Khanqah Hussainiya Qadiriya Bokhariya خانقاہ حسینیہ قادریہ بخاریہ

18/12/2025

غور و فکر!!!

سیدنا ابوذر ؓ بیان کرتے ہیں ، نبی کریم صلی اللہ علیہ وآلہ واصحابہ وسلم ❤️ نے مجھے سات چیزوں کے متعلق حکم فرمایا:
آپ صلی ‌اللہ ‌علیہ ‌وآلہ ‌وسلم نے مساکین سے محبت کرنے اور ان کے قریب رہنے کا مجھے حکم فرمایا ، آپ نے مجھے حکم فرمایا کہ میں اپنے سے کم تر کی طرف دیکھوں اور جو مجھ سے (دنیا کے لحاظ سے) برتر ہے اس کی طرف نہ دیکھوں ، آپ نے مجھے صلہ رحمی کا حکم فرمایا اگرچہ وہ قطع رحمی کریں ، آپ نے مجھے حکم فرمایا کہ میں کسی سے کوئی چیز نہ مانگوں ، آپ نے مجھے حکم فرمایا کہ میں حق بات کروں اگرچہ وہ کڑوی ہو ، آپ نے مجھے حکم فرمایا کہ میں اللہ کے (حق کے) بارے میں کسی ملامت گر کی ملامت سے نہ ڈروں ، اور آپ نے مجھے حکم فرمایا کہ میں (لَا حَوْلَ وَلَا قَوَّۃَ اِلَّا بِاللہِ) کثرت سے پڑھا کروں ، کیونکہ وہ (کلمات) عرش کے نیچے خزانوں میں سے ایک خزانہ ہیں۔
(مسند احمد).

07/09/2024

💕💕💕💕💕مرحباً مرحباً یا ربیع النور مرحبا💕💕💕💕💕

07/09/2024

غور و فکر!!!!

ایک دن موبائل گیلری سے کچھ تصاویر ڈیلیٹ کر رہا تھا۔ اس دوران ایک کال لی اور دوبارہ گیلری اوپن کی تو بے دھیانی میں ایک ٹچ میں تمام تصاویر ویڈیوز ڈیلیٹ ہو گئیں۔

پریشانی میں فیس بک پہ اسٹیٹس دے کر پریشانی کا ذکر کِیا۔ کمنٹس میں کچھ نے اظہار افسوس کِیا اور کچھ نے دوبارہ ڈیٹا ری کور کرنے کا طریقہ بتایا۔

ایک دو نے انباکس مکمل گائیڈینس دی۔ ایک دو ایبز ڈاون لوڈ کی، جن کی مدد سے تمام تصاویر ری کور ہو گئیں۔

میں جیسے جیسے تصاویر دیکھ رہا تھا، آنکھوں کی پتلیاں پھیل رہی تھیں۔ موجودہ تصاویر نہیں، بلکہ اس کے علاوہ بہت پرانی تصاویر بھی لیپ ٹاپ کی اسکرین پہ جگمگا رہی تھیں۔

میرے ماتھے پہ پسینہ آ گیا، انسان کیا ہے؟

اس کی اوقات کیا ہے؟
ایک پانی کا قطرہ اور اس کے ذہن کی وسعت یہ کہ وہ مِٹا دیا گیا۔ مواد بھی دوبارہ آنکھوں کے سامنے لا کر رکھ دینے کے گُر سکھاتا ہے۔

تو وہ! وہ جس کے قبضہ قدرت میں اس انسان کا ذہن ہے، جو اگر ایک "کُن" کہے تو اس انسان کے ذہن کی تمام صلاحیتوں کو سلب کر لے،پ وہ کتنا طاقتور ہے۔

میری زندگی کے گُزرتے ہر پَل، ہر سیکنڈز کو وہ "ری کور" کر کے یوم حَشر ساری دنیا کے سامنے سینما سے بھی بڑی سکرین پہ لا کر چلوا دینے کی قدرت کیوں نا رکھتا ہو گا۔ وہ دن جب انسان اپنا کِیا دیکھ کر شرم سے اپنے ہی پسینے میں ڈوب جائے گا۔

کفار مذاق اُڑاتے تھے نا کہ کیسی آخرت۔۔۔ کہاں کی آخرت۔ مرنے کے بعد یہ مردہ ہڈیاں دوبارہ کھڑی ہوں گی، حساب کتاب ہو گا۔

آج کا ملحد بھی کہتا ہے، واٹ ربش دیکھو اس مولوی کو۔۔۔ جنت کی خواہش اور آخرت کے ڈر سے اس دنیا کے مزے بھی گنوا رہا ہے۔ اس احمق کو لگتا ہے کہ مرنے کے بعد اس کی گلی سڑی ہڈیوں کو پھر سے زندہ کِیا جائے اور اس کو اس کا کیا دکھایا جائے گا اور اس کے اچھے اعمال پہ انعام میں جنت اور حور اور سزا پہ جہنم ملے گی۔ دیکھو اس کو۔۔۔!

قرآن پاک کی مختلف آیات تراجم اور مفہوم کے ساتھ دماغ کی اسکرین پہ یکے بعد دیگرے تسلسل سے آنے لگی۔

ایسا کون ہے! جو ہڈیوں کو زندہ کرے گا، جب وہ بالکل گل گئ ہوں۔
(القرآن)

فرما دو کہ انہیں دوبارہ وہی زندہ کرے گا، جس نے پہلی بار پیدا کیا۔
(القرآن)

سوچو تو سہی کہ یہ انسان جو خود سے چاہ بھی نہیں سکتا، جو اس اللّٰه کی چاہ کا محتاج ہے۔ اس کا ذہن ایسی طاقت رکھتا ہے تو جس کا وہ محتاج ہے، اس کی طاقت کا کیا اندازا۔

افلا تتدبرون؟

ابھی بھی وقت ہے، تدبر تو کرو۔ سوچو تو سہی، اس کی طرف لوٹ آؤ، جس کا کوئی شریک نہیں۔ جو قادر ہے، جس کے تابع تمہارے جسم کا ایک ایک عضو ہے۔ اس لامحدود طاقت والے کی طرف لوٹ آؤ۔

وہ کافر تو چودہ سو برس پہلے کہتا تھا کہ جو مِٹ چکا، وہ دوباہ کیسے زندہ ہو سکتا۔ تیری آنکھ تو آج دیکھ سکتی ہے کہ جو مِٹ چکا، وہ کیسے "ری کور" ہوتا ہے۔

#حیا

24/08/2024

#صدقہ دینا چاہتا ہو لیکن پاس کچھ نہ ہو تو کیا کرے؟

محبوب کریم صلی اللہ علیہ وآلہ وسلم نے ہر ایک کی لاج رکھی ہے، علامہ ابن قیم اپنی کتاب جلاء الافہام میں ایک حدیث نقل کرتے ہوئے لکھتے ہیں کہ!
"ایسے شخص کے لئے جو صدقہ دینے کی قابلیت نہیں رکھتا اور صدقہ دینا چاہتا ہے درود شریف کا پڑھنا قائم مقام صدقہ کا ہو جاتا ہے۔ ابن وہب نے اس باب میں یہ حدیث روایت کی ہے۔
ابو سعید رضی اللہ عنہ سے روایت ہے کہ رسول اللہ صلی اللہ علیہ وآلہ وسلم نے ارشاد فرمایا ہے کہ جس شخص میں صدقہ دینے کی گنجائش نہ ہو اور وہ صدقہ دینا چاہیے ، تو یہ دعا مانگے" اللهم صل على محمدٍ عبدِكَ ورسولكَ وصلِ على المؤمنين والمؤمنات والمسلمینَ المسلمات" جو اس کے لیے زکوۃ کے حکم میں ہے۔
یہ حدیث ابن وہب سے ان کے بھتیجے اور ہارون بن معروف نے روایت کی ہے" ۔
(جلاء الافہام لابن قيم الجوزی، صفحہ نمبر 213)

11/04/2024

میکسیکو۔ قدرت کا ناقابل فراموش نظارہ۔ اگر یہ ستارے، سیارے اور ان کے چاند اپنے مداروں میں گردش کرتے ایسے ایک دوسرے کے آگے آ سکتے ہیں تو یقیناً ایک دوسرے سے ٹکرا بھی سکتے ہیں۔ اور وہی قیامت ہو گی۔۔
اے انسانوں اور خاص کر مسلمانوں تدبر سے کام لو۔
#اتقوالله-

06/11/2023

❤️❤️❤️❤️❤️

17/04/2023

💓💓💓💓💓

حضرت رسول الله ﷺ نے فرمایا:
تَحَرَّوْا لَيْلَةَ الْقَدْرِ فِي الْوِتْرِ مِنَ الْعَشْرِ الْأَوَاخِرِ مِنْ رَمَضَانَ°

ترجمہ: شب قدر کو رمضان کے آخری عشرہ کی طاق راتوں میں تلاش کرو۔

صحیح بخاری۔

17/04/2023

💓💓💓💓💓

رسول الله صلى الله عليه واله وسلم نے ارشاد فرمایا : ” جو شخص روزہ کی حالت میں بھول کر کھاۓ ( پیئے ) اسے اپنا روزہ مکمل کرنا چاہیے ، کیونکہ الله سبحانہ و تعالی نے ہی اسے کھلایا اور پلایا ۔ " ( صحيح البخاري : 6669)

17/04/2023

💓💓💓💓💓

سبحان الله وبحمده ،💓💓💓💓💓