25/08/2026
( 12 ربیع الاول — محبت، احترام اور مثبت سوچ )
12 ربیع الاول ہمارے لیے محض ایک تاریخ نہیں بلکہ نبی کریم حضرت محمد ﷺ کی ولادتِ باسعادت کی نسبت سے محبت، عقیدت اور خوشی کا دن ہے۔ اس دن کے بارے میں اختلافِ رائے رکھنے والوں کا احترام اپنی جگہ، لیکن کسی مقدس نسبت کے بارے میں منفی، طنزیہ یا دل آزاری پر مبنی گفتگو ہمارے معاشرے میں محبت اور اخوت کے بجائے دوریاں پیدا کرتی ہے۔
ہمیں چاہیے کہ 12 ربیع الاول کو محبتِ رسول ﷺ، درود و سلام، ذکرِ سیرتِ طیبہ، صدقہ و خیرات، غریبوں کی مدد اور حسنِ اخلاق کے ساتھ یاد کریں۔ اگر کوئی شخص اس دن کو کسی خاص انداز میں منانا پسند نہیں کرتا تو وہ اپنے موقف پر قائم رہ سکتا ہے، مگر دوسروں کے جذبات اور عقیدت کا احترام بھی ضروری ہے۔
حقیقی خوشی یہ ہے کہ ہم اس موقع پر صرف چراغاں یا ظاہری اظہار تک محدود نہ رہیں بلکہ رسولِ اکرم ﷺ کی سیرت کو اپنی زندگی کا حصہ بنانے کا عہد کریں؛ سچ بولیں، امانت ادا کریں، اپنے بڑوں کا احترام کریں، کمزوروں کا سہارا بنیں، حقوق العباد کا خیال رکھیں اور اپنے کردار سے محبتِ رسول ﷺ کا عملی ثبوت دیں۔
آئیے 12 ربیع الاول کو اختلاف کا نہیں، محبت کا ذریعہ بنائیں؛ تنقید کا نہیں، سیرتِ مصطفیٰ ﷺ پر عمل کا عہد کریں۔
اللہ تعالیٰ ہمیں اپنے محبوب ﷺ سے سچی محبت، آپ ﷺ کی سنت پر عمل اور آپ ﷺ کی سیرتِ مبارکہ کو اپنی زندگی میں اپنانے کی توفیق عطا فرمائے۔
آمین یا رب العالمین ﷺ ۔
الحضرت خواجہء خواجگان فقیر صوفی محمد بشیر احمد شاہ بشیر الاولیاء
بسلسلہء ختمِ پاک گیارویں شریف و محفلِ ذکر
13ربیع الاول 1448 ھ بروز جمعرات بمطابق 27اگست 2026
سب بھائی اپنی شرکت کو یقینی بناتے ہوئے سعادت حاصل کریں
زیر سایہ و زیرِ صدارت ::: الحضرت خواجہ فقیر صوفی محمد عالم شاہ بشیری نقیبی سجادہ نشین
زیرِانتظام ::: سجادگان حضور آستانہ عالیہ نقیبیہ بشیریہ کوٹلہ کاہلواں شاہکوٹ ننکانہ صاحب
🎯 درگاہِ بشیر الاولیاء ، آستانہ عالیہ نقیبیہ بشیریہ کوٹلہ کاہلواں چک نمبر 44 رب شاہکوٹ ننکانہ صاحب
