https://www.facebook.com/275262886002969/

Jamiat Tulaba.e.Islam Unit SMBBMU - CMC, Chandka Medical College-SMBBMU, Larkana Lines (2026)

01/06/2026

شهيد محترمه بينظير ڀٽو ميڊيڪل يونيورسٽي (SMBBMU) لاڙڪاڻو جي انتظاميه 2009ع ۾ آفس آف ريسرچ، انوويشن اينڊ ڪامرسلائيزيشن (ORIC) جو بنياد رکيو، پر بدقسمتيءَ سان ان ڪم کي اڳتي وڌائي نه سگهيا. ان کان پوءِ جڏهن وي سي نصرت شاهه جو دور آيو ته مير حسن کوسو اڳيان اچي ORIC جي ذميواري سنڀالي. اهو سڀ يونيورسٽي کي بهتر بڻائڻ لاءِ نه، پر صرف پنهنجي ذاتي مفادن کي پورو ڪرڻ لاءِ ORIC جهڙي اهم شعبي جو سهارو وٺي تباهه ڪيو ويو.
جيڪڏهن سائين ORIC کي پنهنجي ذاتي مفادن لاءِ استعمال نه ڪري ها، ته هن وقت تائين HEC پاران SMBBMU جي ORIC کي آفيشلي ريڪگنيشن ملي وڃي ها,جتي سمورين يونيورسٽين کي HEC پاران ريڪگنائيز ڪيو پيو وڃي.
ثبوت جي طور تي يونيورسٽيز لسٽ مٿي ڏنل آهي، جيڪا HEC پاڻ ظاهر ڪئي آهي.

مير حسن کوسو پهريان شاگرد دوست هوندا هئا پر هاڻي شاگردن جي حقن کي دٻائي پنهنجي ذاتي ترقي ۾ مصروف آهن. سائين جن کان اهو وسري ويو آهي ته اهي ذميواريون اوهان کي شاگردن جي ڀلائي لاءِ، يونيورسٽي جي بهتري لاءِ مليل آهن، نه ڪي پنهنجي ذاتيات لاءِ.

اسان چانڊڪا جا شاگرد مير حسن کوسو کي اهو واضح ڪيون ٿا ته جيڪڏهن فائنل ائير بيچ کي ٽور نٿو ڏنو وڃي، جيڪو هر بيچ جو قانوني ۽ تاريخي حق آهي، ته پوءِ اوهان به پنهنجن فيورٽس سان آسٽريليا وڃڻ هڪ خواب سمجھو.

Higher Education Commission, Pakistan Pakistan Medical & Dental Council
Syed Sardar Ali Shah
Shoukat Ali Zardari
Imtiaz Chandio
Shaheed Mohtarma Benazir Bhutto Medical University Larkana
Shahid Hussain Soomro
Mir Hassan Khoso

01/06/2026

شاهد حسين سومري جا واضح لفظ: ”مون پنهنجي طرفان ڀرپور ڪوشش ڪئي آهي، پر رجسٽرار صاحب ٽوئر کان منع ٿو ڪري.“
جڏهن پرنسپال، يونيورسٽيءَ جي پاليسي ۽ پراسپيڪٽس سميت سمورا قاعدا قانون هڪ پاسي آهن ته شاگردن کي ٽوئر ملڻ گهرجي، ۽ ٻئي پاسي اڪيلو فهد جبران سيال آهي جيڪو چئي ٿو ته شاگردن کي ٽوئر نه ڏينداسين! آخر وائيس چانسلر نصرت شاهه جي اڳيان فهد جبران سيال جي ڳالهه سڄي اداري جي ڀيٽ ۾ ايڏي غير معمولي اهميت ڇو ٿي رکي؟
فهد جبران يونيورسٽيءَ جو رجسٽرار مقرر ٿيل آهي يا ڪو آقا؟ جنهن کي جنهن مهل وڻي ٿو، اهو اڪيڊمڪ ڪائونسل جا فيصلا ۽ شاگردن جا ٽوئر ختم ڪرڻ جا حڪم اڪيلي سر وٺيو ويهي رهي ٿو. حيرت جي ڳالهه اها آهي ته نه پرنسپال شاهد سومري ۾ ۽ نه ئي وائيس چانسلر نصرت شاهه ۾ اها همت ٿي ٿئي جو هو اداري جي ساک ۽ شاگردن جي حقن بابت ڪجهه سوچي سگهن! ڇا اي سي واري آفيس ۽ سرڪاري ڪار، شاهد حسين سومري لاءِ سندس سڄي ڪيريئر دوران ڪمايل وقار کان به وڌيڪ اهم ٿي ويا آهن؟
هاڻي اهو وقت به پري نه ٿو لڳي جڏهن فهد جبران حڪم ڏيندو ته ڪلاس، لائبريريون ۽ هاسٽلون بند ڪيون وڃن ته جيئن شاگرد گهر ويٺي پڙهن، ۽ پرنسپال شاهد سومرو بيوسيءَ مان ڏند ٽيڙيندو تالا هڻڻ اچي ويندو.
شاگردن ۽ سموري انتظاميا کي اها خبر هجڻ گهرجي ته رجسٽرار پاران شاگردن جا حق ماري پئسا بچائڻ جو رڳو ڊرامو ڪيو پيو وڃي، ڇو ته اسان تائين اهي خبرون پهتيون آهن ته انهن ئي بچايل پئسن تي ”سائين جن“ ٻاهرين ملڪ ڊگري ڪرڻ جي تياري ڪري رهيا آهن.

31/05/2026

هي بايوڪيمسٽري جو پروفيسر مير حسن کوسو آهي، جيڪو هڪ ئي وقت BADC ۾ بايوڪيمسٽري جو HOD ۽ يونيورسٽي جي ORIC جو ڊائريڪٽر آهي. جڏهن ته HEC جو اهو واضح قانون آهي ته ڪو به هڪ شخص هڪ ئي وقت فيڪلٽي ۽ ايڊمنسٽريشن جا عهدا نٿو سنڀالي سگهي. پر هتي ٻئي عهدا هڪ جي هٿ ۾ آهن، بهرحال اسان کي ان عهدن سان ڪو مسئلو نه هجي ها، جيڪڏهن ان جا اثر شاگردن جي حقن تي نه پون ها!

بقول پرنسپال چانڊڪا جي، فائنل ائير جي شاگردن جو قانوني ۽ تاريخي حق "آل پاڪستان اسٽڊي ٽور" ختم ڪرائڻ ۾ سڀ کان اهم ۽ مک ڪردار انهيءَ بايوڪيمسٽري پروفيسر نڀايو آهي. بيچ 47 آخري بيچ هئي جنهن کي آل پاڪستان اسٽڊي ٽور مليو، ان کان پوءِ هن مهل تائين ڪنهن به بيچ کي ناهي مليو. انتظاميا وڏي عرصي کان اها ڪوشش ڪري رهي هئي ته شاگردن کان هي حق ڪيئن کسيون وڃي ۽ ان سازش کي ڪامياب ڪرڻ ۾ سائين جن جو مک ڪردار شامل آهي.

حيرت جي ڳالهه اها آهي تہ سائين جن جي VC صاحبا وٽ ايتري هلي ڇو ٿي؟ جو سائين جن جي چوڻ تي VC ٽور بند ڪري ڇڏيو جيڪو شاگردن جو جائز حق هو.
جڏهن تہ هر ڪنهن کي خبر آهي تہ مير حسن کوسو جنهن کي پهريان ڪير بہ پڇندو نہ هو هاڻي هو ايترو طاقتور ٿي ويو آهي جو پرنسپال کان بہ وڌيڪ هليس ٿي. هاڻي سائين جن تہ پرنسپال کان ڪا به ڳالهہ پڇڻ گوارا نہ سمجھندا آهن.بس جڏهن کان سائين جن پنهنجي فيورٽ 10-15 شاگردن سان گڏ ORIC سنڀالي آهي تڏهن کان سائين جن VC جا فيورٽ ٿي ويا آهن ۽ تڏهن کان اداري ۾ ڪو نظام نہ بچو آهي.

اسان شاگرد ان نظام جي خلاف آهيون جتي VC پنهنجي فيورٽ جي چوڻ تي آل پاڪستان ٽور بند ڪري ڇڏي ٿي.جيڪو شاگردن جو قانوني ۽ تاريخي حق آهي ۽ ٻئي پاسي چانڊڪا پرنسپال جنهن پنهنجي پرنسپال ٽينيوئر ۾ پهريون دفعو شاگردن جي حق ۾ ٽور جي گهر ڪئي پر سندن دٻائي چُپ ڪرايو ويو ۽ پرنسپال کي شاگردن جي حقن کان وڌيڪ پنهنجي سيٽ پياري هئي سو چُپ رهڻ بهتر سمجھيو.

(نوٽ:جتي برابري نہ هجي جتي انصاف نہ هجي اتي مزاحمت فرض آهي.)

Higher Education Commission, Pakistan Pakistan Medical & Dental Council
Imtiaz Chandio
Shoukat Ali Zardari

29/05/2026

پوئين سال کان SMBBMU جا شاگرد جڏهن به پنھنجي جائز حقن جي گهر ڪن ٿا ۽ جواب ۾ انھن کي انڪار ۽ ڌمڪيون ملن ٿيون ته مجبور ٿي وڃي اهي احتجاج جو رستو اختيار ڪن ٿا ۽ بجائ جو انتظاميا شاگردن سان ڳالهائي سندن خدشا ختم ڪري، هو انهن ڏي ضلعي انتظاميا جا آفيسر جهڙوڪ ايس ايس پي ۽ ڊي.سي. کي موڪلي مسئلو رفادفا ڪرڻ جون ناڪام ڪوششون ڪندا رهن ٿا جنھن جو تازو مثال آريجا ڪيمپس ۾ نرسنگ جي شاگردن جو احتجاج آهي ،اسان هن پوسٽ ذريعي ضلعي انتظاميا جي آفيسر صاحبان کي به ڄاڻ ڏيندا هلئون ته پراسپيڪٽس لکيل هجڻ باوجود انتظاميا فائنل ايئر جي شاگردن کي ٽوئر ڏيڻ کان انڪاري آهي، جنھن جو نوٽيس اگر ويڪيشن ۾ نه ڪڍيو ويو ته اسان جي احتجاج لاء به انتظاميا تيار رهي ۽ اوهان انهن جو موقف کڻي اچڻ کان پھريان سندن نااهلي بابت پڇا ڪيو ته ڏاڍو سٺو رهندو

28/05/2026

توهان جي نظر ۾ ڇا پرنسپال شاهد سومرو پرنسپال جي ڪرسي جو مانُ رکندي شاگردن لاءِ ٽوئر وٺي سگهندو يا فھد جبران سيال جو عھدو کسڻ واري دڙڪي کان ڊڄي ھر ڀيري وانگر چپ ڪري ويهي رهندو؟
پنھنجو موقف ڪمينٽ ۾ ضرور ٻڌايو

27/05/2026

سائين، حال احوال ڪجهه هن ريت آهن.

اسان جي چانڊڪا نگري ۾ هڪ اهڙو شخص موجود آهي، جنهن جو نالو فهد جبران سيال آهي. جنهن کي شايد ڪنهن سٺي ڊاڪٽر ۽ مناسب مشوري جي ضرورت آهي، پر افسوس جو هو علاج ڪرائڻ کان لنوائي ٿو. شايد هن کي اهو خوف آهي ته جيڪڏهن ماڻهن کي خبر پئجي وئي ته “مان نارمل ناهيان”، ته سندس وقار تي اثر پوندو. پر بحيثيتِ ڊاڪٽر، مان سائين کي اها ئي صلاح ڏيندس ته علاج ڪرائڻ ۾ ڪا به شرمندگي ناهي. ڇو ته جڏهن انسان پنهنجي رويي ۽ فيصلن تي ڪنٽرول وڃائڻ لڳي ته پوءِ نقصان صرف ٻين تائين محدود ناهي رهندو، پنهنجن تي به اثر پئجي سگهي ٿو.
اصل مسئلو شايد اهو آهي ته سائين کي اوچتو ملي ويل طاقت ۽ عهدو سنڀالي نه سگهيو آهي. رجسٽرار ٿيڻ کان اڳ جن کي ڪو خاص اهميت نه ڏيندو هو، اڄ جڏهن اختيار مليا آهن ته هر روز نيون پاليسيون، پراڻن اصولن جو خاتمو، ۽ سڄي نظام سان تجربا ڪيا پيا وڃن. هن انسان پنهنجي صرف ڏيڍ سال جي عرصي ۾ چانڊڪا جهڙي تاريخي ۽ معتبر اداري جي ساک کي مٽيءَ ۾ ملائي ڇڏيو آهي. اداري جي خودمختياري کي ختم ڪري، هن جيڪي ڪارا ڪارناما ڪيا آهن، اهي ڪنهن کان لڪيل ناهن:

•انتظاميہ مان سينيئر پروفيسرز کي هٽائڻ: هن شخص انتظامي عهدن تان سينيئر ۽ باصلاحيت پروفيسرز کي هٽائي پنهنجا نااهل ۽ "ڊمي" ماڻهو رکيا آهن، ته جيئن هر غلط ڳالهه تي "ها ۾ ها" ملائي سگهجي. پرنسپال، پرووسٽ، ريسرچ ڊائريڪٽر، ۽ اسپورٽس ڊائريڪٽر سميت هر شعبي ۾ پنهنجا ماڻهو ويهاري، اداري جي اها خودمختياري کسي ورتي آهي جيڪا قانوني طور انهن عهدن جو حق هئي.
•شاگرد دشمني ۽ عدالت جي توهين: هڪ شاگرد، جنهن جو بيماريءَ سبب گردن (Kidney) جو آپريشن ٿيو هو ۽ هو امتحان ۾ شريڪ نه ٿي سگهيو، تنهن هاءِ ڪورٽ مان پنهنجي حق ۾ فيصلو ورتو. هاءِ ڪورٽ انتظاميه کي ٻيهر پيپر وٺڻ جو حڪم ڏنو، پر هن اناپرست شخص هاءِ ڪورٽ جي فيصلي کي مڃڻ کان انڪار ڪيو ۽ سپريم ڪورٽ ۾ اپيل ڪري ان غريب شاگرد کي ڪورٽن جا چڪر ڪاٽڻ تي مجبور ڪيو. آخرڪار شاگرد ٿڪجي ڪيس تان هٿ کڻي ويو، جنهن ڪري سندس هڪ قيمتي سال ضايع ٿي ويو.
•شاگردن کي بليڪ ميل ڪرڻ ۽ غيرقانوني ڏنڊ: هاسٽل الاٽمينٽ جي اصولن جي خلاف ورزي ڪندي، شاگردن کي امتحانن ۾ نه ويهڻ جون ڌمڪيون ڏنيون ويون غيرقانوني AC Penalties جي نالي تي, شاگردن کان ناجائز ۽ غيرقانوني پئسا اڻايا ويا.
•اڪيڊمڪ پاليسيءَ ۾ غيرقانوني تبديلي: هن شخص بيچ 51 ۽ 52 جي اڪيڊمڪ پاليسيءَ ۾ گريجوئيشن دوران غيرقانوني تبديليون ڪيون، ۽ ڪيترن ئي ڊبل ٽرم بيڪ (Double term back) ٿيل شاگردن کي ٻيهر ٽرم بيڪ ڪرائي سندن مستقبل سان راند کيڏي.

هن انسان جي ڪيل ڪمن کي بيان ڪجي ته هر غيرقانوني ڪم جي اڳيان هي پاڻ بيٺل نظر ايندو. چوندا آهن:
“کدڙي کي پُٽ ڄائو ته چمي چمي ماري وڌائين.”
بس ڪجهه اهڙو ئي حال لڳي ٿو، جتي اختيار ملڻ بعد توازن وڃائجي ويو آهي. سائين کي شايد اهو احساس ناهي ته ادارا ذاتي انا تي نه، اصولن تي هلندا آهن. ماڻهو ايندا ويندا رهندا آهن، پر انهن جي ڇڏيل اثرن کي ايندڙ نسلون ڀوڳينديون آهن.
اسان جي سائين لاءِ صرف اها ئي گذارش آهي ته پنهنجي ذاتي ضد يا انا خاطر سڄي نظام کي تباھ نه ڪيو. توهان اڄ آهيو، سڀاڻي نه هوندا، پر جيڪو انتظامي گند ۽ بيچيني پيدا ٿي رهي آهي، ان کي صاف ڪرڻ ۾ سالن لڳي سگهن ٿا.
۽ آخر ۾ هڪ ڳالهه ضرور ڪنداسين:
جيڪڏهن اوهان پنهنجي والد صاحب جي نقشِ قدم تي هلي نٿا سگهو، ته گهٽ ۾ گهٽ سندن نالي ۽ عزت کي نقصان نه پهچايو. ڇو ته ماڻهو اڄ به سائينجن جي وڏي عزت ڪن ٿا، ۽ اهو احترام قائم رهڻ گهرجي.

(نوٽ: هي پوسٽ ڄاڻ ڏيڻ لاءِ آهي تهنڪري سائين جو ڪاٽا وارو ڦوٽو نه رکڻ کپي پر ڇا ڪيون مان وٽ سڀ ڪاٽا وارا پيل آهن)

26/05/2026

چانڊڪا ميڊيڪل ڪاليج انتظاميا کي فائنل ايئر بيچ 50 جي اسٽڊي ٽور بابات سنجيدگي جو مظاهرو ڪرڻ گهرجي. آل پاڪستان اسٽڊي ٽور ڪو خيرات ناهي، پر هر فائنل ايئر جي شاگرد جو بنيادي ۽ تاريخي حق آهي.
انتظاميا پاران فائنل ايئر جي شاگردن کي اهو چئي ٽاريو پيو وڃي ته "ٽور اوهان جي پراسپيڪٽس ۾ شامل ناهي." اسان انتظاميا کي ياد ڏيارڻ چاهيون ٿا ته جڏهن اسان جي بيچ داخلا ورتي هئي، تڏهن اسان جي پراسپيڪٽس ۾ آل پاڪستان ٽور واضح طور تي موجود هو. بيچ 47 تائين هر فائنل ايئر کي باقاعدگي سان آل پاڪستان ٽور ملندو رهيو،جنهن کي هاڻوڪي انتظاميا ناجائز طريقي سان ڪٽي ڇڏيو آهي.
اهو صرف بيچ 50 جو معاملو ناهي، انتظاميا ته بيچ 48 کان ئي هي حق ختم ڪرڻ پئي چاهيو، پر بيچ 48 جي شاگردن پنهنجي حق لاءِ جدوجهد ڪئي ۽ پنهنجو ٽور ورتو (جنهن جو سرڪاري نوٽيفڪيشن سڀني جي سامهون آهي).

اسان وائيس چانسلر (VC) ۽ ان جي انتظاميا کان پرزور مطالبو ٿا ڪريون ته اسان جو هي جائز حق فوري طور تي بحال ڪيو وڃي. هي اسان جو حق آهي ۽ اسان پنهنجو حق وٺي رهنداسين!

Higher Education Commission, Pakistan
Pakistan Medical & Dental Council
Bilawal Bhutto Zardari
Shoukat Ali Zardari
Imtiaz Chandio

24/05/2026

To,
Mr. Bilawal Bhutto Zardari
Chairman, Pakistan Peoples Party

Respected Sir,

We are writing to bring your attention a serious concern regarding the administration of Chandka Medical College, Larkana.

It is being reported that Mr. Fahad Jibran, currently serving as Registrar, is acting in an incompetent and high-handed manner towards the students. Students have raised concerns that he is misusing his position, creating unnecessary difficulties, and causing distress among them.

The main issue is that his appointment is believed to be on political grounds, reportedly due to his relation as brother-in-law of former Home Minister Mr. Suhail Anwar Siyal. Because of this political backing, he continues to function without accountability, and the students are suffering as a result.

We, the students of Chandka Medical College, request you to kindly look into this matter and take appropriate action for his removal. A fair and competent administration is essential for the future of medical education and for maintaining trust in the institution.

Your intervention would restore confidence among the students and ensure that merit and fairness prevail.

20/05/2026

جيئي سنڌ
جيئي شاگرد جدوجهد
نااھل انتظاميه جا ناڪارا نظام
ڪالھ بيچ 52 جون مارڪشيٽس اچڻ بعد پرنسپل شاھد سومرو پورو يقين ڏياريو ته توھان پاس آھيو غلطي م سپليون لڳيون آھن اڄ نااھل انتظاميه جو چوڻ آھي اسان کان غلطي ٿي آھي ان پاليسي جي اڙي نااھلو جڏھن توھان کان غلطي ٿي آھي ته ان م اسان شاگردن جو ڪھڙو قصور آھي جو انھن کي سزا ڏني پئي وڃ
چانڊڪا ميڊيڪل ڪاليج جي انتظاميه بلڪل نااھل ثابت ٿي چڪي آھي جڏھن ته 2 سال کان ھڪڙي پاليسي ھئي ته سالياني امتحانن بيچ 51&52 ٿيوري وائواز ء ماڊيول گڏ ڪري ڳڻپ ڪئي ويندي آھي جيڪا ھن سال نااھلي جو ثبوت ڏنو ويو آھي شاگردن کي رزلٽ م سپليون ٻڌائي وئي جنھن م شاگرد بيحوش ٿيا ھيا صدمي م جڏنھن مھيني کان بعد مارڪشيٽس ڏنيون ويون جنھن م 11 شاگرد پاس آھن ھي شاگرد جيڪو بيھوش ٿيو ھن کي 3 سپليون ٻڌايون ھيون ء مارڪشيٽ م پاس آھي اگر ھن شاگرد کي ڪجھ ٿي پوي ھا ته ان ذميوار ڪير ھيو؟ پاليسي جي مطابق ھاڻي شاگرد پاس آھن ھر سال نئين پاليسي ناھين ٿيندي نااھل انتظاميه کان مسعلو حل نٿو ٿي سگھي جيڪو اجيب ڳالھيون ڪري مسعلو ٽارڻ جي ڪوشش ڪئي پئي وڃي اسين نااھل انتظاميه کي ٻڌائڻ ٿا چاھيون جلد ھنن شاگردن جو مسعلو حل ڪيو وڃي ٻي صورت م سمورا شاگرد سڀاڻي ايڊمن بلاڪ م سراپا احتجاج ھوندا ء پنھنجو حق وٺي اٿندا!
Higher Education Commission, Pakistan
Pakistan Medical & Dental Council
Syed Sardar Ali Shah
Shoukat Ali Zardari
Imtiaz Chandio

20/05/2026

*چانڊڪا گرلز هاسٽل يا جيل؟* *شاگردياڻين تي پابندين ۽ ڌمڪين جو راڄ!*
*“ڇا ميڊيڪل شاگردياڻيون پڙهڻ لاءِ آيون آهن يا روزانو ڌمڪيون ٻڌڻ لاءِ؟”*

چانڊڪا گرلز هاسٽل ۾ انتظاميا جو نئون ظلم روز نوان نوٽيس جاري ڪري شاگردياڻين کي ذهني عذاب ۾ مبتلا ڪيو پيو وڃي!

چانڊڪا ميڊيڪل ڪاليج سان لاڳاپيل ڇوڪرين جي هاسٽل ۾ انتظاميا طرفان مسلسل نوان نوان نوٽيس جاري ڪري شاگردياڻين ۾ خوف، پريشاني ۽ بيچيني پيدا ڪئي پئي وڃي. تازو جاري ڪيل نوٽيس ۾ شاگردياڻين کي ڌمڪي ڏيندي چيو ويو آهي ته موڪلن کان اڳ پنهنجا ذاتي برقي سامان جهڙوڪ فريج، ڪيٽل، هيٽر، انڊڪشن اسٽوو ۽ ٻيو سامان فوراً هاسٽل مان کڻي وڃو، ٻي صورت ۾ اهو سامان ضبط ڪيو ويندو.

هاڻي سوال اهو آهي ته جيڪي شاگردياڻيون هزارين ڪلوميٽر پري علائقن جهڙوڪ ڪشمير، گلگت بلتستان ۽ ٻين ڏورانهن علائقن مان اچي هتي تعليم حاصل ڪن ٿيون، ڇا اهي صرف سامان کڻڻ لاءِ ٻيهر واپس اچن؟ ۽ ايترو سارو سامان ڇوڪريون پري پري تائين پنھنجي گھرن ۾ ڪٿي پھچائن جو ھو انتظاميا جي قبضي کان بچي سگھي؟ ڇا انتظاميا وٽ شاگردياڻين جي مالي حالتن، سفر جي تڪليفن ۽ ذهني دٻاءَ جو ڪو احساس ئي ناهي؟

شاگردياڻين جو چوڻ آهي ته انتظاميا ڄاڻي واڻي اهڙا قدم کڻي رهي آهي ته جيئن موڪلن کانپوءِ هر هڪ شي تي الڳ الڳ چارج لاڳو ڪري شاگردياڻين کان وڌيڪ پئسا وصول ڪيا وڃن. پهرين ايئر ڪولر تي اضافي فيسون، پوءِ سخت پابنديون، ۽ هاڻي ذاتي سامان تي ڪنٽرول — اهو سڀ ڪجهه شاگردياڻين کي ذهني طور ٽوڙڻ جي ڪوشش لڳي رهيو آهي.

ٻئي طرف ڪجهه ڏينهن اڳ هاسٽل انتظاميا يونيورسٽي طرفان لاڙڪاڻي جي سخت گرمي پد °48-50 ۽ هيٽ ويو جي صورتحال کي نظر ۾ رکندي هاسٽل رومز ۾ لڳل ائير ڪولرز تي هر شاگرد کان ماهوار 3000 رپيا اضافي فيس وصول ڪرڻ جو فيصلو پڻ ڪيو ويو آهي. جڏھن ته ڪجھ وقت اڳ بوائز ھاسٽل تي لڳل ايسيز تي وي سي پاران 150 شاگردن مٿان ھر ھڪ شاگرد کان 50 ھزار وصول ڪيا ويا يعني وي سي شاگردن کان 80 لک پينلٽي طور ورتا آھن اھي پئسا ڪھڙي کاتي ۾ ويا ؟ ٻڌڻ ۾ اچي پيو ته اھي پئسا وي سي ۽ ڪجھ ھاسٽل ڪاميٽي جي ماڻھن پاڻ ۾ ملي ڪري ورھائي پنھنجن کيسن ۾ وڌا آھن. ان باوجود به ھاسٽل مڪمل طور سھولتن کان محروم آھن.

ٻي نوٽيس ۾ ڪجھ شاگردياڻين کي ھاسٽل ٽائيم کان 5 منٽ ليٽ اچڻ تي ڌمڪايو ويو آھي پھريان ته انھن کي انٽري نه پئي ڏني وئي پر بعد ۾ انھن خلاف ڪاروائي ڪئي پئي وڃي ھاسٽل انتظاميا ۾ موجود پروفيسر رياض شيخ انھن کي آفيس ۾ گھرائي ڪلاڪن جا ڪلاڪ وھاري ٽارچر ڪري ٿــو ڇا انھن کي ڪو چوڻ وارو ناھي ؟ ڇا يونيورسٽي انھن درندن جي جاگير آھي؟
وري ھڪ ٻئي نوٽيس ۾ اھو ڄاڻايو ويو آھي ته شام 7 بجي ڪا به ڇوڪري ھاسٽل کان ٻاھر سامان وٺڻ يا لائبرري نه ويندي جڏھن ته ھاسٽل جو آخري ٽائيم 8 بجي آھي...!

چانڊڪا جي انتظاميا يونيورسٽي ۾ پڙھندڙ شاگردياڻين کي شاگرد دوست ماحول ڏيڻ بدران انھن تي ذھني پريشر وجھي رھي آھي يونيورسٽي اندر 5,6 ماڻھو جيڪي پروفيسر به آھن انھن جو پورو ڪنٽرول لڳو پيو ھو جيئن چاھين ڪري سگھن ٿا ڪوئي انھن کي ڪجھ چوڻ وارو ناھي.
وڏي ڳالھ اھا ته وي سي صاحبه عورت ھوندي به شاگردياڻين جو ڏک ۽ درد نه پئي سمجھي سگھي. انھي پريشر ۾ سڀاڻي ڪنھن به شاگردياڻي کي ڪو بي نقصان پھتو ته ان جو ذميوار چانڊڪا جي وي سي پرنسپال شاھد سومرو ۽ ھاسٽل ڪاميٽي جا پروفيسر ھوندا.

Jamiat Tulaba.e.Islam Unit SMBBMU - CMC

01/06/2026

01/06/2026

31/05/2026

29/05/2026

28/05/2026

27/05/2026

26/05/2026

24/05/2026

20/05/2026

20/05/2026

Address

Telephone

Website

Alerts

Shortcuts

Share