All Jammu & Kashmir Markazi Jamiat Ahlehadith

27/05/2026

مظفرآباد 27 مئی 2026

آل جموں و کشمیر مرکزی جمعیت اہل حدیث و مرکز اہل حدیث جامعہ محمدیہ اپر چھتر مظفرآباد کے زیرِ اہتمام نمازِ عید الاضحیٰ کا عظیم الشان اجتماع دارالحکومت مظفرآباد میں یونیورسٹی کالج گراؤنڈ اپر اڈا میں منعقد ہوا، جہاں مرد و خواتین کی کثیر تعداد نے شرکت کی۔ نمازِ عیدالاضحیٰ مولانا زاہد الاسلام اثری حفظہ اللہ کی اقتداء میں ادا کی گئی۔

خطبۂ عید میں تقویٰ، قربانی کی روح، اتحادِ امت اور اسلامی اخوت کے موضوعات پر خطاب کیا گیا، جبکہ اختتام پر پاکستان، آزاد جموں و کشمیر، مقبوضہ کشمیر کی آزادی، امتِ مسلمہ کے اتحاد، امن و استحکام اور عالمِ اسلام کی خیر و سلامتی کے لیے خصوصی دعا کی گئی۔

اللہ تعالیٰ اس عظیم اجتماع، عبادات اور قربانیوں کو اپنی بارگاہ میں قبول فرما۔ آمین

22/05/2026

نماز عید الاضحی سنت نبوی ﷺ کے مطابق یونیورسٹی کالج گراؤنڈ میں ادا کی جائیگی ۔ ان شاءاللہ

18/05/2026

17/05/2026

ذوالحجہ کے دس قیمتی ایام۔ ۔ ۔ ۔ امام و خطیب مسجد نبوی ﷺ

15/05/2026

🌸 عظیم الشان درسِ قرآن 🌸

آل جموں و کشمیر مرکزی جمعیت اہل حدیث کے زیرِ اہتمام بروز ہفتہ 16 مئی، بعد از نمازِ مغرب مظفرآباد میں دو مختلف مقامات پر عظیم الشان دروسِ قرآن کا انعقاد کیا جا رہا ہے۔ ان شاء اللہ

📍 جامع مسجد عائشہ صدیقہ رضی اللہ عنہا، لوئر پلیٹ مظفرآباد
🎙 فضیلتہ الشیخ ڈاکٹر عبیدالرحمن محسن حفظہ اللہ
خطاب فرمائیں گے۔

📍 جامع مسجد ابو بکر صدیق رضی اللہ عنہ، لوئر پلیٹ نزد واک وے مظفرآباد
🎙فضیلتہ الشیخ۔ ڈاکٹر شفیق الرحمن حفظہ اللہ
خطاب فرمائیں گے۔

✨ ممتاز سکالرز و علماء کرام قرآنِ مجید کی روشنی میں اہم دینی، اصلاحی اور فکری موضوعات پر خطاب فرمائیں گے۔

اہلِ اسلام سے پُرزور اپیل ہے کہ اس بابرکت علمی و روحانی محفل میں لازمی شرکت فرمائیں اور اپنے اہلِ خانہ، دوست احباب اور نوجوانوں کو بھی ساتھ لائیں تاکہ زیادہ سے زیادہ لوگ قرآنِ مجید کی تعلیمات سے مستفید ہو سکیں۔

🤍 آئیں! قرآن سے اپنا تعلق مضبوط کریں اور اپنی زندگیوں کو دینِ اسلام کی روشنی سے منور کریں۔

منجانب:آل جموں و کشمیر مرکزی جمعیت مرکزی جمعیت اہل حدیث ضلع مظفرآباد

15/05/2026

مظفرآباد15 مئی 2026
آل جموں و کشمیر مرکزی جمعیت اہل حدیث کے زیر اہتمام مرکزی جامع مسجد محمدی اہل حدیث مدینہ مارکیٹ میں جمعۃ المبارک کے بابرکت موقع پر ممتاز عالمِ دین، مفسرِ قرآن اور رئیس دارالحدیث جامعہ کمالیہ راجووال، فضیلۃ الشیخ ڈاکٹر عبیدالرحمن محسن حفظہ اللہ نے روح پرور اور فکر انگیز خطبۂ جمعہ ارشاد فرمایا۔

اپنے خطاب میں انہوں نے بالخصوص عصرِ حاضر کے نوجوانوں کو درپیش فکری، اخلاقی اور سماجی چیلنجز پر نہایت مدلل، حکیمانہ اور مؤثر انداز میں گفتگو کی۔ انہوں نے نوجوان نسل کو مغربی تہذیب، سوشل میڈیا کے منفی اثرات، بے راہ روی، دینی بے شعوری اور اخلاقی زوال جیسے فتنوں سے آگاہ کرتے ہوئے اس بات پر زور دیا کہ نوجوان اپنی زندگیاں قرآن و سنت کی تعلیمات کے مطابق ڈھالیں اور اپنے کردار، اخلاق اور طرزِ زندگی کو اسلامی اصولوں کے تابع بنائیں۔

فضیلۃ الشیخ نے اس امر کی بھی نشاندہی کی کہ آج کا نوجوان اگر علمِ دین، تقویٰ، صالح صحبت اور مضبوط کردار کو اختیار کر لے تو وہ نہ صرف اپنی ذات بلکہ پوری امت کی اصلاح و تعمیر میں مؤثر کردار ادا کر سکتا ہے۔ انہوں نے نوجوانوں کو دین سے مضبوط تعلق، نماز کی پابندی، والدین کے احترام، اچھے اخلاق اور امت کے اجتماعی شعور کو اپنانے کی تلقین کی۔

14/05/2026

لاہور
ناظمِ اعلیٰ مرکزی جمعیت اہلِ حدیث پاکستان حضرت مولانا عبدالرشید حجازی حفظہ اللہ سے ناظمِ اعلیٰ آل جموں و کشمیر مرکزی جمعیت اہلِ حدیث دانیال شہاب مدنی کی اہم ملاقات۔مرکزی سیکرٹریٹ میں ہونے والی اس خوشگوار نشست کے اختتام پر یادگار فوٹو لیا گیا۔

13/05/2026

� اہلیانِ مظفرآباد کے لیے عظیم الشان روح پرور و علمی خوشخبری 🌿

آل جموں و کشمیر مرکزی جمعیت اہلِ حدیث کے زیرِ اہتمام
مرکزی جامع مسجد محمدی اہلِ حدیث، مدینہ مارکیٹ مظفرآباد میں
جمعتہ المبارک کے بابرکت و ایمان افروز موقع پر ایک عظیم الشان خطاب کا انعقاد کیا جا رہا ہے۔

🕌 خطبۂ جمعتہ المبارک
📅 15 مئی 2026 بروز جمعہ

🎙️ خصوصی خطاب:
فضیلۃ الشیخ ڈاکٹر پروفیسر عبیدالرحمن محسن حفظہ اللہ

📍 مقام:
مرکزی جامع مسجد محمدی اہلِ حدیث، مدینہ مارکیٹ مظفرآباد

یہ روحانی، فکری اور اصلاحی اجتماع اہلِ مظفرآباد کے لیے علم و حکمت، دعوت و بصیرت اور ایمان افروز نصائح سے بھرپور ایک یادگار موقع ہوگا۔ اہلِ اسلام بالخصوص نوجوانانِ ملت، علماء، طلبہ اور تمام مکاتبِ فکر سے تعلق رکھنے والے افراد کو اس مبارک اجتماع میں شرکت کی دعوتِ عام دی جاتی ہے تاکہ قرآن و سنت کی روشنی میں رہنمائی حاصل کی جا سکے۔

✨ اپنے اہلِ خانہ، دوستوں اور احباب کے ساتھ ضرور شرکت فرمائیں اور اس پیغام کو زیادہ سے زیادہ آگے پہنچا کر دعوتِ دین میں اپنا حصہ شامل کریں۔

12/05/2026

مظفرآباد
ڈویژنل تحفظِ حقوقِ مدارسِ دینیہ کنونشن میں شرکت کے بعد صدر تحریک تحفظِ مدارسِ دینیہ آزاد جموں و کشمیر علامہ حمید الدین برکتی، علامہ محمد اسحاق نقوی، رئیس جامعہ محمدیہ مولانا زاہد الاسلام اثری، سیکرٹری جنرل تحریک تحفظِ مدارسِ دینیہ مولانا عبدالماجد، مولانا فضل وہاب، مولانا عبدالعزیز قاسمی اور دیگر علماء و مشائخ کا ناظمِ اعلیٰ آل جموں و کشمیر مرکزی جمعیت اہلِ حدیث دانیال شہاب مدنی کے ہمراہ یادگاری گروپ فوٹو۔
یہ کنونشن تحفظِ حقوقِ مدارسِ دینیہ، مدارس دینیہ کے تشخص کے استحکام اور ملی وحدت کے فروغ کے عزم کی بھرپور ترجمانی ثابت ہوا۔

05/06/2025

مظفرآباد(پریس ریلیز)
مرکزی جمعیت اہل حدیث مظفرآباد کے زیر اہتمام دارلحکومت مظفرآبادمیں نماز عیدالاضحی امیر مرکز ی جمعیت اہل حدیث ضلع مظفرآباد و رئیس جامعہ محمدیہ مولانا زاہد الا سلام اثری کی اقتداء میں صبح 07:00بجے یونیورسٹی کالج گراؤنڈمظفرآباد میں ادا کی جائے گی۔خواتین کے لیے پردے میں نماز عید الاضحی کی ادائیگی کے لیے انتظامات کیے گئے ہیں۔ مرکز اہل حدیث جامعہ محمدیہ سے جاری کردہ پریس ریلیز میں کہا گیا ہے کہ آزادکشمیر کے دارلحکومت مظفرآباد کا نماز عیدالاضحی کا سب سے بڑا اجتماع حسب سابق یونیورسٹی کالج گراؤنڈ میں منعقد ہو گا،جہاں ہزاروں مرود خواتین نماز عیدباجماعت ادا کریں گے۔نماز عید و خطبہ عید،رئیس جامعہ محمدیہ مولانا زاہد الاسلام اثری ارشاد فرمائیں گے۔ بارش کی صورت میں نماز عید الاضحی کا مرکزی اجتماع مرکز اہل حدیث جامعہ محمدیہ اپر چھتر میں منعقد ہو گا،جبکہ دارلحکومت مظفرآباد کی دیگرتمام جامع مساجد اہل حدیث میں بھی نماز عید الاضحی کے اجتماعات وقت مقررہ پر منعقد ہوں گے۔ ترجمان نے پریس ریلیز میں بتایا کہ نماز عیدالاضحی کے سلسلے میں انتظامات کو حتمی شکل دی جا رہی ہے اور اس سلسلے میں نماز ادائیگی کی جگہ،عوام کی سیکورٹی،گاڑیوں کی پارکنگ سمیت تمام اہم امور کے لیے مختلف کمیٹیاں قائم کر دی گئی ہیں۔مرکزی جمعیت اہل حدیث و جامعہ محمدیہ کے زیر انتظام،یونیورسٹی کالج گراؤنڈ میں گزشتہ7دھائیوں سے زائدعرصہ سے نماز عید اداکی جا رہی ہے۔ ماضی میں نماز عیدبانی مرکزی جمعیت اہل حدیث آزاد جموں و کشمیر مولانا محمدیونس اثری علیہ رحمۃ اور پھر امیر ثانی مرکزی جمعیت اہل حدیث آزاد جموں و کشمیر پروفیسر شہاب الدین مدنی علیہ رحمۃ کی اقتداء میں ادا کی جاتی رہی ہے۔