Jama Masjid Ali Murtaza

14/08/2026

30/07/2026

إِنَّا لِلّٰهِ وَإِنَّا إِلَيْهِ رَاجِعُونَ

حضرت مولانا مفتی محمد طارق صاحب کے بھتیجے، مرزا اسید بیگ ولد مرزا طاہر الیاس بیگ، جو جرمنی میں جھیل میں ڈوب جانے کے باعث شہید ہوگئے تھے، ان کی نمازِ جنازہ ان شاء اللہ تعالیٰ کل بروز جمعہ بعد نمازِ عصر (5:45) جامع مسجد رفاہِ عام سوسائٹی (شاخ جامعہ فاروقیہ) میں ادا کی جائے گی۔

بعد ازاں تدفین ان شاء اللہ تعالیٰ ایئرپورٹ قبرستان میں عمل میں آئے گی۔

تمام متعلقین، احباب اور اہلِ خیر سے شرکت کی گزارش ہے، اور مرحوم کے لیے مغفرت، بلندیٔ درجات اور پسماندگان کے لیے صبرِ جمیل کی دعا کی اپیل ہے۔

اللہ تعالیٰ مرحوم کی کامل مغفرت فرمائے، انہیں جنت الفردوس میں اعلیٰ مقام عطا فرمائے، اور تمام اہلِ خانہ کو صبرِ جمیل نصیب فرمائے۔ آمین۔

17/07/2026

بِسْمِ اللّٰهِ الرَّحْمٰنِ الرَّحِيمِ

إِنَّا لِلَّٰهِ وَإِنَّا إِلَيْهِ رَاجِعُونَ

نہایت رنج و الم کے ساتھ اطلاع دی جاتی ہے کہ ہمارے نہایت عزیز اسید مرزا جو ہمارے محترم حضرت مفتی محمد طارق صاحب کے بھتیجے تھے، جرمنی میں پیش آنے والے ایک المناک حادثے کے نتیجے میں اپنے خالقِ حقیقی سے جا ملے۔

ہم سب اللہ رب العزت کے حضور دستِ دعا ہیں کہ وہ مرحوم اسید مرزا کی کامل مغفرت فرمائے، ان کی تمام لغزشوں سے درگزر فرمائے، ان کی قبر کو نور اور راحت سے بھر دے، اور اسے جنت کے باغیچوں میں سے ایک باغیچہ بنا دے، ان کے درجات بلند فرمائے اور انہیں جنت الفردوس میں اعلیٰ مقام عطا فرمائے۔

اللہ تعالیٰ مرحوم کے والدین، اہلِ خانہ، خصوصاً حضرت مفتی محمد طارق صاحب، تمام عزیز و اقارب اور سوگواران کو صبرِ جمیل، اجرِ عظیم اور اپنی خاص رحمت عطا فرمائے۔

ہم تمام احباب سے گزارش کرتے ہیں کہ مرحوم کے لیے دعائے مغفرت، ایصالِ ثواب اور لواحقین کے لیے صبر و استقامت کی خصوصی دعا فرمائیں۔

اللّٰهُمَّ اغْفِرْ لَهُ وَارْحَمْهُ وَعَافِهِ وَاعْفُ عَنْهُ، وَأَدْخِلْهُ الْجَنَّةَ بِغَيْرِ حِسَابٍ. آمین یا رب العالمین۔

10/07/2026

🌹 جامعہ مجیدیہ کو اپنے ہونہار طالبِ علم پر فخر ہے🌹

الحمد للّٰہ!

جامعہ مجیدیہ کے قابل اور محنتی طالبِ علم **محمد عباد ولد محمد عابد نے میٹرک کے امتحانات میں A گریڈ حاصل کرکے جامعہ، اپنے والدین اور اساتذۂ کرام کا سر فخر سے بلند کر دیا۔

اس شاندار کامیابی پر ہم محمد عباد، ان کے والدین اور تمام اساتذۂ کرام کو دلی مبارکباد پیش کرتے ہیں۔ یہ کامیابی محنت، لگن اور اللہ تعالیٰ کے فضل و کرم کا ثمر ہے۔

دعا ہے کہ اللہ تعالیٰ انہیں علمِ نافع، عملِ صالح، اعلیٰ اخلاق اور دین و دنیا میں مزید کامیابیاں عطا فرمائے، انہیں امتِ مسلمہ کے لیے نافع بنائے اور ہر میدان میں سرخرو فرمائے۔

آمین یا رب العالمین۔
جامعہ مجیدیہ
تعلیم، تربیت، تعمیرِ کردار

29/05/2026

السلام علیکم ورحمۃ اللہ وبرکاتہ

جامعہ مجیدیہ ، جامع مسجد علی المرتضیٰ ؓ میں منعقدہ اجتماعی قربانی 2026 میں شرکت کرنے والے تمام معزز حضرات کا انتظامیہ دل کی گہرائیوں سے شکریہ ادا کرتی ہے۔ آپ حضرات نے جس اعتماد، تعاون اور حسنِ ظن کا اظہار فرمایا، وہ ہمارے لیے نہایت باعثِ عزت و سعادت ہے۔ اللہ تعالیٰ آپ سب کی قربانیوں، عبادات، تعاون اور اخلاص کو اپنی بارگاہ میں شرفِ قبول عطا فرمائے اور اسے آپ کے لیے دنیا و آخرت کی بھلائی کا ذریعہ بنائے۔ آمین۔

اجتماعی نوعیت کے کاموں میں بھرپور کوشش کے باوجود بعض اوقات کچھ انتظامی کوتاہیاں یا غیر ارادی غلطیاں رہ جاتی ہیں۔ اگر اس دوران ہماری طرف سے کسی بھی قسم کی کمی، تاخیر یا ناگواری کا سبب بننے والی کوئی بات پیش آئی ہو تو ہم دلی طور پر معذرت خواہ ہیں۔ آپ حضرات کا خلوص، صبر اور خیر خواہی ہمارے لیے قیمتی سرمایہ ہے۔

ہم خصوصی طور پر ان تمام احباب، معاونین، کارکنان اور ذمہ داران کے بھی شکر گزار ہیں جنہوں نے اس اجتماعی خدمت کو بہتر انداز میں مکمل کرنے کے لیے اپنا وقت، محنت اور صلاحیتیں صرف کیں۔

اللہ تعالیٰ جامعہ مجیدیہ ، جامع مسجد علی المرتضیٰ ؓ کو دینِ اسلام کی خدمت کا مؤثر ذریعہ بنائے، تمام معاونین و شرکاء کو جزائے خیر عطا فرمائے اور ہم سب کو آئندہ بھی اخلاص، محبت اور باہمی اعتماد کے ساتھ دینی خدمات انجام دینے کی توفیق عطا فرمائے۔ آمین۔

والسلام
انتظامیہ
جامعہ مجیدیہ ، جامع مسجد علی المرتضیٰ ؓ

28/05/2026

#اپڈیٹ

اونٹ کی قربانی انشاء اللّٰہ آج 2.00 بجے کے بعد کی جائے گی

26/05/2026

ایک فون کال کیجئے
کھال آپکے گھر کے دروازے سے وصول کرلی جائے گی