Markaz Hujra E Durood

05/09/2026

🥀دُعا کی قبولیت کا راز🥀

شیخ محمد بن قاسم القندوسی رحمتہ اللّٰه علیہ فرماتے ہیں کہ بندے کی طرف سے اپنے مولیٰ سے مانگنے کی حالت کے سوال کرنے کے 4 پہلو ہوتے ہیں ۔۔۔
ان 4 پہلوؤں میں سے 3 قابلِ تعریف ہیں اور چوتھا مذموم یعنی ناپسندیدہ ہے ۔۔۔۔
3 قابلِ تعریف پہلو یہ ہیں کہ مانگنے والا جب اپنے رب سے مانگے تو ان 3 میں سے کوئی ایک صورت پیش آتی ہے ۔۔۔
پہلی صورت یہ ہے کہ یا تو وہ دُعا فوراً قبُول ہوجاتی ہے
دوسری صورت یہ ہے کہ کُچھ وقت گزرنے کے بعد قبول ہوجاتی ہے
تیسری صورت یہ ہے کہ اُسے آخرت کےلیے ذخیرہ کرلیا جاتا ہے ۔۔۔
اگر مانگی گئی چیز واقعی آپکے حق میں بہتر ہے اللّٰه رب العزت ان تینوں احکامات کے مطابق فیصلہ فرماتا ہے ۔۔ اگر دنیا میں ملنا مقدر ہوتو وقتِ مقررہ پر مل جاتی ہے ورنہ آخرت کےلیے جمع ہوجاتی ہے ۔۔۔۔
اب چوتھا پہلو کیا تھا ناپسندیدہ صورت والا
اگر مانگی گئی چیز حقیقت میں آپکے لیے نقصان دہ ہے تو اللّٰه پاک اپنی رحمت کے باعث آپ کو وہ چیز نہیں دیتا کیونکہ اللّٰه پاک جانتا ہے کہ وہ چیز آپ کےلیے ٹھیک نہیں ہے ۔۔
جو چیز اللّٰه پاک نے آپکی سعادت کےلیے رکھی ہے وہ کبھی آپ کےلیے نقصان دہ نہیں ہوسکتی اور جو چیز نقصان دہ ہے وہ کبھی آپ کی سعادت کا حصہ نہیں بن سکتی شیخ محمد بن قاسم القندوسی رحمتہ اللّٰه علیہ فرماتے ہیں اب ایک سمجھدار انسان کو چاہیے کہ وہ جب بھی اللّٰه پاک سے کُچھ مانگے تو اپنا معاملہ اللّٰه پاک کے سپرد کردے اور اللّٰه پاک کو اپنے لیے انتخاب کرنے دے خود اپنی پسند کا اصرار نہ کرے کیونکہ بہت سی چیزیں ایسی ہوتی ہیں جو ظاہری طور پر انسان کو اچھی لگتی ہیں لیکن حقیقت میں وہ اس کے حق میں نقصان دہ ہوتی ہیں اور بہت سی چیزیں ایسی ہوتی ہیں جو بظاہر ناگوار لگتی ہیں مگر باطن میں اللّٰه پاک کے نزدیک سراسر بھلائی والی ہوتی ہیں۔ جب بندہ اپنا معاملہ اللّٰه پاک کے حوالے کر دیتا ہے تو اللّٰه پاک اسے صرف وہی دیتا ہے جو اس کی بہتری میں ہو اور جو اس کے لیے برا ہو اسے دور کر دیتا ہے۔ اللّٰه پاک کے نزدیک ہم سے جو سب سے بڑی چیز مطلوب ہے وہ ادب ہے اسی لیے سیدی محمد بن قاسم القندوسی رحمتہ اللّٰه علیہ نے فرمایا کہ جب بھی آپ کوئی چیز خریدنا یا بیچنا چاہیں تو اسے پہلے اللّٰه پاک سے دُرودوسلام کے وسیلہ سے خریدیں یعنی ہر کام کا آغاز حضور نبی کریمﷺ پر دُرودوسلام پڑھ کر کریں ۔۔

04/09/2026

21 ربیع الاول شریف 1448ھ 4 ستمبر 2026 بروز جمعہ
🥀الحمدُللّٰه حجرۂ درود میں ہفتہ وار پڑھا گیا دُرودوسلام🥀

02/09/2026

احباب آپ کے ذہنوں میں اگر ہو تو یاد آجائے گا اس حقیر نے ایک بار کہا تھا کہ حُجرۂ دُرود سے ہم نے قدمِ رسُولﷺ تک سفر کرنا ہے ہماری منزل نعلین رسُولﷺ ہے .... اور ہمارا سلسلہ دُرودوسلام عشقیہ نسبت والا سلسلہ ہے ہم اپنی منزل کی جانب رواں دواں ہے الحمدُلِلّٰه ۔۔ اور عشق دلیل اور عقل اور حوالوں کا محتاج نہیں ہوتا اس لیے ہمارے ساتھ بہت کم لوگ کامیابی سے چل پاتے ہیں مجھے یہ دُعائیں بارہا ملیں ہیں کہ تم سے جو مخلص ہونگے ان کو نوازا جائے گا اور حالات جیسے بھی ہونگے مگر ان کو حضورﷺ کی نسبت سے حصہ ضرور ملے گا پھر دُرودوسلام کا سلسلہ ملا اور سفر چلتا رہا اس بار حضورﷺ کو منظور تھا کہ ہم یہاں ہی ولادت منائیں لیکن 2 سال کی حاضریاں انکی یادیں دل چیرتی رہیں جیسے ہی 12وی شب شروع ہوئی کچھ عجیب معاملات شروع ہوگئے اور اب تک ہورہے ہیں اور بارہا نقشِ نعلین مبارک کی طرف میری توجہ دلائی جارہی ہے ۔۔۔ حضورﷺ کے تبرکات مقدسہ کے نام پر جو دھوکہ بازیاں آج حضورﷺ کی امت کیساتھ کی جارہی ہیں وہ ان کو بھلایا نہیں جاسکتا ۔۔۔ مجھے بتائیں ایک عاشق رسُولﷺ ہو اور چند پیسوں کی خاطر وہ حضورﷺ کے تبرکات کو بیچ دے یہ کیسا عاشق ہے ؟؟ احباب جب ہمیں دُرودوسلام ملا اور حضورﷺ کی نسبتِ عشقیہ نصیب ہوئی تو اس وقت سے اب تک میرے رب کا فضل ہے کہ جب بات حضورﷺ کی آئی ہم نے دلیلوں کو چھوڑ دیا اور ان صحابہ کو فالو کیا جنہوں نے عشق کی انتہا کردی اگر ہم سیرتِ رسُولﷺ کا مطالعہ کرنے والے ہوں تو ہم وسیلۂ مصطفٰیﷺ بنا دلیل کے مانیں اور حضورﷺ سے عشق بنا دلیل کریں گے میں چند واقعات پھر بھی بطورِ دلیل پیش کرتا ہوں اور صحیح احادیث میں ان واقعات کو تفصیل سے بیان کیا گیا ہے میں مختصر عرض کرتا ہوں تاکہ آپ کو سمجھ آجائے کہ ہر کام دلیل سے یا حوالے مانگ کر کرنا ضروری نہیں ہوتا ۔۔۔ حضورﷺ نے حج فرمایا حلق کروایا تو صحابہ کا جھرمٹ ہے اور میرے حضورﷺ کا ایک بال وہ زمین پر نہیں گرنے دےرہے اور مقابلہ ہے تڑپ ہے کہ ہمیں حضورﷺ کے مبارک بال مل جائیں سیدنا خالد بن ولید رضی اللّٰه عنہ کے امامہ میں حضورﷺ کا موئے مبارک ہے آپ سے کہا گیا آپ نے کر جنگ جیتی آپ بڑے بہادر ہیں فرمایا خبردار یہ سارا کمال اس موئے مبارکہ کا ہے جو میری ٹوپی میں ہے اسی طرح حضرت انس رضی اللّٰه عنہ خادم رسُولﷺ ہیں دس سال خدمت کی پھر میرے حضورﷺ وُضو فرماتے ہیں تو یہی صحابہ اس قطرات کو زمین پر نہیں آنے دیتے اور اپنے جسم پر ملتے ہیں ذرا پوچھو نہ کہ وُضو کا بچا ہوا پانی کیسا ہے ؟ ۔۔۔ غزوۂ احد میں حضورﷺ کا خون مبارک زمین پر نہ گرے صحابی نے چوس لیا تاکہ حضورﷺ کا مبارک خون زمین پر نہ گرے احباب یہ عشق رسُولﷺ ہے آؤ اب دو واقعات اس سے بھی کمال کے سنو ۔۔۔ روایت میں ہے کہ حضور نبی کریمﷺ نے حجامہ کروایا حجامہ کے بعد آپﷺ نے حضرت عبداللّٰه بن زبیر رضی اللّٰه عنہ کو حکم فرمایا کہ اے عبداللّٰه اس خون کو لے جاؤ اور ایسی جگہ بہا دو جہاں تمہیں کوئی نہ دیکھے اب حکم کیا ہے مگر ہوا کیا حضرت عبداللّٰه باہر گئے اور وہ حجامہ والا خون پی لیا جب واپس آئے تو حضورﷺ نے پوچھا اے عبداللّٰه تم نے اس خون کا کیا کیا؟ انہوں نے عرض کیا کہ میں نے اسے ایسی جگہ رکھا جہاں لوگوں کی نظر نہ پہنچ سکے آپﷺ نے فرمایا شاید تم نے اسے پی لیا انہوں نے عرض کیا میرے لجپال آپکے غلام نے وہ نوش کرلیا
ہائے ہم دلیلیں مانگتے پھرتے ہیں اور صحابہ کا عشق دیکھیں احباب کیا میرے حضورﷺ نے انہیں خون پینے کا حکم دیا تھا یا خون کو چھپا کر ضائع کرنے کا حکم دیا تھا ؟ اور حضرت عبداللّٰه نے اپنی محبت و تبرک کی وجہ سے اسے پی لیا اور حضورﷺ نے دُعا فرمائی ان کےلیے ۔۔۔۔ اب اس سے بھی بڑی بات کرنے لگا ہوں ہم خون رسُولﷺ کی بات کرتے ہیں مگر سنو حضور نبی کریمﷺ رات کو ایک برتن میں بول فرماتے تھے حضرت اُمّ ایمن رضی اللّٰه تعالی عنہا کو رات میں پیاس لگی انہوں نے لاعلمی میں وہ پی لیا صبح ہوئی میرے حضورﷺ نے برتن خالی کرنے کا فرمایا تو انہوں نے عرض کیا کہ میں پی چکی ہوں روایت میں ہے کہ حضور ﷺ مسکرائے اور فرمایا کہ پھر تمہیں پیٹ کی تکلیف نہیں ہوگی ایک دوسری روایت میں حضرت اُمَیمہ بنت رقیقہ رضی اللّٰه عنہا نے روایت کیا اسے کہ حضورﷺ ایک لکڑی کے برتن میں رات کو بول فرماتے تھے ایک حبشی خاتون برکۃ جو ام المومنین حضرت اُمِّ حبیبہ رضی اللّٰه تعالیٰ عنہا کے ساتھ حبشہ سے آئی تھیں اس نے وہ پی لیا روایت میں حضورﷺ کے اس پر خوش ہونے اور اسے آگ سے محفوظ ہونے کی بشارت دینے کا ذکر ہے ۔۔۔ آج ہم دلیلیں ڈھونڈتے پھرتے ہیں سوچتے ہیں کہ کیا یہ کام صحابہ نے کیا یا نہیں کیا احباب ۔۔۔۔ حضورﷺ سے عشق کریں تو انھے وا کریں پھر دلیلیں نہ ڈھونڈیں کہ یہ جائز ہے یا ناجائز ہے ادب مصطفٰیﷺ مانگیں اللّٰه سے حضورﷺ کا عشق مانگیں دُرودوسلام کی برکات مانگیں حضورﷺ سے وہ دل مانگیں جو دُرودوسلام پڑھتے ہوئے انکی مجلس میں حاضر ہو ۔۔۔ احباب نقشِ نعلین رسُولﷺ کی بہت برکات ہیں بات طویل ہوجائے گی عرض یہ ہے کہ اب حجرۂ دُرودوسلام کے سلسلے کو پھیلائیں اپنی ڈیوٹی کریں آگے بڑھیں سیکھیں سکھائیں دعوتِ دُرود کا مشن گھر گھر پہنچائیں شرم کو چھوڑ دیں الحمدُلِلّٰه یہ حقیر سفر کرے تو دعوتِ دُرود دیتا ہے مدینہ جاتے راستے میں گھر سے مدینہ تک جہاں جہاں ممکن ہوا دعوتِ دُرود پیش کی فیصل مورز میں ساتھ بیٹھے احباب کو وہ ساری فیملی تھی اور میں لاہور جا رہا تھا مدینہ کیلیے اور وہ لاہور اپنے والدین کو عمرہ سے واپس آنے پر لینے جارہے تھے انکی خواتین کو مرد حضرات کو دعوت پیش کی کوئی لنگر والا رولا نہیں بس یہی کہ آپ جیسے اب مل جل کر بیٹھے ہو گھر میں کھانا کھاتے وقت بھی بہت سے لوگ مل جل کر کھاتے ہیں ماشاءاللّٰه تب آپ میرے حضورﷺ پر پہلے دُرود پڑھیں اسکے بعد کھانا کھائیں رمضان مین سحری اور افطاری میں مل کر بیٹھنے کا موقع ملتا ہے اس وقت دُرودوسلام پڑھیں جو ہمیں ایک پل نہ بھولے ہم اگر 5 منٹس کےلیے ہی مل بیٹھ کر دُرود پڑھ لیں تو کچھ نہ ہونے سے ہوا تو ہے ہم بہت سارا وقت غیبت میں گزارتے ہیں جھوٹ میں چغلی میں مذاق میں ڈراموں میں فلموں میں کھاناپکانے لگے تو کئی خواتین موبائل چلاکر رکھتی ہیں گانے لگے ہیں فلم لگی ہے کھانا پک رہا اس کھانے کی کیا برکت ملنی ہے ؟؟؟ کھانا کھاتے وقت چغلی غیبت ہنسی مذاق عام ہے
تو احباب جس طرح ممکن ہو حضورﷺ کا ذکر کرو اور کروانے کا سبب بنو اپنے گھروں میں سیرت کی کتابیں لاؤ 5 سے 10 منٹس روزانہ ان کا مطالعہ کرو جس سوہنے محبوبﷺ پر دُرودوسلام پڑھنا ہے ان کو جانیں ان کی عادات مبارکہ احوال مبارکہ کو پڑھیں اپنے بچوں کو سنائیں سکھائیں سمجھائیں انکی تربیت کریں تاکہ حضورﷺ سے محبت بڑھے یہ نقش نعلین مصطفٰیﷺ گھروں میں لگائیں پرس میں رکھے باہر آتے جاتے آپکے پاس ہو کئی سال آپ کو حُجرۂ دُرود میں ہوچکے ہیں اب وقت آگیا ہے کہ خود بھی آپ بانٹنے والے بنیں عذر چھوڑیں ہمّت کریں تاکہ آپ کی پہچان دربارِ رسالت مآبﷺ میں خادمین کی ہو یہ ہمارے ذکر کو پھیلانے کی خدمات سرانجام دے رہے ہیں ۔۔۔ کوئی پیسہ نہیں مانگا آپ سے بس یہ کہا ہے جیسے ہم آپ کو حُجرۂ دُرودوسلام میں لے کر آئے تھے ویسے ہی آپ اوروں کے گھروں کو حُجرۂ دُرودوسلام بنادیں ۔۔۔ آنے والے وقت میں حضورﷺ کے ذکر ہی سے ہم سکون پاسکتے ہیں ورنہ جو حالات ہیں ہمیں یہ اپنے ہی لوٹ کر کھا جائیں گے ہماری اولادیں محفوظ نہیں ہیں اپنے ہی دشمن بنتے جارہے ہیں پیشوا پیربن کر لوٹ رہے ہیں عقیدتوں میں اپنی جیب بھر کر ہماری خالی کرواتے ہیں کسی طرح کی راہنمائی چاہیے ہو یہ حقیر حاضر ہے حضورﷺ کے نام پر خرچ کرو حضورﷺ کے ذکر پر خرچ کرو پیروں کو دینے سے لاکھ درجے بہتر ہے یہ ضرورت مندوں پر خرچ کرو اپنے والدین پر بیوی بچوں پر خرچ کرو عاملین سے تعویذ لینے کی بجائے استخاروں حساب پر خرچ کرنے کی بجائے کسی کو کھانا کھلا دو تمہارے غم ویسے ہی ٹل جائیں گے اب بھی وقت ہے سنبھل جائیں سدھر جائیں جلی کٹی برداشت کرلیں کل کو دُعا دیں گے ورنہ ہمارا جو کام ہے ہم وہ کر چکے کر رہے ہیں کرتے رہیں گے جب خالی ہاتھ رہ جاؤ گے تب سبھلنا مشکل ہوجائے گا بہت اللّٰه کرے آپ کو سمجھ آجائے استقامت نصیب ہو ہمیں آمین غلام رسُولﷺ بن جاؤ بس حضورﷺ رسوا نہیں ہونے دیتے حضورﷺ بڑے لجپال ہیں حضورﷺ کی اہل بیت سے حضورﷺ کے صحابہ سے حضورﷺ کے غلاموں کے غلاموں سے گج وج کے پیار کریں ادب کریں ان شاءاللّٰه خیر ہی خیر ہوگی کبھی اپنی خواہشات سے ہٹ کر بھی دُرودوسلام پڑھنے والے بن جائیں ۔۔۔ ہمیں یہ نہیں ملا وہ نہیں ملا ہم دُرود پڑھتے ہیں یہ تو ہوا نہیں وہ تو ہوا نہیں ۔۔۔۔۔ کبھی حضورﷺ نے فرمایا کہ میرے امتی دن رات میرا دل دکھاتے ہیں اے اللّٰه ان کو عذاب دے ؟؟ نہیں آج بھی قرآن گواہ ہے ہم مشکل میں ہوں حضورﷺ غمزدہ ہوتے ہیں کاش ہمیں یہ بھی خیال ہو دُرودوسلام پڑھتے وقت کہ میری مصیبت کی وجہ سے گناہوں کی وجہ سے میرے حضورﷺ کتنے پریشان ہورہے ہیں

ازقلم ۔۔۔۔

31/08/2026

اللّٰه والوں نے حضورﷺ کے نعلین شریف کی برکات کو بیان کیا اس سے توسل کیا ۔۔۔ اور اللّٰه کا قرب بھی پایا ۔۔۔ حاجات میں یہ اکسیر ہے اور فرماتے ہیں کہ حضورﷺ کے نعلین اقدس کے توسل سے حاجات پوری ہوتی ہیں
اس کا طریقہ کار یہ ہے کہ رات کے آخری پہر اُٹھے تہجد کےلیے وُضو کرے پہلے صلوۃ التوبہ پڑھے پھر جتنی آسانی ہو صلوۃ التہجد ادا کرے اسکے بعد 11 مرتبہ دُرودوسلام پڑھے 11 بار کلمہ طیب 11 بار اِستغفار پڑھے پھر نعلین شریف کے نقش کو باادب اپنے سر پر رکھے اور عاجزی کے ساتھ گریہ کرتے ہوئے اللّٰه رب العزت کی بارگاہ میں التجاء کرے کہ یاالہی میں حضورﷺ کے نعلین اقدس کے نقشہ کو سر پر لیے ہوئے ہوں اور حضورﷺ کا ادنی غلام ہوں یا الہی اس نسبت غلامی پر نظر فرماکر اس نقشںِ نعلین مصطفٰیﷺ کے وسیلے اور برکت سے میری حاجت کو پورا فرما پھر اسکو چہرے پر مس کرے پھر اسکو بوسہ دے اور حضورﷺ پر دُرودوسلام پڑھے تاکہ محبت رسُولﷺ بڑھے ان شاءاللّٰه کرم ہوگا ۔۔۔۔

30/08/2026

ایک اُمتی ہونے کے ناطے ہر ہر دُرود پڑھنے والا حضورﷺ کی مبارک ذات پر انگلی اُٹھانے والوں کو اپنی طاقت و ہمت کے مطابق جواب لازمی دے حضورﷺ پر دُرود پڑھنا اور حضورﷺ کی عزت پر حرف آئے تو خاموش رہنا ایک دُرودخوان کو زیب نہیں دیتا کم از کم سوشل میڈیا پر حضورﷺ کی ناموس پر بکواس کرنے والوں کےلیے نفرت کا اظہار تو کریں ہم کسی اسلامی تنظیم سے وابستہ نہیں پر حضورﷺ کا کلمہ تو پڑھا ہے حضورﷺ ہم جیسوں گنہگاروں کو نہیں بُھولے ہم ایک میسج سے بھی ان بے حیاؤں کے خلاف نہ کچھ کہہ سکیں تو افسوس کی بات ہے

زمانے بھر کی ہر ایک نعمت
اُنہیںﷺ کے صدقے خُدا نے دی ہے
گر اُنﷺ کی عزت پہ حرف آیا
ہم اپنی عزت کا کیا کریں گے ؟؟؟

ہم اس بدشکل عورت پر 🖐🏻 بھیجتے ہیں

29/08/2026

16 ربیع الاول شریف 1448ھ
29 اگست 2026 بروز ہفتہ
🥀الحمدُللّٰه حجرۂ درود میں ہفتہ وار پڑھا گیا دُرودوسلام🥀

25/08/2026

25/08/2026

صحابہ کرام اور ذکر میلاد (پیداٸش)

حضرت سیدنا امیر معاویہ رضی اللّٰه تعالی عنہ فرماتے ہیں ایک روز رسول الله صل الله عليه والہ وسلم اپنے اصحاب کے حلقہ سے گزرے آپ صلی اللہ علیہ والہ وسلم نے فرمایا کیوں بیٹھے ہو؟
انہوں نے عرض کی ہم اللّٰه عزوجل کا ذکر کرنے اور اس نے ہمیں جو اسلام کی ہدایت عطا فرمائی اس پر حمد و ثنا بیان کرنے اور اس نے آپﷺ کو بھیج کر ہم پر جو احسان کیا ‏ہے، اس کا شکر ادا کرنے کے لیے بیٹھے ہیں ۔

آپﷺ نے فرمایا اللّٰه (عزوجل) کی قسم ! کیا تم اسی لیے بیٹھے تھے؟‘‘ صحابہ نے عرض کیا: الله (عزوجل) کی قسم ہم سب اس لیے بیٹھے تھے ۔ آپﷺ نے فرمایا: میں نے تم پر شک کی وجہ سے قسم نہیں لی، بلکہ ابھی میرے پاس جبرئیل علیہ السلام آئے تھے، انہوں نے کہا کہ اللّٰه پاک صحابہ کے اس عمل پر فرشتوں پر فخر کررہا ہے۔

سنن نسائی، حدیث: ۵۴۴،
المعجم الکبیر للطبرانی، حدیث: ۱۲۰۵۷

25/08/2026

ﺁﺋﯽ ﭘﮭﺮ ﯾﺎﺩ ﻣﺪﯾﻨﮯ ﮐﯽ ﺭﻻﻧﮯ ﮐﯿﻠﺌﮯ
ﺩﻝ ﺗﮍﭖ ﺍﭨﮭﺎ ﮨﮯ ﺩﺭﺑﺎﺭ ﻣﯿﮟ ﺟﺎﻧﮯ کےلیے

سیدناومولاناشافٍﷺ ❤️

اے اللّٰه کریم آج کی مبارک شب کے طفیل ہمیں ہماری نسلوں کو مدینہ منورہ کی بار بار باادب حاضری کے اسباب نصیب فرما آمین کہہ کر شئیر کرتے جائیں ۔۔۔۔

21/08/2026

7 ربیع الاول شریف 1448ھ 21 اگست 2026 بروز جمعہ
🥀الحمدُللّٰه حجرۂ درود میں ہفتہ وار پڑھا گیا دُرودوسلام🥀