26/08/2026
جشنِ عید میلاد النبی ﷺ — محبت، بھائی چارے اور خدمت کا خوبصورت پیغام
آج 12 ربیع الاول، جشنِ عید میلاد النبی ﷺ کے بابرکت موقع پر علمدار فاؤنڈیشن اسکاؤٹس کے زیرِ اہتمام کرانی روڈ سے گزرنے والی اہلِ سنت برادران کی ریلی کے شرکاء کا پُرتپاک استقبال کیا گیا۔
علمدار فاؤنڈیشن کی جانب سے شرکائے ریلی میں لاتعداد جوسز، کیک اور پانی تقسیم کیے گئے اور محبت و اخوت کے اس خوبصورت موقع پر تمام بھائیوں کو دلی مبارکباد پیش کی گئی۔
اس موقع پر صدر علمدار فاؤنڈیشن سید فدا حسین کاظمی، معروف عالمِ دین علامہ محمد آصف حسینی، سماجی رہنما محمد خان صاحب حاجی رحمت چنگیزی صاحب اور علمدار فاؤنڈیشن کے دیگر اراکین نے شرکاء کو مبارکباد دی اور اپنی جانب سے جوسز، کیک اور پانی تقسیم کیے۔
یہ خوبصورت خدمتِ خلق اور بھائی چارے کا سلسلہ علمدار فاؤنڈیشن کی جانب سے گزشتہ کئی برسوں سے جاری ہے، جس کا مقصد محبت، امن، رواداری اور باہمی احترام کو فروغ دینا ہے۔
علمدار فاؤنڈیشن کا پیغام: محبت بانٹیں، خوشیاں بانٹیں، انسانیت کی خدمت کریں۔
🌹 جشنِ عید میلاد النبی ﷺ مبارک 🌹
