24/05/2026
پینتی کوست کی پاک آگ:
روح القدس کو غمگین نہ کرو:
عید پینتی کوسٹ (Pentecost) مسیحی کلیسیا کا ایک عظیم ترین اور پاک ترین تہوار ہے۔ یہ وہ دن ہے جب یسوع مسیح کے صلیب اور قیامت کے 50 دن بعد، یروشلیم میں حواریوں پر روح القدس نازل ہوا (اعمال 2 باب)۔ اُس دن ایک طاقتور آواز، آگ کی زبانوں اور زبانیں بولنے کا معجزہ ہوا۔ تین ہزار نفوس ایک ہی خطاب میں توبہ کر کے بپتسمہ لے لیے۔
آج بھی ہم عید پینتی کوسٹ مناتے ہیں، مگر افسوس کہ ہم اُس روح القدس کو جو اُس دن طاقت کے ساتھ نازل ہوا تھا، اب اپنی زندگیوں میں غمگین کر رہے ہیں۔ افسیوں 4:30 میں پولوس فرماتا ہے
"اور خُدا کے روح القدس کو غمگین نہ کرو، جس سے تم مُہر لگا کر نجات کے دن تک محفوظ رکھے گئے ہو۔"
عید پینتی کوسٹ صرف ایک تاریخی واقعہ نہیں، بلکہ روح القدس کی آمد اور طاقت کا اعلان ہے۔ اُس دن:
روح القدس نے حواریوں کو روح سے بھر دیا
انہیں جرأت، طاقت اور پاکیزگی عطا کی۔
کلیسیا کی بنیاد رکھی گئی۔
پولوس ہمیں یاد دلاتا ہے کہ وہی روح القدس جو پینتی کوسٹ کے دن نازل ہوا، آج بھی ہر سچی مسیحی کی زندگی میں رہائش پذیر ہے۔ مگر جب ہم گناہ اور نافرمانی میں ڈوبے رہتے ہیں تو اُسی روح کو غمگین کر دیتے ہیں۔
پاکستان میں مسیحی برادری عید پینتی کوسٹ بڑے جوش و خروش سے مناتی ہے ، گرجے سجائے جاتے ہیں، خاص گیت گائے جاتے ہیں، اور دعائیں کی جاتی ہیں کہ روح القدس ہم پر نازل ہو۔ مگر اُس کے فوراً بعد ہماری روزمرہ زندگی اُس مقدس روح کے خلاف ہو جاتی ہے:
1. مادی پرستی اور بدعنوانیاں: پینتی کوسٹ کی طاقت ہمیں ایمانداری اور پاکیزگی دیتی ہے، مگر ہم رشوت، جھوٹ اور دھوکہ دہی میں ملوث رہتے ہیں۔ ایک اندازے کے مطابق پاکستان کے زیادہ تر گرجا گھروں کلیسا کے لوگ اس لعنت میں پھنسے ہوتے ہیں۔
2. خاندانی جھگڑے اور بغض: پینتی کوسٹ نے حواریوں کو ایک دل اور ایک جان بنا دیا تھا۔ مگر ہمارے گھروں میں جائیداد کی لڑائیاں، طلاق اور رشتے داریوں کا بغض روح القدس کو شدید غمگین کرتا ہے۔
3. جسمانی اور جنسی ناپاکی: نوجوانوں میں موبائل، انٹرنیٹ اور غیر اخلاقی تعلقات کی لعنت بڑھ رہی ہے۔ جو روح پینتی کوسٹ کے دن پاک آگ کی صورت میں نازل ہوا تھا، اُسے ہم اپنی ناپاک نظروں اور اعمال سے غمگین کر رہے ہیں۔
4. گرجا گھروں میں منافقت اور تقسیم: بہت سے گرجا گھروں میں پینتی کوسٹ کے پروگرام تو بڑے ہوتے ہیں، مگر اندر سے حسد، طاقت کی ہوس اور فرقہ واریت موجود ہوتی ہے۔ یہ سب روح القدس کو غمگین کرتا ہے۔
اگر ہم واقعی عید پینتی کوسٹ کے برکت کو اپنی زندگی میں دیکھنا چاہتے ہیں تو ہمیں یہ کرنا ہوگا:
روزانہ توبہ کرکے روح القدس کو غمگین ہونے سے روکیں۔
روح القدس سے بھرے رہنے کی کوشش کریں (افسیوں 5:18)۔
گناہ سے الگ ہو کر پاک زندگی گزاریں۔
پاکستانی مسیحی نوجوانوں کو خاص طور پر جنسی پاکیزگی، مالی ایمانداری اور خاندانی محبت کی تعلیم دیں۔
گرجے کی حقیقی یکجہتی اور دعا کی زندگی کو بحال کریں۔
عید پینتی کوسٹ ہمیں یاد دلاتی ہے کہ روح القدس طاقت، آگ اور پاکیزگی کا روح ہے۔ وہ ہمارے اندر رہتا ہے، مگر ہمارا گناہ اُسے غمگین کر دیتا ہے۔
پاکستان جیسے مشکلات والے ملک میں جہاں مسیحی اقلیت مشکلات کا شکار ہے، ہمیں سب سے زیادہ ضرورت ہے کہ ہم روح القدس کو خوش رکھیں تاکہ وہی پینتی کوسٹ والی طاقت ہماری گواہی، ہمارے خاندانوں اور ہماری کلیسیا میں دوبارہ ظاہر ہو۔
آج عید پینتی کوسٹ کی یاد میں فیصلہ کیجیے:
کیا آپ روح القدس کو غمگین کریں گے یا اُسے خوش رکھ کر اُس کی بھری ہوئی طاقت سے جییں گے؟
وہ حساس ہے، مگر نہایت مہربان بھی ہے۔ ایک سچی توبہ پر وہ فوراً بحال ہو جاتا ہے اور نئی طاقت عطا کرتا ہے۔✝️💐🙌😇💛♾️💜
Voice Of Christian's
