Director: Muhammad Arsalan Arshed نعتیہ کُتب پر مشتمل یہ نعت لائبریری بابائے نعت چودھری محمد یوسف ورک قادری(رحمتہ اللہ علیہ) نے 1985ء میں نعت سے وابستہ افراد کی خدمت اور نعت خوانوں کی علمی و ادبی تربیت کے لیئے قائم کی۔ نعت لائبریری شاہدرہ کا شمار پاکستان کی چند بڑی اور منظم ترین نعت لائبریریوں میں ہوتا ہے۔ اِس وقت یہ نعت لائبریری لاہور کی دوسری بڑی جبکہ علاقہ شاہدرہ میں انفرادیت کی حامل پہلی لائبر
یری ہے جہاں نعت کے حوالے سے کتابوں کا انمول خزانہ موجود ہے۔ لائبریری میں نعت کی 4000 کے قریب کُتب موجود ہیں جن میں اردو نعتیہ مجموعے، نعتیہ جرائد و رسائل، نعتیہ انتخاب، نعت اور نعت کے مختلف موضوعات پر تحقیقی کتب، نعتیہ مقالہ جات، پنجابی نعتیہ کُتب، عربی، پشتو، سندھی، سرائکی، گجراتی و انگریزی نعتیہ کُتب، اور مناقب کی کتابیں شامل ہیں۔ لائبریری میں موجود تمام کتب کی فہرست کے کتابی شکل میں چار ایڈیشن شائع ہو چکے ہیں یہ فہرست بھی بانیِ لائبریری یوسف ورک قادری(رحمتہ اللہ علیہ) نے مرتب کی جو کہ ایک منفرد اعزاز ہے۔ نعت سے تعلق رکھنے والی پاکستان کی معروف شخصیات، نعت گو، نعت خواں حضرات و محققین اِس تاریخی لائبریری میں آکر استفادہ کرتے ہیں، لائبریری کا سب سے بڑا مقصد معیاری نعت کا فروغ ہے اِسی مقصد کے لئیے لائبریری کا یہ آفیشل فیس بک پیج ترتیب دیا گیا تاکہ وابستگانِ نعت کی خدمت و اصلاح کا یہ فریضہ آن لائن بھی انجام دیا جا سکے۔
17 اکتوبر 2020 کو بانیء نعت لائبریری شاہدرہ چودھری محمد یوسف ورک قادریؒ کی وفات کے بعد لائبریری کے جُملہ اُمور کو فعال رکھنے کی ذمہ داری اُن کی خواہش اور وصیت کے مطابق محمد ارسلان ارشد کے سپرد کی گئی جو اس وقت نعت لائبریری شاہدرہ کے مینیجنگ ڈائریکٹر ہیں اور فروغِ نعت کے اُسی جذبے کے ساتھ مصروف عمل ہیں جس جذبے کے تحت بابا جی محمد یوسف ورک قادریؒ نے اس لائبریری کی بنیاد رکھی تھی۔
