14/05/2026
*خاک میں مل گئے نگینے لوگ*
حضرت مولانا سعید الرحمٰن صاحب
(مہتمم دارالعلوم انوار القرآن چکدرہ، دیر پائین) کی وفات کی خبر سن کر دل نہایت رنجیدہ ہوا۔
ہمارے ساتھ مرحوم کے گہرے مراسم تھے۔ آپ نے کچھ عرصہ دارالعلوم تعلیم القرآن بارہ خیل میں درس و تدریس کی عظیم خدمات بھی سرانجام دیں۔
مرحوم ایک باوقار، مخلص، متقی اور قابلِ احترام شخصیت تھے۔ وہ عالمِ باعمل، ورع و تقویٰ کے پیکر، حلم و بردباری کے کوہِ گراں، دعوتِ حق کے لیے حریص، علمِ دین کو پھیلانے کی آرزو و جستجو رکھنے والے اور جہادی فکر کے حامل شخصیت تھے۔
مولانا مرحوم ایک مینارۂ نور تھے، للّٰہیت اور اخلاص کا جیتا جاگتا نمونہ۔ وہ دعوتِ دین کے لیے ہمہ وقت فکرمند رہتے اور ہر موقع کو خیر کے پیغام کے لیے استعمال کرتے تھے۔ انہوں نے اپنی پوری زندگی اقامتِ دین کی جدوجہد میں گزاری اور اس راستے پر ثابت قدم رہے۔
ان کی دینی، علمی، دعوتی اور تدریسی خدمات ہمیشہ یاد رکھی جائیں گی۔
مولانا مرحوم، قاری وسیم اللہ فاضل دارالعلوم بارہ خیل کے بڑے بھائی تھے۔
اللہ تعالیٰ مرحوم کو جوارِ رحمت میں اعلیٰ مقام عطا فرمائے، مغفرتِ کاملہ نصیب فرمائے، جنت الفردوس میں بلند درجات عطا فرمائے اور تمام اہلِ خانہ و لواحقین کو صبرِ جمیل عطا فرمائے۔
آمین یا رب العالمین۔
نغمۂ بلبل ہو یا آوازِ خاموشِ ضمیر
اسی زنجیرِ عالمگیر میں ہے ہر شے اسیر
آسمان تیری لحد پہ شبنم آفشانی کرے
✍🏻عبدالباعث
