Darbar Hazrat Data Ganj Bakhsh Syed Ali Hujwiri R.A.

14/08/2025

گنج بخش فیضِ عالَم مظہرِ نورِ خدا
ناقصاں را پیرِ کامل، کاملاں را راہنما
-
داتا علی ہجویری رحمۃ اللّٰہ علیہ کا 982 واں عرس مبارک سب عقیدت مندوں کو مبارک ہو ۔
-
اللہ پاک اپنے پیارے حبیب پاک ﷺ اور تمام اولیاء پاک کے صدقے تمام زائرین کی نیک مرادیں پوری فرمائے اور تمام خادمین دربار کی خدمت کو قبول فرمائے اور داتا پاک کا فیضان تمام طالبین حق کے گھروں تک پہنچائے ۔
-
اللّہ پاک ہم سب کو داتا پاک رحمتہ اللّہ علیہ کے وسیلے سے دینِ حق کے احکامات کے مطابق اپنی زندگیاں بسر کرنے کی توفیق عطا فرمائے ۔
آمین

25/08/2024

981 ویں عرس مقدس کے موقع پر داتا حضور رح کے مزار پرانوار کے دلکش نظارے -

13/09/2023

07/09/2023

فیض اصل میں ولی کامل کی آپ کی طرف توجہ کا نام ہے، شفقت و مہربانی کا نام ہے، جن سے آپ کو فیض کی طلب ہو ان کی طرف سے آپ کو روحانی سفر آگے بڑھانے کے لیے مدد و طاقت اور راہنمائی عطا کی جاتی ہے، تاکہ آپ کا سفر آگے بڑھ سکے اور زندگی کے باقی امور میں آپ کے ساتھ شفقت و مہربانی کا معاملہ فرمائیں۔

کسی بھی ولی اللّٰہ سے فیض پانے کے لیے ضروری ہے کہ آپ کا ان سے ایسا تعلق ہو جو کسی اور سے نہ ہو دل میں ایک خاص محبت ہو وہی محبت آپ کو فیض کے قریب کرتی ہے.

فیض سے مراد رنگ چڑھنا بھی ہے اگر کسی پہ کسی کا رنگ چڑھ گیا تو یہ یقیناً فیض ہوا طرزِ فکر اور طرزِ عمل کا تبدیل ہونا فیض ہے۔

مرشد تو ایک بحرِ بیکراں کی طرح ہوتا ہے آپ کی مرضی ہے کہ اس سمندر میں ہاتھ دھو کے پیچھے ہو جاؤ چاہے ایک ہی بار نہا کے باھر نکل آؤ یا پھر ساری عمر اس سمندر میں ڈبکیاں لگاتے رہو وہ آب زم زم کا کام کرے گا ہم جتنی بار بھی گندے ہو کے آئیں گے ہر بار صاف کرے گا۔

ویسے لوگ تو ظاہری فائدے کی بات کو بھی فیض مانتے ہیں لیکن اصل فیض یہ ہے کہ آپ جن سے فیض لے رہے ہو ان جیسے بن جاؤ مطلب مرشد کے رنگ میں رنگ جاؤ۔
مرشد کے حکم کو مرید مانے، سالک و عاشق کے لیے لازم ہے کہ وہ مرشد کے دامن کو نہ چھوڑے کیونکہ مرشد وہ ہستی ہوتا ہے جو طلبگار کو منزل مقصود پر پہنچاتا ہے۔
حضور نبی مکرم صلی اللّٰہ علیہِ وآلہ وسلّم کے فیضان سے مالا مال کرتا ہے، دل میں حُبّ رسول کریم پاک صلی اللّٰہ علیہ وآلہ وسلّم کی شمع روشن کرتا ہے، اور آ پ صلی اللّٰہ علیہ وآلہ وسلّم کی کچہری تک پہنچاتا ہے، اللّٰہ کی پہچان اور معرفت کرواتا ہے وحدانیت کا جام پلاتا ہے۔
مرشدِ کامل کی نگاہ طالب کو صحیح معنوں میں عاشقِ رسول صلیٰ اللّٰہ علیہِ وآلہ وسلّم بناتی ہے اور ولایت کے سفر کو طے کرواتے ہوئے اللّٰہ کے قرب تک لے جاتی ہے۔

گنج بخش فیض عالم مظہر نور خدا
ناقصاں را پیرکامل کاملاں را راہنما !
-
حضرت خواجہ معین الدین چشتی رح