حضرت مفتی غلام رسول صاحب نقشبندی مجددی دامت بر کاتھم العالیہ

27/05/2026

✨🌙 میری طرف سے آپ سب ساتھیوں کو عیدالاضحیٰ مبارک ہو 🌙✨
اللہ تعالیٰ یہ عیدالاضحیٰ سب ساتھیوں کے لیے برکتوں والی بنا دے۔ 🤲
🌹 خواجہ غلام رسول نقشبندی
مظفرآباد 🌹

26/05/2026

*پیرِ طریقت، رہبرِ شریعت حضرت* *جی مفتی*
*خواجہ غلام رسول نقشبندی* *مجددی دامت برکاتہم العالیہ حسبِ* *روایت عید کی نماز*
*جامع مسجد خضراء*
*میں ادا فرمائیں گے*
بعد ازاں حضرت جی دامت برکاتہم العالیہ کی زیرِ نگرانی اجتماعی قربانیوں کا اہتمام کیا جائے گا، اور حسبِ معمول مدرسے اور گرد و نواح کے علاقوں کے مستحق اور غرباء و مستحقین میں گوشت تقسیم کرنے کی ترتیب بنائی جائے گی۔
حضرت جی دامت برکاتہم العالیہ کی ہمیشہ یہ کوشش رہتی ہے کہ زندگی کی ہر خوشی کے موقع پر مستحق اور حقدار افراد تک بھی خوشیوں کا حصہ پہنچے۔
*مظفرآباد کے تمام سالکین* *و* *متعلقین سے گزارش ہے کہ اس* *بابرکت موقع پر بھرپور کردار ادا* *کریں اور وقت، جان اور مال* *کے ذریعے تعاون فرمائیں* ۔
ان شاء اللّٰہ تعالیٰ حضرت جی دامت برکاتہم العالیہ دو دن مظفرآباد میں قیام فرمائیں گے۔
ہماری دعا ہے کہ اللّٰہ تعالیٰ حضرت جی دامت برکاتہم العالیہ کا سایۂ شفقت ہمیشہ ہمارے سروں پر قائم و دائم رکھے، اور آپ کو صحتِ کاملہ و عافیتِ دائمہ عطا فرمائے۔
آمین ثم آمین۔
*محمد شفیق نقشبندی*

18/05/2026

نسبت اولیاء اللہ والوں کے ساتھ تعلق قائم کرنا انسان کی دینی، روحانی اور اخلاقی زندگی کیلئے بے حد ضروری ہے۔ انسان جس ماحول اور جن لوگوں کے ساتھ رہتا ہے اُسی کا رنگ اس پر غالب آتا ہے۔ یہی وجہ ہے کہ قرآن و سنت میں نیک اور صالح لوگوں کی صحبت اختیار کرنے کی بار بار تاکید فرمائی گئی ہے۔
اہلِ اللہ کی مجلس دلوں کو زندہ کرتی ہے، گناہوں سے نفرت پیدا کرتی ہے، عبادات میں ذوق عطا کرتی ہے اور انسان کے ظاہر و باطن کی اصلاح کا ذریعہ بنتی ہے۔ کامل مرشد انسان کو اللہ تعالیٰ کی طرف متوجہ کرتا ہے، سنتِ نبوی ﷺ کی محبت پیدا کرتا ہے اور نفس و شیطان کے دھوکوں سے بچنے کی راہ دکھاتا ہے۔
اولیاء اللہ کی نسبت محض نام یا دعوے کا نام نہیں بلکہ یہ تعلق ادب، اطاعت، اصلاح اور اتباعِ شریعت کا نام ہے۔ جب بندہ اہلِ اللہ کی صحبت اختیار کرتا ہے تو اس کے اخلاق، معاملات، عبادات اور زندگی کے انداز میں واضح تبدیلی آتی ہے۔
✨ اہلِ اللہ کی صحبت دلوں کیلئے بہار ہے
✨ نسبتِ صالحین ایمان کی حفاظت کا مضبوط ذریعہ ہے
✨ کامل شیخ کی رہنمائی زندگی کو سنوار دیتی ہے
✨ نیک لوگوں سے تعلق دنیا و آخرت کی کامیابی کا سبب بنتا ہے
🌹 ہماری خوش قسمتی ہے کہ اللہ تعالیٰ نے ہمیں پیر طریقت رہبر شریعت حضرت اقدس خواجہ مفتی غلام رسول نقشبندی مجددی دامت برکاتہم جیسی عظیم اور بافیض شخصیت عطا فرمائی، جن کی مبارک صحبت سے ہزاروں دلوں کو اصلاح، محبتِ رسول ﷺ اور اتباعِ سنت کی دولت نصیب ہو رہی ہے۔ حضرت والا کی شفقت، اخلاص، علمی و روحانی بصیرت اور امت کی فکر اہلِ محبت کیلئے ایک عظیم نعمت ہے۔ اللہ تعالیٰ ہمیں حضرت اقدس دامت برکاتہم کی صحیح قدر دانی، ادب و محبت اور ان کی تعلیمات پر عمل کی توفیق عطا فرمائے۔ آمین یا رب العالمین۔
محمد شفیق نقشبندی

17/05/2026

. 🌺{ *خوشخبری* }🌺

🌱 *جامع سیدہ زینب ؓ للبنات مظفرآباد - کشمیر کی طالبات اور مستحقین کے لیے اپنا مال خرچ کیجیے)* 🌱

🐄👨‍👩‍👦‍👦 *قربانی بھی کفالت بھی* 👨‍👩‍👦‍👦🐂

✌️ *دوہرا اجر* ✌️

*اہل قرآن* کے معاون خصوصی بنیئے، اپنے عزیزوں و اقارب خصوصاً اپنے *والدین* کے دائمی ایصال ِ ثواب کا انتظام کیجیے۔

*وقف قربانی* میں اپنا اور اپنے عزیزوں کا حصّہ ملائیے ۔

1️⃣ *گاۓ حصّہ اعلیٰ =/16,000*
2️⃣ *گاۓ حصّہ ادنیٰ =/15,000*
3️⃣ *بکرا =/30,000*

📲 برائے رابطہ:

*حضرت جی*
0301-5178361
0315-5178361

17/05/2026

16/05/2026

✨ سلسلۂ عالیہ نقشبندیہ مجددیہ کے روحانی اثرات ✨
الحمدللہ ثم الحمدللہ!
حضرت اقدس پیرِ طریقت رہبرِ شریعت خواجہ مفتی غلام رسول نقشبندی مجددی پیر کے روز شام کے وقت کھاریاں تشریف لائے، جہاں سالکین و متعلقین نے نہایت محبت و عقیدت کے ساتھ استقبال کیا۔ بعد ازاں حضرت جی کا قافلہ کاشف بھائی کے گاؤں پہنچا، جہاں کھانے کے بعد مختصر آرام فرمایا۔
🌹 اگلی صبح پہلا بیان المنحل اسلامی انسٹیٹیوٹ میں ہوا، جو بدر کا معروف ادارہ ہے جہاں دینی و عصری تعلیم ساتھ ساتھ دی جاتی ہے۔ حضرت جی کے پُراثر بیان نے حاضرین کے دل موہ لیے۔ انتظامیہ نے تاثرات دیتے ہوئے کہا:
“آج بڑے حضرت جی رحمۃ اللہ علیہ کی یاد تازہ ہوگئی، یوں محسوس ہو رہا تھا جیسے وہی خطاب فرما رہے ہوں۔”
✨ دوسرا بیان چھوکر کے تقریباً دو سو سال قدیم مدرسہ میں ہوا۔ اس ادارے کے علماء پورے گجرات میں مختلف دینی شعبہ جات میں خدمات انجام دے رہے ہیں۔ علماء کرام نے عرض کیا کہ:
“حضرت جی نے اختلاط کے متعلق جو مدلل گفتگو فرمائی، ایسی بات پہلے کبھی نہ سنی تھی۔ ہمیں روحانی تازگی اور نیا حوصلہ ملا۔”
🌙 تیسرا بیان لالہ موسیٰ کی عظیم الشان مسجدِ شیخاں میں ہوا، جو تبلیغی مرکز کی حیثیت بھی رکھتی ہے۔ الحمدللہ! مجمع انتہائی پُرسکون رہا۔ بیان کے اختتام پر واپسی تک گاڑی کے قریب مسلسل مصافحہ جاری رہا۔ لوگوں نے بے حد محبت اور عقیدت کا اظہار کیا جبکہ مرکز کے اساتذۂ کرام بھی تشریف لائے۔
⭐ چوتھا بیان مسجد خلافتِ راشدہ میں ہوا جہاں مجمع اس قدر بڑھ گیا کہ کھانے کے انتظامات بھی متاثر ہوئے، مگر سامعین نے نہایت سکون اور توجہ سے بیان سنا۔ گجرات میں پہلی مرتبہ اس انداز کے روحانی و اصلاحی بیانات ہوئے جن کے اثرات نمایاں محسوس کیے گئے۔
💫 برنالہ میں بھی تین بیانات ہوئے۔ ایک خصوصی بیان دن کے وقت مستورات میں ہوا جو کراچی والے حضرت جی کے خلیفہ ڈاکٹر عامر فاروقی صاحب کے گھر منعقد ہوا۔ جمعۃ المبارک کا بیان مرکزی مسجد نعمت میں ہوا، جہاں مسجد حاضرین سے بھر گئی۔ اللہ تعالیٰ کا ایسا فیض محسوس ہو رہا تھا کہ گویا “فیض اندھے کو بھی دکھائی دے رہا تھا۔”
🌹 مسلسل پانچ بیانات کے بعد حضرت جی کی طبیعت ناساز ہوگئی، جس کی وجہ سے مزید پروگرام ترتیب نہ دیے جا سکے۔ جمعہ کی رات حضرت جی بخیریت راولپنڈی واپس تشریف لے آئے۔
🤲 اللہ تعالیٰ حضرت جی کو صحتِ کاملہ و عاجلہ عطا فرمائے، اور سلسلۂ عالیہ نقشبندیہ مجددیہ کا فیض پوری دنیا میں عام فرمائے۔ آمین
✍️ ابو عبداللہ شفیق

10/05/2026

✨🌹 روحانی کیف و سرور سے بھرپور ایمان افروز اجتماع 🌹✨
پیرِ طریقت، رہبرِ شریعت
خواجہ مفتی غلام رسول نقشبندی مجددی
دامت برکاتہم العالیہ کا بابرکت بیان
مسجد خاتم النبیین
میں انتہائی روح پرور انداز میں منعقد ہوا۔
اہلِ علاقہ نے بڑی محبت، عقیدت اور والہانہ انداز میں شرکت کی۔ مسجد عاشقانِ رسول ﷺ سے کھچا کھچ بھری ہوئی تھی اور ہر طرف سکون، خشیت اور روحانی کیفیت طاری تھی۔ حاضرین نے حضرت جی دامت برکاتہم العالیہ کا بیان نہایت توجہ، انہماک اور ادب کے ساتھ سماعت کیا۔ حضرت جی کا روحانی فیضان اور تربیتی اثرات واضح طور پر محسوس کیے جا رہے تھے۔ ✨
بیان کے اختتام پر حضرت جی نے توبہ و بیعت کے مبارک کلمات پڑھائے، جس سے کثیر تعداد میں لوگوں نے اپنے گناہوں سے سچی توبہ کرتے ہوئے نیکی، تقویٰ اور سنتِ نبوی ﷺ والی زندگی گزارنے کا عزم کیا۔ مستورات کا بھی بڑا مجمع اس روحانی محفل سے فیض یاب ہوا۔ 🌸
مراقبہ اور دعا کے لمحات انتہائی رقت آمیز تھے۔ ہر طرف آہوں، سسکیوں اور دھاڑیں مار کر رونے کی آوازیں سنائی دیتی رہیں۔ یوں محسوس ہوتا تھا کہ اللہ تعالیٰ کی رحمت جوش میں ہے اور بندوں کے دل اپنے رب کی طرف جھک رہے ہیں۔ ❤️
حقیقت یہی ہے کہ جب انسان اخلاص کے ساتھ اولیاءِ کرام کی مجالس میں حاضر ہوتا ہے، دل کا پیالہ سیدھا کر کے بیٹھتا ہے، تو اللہ تعالیٰ اور رسولِ اکرم ﷺ کی محبت اس کے قلب میں اترنے لگتی ہے۔ گناہوں سے نفرت، توبہ کی رغبت اور نیک اعمال کی طرف شوق پیدا ہوتا ہے، اور زندگی کا رخ خیر و بھلائی کی جانب مڑ جاتا ہے۔ ✨
ہم دل کی گہرائیوں سے حضرت جی دامت برکاتہم العالیہ کے کہوٹہ تشریف لانے پر ان کا شکریہ ادا کرتے ہیں۔
خصوصاً بھائی عبد القدیر صاحب، بھائی شبیر صاحب اور اہلِ محلہ کھٹراں کی محنت، اخلاص اور کوششیں قابلِ تحسین ہیں جنہوں نے اس عظیم الشان روحانی پروگرام کے انعقاد میں اہم کردار ادا کیا۔ اللہ تعالیٰ سب کی کاوشوں کو قبول فرمائے اور اسے ذریعۂ نجات بنائے۔ 🤲🌹
✨ اللہ تعالیٰ ایسی بابرکت محافل بار بار نصیب فرمائے۔ آمین یا رب العالمین ✨

09/05/2026

✨ اہلِ کہوٹہ کیلئے خوشخبری، سعادت اور روحانی مسرت کا ایک عظیم لمحہ ✨
دلوں کو ایمان کی حرارت، روح کو سکون اور زندگی کو اللہ کی یاد سے معطر کرنے والی ایک بابرکت و نورانی محفل سجنے جا رہی ہے۔
ہمارے محبوب و محترم، مرجعِ اہلِ محبت، دلوں کی دھڑکن،
حضرت اقدس پیرِ طریقت، رہبرِ شریعت، شیخ الحدیث
خواجہ مفتی غلام رسول نقشبندی مجدددی چشتی دامت برکاتہم
ان شاء اللہ تعالیٰ بروز اتوار 10 مئی
بعد نمازِ مغرب
مسجد خاتم النبیین ﷺ محلہ کھٹراں کہوٹہ
میں خصوصی بیان، ذکر و دعا کیلئے تشریف لا رہے ہیں۔ ✨
🌙 اللہ والوں کی صحبت وہ نعمت ہے جس سے دلوں کو جِلا، روحوں کو تازگی اور زندگیوں کو ہدایت نصیب ہوتی ہے۔
اہلِ دل جانتے ہیں کہ یہ بابرکت مواقع ہر روز نصیب نہیں ہوتے، خوش نصیب ہیں وہ لوگ جو اپنے شیخ و مرشد کی صحبت سے فیض یاب ہوتے ہیں۔
💫 ہم اپنے پیارے شیخِ محترم کی آمد پر دل کی گہرائیوں سے انہیں خوش آمدید کہتے ہیں اور اہلِ علاقہ، علماء کرام، طلباء، نوجوانوں اور تمام عاشقانِ اولیاء سے پُرزور اپیل کرتے ہیں کہ اس عظیم روحانی اجتماع میں بھرپور شرکت فرما کر اپنے قلوب کو نورِ ذکر و محبتِ الٰہی سے منور کریں۔