ابو طالب سوسائٹی

28/04/2026

آغا مقبول حسین (ایران)، تحسین حیدری اور جواد حیدری کو امام علی خامنہ ای کا پورٹریٹ پیش کرتے ہوئے۔

05/04/2026

اصلاح، شعور اور احترام کا پیغام

اہلِ بیتؑ کی محبت اور ان کا احترام ہمارے ایمان کا بنیادی حصہ ہے، اور اسی میں ہماری کامیابی پوشیدہ ہے۔

حال ہی میں ایک واقعے میں کچھ نامناسب رویہ سامنے آیا، جس پر متعلقہ فرد نے دل سے معذرت کی اور اصلاح کی طرف قدم بڑھایا۔ یہ واقعہ نفرت یا تقسیم پیدا کرنے کا نہیں، بلکہ اصلاح، شعور اور باہمی احترام کو فروغ دینے کا موقع ہے

اہلِ خانہ کا مثبت کردار قابلِ تحسین ہے غلطی کو دل سے تسلیم کیا اور اصلاح کی کوشش کی

اہلِ خانہ نے جناب سید رفیق حسین حیدری صاحب، سرپرست اعلیٰ کھٹپورہ سیداں و متولی مسجد و امام بارہ ابوطالبؑ، سید راشد علی نقوی صاحب (صدر انجمن جعفریہ جہلم ویلی)، سید عبدلجبار علی کاظمی صاحب سید تبریز کاظمی صاحب، سید تصور عباس موسوی صاحب، سید شجاعت علی کاظمی صاحب, سید فدا کاظمی صاحب, سید کفایت حسین کاظمی صاحب, سید سفیر حسین کاظمی صاحب, سید ثاقب علی کاظمی صاحب, لیڈر رفیق کاظمی صاحب, ارباب علوی صاحب اور سید عابد حسین کاظمی صاحب کا تہہ دل سے شکریہ ادا کیا، جنہوں نے مسئلے کے پُرامن حل میں رہنمائی اور مثبت کردار ادا کیا۔

پولیس انتظامیہ کا بھی خصوصی شکریہ، خاص طور پر تھانہ گڑھی دوپٹہ کی ٹیم، جنہوں نے حساس معاملے کو ذمہ داری، حکمت اور پیشہ ورانہ انداز میں سنبھالا۔
ہم سب کی ذمہ داری ہے کہ
اہلِ بیتؑ اور ہر معزز شخصیت کا احترام یقینی بنائیں

اختلاف کے باوجود شائستگی اور برداشت کا دامن نہ چھوڑیں

معاشرے میں اتحاد، رواداری اور بھائی چارے کو فروغ دیں

آئیے ہم سب مل کر ایک ایسا معاشرہ قائم کریں جہاں احترام، محبت اور شعور سب کے لیے بنیادی اصول ہوں۔

اللہ تعالیٰ ہمیں حق بات سمجھنے اور معاشرے میں خیر و اصلاح کا ذریعہ بننے کی توفیق عطا فرمائے

21/03/2026

نمازِ عید الفطر کی روح پرور ادائیگی
الحمدللہ مسجد امام علی الہادیؑ کھٹپورہ سیداں میں آج نمازِ عید الفطر نہایت عقیدت و احترام کے ساتھ ادا کی گئی۔
نمازِ عید میں علاقے کے مومنین کی بڑی تعداد نے شرکت کی اور اللہ تعالیٰ کے حضور شکرانے کے جذبات کے ساتھ سجدہ ریز ہوئے۔ اس بابرکت موقع پر امتِ مسلمہ کی سلامتی، اتحاد اور خوشحالی کے لیے خصوصی دعائیں بھی کی گئیں۔ اللہ تعالیٰ ہم سب کی عبادات کو اپنی بارگاہ میں قبول فرمائے اور ہمیں عید کی حقیقی خوشیوں سے بہرہ مند کرے۔ آمین

17/03/2026

اظہارِ تشکر و قدردانی

میں بحیثیت صدر ابوطالبؑ سوسائٹی محترمہ سیدہ امرین مصطفی صاحبہ (چیئرپرسن، ایریا ڈویلپمنٹ آرگنائزیشن مددگار پروگرام) کا دل کی گہرائیوں سے شکریہ ادا کرتا ہوں جنہوں نے ہمیشہ دینی و سماجی سرگرمیوں میں ہمارا بھرپور ساتھ دیا۔

مسجد و امام بارگاہ کے ساؤنڈ سسٹم کی خریداری میں آپ کی طرف سے کی گئی مدد نہ صرف قابلِ تحسین ہے بلکہ یہ خدمتِ دین کی ایک روشن مثال بھی ہے۔ اسی طرح مسجد میں منعقد ہونے والی دعاؤں اور دینی پروگرامز میں آپ کا مسلسل تعاون ہمارے لیے باعثِ حوصلہ ہے۔

بالخصوص ماہِ رمضان المبارک میں مسجد امام علی الہادیؑ میں روزہ داروں کے لیے افطار کا انتظام کروانا اور 21 رمضان المبارک کی مجلس میں بھرپور تعاون پر آپ کے جذبۂ خدمت اور محبتِ اہلِ بیتؑ کا عملی اظہار ہے، جس پر ہم دل کی گہرائیوں سے آپ کے مشکور ہیں۔

اس کے ساتھ ساتھ ڈیزاسٹر مینجمنٹ کے لیے 50 ہزار روپے کے آلات فراہم کرنے کے وعدے پر بھی ہم آپ کے انتہائی ممنون ہیں۔ یہ اقدام علاقے کی فلاح و حفاظت کے لیے نہایت اہم اور قابلِ قدر ہے۔


ہمیں یہ بھی خوشی ہے کہ اہلِ علاقہ نے آپ کی ان ہمدردانہ اور فلاحی کاوشوں کو بے حد سراہا، آپ کا شکریہ ادا کیا اور آپ کے لیے نیک تمناؤں اور دعاؤں کا اظہار کیا۔

ہم دعا گو ہیں کہ اللہ تعالیٰ آپ کو خدمتِ دین و انسانیت کی مزید توفیق عطا فرمائے، آپ کی کاوشوں کو اپنی بارگاہ میں قبول فرمائے اور آپ کو اس کا بہترین اجر عطا فرمائے۔

منجانب:
صدر ابوطالبؑ سوسائٹی
سید عبدلجبار علی کاظمی

14/03/2026

یومِ القدس ریلی – گڑھی دوپٹہ

ابوطالبؑ سوسائٹی کھٹپورہ سیداں اور امامیہ اسٹوڈنٹس آرگنائزیشن پاکستان آزادکشمیر ریجن گڑھی دوپٹہ یونٹ کے زیرِ اہتمام جمعۃ الوداع کے موقع پر بعد از نمازِ جمعہ جامع مسجد کہواں والا باغ سے کالج چوک تک عظیم الشان یومِ القدس ریلی منعقد ہوئی۔
ریلی میں عوام، علماء کرام اور نوجوانوں کی بڑی تعداد نے شرکت کی اور مظلوم فلسطینی عوام، قبلۂ اول مسجدِ اقصیٰ کی آزادی اور ملتِ ایران سے اظہارِ یکجہتی کیا۔ شرکاء نے ہاتھوں میں پلے کارڈز اور بینرز اٹھا رکھے تھے اور فلسطین کی آزادی اور اسرائیلی مظالم کے خلاف فلک شگاف نعرے بلند کیے۔
اس موقع پر
صدر ابوطالبؑ سوسائٹی سید عبدالجبار کاظمی، صدر انجمن جعفریہ جہلم ویلی سید راشد نقوی اور دیگر علماء کرام نے خطاب کیا۔

مقررین نے اپنے خطابات میں کہا کہ یومِ القدس صرف ایک دن نہیں بلکہ امتِ مسلمہ کے اتحاد اور مظلوم فلسطینی عوام کے ساتھ عالمی یکجہتی کا پیغام ہے۔ انہوں نے عالمِ اسلام سے اپیل کی کہ وہ فلسطینی عوام کی عملی حمایت جاری رکھیں اور قبلۂ اول کی آزادی کے لیے متحد ہو جائیں۔
ریلی کے دوران شہداء فلسطین اور انقلابِ اسلامی ایران کے شہداء کے لیے خصوصی دعا کی گئی اور اس عزم کا اعادہ کیا گیا کہ قبلۂ اول کی آزادی تک جدوجہد جاری رکھی جائے گی۔
مقررین نے عالمی برادری سے مطالبہ کیا کہ فلسطین میں جاری اسرائیلی مظالم کو فوری طور پر روکا جائے، فلسطینی عوام کو ان کے بنیادی حقوق فراہم کیے جائیں اور ایران کے خلاف حالیہ ناجائز جارحیت بند کی جائے۔
قدس کی آزادی تک جدوجہد جاری رہے گی
فلسطین زندہ باد | قبلۂ اول آزاد کرو

14/03/2026

گڑھی دوپٹہ میں مظلومینِ عالم سے اظہارِ یکجہتی

آج جہلم ویلی کے علاقے گڑھی دوپٹہ میں دن بھر مردہ باد امریکہ و اسرائیل کے فلک شگاف نعروں سے فضا گونجتی رہی۔ مختلف مذہبی و سماجی تنظیموں کے زیر اہتمام متعدد احتجاجی و القدس ریلیاں نکالی گئیں، جن میں عوام کی بڑی تعداد نے بڑھ چڑھ کر شرکت کی۔

انجمن غلامان آل محمدؑ بچہ سیداں کے زیراہتمام بچہ سیداں سے پل بازار تک ریلی

ابوطالبؑ سوسائٹی کھٹپورہ سیداں و امامیہ اسٹوڈنٹس آرگنائزیشن پاکستان آزادکشمیر ریجن کی جامع مسجد کہواں والا باغ سے کالج چوک تک القدس ریلی

مرکزی انجمن جعفریہ جہلم ویلی کے زیر اہتمام مرکزی امام بارگاہ صاحب الزماںؑ مجہوئی سیداں سے جامعہ مسجد النور مجہوئی موڑ سرینگر روڈ تک احتجاجی ریلی

ریلیوں سے خطاب کرتے ہوئے سید شجاعت کاظمی، سید راشد نقوی، سید عبدالجبار کاظمی، مولانا سید فرید عباس نقوی، مولانا سجاد نقوی، ڈاکٹر مصطفیٰ بشیر عباسی، علامہ ارشد ضیائی ،سید تبریز کاظمی ،سید تصور عباس موسوی اور علامہ عرفان حیدر ترابی نے ایران کی غیور، بہادر اور نڈر قوم کو خراجِ عقیدت پیش کیا اور
رہبر معظم آیت اللہ سید علی خامنہ ای کی المناک شہادت پر امت مسلمہ سے اظہارِ تعزیت کیا
آئندہ سپریم لیڈر سید مجتبیٰ خامنہ ای کی حمایت کے عزم کا اظہار کیا
اسلامی ممالک میں امریکی فوجی اڈوں کے فوری خاتمے کا مطالبہ کیا
اسرائیلی و امریکی مصنوعات کے مکمل بائیکاٹ کی اپیل کی
غزہ، فلسطین، لبنان، ایران اور کشمیر کے مظلوم عوام کے ساتھ مکمل یکجہتی
پاکستان کی مغربی سرحد پر دہشتگردی کی شدید مذمت کی
پاک فوج کے شہداء کو خراجِ عقیدت اور وطن کے دفاع کے لیے حمایت کا اعادہ کیا
گڑھی دوپٹہ کے عوام نے ثابت کیا کہ وہ مظلومینِ عالم کے ساتھ کھڑے ہیں اور ظلم و استکبار کے خلاف اپنی آواز بلند کرتے رہیں گے۔

#یکجہتی #فلسطین #ایران #کشمیر #پاکستان

•

13/03/2026

سید عبدالجبار علی کاظمی بطور صدر ابوطالبؑ سوسائٹی کھٹپورہ سیداں اعوان پٹی گڑھی دوپٹہ مظفرآباد آزاد کشمیر جناب سید محبت حسین کاظمی صاحب سرپرستِ اعلیٰ انجمن غلامانِ آلِ محمدؑ ڈوبہ بچہ سیداں کا دل سے شکریہ ادا کرتا ہوں کہ انہوں نے القدس ریلی کے حوالے سے ہمارے تعاون اور شرکت کو جس محبت اور خلوص کے ساتھ سراہا، یہ ہمارے لیے باعثِ عزت اور حوصلہ افزائی ہے۔
ہم تمام اہلِ علاقہ ڈوبہ بچہ سیداں، رڑی سیداں، موہری گجراں، ارتاکھہ اعوان پٹی اور بٹلیاں کے غیور عوام کو بھی سلامِ عقیدت پیش کرتے ہیں جنہوں نے اپنی تمام مصروفیات اور مسلکی اختلافات کو بالائے طاق رکھتے ہوئے برادر اسلامی ملک ایران، فلسطین اور غزہ کے مظلوم مسلمانوں کے ساتھ یکجہتی کے لیے امام بارگاہ موسیٰ کاظمؑ ڈوبہ بچہ سیداں سے گڑھی دوپٹہ تک نکالی جانے والی القدس ریلی میں بھرپور شرکت کی۔
مرکزی انجمن جعفریہ گڑھی دوپٹہ، آئی ایس او گڑھی دوپٹہ اور دیگر تمام تنظیموں کے بھی شکر گزار ہیں جنہوں نے مختصر کال پر لبیک کہتے ہوئے اس ریلی کو کامیاب بنایا۔ یقیناً یہی اتحاد و یکجہتی امتِ مسلمہ کی طاقت ہے اور مظلوموں کے لیے امید کی کرن ہے۔
اللہ تعالیٰ ہم سب کو مظلوموں کی حمایت اور حق و صداقت کے راستے پر ثابت قدم رکھے۔


#ابوطالبؑ سوسائٹی

13/03/2026

یوم القدس 🏴

12/03/2026

بسم اللہ الرحمن الرحیم
تمام مومنین و مومنات کو مطلع کیا جاتا ہے کہ شہادتِ امیرِ کائنات حضرت علیؑ کے سلسلہ میں ایک پُرسوز اور روح پرور مجلسِ عزا کا انعقاد کیا جا رہا ہے۔
22 رمضان المبارک
مورخہ 12 مارچ بروز جمعرات
📍 مقام: مسجد امام علی الہادیؑ و امام بارگاہ ابوطالبؑ کھٹپورہ سیداں
پروگرام کی ترتیب:
🕓 شام 4:00 بجے
مسجد امام علی الہادیؑ میں درسِ معارفِ اہلِ بیتؑ کا آغاز ہو گا جو نمازِ مغرب تک جاری رہے گا۔
🌙 نمازِ مغرب کے بعد
مومنین کے لیے افطار کا اہتمام کیا جائے گا۔
🕌 اس کے بعد نمازِ عشاء ادا کی جائے گی۔
🖤 نماز کے فوراً بعد
امام بارگاہ ابو طالبؑ میں مجلسِ عزا منعقد ہو گی جہاں ذکرِ مصائبِ امیرالمؤمنینؑ سے دلوں کو منور کیا جائے گا۔
🍽️ مجلس کے اختتام پر لنگر و نیاز پیش کی جائے گی۔
✨ اس کے بعد مومنین کے لیے اعمالِ شبِ قدر کا آغاز ہو گا جو رات بھر جاری رہیں گے اور سحر تک عبادت و مناجات کا سلسلہ قائم رہے گا۔
🌅 آخر میں تمام مومنین کو سحری بھی کروائی جائے گی۔
ہم تمام محبانِ اہلِ بیتؑ سے مؤدبانہ گزارش کرتے ہیں کہ اس بابرکت اور پرسوز محفل میں شرکت فرما کر امیرالمؤمنین حضرت علیؑ سے اپنی عقیدت و محبت کا اظہار کریں

منجانب:
🖤 ابو طالبؑ سوسائٹی

03/03/2026

Like share

Watch, follow, and discover more trending content.