Almee DawateLasani - Official

24/10/2026

سالانہ محفل میلاد مصطفےٰ صلی اللہ علیہ والہ وسلم

زیر صدارت و خصوصی خطاب:

جگر گوشہ لاثانی، عالمی مبلغ اسلام پیر سید مدثر حسین شاہ صاحب تنویر لاثانی
سجادہ نشین علی پور سیداں شریف

25 اکتوبر بعد نماز عشاء

جامع مسجد نورانی گمٹالہ چوک شکرگڑھ

منجانب:
عالمی دعوت لاثانی شکرگڑھ

24/10/2026

حضور قبلہ عالم پیر سید جماعت علی شاہ رحمۃ اللہ علیہ فرماتے ہیں کہ میں ایک مرتبہ مدینہ منورہ میں حاضر تھا ایک شخص "کریم بخش لاہوری" نامی جو بارہ سال سے مدینہ منورہ میں مقیم تھا ، مواجہ شریف کے سامنے سلام پڑھ کر کھڑا تھا ۔۔۔میں نے اسکا ہاتھ پکڑ کر اپنے مکان میں لے آیا اور اسے ایک کرتہ دیا میرے ایک رفیق نے اسے ایک قیمتی کوٹ ،ایک نے پگڑی، ایک نے پاجامہ اور ایک نے چادر دی اس نے سارے کپڑے چادر میں لپیٹ لیے اور کپڑے لیتے وقت کہا کہ جب آپ نے میرا ہاتھ پکڑا تھا تو اس وقت میں حضور صلی اللہ علیہ وسلم کی بارگاہ ِ اقدس میں عرض کر رہا تھا کہ آقا
ﷺ کپڑے پھٹ گئے ہیں ۔۔۔۔۔

پھر وہ شخص کپڑے لے کر چلا گیا غسل کر کے کپڑے پہن کر خوشبو لگا کر دربارِ عالیہ میں دست بسۃ حاضر ہوا اور عرض کی "آبروئے چشمِ خورشید ﷺ " کپڑے مل گیے ہیں دیکھ لیجیے ۔۔۔

پیر صاحب مزید فرماتے ہیں کہ دوسرے سال میں پھر مدینہ طیبہ میں حاضر ہوا وہی کریم بخش لاہوری پھر ملا مجھے گزشتہ سال والی بات یاد تھی میں نے ایک آدمی کو کہا کہ اسے کپڑے دے دو اس نے کپڑے نکالے تو اس میں سے کشمیری ٹوپی بھی نکل آئی میں نے کہا یہ بھی دے دو تو اس نے وہ بھی دے دی۔۔۔۔۔

جب اسے کپڑے اور ٹوپی مل گئی تو وہ اللہ کا بندہ کریم بخش کہنے لگا کہ آج میں نے شاہِ جناں ﷺ کی بارگاہِ اقدس میں عرض کی تھی کہ حضور ٹوپی پھٹ گئی ہے۔۔۔۔۔

کریم بخش بتانے لگا کہ مجھے مدینہ منورہ میں بارہ برس ہو گئے ہیں پہلے سال مجھے علم نہیں ہوا
پورے ایک سال کے بعد مجھے یہ مسئلہ سمجھ آیا کہ تاجدارِ غناء صلی اللہ علیہ وسلم نے ارشاد فرمایا تھا کہ " میں تقسیم کرنے والا ہوں داتا رب ہے"( بخاری شریف)
اسکے بعد گیارہ برس گزر گیے ہیں میں نے کسی بندے کے پاس کسی معاملے میں سوال نہیں کیا۔۔۔۔
جب بھی کوئی ضرورت ہوتی ہے آقا کریم صلی اللہ علیہ وصحبہ وسلم کی بارگاہ میں جا کر عرض کیا اور پانچ منٹ بھی نہیں گذرنے پاتے کہ میری مراد پوری ہو جاتی ہے

(ملفوظات امیر ملت ص 59 محمد افضل حسین شاہ)

21/10/2026

مبارکباد ❤️❤️❤️
عالمی دعوتِ لاثانی

21/10/2026

19/10/2026

اہلسنت وجماعت کا مشترکہ اعلامیہ
مسلمہ عقائد اہلسنت وجماعت پر اجماعی موقف
نوٹ: شرکاء مجلس کے اسمائے گرامی اور تفصیلی اعلامیہ اور وڈیو عنقریب اپلوڈ کردی جائے گی ۔
19اکتوبر 2026

19/10/2026

مزار پرانوار
قاسم فیضان نبوی، نور چشم خاندان مرتضوی، منبع جود و سخا، پیکر حلم و عطا،وارث علوم مجددیہ، پیکر صدق و صفا، پیرطریقت رہبرشریعت شہنشاہ لاثانی قبلہ حضور پیر سید جماعت علی شاہ صاحب رحمۃ اللّٰہ علیہ
علی پور سیداں شریف نارووال

18/10/2026

دینِ مبیں کو جو قوت حاصل ہوئی وہ حضرت فاروقِ اعظم رضی اللّہ تعالیٰ عنہ کی طاقت سے تھی، اور حضرت صدیقِ اکبر رضی اللّہ تعالیٰ عنہ کا صدق و خلوص نبوت کے اسرار و رموز کی ایک جھلک تھا

11/10/2026

صِدّیقؓ

اک دن رسُولِ پاکؐ نے اصحابؓ سے کہا
دیں مال راہِ حق میں جو ہوں تم میں مالدار
ارشاد سُن کے فرطِ طرب سے عمَرؓ اُٹھے
اُس روز اُن کے پاس تھے درہم کئی ہزار
دل میں یہ کہہ رہے تھے کہ صِدّیقؓ سے ضرور
بڑھ کر رکھے گا آج قدم میرا راہوار
لائے غَرضکہ مال رُسولِ امیںؐ کے پاس
ایثار کی ہے دست نِگر ابتدائے کار
پُوچھا حضور سروَرِ عالمؐ نے، اے عمَرؓ!
اے وہ کہ جوشِ حق سے ترے دل کو ہے قرار
رَکھّا ہے کچھ عیال کی خاطر بھی تُو نے کیا؟
مسلم ہے اپنے خویش و اقارب کا حق گزار
کی عرض نصف مال ہے فرزند و زن کا حق
باقی جو ہے وہ ملّتِ بیضا پہ ہے نثار
اتنے میں وہ رفیقِ نبوّت بھی آگیا
جس سے بِنائے عشق و محبّت ہے اُستوار
لے آیا اپنے ساتھ وہ مردِ وفا سرِشت
ہر چیز، جس سے چشمِ جہاں میں ہو اعتبار
مِلکِ یمین و درہم و دینار و رخت و جِنس
اسپِ قمر سم و شُتر و قاطر و حمار
بولے حضورؐ، چاہیے فکرِ عیال بھی
کہنے لگا وہ عشق و محبّت کا راز دار
اے تجھ سے دیدۂ مہ و انجم فروغ گیر!
اے تیری ذات باعثِ تکوینِ روزگار!
پروانے کو چراغ ہے، بُلبل کو پھُول بس
صِدّیقؓ کے لیے ہے خدا کا رسولؐ بس

کلام: علامہ اقبال
کتاب: بانگِ درا