06/10/2026
"رہبر امت کانفرنس"
امامیہ اسٹوڈنٹس آرگنائزیشن پاکستان جنوبی پنجاب ریجن و ضلع ملتان کے 51ویں سالانہ رہبر امت کنونشن کے موقع پہ بیاد رہبر شہید آیت العظمی سید علی خامنہ ای "رہبر امت کانفرنس" کا انعقاد کیا گیا۔ جس میں علامہ کاظم عباس نقوی، رکن مجلس نظارت و سابق مرکزی صدر آئی ایس او پاکستان برادر ناصر عباس شیرازی، رکن ضلعی نظارت آئی ایس او ملتان مولانا سید اقتدار حسین نقوی، صوبائی صدر ایم ڈبلیو ایم جنوبی پنجاب مولانا قاضی نادر حسین علوی اور سابق مرکزی جنرل سیکرٹری برادر حیدر عباس نے شرکاء کانفرنس سے خطاب کیا۔ آخر میں نومنتخب ریجنل صدر و ضلعی صدر ملتان کا اعلان کیا گیا۔ برادر حسن رضا ریجنل صدر اور برادر ساجد حسین ضلعی صدر ملتان برائے سال 2026-27ء منتخب ہوئے۔ سابق مرکزی جنرل سیکرٹری برادر حیدر عباس نے نومنتخب ریجنل صدر اور نومنتخب ضلعی صدر ملتان سے حلف لیا۔ رکن مجلس نظارت و سابق مرکزی صدر ایڈووکیٹ برادر یافث نوید ہاشمی، سابق ڈویژنل صدر آئی ایس او ملتان برادر سلیم عباس صدیقی سمیت ریجن بھر سے ممبران، محبین، سینئر برادران و سابقین نے کثیر تعداد میں شرکت کی۔
