسی مشکل میں گرفتار ہے۔"
ابوبکر رضی اللہ عنہ قریب آئے اور خاموشی سے بیٹھ گئے۔ چند لمحے ہی گزرے ہونگے کہ عمر رضی اللہ عنہ کو بھی اپنے رویے پر ندامت کااحساس ہوا۔ ان لوگوں کے دل روشن تھے۔
عمر بھی گھر سے نکلے اور کشاں کشاں رسول اللہ صلی اللہ علیہ وسلم کی مجلس میں چلے آئے۔ سلام عرض کیا اور آپ کی جانب بیٹھ گئے۔ ساری بات بتائی کہ کیسے انھوں نے ابوبکر سے بے رخی برتی اور ان کی معذرت قبول نہ کی۔
رسول اللہ صلی اللہ علیہ وسلم کو غصہ آگیا۔ ابوبکر نے آپ کے چہرے پر ناراضی کے آثار دیکھے تو کہنے لگے:
"یا رسول اللہ ! واللہ ! میرا ہی قصور تھا۔ غلطی میری ہی تھی۔"
یوں وہ عمر کا دفاع کرنے لگے۔
آپ صلی اللہ علیہ وسلم نے فرمایا:
" کیا آپ میری خاطر میرے صاحب کا پیچھا چھوڑتے ہیں؟ کیا آپ میری خاطر میرے صاحب کا پیچھا چھوڑتے ہیں؟ میں نے کہا تھا: " اے لوگوں! میں تم سب کی طرف اللہ کا رسول ہوں۔" آپ لوگوں نے جوابا کہا تھا: "تم جھوٹ کہتے ہو۔ اور ابوبکر نے کہا تھا: "آپ سچ کہتے ہیں۔" ( صحیح البخاری،حدیث:3661.
غلطی کا اعتراف کرنے سے آدمی چھوٹا نہیں ہوجاتا۔انکسار اور تواضع کا تقاضا بھی یہی ہے کہ انسان ہٹ دھرمی کے بجائے غلطی کا اعتراف کرنا سیکھے۔
حدیث میں آیا ہے:
"جو شخص اللہ تعالی کے لئے تواضع اختیار کرتا ہے، اللہ اسے بلند کردیتاہے۔(" صحیح مسلم،حدیث:2588.)

***ایک نظر ادھر بھی***
" اپنی غلطی کا اعتراف کرنا بڑاپن ہے۔"
ماخوذ:زندگی سے لطف اٹھائیے ،دکتورمحمد عبدالرحمن العریفی۔

شعبان ،رمضان پیکیج
14/02/2025

شعبان ،رمضان پیکیج

(حصہ اول )۔۔۔مدینہ منورہ۔۔۔۔ آقا کی خدمت میں حاضری درود وسلام اور دستورالعمل (حصہ اول ) *روضہ...
14/02/2025

(حصہ اول )۔۔۔مدینہ منورہ۔۔۔۔
آقا کی خدمت میں حاضری
درود وسلام اور دستورالعمل
(حصہ اول )
*روضہ اقدس کی زیارت*
رسول اللہ صلی اللہ علیہ وسلم نے فرمایا جس نے حج کیا اور اس کے بعد میری قبر کی زیارت کی میری وفات کے بعد تو وہ ( زیارت کی سعادت حاصل کرنے میں) انہی لوگوں کی طرح ہے جنہوں نے میری حیات میں میری زیارت کی۔( رواہ بیھقی)
رسول اللہ صلی اللہ علیہ وسلم نے فرمایا جس نے میری قبر کی زیارت کی اس کے لیے میری شفاعت واجب ہوگئ( ابن خزیمہ)
رسول اللہ صلی اللہ علیہ وسلم نے فرمایا جس شخص نے حج کیا اور میری زیارت نہ کی اس نے مجھ سے بدسلوکی کی۔
( رواہ ابن عدی بسند حسن)
رسول کریم صلی اللہ علیہ وسلم نے فرمایا جو شخص میری قبر کے پاس (کھڑے ہو کر) مجھ پر درود پڑھتا ہے میں خود اس کو سنتا ہوں ( رواہ بیھقی)
ف : رسول اکرم صلی اللہ علیہ وسلم اپنی قبر مبارک میں زندہ ہیں اور یہ بات جمہور امت کے مسلمات میں سے ہے، اس لئے آپ کے جو امتی قبر مبارک پر حاضر ہو کرسلام عرض کرتے ہیں آپ ان کا سلام سنتے ہیں
اور جواب دیتے ہیں
ایسی صورت میں وفات کے بعد آپ کی قبر مبارک پرحاضر ہونا اور سلام عرض کرنا اور ایک طرح کا بالمشافہ سلام پیش کرنے کے برابر ہے
جو بلا شبہ ایسی عظیم سعادت ہے جو ہر زائر کو تمام آداب کے ساتھ ہر قیمت پر حاصل کرنے کی کوشش کرنی چاہئے
(معارف الحدیث)
next: عظیم سعادت

ماخوذ : عمرہ کا طریقہ، مفتی عبدالرؤف صاحب سکھروی

عمرہ کا طریقہ(حصہ تیئس ) طواف اور سعی کےلئے خاص دعائیں۔۔۔💬 پہلے چکر میں یااللہ مجھے عبدیت کاملہ عطا فرما۔💬دوسرے...
15/12/2024

عمرہ کا طریقہ
(حصہ تیئس )

طواف اور سعی کےلئے خاص دعائیں۔۔۔

💬 پہلے چکر میں یااللہ
مجھے عبدیت کاملہ عطا فرما۔
💬دوسرے چکر میں یااللہ
مجھے اپنی رضا اور بخشش عطا فرما۔
💬تیسرے چکر میں یااللہ
مجھے اپنی برکت ورحمت عطا فرما۔
💬چوتھے چکر میں یااللہ
مجھے صحت وعافیت عطا فرما۔
💬پانچویں چکر میں یااللہ
مجھے عفت اور تقوی عطا فرما۔
💬چھٹے چکر میں یااللہ
مجھے اپنا فضل عظیم اور اجر عظیم عطا فرما۔
💬ساتویں چکر میں یااللہ
مجھے جنت الفردوس عطا فرما اور دوزخ سے نجات دینا۔آمین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملتزم اور مقام ابراہیم کےلئے
دعاء
یااللہ میرے قلب میں اپنی محبت بھرنا اور مجھے مکمل اتباع سنت کی توفیق عطا فرمانا اور میرا خاتمہ کامل اور خالص ایمان پر فرمانا۔ آمین
next: مدینہ منورہ
آقا کی خدمت میں حاضری
درود وسلام اور دستورالعمل

ماخوذ : عمرہ کا طریقہ مفتی عبدالرؤف صاحب سکھروی

January UMRAH pakage
11/12/2024

January UMRAH pakage

عمرہ کا طریقہ(حصہ بائیس)💬 مختصر معلومات برائے مکہ مکرمہ۔💬یہاں ہر نیکی کا ثواب ایک لاکھ کے برابر ہے، اس لئے درج ذیل نیکی ...
10/12/2024

عمرہ کا طریقہ
(حصہ بائیس)

💬 مختصر معلومات برائے مکہ مکرمہ۔
💬یہاں ہر نیکی کا ثواب ایک لاکھ کے برابر ہے، اس لئے درج ذیل نیکی کے کام کریں اور ہر نیک عمل پر ایک لاکھ کا ثواب پائیں:
* پانچوں نمازیں با جماعت مسجد حرام میں ادا کرنے کی کوشش کریں۔
* نفل طواف کثرت سے کریں،اور نفل عمرہ بھی کرتے رہیں۔
* استغفر الله اور درود شریف کی زیادہ سے زیادہ تسبیحات پڑھیں۔
* سبحان اللہ، الحمداللہ، اللہ اکبر، لا الہ الااللہ اور سبحان اللہ وبحمدہ سبحان اللہ العظیم کی تسبیحات پڑھیں، اور تیسرے کلمہ کی تسبیح پڑھیں، اگر ہو سکے تو ہر نماز کے بعد ان سب کی ایک ایک تسبیح سو دانے والی پڑھ لیا کریں، کہ یہ تسبیحات بڑے اجرو ثواب کا باعث ہیں، یہاں ہر تسبیح پر ایک لاکھ تسبیح کا ثواب ہے، گھر جا کر یہ ثواب کہاں ملے گا۔
* چلتے پھرتے، اٹھتے بیٹھتے اور لیٹے ہوئے لاالہ الا اللہ پڑھتے رہیں ، اور یہ کلمہ بہت مبارک ہے اور بہت زیادہ قرب خداوندی کا باعث ہے، ہوسکے تو ستر ہزار مرتبہ پڑھیں۔
* قرآن کریم کی تلاوت کریں،اگر ہوسکے تو ایک کلام پاک ختم کریں،اور مناجات مقبول کی عربی یا اردو کی ایک ایک منزل روزانہ پڑھ لیا کریں۔
* اشراق، چاشت، اوابین،تہجد، قیام اللیل، سنن زوال، تحیتہ المسجد، تحیتہ الوضو، صلوة التوبہ اور صلوة التسبیح کااہتمام کریں۔
* زیادہ سے زیادہ وقت مسجد میں گزاریں ، لیکن یاد الہی میں مشغول رہیں اور حرم شریف میں آتے وقت اعتکاف کی نیت بھی کرلیا کریں،اور دنیا کی باتوں سے پرہیز کریں۔
* صدقہ، خیرات کرتے رہیں،اور ایک دوسرے کی خدمت بجا لائیں،اور دوسروں سے جو تکلیف پہنچے انہیں برداشت کریں اور ہر حال میں اللہ تعالی کے رضا کے طالب رہیں۔
یہاں ہر نیکی کا ثواب ایک لاکھ کے برابر ہے،اور گناہ کا وبال بھی بہت سخت ہے، اس لئے فسق وفجور ، گندی باتیں، جھگڑا ، غیبت ،فضول باتوں اور فضول مجلسوں سے اجتناب کریں،اور وہاں کے احترام کے خلاف کوئی بات نہ کریں۔
* مکہ مکرمہ کے لوگوں کی برائ نہ کریں،ان کی سختی اللہ تعالی کےلئے برداشت کریں،اور اپنی برائیوں پر نظر رکھیں اور ان کی خوبیوں کو یاد رکھیں۔
* بلا ضرورت بازار میں نہ گھومیں اور اپنا قیمتی وقت ضائع نہ کریں، ضرورت کے تحت جانا پڑے تو جلد واپس آنے کی فکر میں رہیں
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔یہاں دعائیں قبول ہوتی ہیں۔۔۔
💬 مکہ معظمہ میں یوں تو ہر جگہ دعا قبول ہوتی ہے مگر مندرجہ ذیل مقامات پر دعا زیادہ قبول ہوتی ہے اس لئے ان مقامات پر دعا مانگنے کا خاص خیال رکھیں،لیکن نہ تو از خود عورتوں کے ہجوم میں داخل ہوں اور نہ کسی دوسرے کو تکلیف دیں۔
* خانہ کعبہ پر پہلی نظر پڑتے وقت اور مطاف میں ۔
* طواف کرتے وقت۔
* حجر اسود کے سامنے اور ملتزم پر۔
* "حطیم" میں، میزاب رحمت کے نیچے " رکن یمانی " پر اور مقام ابراہیم کے پاس،
* زمزم کے کنویں پر۔
* "صفا" پر درمیان میں جہاں دوڑتے ہیں اور" مروہ" پر۔
* " منی" میں جمرات کے پاس، " مسجد خیف " میں جہاں ستر انبیاء علیہم السلام مدفون ہیں عرفات میں۔
* "مزدلفہ" میں " مسجد مشعرالحرام " کے پاس۔
ہر اس جگہ پر جہاں سے خانہ کعبہ نظر آنے۔( الحیات القلوب)

۔۔۔۔۔۔۔۔۔۔۔۔چند زیارات۔۔۔۔۔۔۔۔۔۔۔۔۔
💬 مکہ معظمہ میں بہت سے مقامات ایسے ہیں جن سے آنحضرت صلی اللہ علیہ وسلم کی سیرت کے اہم واقعات وابستہ ہیں،ان مقامات کی زیارت حج و عمرہ کا حصہ تو نہیں ہے لیکن وہاں جاکر سیرت کے وہ واقعات یاد کرنے سے ایمان تازہ ہوتا ہے،اس لیے اگر مکہ مکرمہ میں رہتے ہوئے باآسانی موقعہ ملے اور ہمت و طاقت بھی ہو تو ان مقامات پر جانا اور زیارت کرنا اچھا ہے،اور ان مقامات پر اللہ تعالی کی رحمت سے قبولیت دعا کی بھی امید ہے لیکن وہاں جانا ضروری ہر گز نہیں ہے، اگر کوئی بلکل نہ جائے تو اس کے حج و عمرہ میں کچھ خلل نہیں آتا بلکہ زیادہ فکر حرم شریف کی حاضری کی ہونی چاہئے، کیونکہ کہ اصل زیارت گاہ وہی ہے۔
غارثور : جہاں ہجرت کے وقت رسول کریم صلی اللہ علیہ وسلم نے تین دن قیام پذیر ہوئےتھے۔
غار حرا : جہاں قرآن کریم کی پہلی آیت اتری۔
مسجدالجن : جہاں آنحضرت صلی اللہ علیہ وسلم نے جنات کو تبلیغ فرمائ۔یہ جنت المعلی کے قریب ہے۔
مسجد الرایة : جہاں حضور اکرم صلی اللہ علیہ وسلم نے فتح مکہ کے دن جھنڈا گاڑا تھا۔
مسجدبلال : یہ جبل ابو قبیس کے اوپر ہے، وہاں ایک قول کے مطابق چاند کے ٹکڑے کرنے کا معجزہ ہوا تھا۔
مولدالنبی صلی اللہ علیہ وسلم : محلہ مولدالنبی میں حضور اقدس صلی اللہ علیہ وسلم کے پیدا ہونے کی جگہ ہے۔
جنت المعلی : مکہ مکرمہ کا قبرستان۔
next: مدینہ منورہ بہت جلد

ماخوذ : عمرہ کا طریقہ مفتی، عبدالرؤف صاحب سکھروی

عمرہ کا طریقہ(حصہ اکیس ) اس کے بعد مدینہ 💬دوسروں کے لئے طواف یا عمرہ کرنا۔💬 آپ نے عمرہ اور طواف کا طریقہ پڑھ ل...
06/12/2024

عمرہ کا طریقہ
(حصہ اکیس ) اس کے بعد مدینہ

💬دوسروں کے لئے طواف یا عمرہ کرنا۔

💬 آپ نے عمرہ اور طواف کا طریقہ پڑھ لیا ہے،اگر آپ زندہ یا مرحوم والدین یا کسی دوست کی طرف سے عمرہ کرنا چاہیں تو ان کی طرف سے نیت کر کے طریقہ مذکورہ کے مطابق عمرہ یا طواف کریں۔عمرہ کا احرام " تنعیم" سے باندھ کر آئیں اور عمرہ کریں۔ نیت اس طرح کریں۔
اے اللہ یہ عمرہ یا یہ طواف میں اپنے والد یا والدہ یا بیوی کی طرف سے کرنے کی نیت کرتا ہوں،ان کی طرف سے قبول فرمالیجئے اور میرے لئے آسان فرمادیں۔" نوٹ: مکہ مکرمہ سے باہر تین میل کے فاصلے پر ایک جگہ ہے، جہاں ایک مسجد ہے جس کو مسجد عائشہ کہتے ہیں،یہاں سے عمرہ کا احرام باندھتے ہیں۔
اور یہ بھی ہوسکتا ہے کہ عمرہ یا طواف اپنی طرف سے کرکے اس کا ثواب کسی دوسرے کو پہنچائیں،اس میں یہ بھی اختیار ہے کہ چاہے ایک شخص ثواب پہنچائیں یا کئ لوگوں کو ثواب پہنچائیں اور خواہ پوری امت کو ثواب پہنچائیں۔ سب اختیار ہے سب درست ہے پہلی صورت میں جس شخص کی طرف سے نیت کرکے احرم باندھا ہے بس اسی کو ثواب ملے گا،اور دوسری صورت میں ایک عمرہ یا طواف کرکے ایک سے زیادہ افراد کو بھی ثواب پہنچایا جا سکتا ہے۔
*** متعدد عمرہ کرنا ***
عمرہ کا کوئی وقت مقرر نہیں، سال میں صرف پانچ دن جن میں حج ہوتا ہے یعنی 9/ذی الحجہ سے لے کر 13 ذی الحجہ تک عمرہ کرنا مکروہ تحریمی ہے یعنی ناجائز ہے، پانچ دنوں کے علاوہ سال بھر میں جب چاہیں عمرہ کرسکتے ہیں،لہذا رمضان المبارک کے بعد9/ذی الحجہ سے پہلے پہلے جب چاہیں جتنے چاہیں عمرہ کرسکتے ہیں۔اور حج کے بعد بھی عمرے کرسکتے ہیں،جو لوگ حج سے پہلے عمرہ کرنے سے منع کرتے ہیں ان کا منع کرنا درست نہیں ہے۔( ملاحظہ ہو حاشیہ مناسک۔ ملا علی قاری رح 193)
*** عمرہ افضل یا طواف***
💬اگر عمرہ کرنے میں طواف سے زیادہ وقت لگے تو عمرہ طواف سے افضل ہے،اگر دونوں میں برابر وقت لگے تو بعض کے نزدیک عمرہ طواف سے افضل ہے،اور بعض کے نزدیک طواف عمرہ سے بہتر ہے(حیات)
تاہم کثرت سے عمرہ کرنا مکروہ نہیں بلکہ مستحب ہے۔( معلم)
اور طواف کرنا بھی اعلی عبادت ہے دونوں عبادتیں حسب استطاعت انجام دینی چاہیئں۔ یہ زندگی کا سنہری موقع ہے پھر شاید ملے نا ملے اس موقعہ سے خوب فائدہ اٹھائیں اور گناہوں سے بھی بہت بچیں۔
next:
مختصر معلومات،چند زیارات کے بعد انشاءاللہ، مدینہ منورہ ،آقا کی خدمت میں حاضری

ماخوذ : عمرہ کا طریقہ، مفتی عبدالرؤف صاحب سکھروی

عمرہ کا طریقہ(حصہ بیس ) ۔۔نفلی طواف کا طریقہ۔۔💬کثرت سے طواف کرنا بلاشبہ افضل ہے اور یہ ایسی عبادت ہے جو اپنے وطن ...
02/12/2024

عمرہ کا طریقہ
(حصہ بیس )

۔۔نفلی طواف کا طریقہ۔۔

💬کثرت سے طواف کرنا بلاشبہ افضل ہے اور یہ ایسی عبادت ہے جو اپنے وطن میں نہیں ہو سکتی،اس لیے حسب استطاعت زیادہ سے زیادہ نفلی طواف کرنے چاہیئں اور نفلی طواف کرنے کا وہی طریقہ ہے جو اوپر عمرہ کے بیان میں لکھا گیا ہے جس کا خلاصہ یہ ہےکہ حجر اسود سے پہلے طواف کی نیت کریں،پھر اس کا استلام یا اشارہ کر کے خانہ کعبہ کے سات چکر لگائیں اس کے بعد ملتزم پر، پھر مقام ابراہیم پر آکر دو رکعت واجب طواف ادا کریں۔یہ نفلی طواف کا طریقہ ہے۔
یاد رہے کہ نفلی طواف میں نہ احرام ہوتا ہے نہ اضطباع، نہ رمل ہوتا ہے اور نہ سعی۔ (غنیہ)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
طواف کی عظیم فضیلت:
💬 حضرت عبداللہ بن عمروبن العاص رضی اللہ تعالی عنہما سے روایت ہے کہ آپ نے فرمایا: جو شخص ( سنت کے مطابق ) کامل وضو کرے( اور طواف کے لیے) حجر اسود کے پاس آئے تاکہ اس کا استلام کرے تو وہ (اللہ تعالی کی ) رحمت میں داخل ہوجاتا ہے پھر جب (حجر اسودکا) استلام کرکے وہ یہ کلمات کہتا ہے: بسم اللہ اللہ اکبر اشھدان لاالہ الا اللہ وحدہ لا شریک لہ واشھد ان محمد اعبدہ ورسولہ
تو اللہ تعالی کی رحمت اس کو ڈھانپ لیتی ہے،اور جب وہ بیت اللہ کا طواف کرتا ہے تو اللہ تعالی اس کو ہر قدم پر ستر ہزار نیکیاں عطا فرماتے ستر ہزار گناہ ( صغیرہ) معاف کرتے ہیں اور اس کے ستر ہزار درجہ بلند کئے جاتے ہیں اور ( قیامت کے دن) اس کے اہل خانہ کے ستر افراد کے حق میں اس کی سفارش قبول کی جائے گی۔
اس کے بعد جب مقام ابراہیم کے پاس آکر دو رکعتیں بحالت ایمان اور ثواب کی نیت سے ادا کرتا ہے تو اس کو حضرت اسماعیل علیہ السلام کی اولاد میں سےچار غلام آزاد کرنے کا ثواب ملتا ہے،اور گناہوں سےایسا پاک ہوجاتا ہے جیسے اس روز تھا جس روز اس کو اس کی ماں نے جنا تھا( خرج الا صبہانی ف الترغیب)
(ف) اللہ اکبر ! طواف کی کتنی بڑی فضیلت ہے،آپ کو بھی یہ دولت کمانے کا سنہری موقعہ حاصل ہے لہذا اس کی دل سے قدر فرمائیں اور سابقہ لکھے ہوئے طریقہ کے مطابق عمدہ سے عمدہ طواف کریں۔

ماخوذ : عمرہ کا طریقہ، مفتی عبدالرؤف صاحب سکھروی

عمرہ کا طریقہ(حصہ انیس,باقی ، تسعة عشر ) ۔۔۔۔۔زمزم کے کنویں پر۔۔۔۔۔(سعی کا طریقہ جاری ہے) پھر مروہ پر پہنچ کر بی...
30/11/2024

عمرہ کا طریقہ
(حصہ انیس,باقی ، تسعة عشر )

۔۔۔۔۔زمزم کے کنویں پر۔۔۔۔۔
(سعی کا طریقہ جاری ہے)
پھر مروہ پر پہنچ کر بیت اللہ کی طرف منہ کر کے اور ذرا داہنی طرف ہٹ کر کھڑے ہوں کہ دوسروں کو آنے جانے کی تکلیف نہ ہو،پھر وہیں ذکرودعا کریں جو صفا پر کی تھی۔( عمدہ)
یہ سعی کا ایک چکر ہوا،اسی طرح چھ چکر اور کرنے ہیں،یہاں سے صفا پر جائیں دو چکر ہو جائیں گے،آخری ساتواں چکر مروہ پر ختم ہوگا۔
ہر چکر میں مرد حضرات سبز ستون کے درمیان دوڑیں گے،لیکن خواتین نہیں دوڑیں گی اور ہر چکر کےختم ہونے پر خواتین وحضرات صفاومروہ پر قبلہ رخ کھڑے ہوکر مذکورہ بالا ذکر اور خوب گڑگڑا کر دعا کریں،کیونکہ یہاں دعا قبول ہوتی ہے(عمدہ المناسک بتصرف)
پھر سعی آخری چکر مروہ پر پورا کرکے دعا کریں،اور اگر مکروہ وقت نہ ہو تو دورکعت مطاف کے کنارے پڑھیں یا حجر اسود کے سامنے، ورنہ حرم میں جہاں بھی جگہ ملے پڑھ لیں۔سعی کے بعد یہ دو نفل مستحب ہیں(حیات)
مسئلہ: دوران سعی اگر سعی کے چکروں میں شک ہوجائے تو کم کو یقینی سمجھ کر باقی چکر پورے کریں مثلا شک ہوجائے کہ پانچ چکر ہوئے ہیں یا چھ تو پانچ سمجھیں اور دو چکر اور کریں۔( غنیہ)
مسئلہ: سعی کے دوران نماز شروع ہوجائے یا وضو ٹوٹ جائے یا نماز جنازہ ہونے لگے تو سعی چھوڑ کر نماز وغیرہ شروع کردیں اورفارغ ہو کرجہاں سے سعی چھوڑ ی تھی وہیں سے باقی سعی پوری کریں،اور اگر بلا عزر سعی کو درمیان سے چھوڑیں تو سعی کو لوٹانا مستحب ہے( غنیہ)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سر منڈانا یا قصر کرنا
بعض حضرات مروہ پر جو لوگ قینچی لئے کھڑے رہتے ہیں، ان سے سر کے چند بال کترواکر سمجھتے ہیں کہ احرام کھل گیا یہ غلط ہے،حنفی محرم کے حلال ہونے کےلئے سر کے چند بال کتروانا ہر گز کافی نہیں، اگر کسی نے اس طرح چند بال کترواکر سلے ہوئے کپڑے پہن لئے اور پورے ایک دن یا ایک رات یا اس سے زیادہ پہنے رہا تو اس پر دم واجب ہوجائے گا،کیونکہ احرام کھلنے کےلئے کم ازکم چوتھائی سر کے بال منڈانا یا ایک انگلی کے پورے کے برابر کترنا واجب ہے اور تمام سر کے بال منڈانا یا کتروانا سنت یے۔( معلم الحجاج)
* خواتین وحضرات اس بات کو یاد رکھیں کہ وہ سر کے بال کترنے یا منڈاونے سے پہلے موچھیں،ناخن، بغل کے بال اور جسم کے دوسرے بال وغیرہ ہر گز نہ کاٹیں،ورنہ جرمانہ ہوگا،اگر ایسی غلطی ہوجائے تو کسی معتبر مفتی سے مسئلہ معلوم کریں
۔۔۔۔۔۔۔۔عمرہ مکمل ہوا۔۔۔۔۔۔۔۔۔
حلق یا قصر کرانے پر آپ کا عمرہ مکمل ہوگیا،اسی کو عمرہ کرنا کہتے ہیں،اب آپ کپڑے پہنیں،جوتا پہنیں،اور گھر بار کی طرح رہیں،اب احرام کی تمام پابندیاں ختم ہوگئیں۔

ماخوذ : عمرہ کا طریقہ، مفتی عبدالرؤف صاحب سکھروی

عمرہ کا طریقہ(حصہ اٹھارہ ، ثمانية عشر ۔۔۔۔ملتزم۔۔۔.طواف کے سات چکر پورے کر کے ملتزم پر آئیں(حیات)" ملتزم...
29/11/2024

عمرہ کا طریقہ
(حصہ اٹھارہ ، ثمانية عشر
۔۔۔۔ملتزم۔۔۔.
طواف کے سات چکر پورے کر کے ملتزم پر آئیں(حیات)
" ملتزم" حجر اسود اور خانہ کعبہ کے دروازے کے درمیان میں جو دیوار ہےاس کو کہتے ہیں،اس سے چمٹ کر دعا کریں،یہ دعا قبول ہونے کی خاص جگہ ہے، لیکن اگر یہاں خوشبو لگی ہوئی ہو،جیسا کہ اکثر لگی رہتی ہے یا اس پر عورتوں کا ہجوم ہو تو پھر اس سے کچھ دور کھڑے ہو کر دعا کریں، یہ بھی ممکن نہ ہو تو دعا چھوڑ دیں۔
مسئلہ : اگر کوئی شخص بھول کر یا ساتویں کے شبہ میں طواف کا آٹھواں چکر بھی کر لے تو کچھ حرج نہیں طواف درست ہے، اور اگر کوئی جان بوجھ کر آٹھواں چکر کر لے تو اس کو چھ چکر ملا کر سات چکر پورے کرنے واجب ہیں اور اس طرح یہ دو طواف ہو جائیں گے(عمدہ)
مسئلہ : طواف کے دوران اگر وضو ٹوٹ جائے تو طواف چھوڑ کر وضو کریں یا جماعت کھڑی ہوجائے تو نماز ادا کریں اس کے بعد جہاں سے طواف چھوڑا تھا وہیں سے باقی طواف پورا کریں۔البتہ بلا عزر درمیان سے طواف چھوڑ کر جانا مکروہ (گناہ) ہے اگر ایسا ہوجائے تو طواف کو لوٹانا مستحب ہے( عمدہ)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نمازواجب طواف
یہاں سے ہٹ کر"مقام ابراہیم" کے پاس آئیں اور اس طرح کھڑے ہوں کہ آپ کے اورخانہ کعبہ کے درمیان مقام ابراہیم آجائے،مگر اگر مکروہ وقت نہ ہو تو دو رکعت واجب طواف دونوں کاندھے ڈھک کر ادا کریں،پہلی رکعت میں سورة کافرون اور دوسری رکعت میں سورة اخلاص پڑھنا بہتر ہے،پھر نماز کے بعد دعا کریں اور مکروہ وقت ہو تو اس کو گزرنے دیں،یا نمازیوں کی کثرت کی بنا پر وہاں جگہ نہ ہو تو حرم شریف میں جہاں جگہ ملے،وہاں یہ نماز ادا کریں(حیات)
لیجئے طواف پورا ہوگیا۔
next: زم زم کے کنویں پر

ماخوذ : عمرہ کا طریقہ، مفتی عبدالرؤف صاحب سکھروی

Address

Kareem Ul Hujjaj Hajj & Umrah Setrvices
Shikarpur
78100

Opening Hours

Monday 10:00 - 16:00
Tuesday 10:00 - 16:00
Wednesday 10:00 - 16:00
Thursday 10:00 - 16:00
Friday 10:00 - 16:00
Saturday 10:00 - 16:00
Sunday 10:00 - 16:00

Telephone

+923166443399

Website

Alerts

Be the first to know and let us send you an email when Kareem ul Hujjaj Hajj & Umrah Services کریم الحجاج حج اینڈ عمرہ سروسز posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Kareem ul Hujjaj Hajj & Umrah Services کریم الحجاج حج اینڈ عمرہ سروسز:

Shortcuts

Share