28/07/2026
منقول
بچپن سے ہی مجھے سورۃ القریش حفظ تھی، لیکن جب میں نے اس کی تفسیر پڑھی تو میرے دل میں اللہ تعالٰی کا خوف اور زیادہ بڑھ گی
1- یہ سورت چار آیات پر مشتمل ہے۔ "لِإِيلَافِ قُرَيْشٍ" سورۃ قریش کی یہ پہلی آیت ہماری زندگی کے ایک اہم مسئلے یعنی «نعمتوں کا عادی ہو جانا (إِلْفُ النِّعْمَة)» پر بات کرتی ہے۔
میں نے پہلی بار نعمتوں کا عادی ہو جانے پر اس طرح کا عتاب و تنبیہ سنی ہے۔
اہلِ قریش پہلے فقر، بھوک اور ایک سادہ و بدوی زندگی کے عادی تھے۔
2- حالت یہاں تک پہنچ جاتی تھی کہ جب ان میں سے کوئی شدید فقر کا شکار ہوتا، تو وہ اپنے گھر والوں کو "خباء" (ایک الگ تھلگ جگہ/خیمے) میں لے جاتا اور وہ سب وہاں بھوک سے مرنے کے لیے بیٹھ جاتے۔
جاہلیت کے دور میں اس رسم کو "الإعتفار" (اعتفار) کہا جاتا تھا۔
3- قریش کا ایک بڑا خاندان تھا جسے "بنو مخزوم" کہا جاتا تھا۔
وہ شدید بھوک سے مرنے کے قریب تھے۔ جب ان کی یہ خبر "ہاشم بن عبد مناف" (جو کہ ایک بڑے تاجر تھے) تک پہنچی، تو انہیں بیت اللہ کے پڑوسیوں میں اس قدر جہالت اور فقر کی موجودگی پر بہت دکھ اور افسوس ہوا۔
4- چنانچہ ہاشم بن عبد مناف نے آگے بڑھ کر اس بری رسم کو ختم کیا اور ان سے کہا: "تم نے ایک ایسی رسم بنا لی ہے جس کی وجہ سے عربوں میں تمہاری تذلیل ہو رہی ہے، حالانکہ تم اللہ تعالی کے گھر والے ہو اور لوگ تمہاری پیروی کرتے ہیں۔"
5- پھر انہوں نے قبیلے کو مختلف شاخوں (عشائر) میں تقسیم کیا اور ہر مالدار کو حکم دیا کہ وہ اپنے خاندان کے غریبوں کے ساتھ اپنا مال تقسیم کرے، یہاں تک کہ غریب بھی مالدار کی طرح (خوشحال) ہو گیا۔
انہوں نے ان کو تجارت کے اصول سکھائے اور ان کے لیے سال میں دو تجارتی سفروں کا نظم قائم کیا: "سردیوں اور گرمیوں کا سفر"۔
6- گرمیوں میں شام (Syria) کا سفر، جہاں انہوں نے پھلوں کی تجارت سیکھی، اور سردیوں میں یمن کا سفر، جہاں انہوں نے زرعی پیداوار کی تجارت سکھائی۔
یہاں تک کہ شام اور یمن کی خیر وبرکت مکہ میں آنے لگی، وہاں کے رہنے والوں کے حالات بہتر ہو گئے اور "اعتفار" کا خاتمہ ہو گیا۔
پھر اہل قریش نے اللہ کا شکر ادا نہ کر کے نعمت کی ناشکری کرنا شروع کر دی
(نعمت کی ناشکری یہ ہے کہ انسان اس کا عادی ہو جائے اور اسے نعمت ہی نہ سمجھے)۔
7- جب قریش اور اہل مکہ اللہ کی نازل کردہ نعمتوں کے عادی ہو گئے (اور شکر بھول گئے)، تو اللہ تعالیٰ نے ان پر اپنا الٰہی حکم نازل فرمایا کہ وہ اس گھر کے رب کی عبادت کریں:
{فَلْيَعْبُدُوا رَبَّ هَٰذَا الْبَيْتِ الَّذِي أَطْعَمَهُم مِّن جُوعٍ وَآمَنَهُم مِّنْ خَوْفٍ}
(پس انہیں چاہیے کہ اس گھر کے رب کی عبادت کریں، جس نے انہیں بھوک میں کھانا کھلایا اور خوف سے امن عطا فرمایا)۔
عام طور پر لوگوں پر اللہ کی نعمتیں بے شمار ہیں، اگر وہ اس کی باقی تمام نعمتوں پر اس کی عبادت نہیں کرتے تو کم از کم اس ایک ظاہر و باہمی نعمت یعنی (نعمت کے قائم رہنے) پر ہی اس کی عبادت کر لیں۔
8- اور بھوک کے بعد انہیں کھانا کھلانے اور خوف و دہشت میں زندگی گزارنے کے بعد انہیں امن و امان عطا کرنے پر۔ {أَطْعَمَهُم مِّن جُوعٍ وَآمَنَهُم مِّنْ خَوْفٍ}
نعمت کے ایسے عادی نہ بنو کہ اس کا انکار کرنے لگو، بلکہ اللہ کا شکر ادا کرو تاکہ اس کی نعمتیں تم سے محبت کرنے لگیں۔
اللہ کی نعمت پر خوش ہوا کرو اور اس کا شکر ادا کرو، خواہ وہ تمہیں ہزارویں بار ہی کیوں نہ ملی ہو، کیونکہ صرف نعمت کا قائم رہنا ہی اپنے آپ میں ایک بہت بڑی نعمت ہے۔
نعمت کا عادی ہو جانا اور اس پر شکر نہ کرنا ناشکری اور ظلم ہے۔
9- اپنی زبان پر ہر وقت "الحمد للہ" جاری رکھو۔
اسے اپنے دل کے اخلاص، رضا اور یقین کے ساتھ کہو، کیونکہ اس کا اجر بہت عظیم ہے…
اے اللہ! تیری ذات کے جلال اور تیری عظیم سلطنت کے شایانِ شان تیرے ہی لیے تمام تعریفیں ہیں۔
اے اللہ! ہمیں وہ علم عطا فرما جو ہمیں نفع دے، اور جو علم تو نے ہمیں دیا ہے اس سے ہمیں نفع پہنچا، اور ہمارے علم میں اضافہ فرما۔
"سُبْحَانَكَ لَا عِلْمَ لَنَا إِلَّا مَا عَلَّمْتَنَا إِنَّكَ أَنْتَ الْعَلِيمُ الْحَكِيمُ"
(پاک ہے تو، ہمیں تو صرف اتنا ہی علم ہے تو نے ہمیں سکھایا ہے، بے شک تو ہی علم والا اور حکمت والا ہے)۔
ڈاکٹر عمر عبد الکافی"
ترجمانی: ثناءاللہ حسین
28/7/26
اسلام آباد
