Khanqah e naqshbandia owaisia murshidabad chakrala

17/04/2026

السلام علیکم و رحمتہ اللہ و برکاتہ ، الحمدللہ ، حضرت مولانا اللہ یارخان رح کی تاریخی حویلی محلہ سرجال چکڑالہ شہر کی مرمت کا کام شروع کردیا گیا ہے، اور انشاءاللہ جلد ایک مدرسہ اسی حویلی، گھر میں شروع کررہے ہیں. تاکہ جہاں سے ذکراللہ کی برکات دنیا میں پھیلی ہیں وہیں کلام اللہ، سنت نبی اللہ کا کام بھی پھیلے، اور اللہ کریم سے دعا ہے کہ اللہ پاک ہماری اس ادنیٰ سی کوشش کو اپنی بارگاہ میں شرف قبولیت بخشیں، آپ سے دعاؤں اور راہنمائی کی درخواست، جزاک اللہ خیر.
والسلام، برائے رابطہ، صرف وٹس ایپ، 03086843545

11/03/2026

18/02/2026

بسم اللہ الرحمٰن الرحیم

۱۸ فروری — یومِ وصال
حضرت اقدس داداجان مولانا اللہ یار خان رحمۃ اللہ علیہ
(چکڑالہ، میانوالی)

آج ۱۸ فروری کا دن ہمیں اُس عظیم ہستی کی یاد دلاتا ہے جنہوں نے اپنی پوری زندگی دینِ اسلام کی خدمت، اشاعتِ سنت، اور دفاعِ عقیدۂ اہلِ سنت میں صرف کر دی۔ حضرت مولانا اللہ یار خان رحمہ اللہ ایک جلیل القدر محقق عالمِ دین، عظیم مناظرِ اہلِ سنت، اور صاحبِ نسبت ولیٔ کامل تھے۔

آپ نہ صرف علمی میدان میں ایک مضبوط اور بے باک آواز تھے بلکہ روحانی دنیا میں بھی آپ کو شیخِ کامل کی حیثیت حاصل تھی۔ سلسلۂ عالیہ نقشبندیہ اویسیہ میں آپ کی خدمات، تربیتِ مریدین اور اصلاحِ معاشرہ کے لیے آپ کی جدوجہد آج بھی صدقۂ جاریہ ہے۔

آپ کی حیاتِ طیبہ علم و عمل، زہد و تقویٰ، اخلاص و للہیت اور عشقِ رسول ﷺ سے عبارت تھی۔ مناظرانہ میدان ہو یا وعظ و نصیحت کی محفل، ہر جگہ آپ نے حق کا علم بلند رکھا اور باطل کا مدلل رد فرمایا۔

۱۸ فروری ۱۹۸۴ کو آپ اپنے خالقِ حقیقی سے جا ملے، مگر آپ کا فیض آج بھی جاری ہے۔ آپ کی تعلیمات، آپ کی دعائیں اور آپ کی روحانی نسبت نسلوں تک روشنی کا مینار بنی رہیں گی۔

اللہ تعالیٰ سے دعا ہے کہ
اللہ رب العزت آپ کے درجات بلند فرمائے، آپ کی قبر کو جنت کے باغوں میں سے ایک باغ بنائے، اور ہمیں آپ کے نقشِ قدم پر چلنے کی توفیق عطا فرمائے۔ آمین۔

انا للہ وانا الیہ راجعون

#یومِ_وصال

23/12/2025

پانچ عادتیں اپنائیں

18/02/2025

18 فروری 1984 یوم وصال، محقق اہلسنت،مناظر اسلام ، عظیم صوفی بزرگ، قلزم فیوضات حضرت العلام مولانا اللہ یارخان رح چکڑالہ میانوالی ،🌹 🌹 🌹 🌹

26/06/2023

*مَحبَّت کا گرم بازار*
السلام علیکم ورحمة اللہ وبرکاته..
اللہ تعالی کے نزدیک ”اعمال صالحہ“ کے لئے ”قیمتی عشرہ“ شروع ہو رہا ہے..
ماشاء اللہ، لاحول ولا قوۃ الا باللہ، حسبنا اللہ ونعم الوکیل......و الحمدللہ رب العالمین..
ان ایام میں سب سے قیمتی اور مرکزی عمل ”حج بیت اللہ“ اسلام کا محکم اور قطعی فریضہ..جن کو اس سال نصیب ہوگا وہ شکر ادا کریں....قدر کریں..جو نہیں جا سکے وہ دعاء، شوق اور توجہ کے ذریعہ اس کا فیض حاصل کریں.......دوسرا بڑا عمل ”قربانی“ اللہ تعالی کے قریب کرنے والا محبوب عمل....جس قدر خوش دلی اور سخاوت سے کر سکیں..اسے اپنی سعادت سمجھیں.......اس کے بعد بڑا عمل تکبیر....تھلیل، تسبیح اور حمد کی کثرت.......
(1) اللہ اکبر، اللہ اکبر، لا الہ الااللہ واللہ اکبر، اللہ اکبر وللہ الحمد..
(2) سبحان اللہ و الحمد للہ ولا الہ الااللہ واللہ اکبر.......
اعمال کی توفیق پانے کے لئے....رکاوٹیں، بندشیں ہٹانے کے لئے..زیادہ سے زیادہ اعمال کا ذوق نصیب ہونے کے لئے کثرت سے:-
”لا حول ولا قوۃ الا باللہ“
اس کے بعد ان دنوں کا بڑا عمل نفل روزے....اللہ تعالی توفیق عطاء فرمائیں پورے نو روزے..یکم سے نو تاریخ تک..اگر مشکل ہو تو تین روزے سات، آٹھ اور نو ذی الحجہ کے.......اور اگر یہ بھی مشکل ہو تو ”یوم عرفہ“ یعنی نو ذی الحجہ کا روزہ.......باقی اعمال میں نماز باجماعت کی پابندی..راتوں کو حسب توفیق عبادت اور استغفار....دن کو حسب توفیق تلاوت (دس دن میں کم از کم ایک ختم) درود شریف..اور زیادہ سے زیادہ دعاء....
مزید جو بھی ”عمل صالح“ کرسکیں تو.......ان دنوں بازار بہت گرم ہوتا ہے..ہر عمل کی قیمت بے انتہا بڑھا دی جاتی ہے..کیونکہ ان دنوں اور راتوں کا نیک عمل....صرف عمل نہیں رہتا بلکہ....”محبت“ بن جاتا ہے..اور ”محبت“ کی قیمت کا کوئی مول نہیں ہوتا..بے حد اور بے حساب....
آپ میرے لئے دعاء فرمائیں کہ مجھے زیادہ سے زیادہ مقبول اعمال صالحہ کی توفیق ملے اور میں آپ کے لئے دعاء کرتا ہوں کہ آپ کو زیادہ سے زیادہ مقبول اعمال صالحہ کی توفیق نصیب ہو.......
حجاز میں آج یکم ذی الحجہ ہے....جبکہ ہمارے ہاں کل بروز منگل یکم تاریخ ہوگی ان شاء اللہ....آج مغرب سے چاند رات..لیالٍ عشر اور گرم بازار کے تقاضے یاد رکھیں..
والسلام