09/08/2026
6 ماہ سے 3 ماہ تک — قرآن سے محبت کا سفر❤️
ایک باپ، ایک بیٹا اور قرآن کی دو یادگار داستانیں 🤍📖
سندھ کے ضلع مٹیاری کے شہر ہالہ منصورہ کے قرب و جوار میں واقع گاؤں کوڑو ڈارہری سے تعلق رکھنے والے مولانا عبدالجبار لاکھو صاحب نے 2004ء میں قرآنِ کریم حفظ کرنے کا عزم کیا اور صرف 6 ماہ میں مکمل قرآن اپنے سینے میں محفوظ کرلیا۔
برسوں بعد اسی گھر میں قرآن سے محبت کی وہی روایت ایک نئی صورت میں سامنے آئی۔ ان کے صاحبزادے حذیفہ نے 8 اپریل 2026ء کو جامعۃ العلوم الاسلامیہ منصورہ کے شعبۂ حفظ میں داخلہ لیا اور استادِ محترم حافظ محمد عثمان بھٹو کی نگرانی میں حفظِ قرآن کا آغاز کیا۔
اور پھر صرف 90 دن بعد وہ مبارک دن آگیا جب حذیفہ نے 30 پارے مکمل حفظِ قرآن کرلیے۔ ماشاءاللہ! ❤️
والد نے 6 ماہ میں…
بیٹے نے صرف 3 ماہ میں!
حذیفہ کی یہ کامیابی اس لیے بھی قابلِ تحسین ہے کہ وہ اپنی تعلیم کے ساتھ ساتھ گھر کی تمام ذمہ داریوں میں بھی ہاتھ بٹاتا ہے، بلکہ اپنے مویشیوں کو چارہ ڈالنے کی ذمہ داری بھی خود انجام دیتا ہے۔
یعنی قرآن کی تعلیم کے ساتھ محنت، ذمہ داری اور سادگی کا یہ خوبصورت امتزاج اس کامیابی کو مزید قابلِ قدر بنا دیتا ہے۔
ایک باپ نے قرآن کو سینے میں بسایا، اور بیٹے نے اسی نور کو مزید مختصر وقت میں اپنے دل میں محفوظ کرلیا۔
اس عظیم سعادت پر مولوی عبدالجبار صاحب اور ان کے ہونہار صاحبزادے حذیفہ کو دل کی گہرائیوں سے مبارکباد پیش کرتے ہیں۔
ماشاءاللہ، بارک اللہ فیکما!
اللہ تعالیٰ اس خوش نصیب باپ بیٹے کو قرآنِ کریم کا سچا خادم بنائے، حذیفہ کے حفظ کو پختہ فرمائے اور ان کے گھرانے میں قرآن کی یہ روشنی نسل در نسل قائم رکھے۔
آمین یا رب العالمین۔
مدثر احسن منصوری
9 اگست 2026
#مبارکباد
