23/04/2026
آج ہمارے لیے، ہمارے خاندان اور ادارے جامعہ عربیہ سراج العلوم کے لیے نہایت رنج و الم کی خبر ہے کہ جانشینِ شیخ القرآن، پیکرِ اخلاص و محبت، ولیٔ کامل حضرت مولانا اشرف علی صاحب، مہتمم دارالعلوم تعلیم القرآن، راجہ بازار راولپنڈی، انتقال فرما گئے ہیں۔
حضرت شیخ القرآن رحمہ اللہ اور بانیٔ ادارہ، شیخ الحدیث مولانا سید غلام نبی شاہ صاحب رحمہ اللہ، دونوں بزرگوں کے خاندانوں کے مابین باہمی تعلق، احترام اور محبت پر مبنی، نسل در نسل تقریباً نصف صدی پر محیط رہا ہے۔
اللہ تعالیٰ مرحوم کی کامل مغفرت فرمائے، ان کے درجات بلند فرمائے، اور پسماندگان کو صبرِ جمیل عطا کرے۔ ہم غم کی اس گھڑی میں اہلِ خانہ کے ساتھ برابر کے شریک ہیں اور دلی تعزیت و ہمدردی کا اظہار کرتے ہیں۔
